साल्तेङ दिङगिल्का 24
24
पावलहेङ बारका हाकिम फेलिक्सकोता चुमपुका
1ना दिनान्हुअ्सो बारका धामि हननिया रो यहुदि आगुवागेलाइ तरतुल्लस दोअ्का वकिलहेङ दोसाङ चुमतेङ यरुसलेमसो काइसरियाता थुकालिलोहि। एम्बालाइ पावलको खिलापता बाराहाकिकोता उजुर पाहि। 2पावलहेङ बाराहाकिमको आगाता चुमाकान्हुअ्सो तरतुल्लस वासेहेङ दुस लागाइतेङ एसा दोअ्हि,
“माननिय फेलिक्स, ना आकिल हिका बाराहाकिम हिनाङसिङ केलाइहेङ लाम्फासोङ सान्तिता हिलि पिका हिन्हा। नादोङ केलाइको मुलुकको भाअ्सिङ रेम्का काम पादोङखेना। 3इदोइ नाङको पाका गोताङ कामहेङ केलाइ च्याबास पिन्हाखे। 4का नाङको हेन्जा पहर मार्हुकाङका, कालाउबुङ एलोङ पोतोका बिम्ति हिङपि। 5केलाइको नाल्का इदोइ द्याङ पिरपितेङ हिगिल्का खालको हि। इदोइ द्याङ नासरि दोअ्का हुलको नेता जेङतेङ दुनियाको गोताङ यहुदिगेलाइको माझाता हुल्दाङगा पातेङ हिगिल्दोङखे। 6या थान बुङ आपुनित पालि भोदोङघाहि। इङको दोङ पहर केलाइ यासेहेङ रिमन्हाहि। [केलाइ केलाइको ताइकोङ न्याम आन्सार याको दुस तिम्पालि बिचार पाका हिघान्हाहि। 7कालाउबुङ रोमि पलटनको हाकिम लुसियस लोतेङ बलजफ्ति यासेहेङ केलाइसो घिङतेङ चुमपुहि 8रो केलाइहेङ नाङकोता उजुर पालि दोअ्तेङ हुकुम पिहि।]#२४:८ इदोइ पद आधे पुरना स्रोत बाइबलता मान्थु। ना ताइमिङ यासेहेङ हिअ्न्हा पानु केलाइ यासेहेङ लागाइका दुस यासोङ गोताङ ग्याना।” 9बो यहुदिगेलाइ बुङ इदोइ काथागेलाइ जातिङको दोअ्तेङ दासि पिहि।
पावल फेलिक्सको आगाता काथा ताअ्का
10बाराहाकिम पावलहेङ धुइलि हुकुम पिकान्हुअ्सो पावल एसा दोअ्हि, “ना हेन्जाङ बाअ्सारसो इदोइ मुलुकको निया पाका जेङका हिना। एन्साजेङलाउ नाङको आगाता का ताइको बायान पिलि हाउसितेङ हिघा। 11का यरुसलेमता परमेस्वरको सेवा पालि हानिका तेन्हे दिनाखान्तेङ हेन्जा जेङका मान्थु। इदोइ काथा ना ताइमिङ गिलि द्वाना। 12एबालाइ ना कासेहेङ हिदिङ द्याङदोफा चिय्हासुतेङ हिका दुसुहि, ना थानगेलाइता ना कचहरिसाअ्गेलाइता ना पुरता हिसोङ द्याङगेलाइहेङ उल्काइका तिङका दोङ हि। 13कालाउ एम्बालाइ कासेहेङ दुस लागाइका दासि बुङ पिलि माद्वावा। 14कालाउबुङ इदोइ काथाचाहिँ का दोअ्खा, जेदोङ प्रभुको छुटकारा निङका दामाहेङ एम्बालाइ ढाटाइका दोअ्खे, इङकोङ दामाहेङ पिताइतेङ का केलाइको आजुखालको परमेस्वरहेङ पुजिखा। कालाउबुङ परमेस्वर पाहासो धुइकालाइको लेखिका धरमकिताब रो मोसाको पिका गोताङ न्यामता का खान्धुर पाखा। 15का एम्बालाइभाइपाङ धरमाति रो पापि गोताङ द्याङ सिकान्हुअ्सो आरोङ सिन्हुतावा दोअ्का आस ताअ्खा। 16इदोङभाअ्सिङ द्याङ रो परमेस्वर न्हेमिको आगाता का ताइको मनहेङ चोखो ताअ्लि भोखा।
17“हेन्जाङ बाअ्सारन्हुअ्सो का यहुदि दादाओनेगेलाइको भाअ्सिङ दान रो परमेस्वरहेङ भेटि पिलि यरुसलेम घुरितेङ लोका हिघाखा। 18एबालाइ कासेहेङ थानता दुसुलाउ सुदो जेङका बिधि का पुरा पालिदोपाका हिघाखा। इन्ता कादोफा हेन्जाङ द्याङगेलाइ मान्थुघाहि ना हिदिङ मारेम्का हुल्दाङगा दोङ जेङका हिघाहि।#साल्तेङ दिङगिल्का २१:१७-२८ 19कालाउबुङ एसिया माउजासो लोका आधिमि यहुदिगेलाइ कासेहेङ थानता तिङहि। यदि एम्बालाइको काङको खिलापता हाइदोङ काथा हिनु एम्बालाइ दोङ नाङकोता लोतेङ दुस लागाइलि दोधावा। 20माकुनु यहुदिगेलाइको बाराकचहरिता काङको हाइ दुस निङका हि, इता हिकालाइ दोअ्ताको। 21खालि एलोङ काथाता खिनिङ एम्बालाइ कासेहेङ दुस लागाइलि द्वावा। इङको हाइ दोअ्नु, ‘सिका द्याङ आरोङ सिन्हुतावा दोअ्का काथाता का खान्धुर पानाङसिङ नानि काङको मुदा चलिदोङखे’ दोअ्तेङ का बारका गालापातेङ र्हिकाइका हिघाखा।”#साल्तेङ दिङगिल्का २३:६
22इदोइ प्रभुको दामाको बारेता बाराहाकिम फेलिक्सहेङ रेम्फा था हिघाहि। इदोइभाअ्सिङ वा इदोइ मुदाहेङ इताङ रोकितेङ दोअ्हि, “एला नेलाइको मुदा रोमि पलटनको हाकिम लुसियस लोकान्हुअ्सो खिनिङ फाइसाला पाप्याङका।” 23इदोइ दोअ्तेङ फेलिक्स काप्तानहेङ “पावलहेङ रेम्फा खाङसु, वासेहेङ गोइका थोक पिपाका सानाइतिगेलाइहेङ चाहिँ मारोकेसु रो वासेहेङ हेन्जा काराइ मापासु” दोअ्तेङ हुकुम पिहि।
पावल फेलिक्स रो द्रुसिल्लाको आगाता
24आसा दिनान्हुअ्सो बाराहाकिम फेलिक्स ताइको यहुदि बेअ् द्रुसिल्लाहेङ चुमतेङ लोहि। वा पावलहेङ काइहि रो इसु ख्रिस्टहेङ खान्धुर पाका बारेता वाकोसो हिङहि। 25कालाउबुङ पावल धरम कामगेलाइ पालिगोयाङ, ताइको मनहेङ आधिनता ताअ्लिगोयाङ रो परमेस्वरको निया पाका दिना लोदोङखे दोअ्का काथा हिम्पालाउ फेलिक्स थितेङ दोअ्हि, “जेङहोइ, नानि इदोइझोको ह्याको, एला ना हानिलि द्वाना। माउका निङलाउ नासेहेङ आरोङ कायाङका।” 26फेलिक्स पावलसो टाका काउरि निनाङका बे दोअ्तेङ आस ताअ्का हिघाखे। एन्साङ वा पावलहेङ घुरिघुरि काइतेङ काथा पाघाखे।
27इङकोन्हुअ्सो न्हे बाअ्सारन्हुअ्सो फेलिक्सको थामेता परकिअस फेस्तस बाराहाकिम जेङतेङ लोहि, कालाउ फेलिक्स यहुदिगेलाइहेङ लेङचापापिलि पावलहेङ थुनाताङ ताअ्तेङ हानिहि।
Currently Selected:
साल्तेङ दिङगिल्का 24: DHIM
Highlight
Copy
Compare
Share
Want to have your highlights saved across all your devices? Sign up or sign in
© 2025 by Nepal Bible Society and Wycliffe Bible Translators, Inc.
साल्तेङ दिङगिल्का 24
24
पावलहेङ बारका हाकिम फेलिक्सकोता चुमपुका
1ना दिनान्हुअ्सो बारका धामि हननिया रो यहुदि आगुवागेलाइ तरतुल्लस दोअ्का वकिलहेङ दोसाङ चुमतेङ यरुसलेमसो काइसरियाता थुकालिलोहि। एम्बालाइ पावलको खिलापता बाराहाकिकोता उजुर पाहि। 2पावलहेङ बाराहाकिमको आगाता चुमाकान्हुअ्सो तरतुल्लस वासेहेङ दुस लागाइतेङ एसा दोअ्हि,
“माननिय फेलिक्स, ना आकिल हिका बाराहाकिम हिनाङसिङ केलाइहेङ लाम्फासोङ सान्तिता हिलि पिका हिन्हा। नादोङ केलाइको मुलुकको भाअ्सिङ रेम्का काम पादोङखेना। 3इदोइ नाङको पाका गोताङ कामहेङ केलाइ च्याबास पिन्हाखे। 4का नाङको हेन्जा पहर मार्हुकाङका, कालाउबुङ एलोङ पोतोका बिम्ति हिङपि। 5केलाइको नाल्का इदोइ द्याङ पिरपितेङ हिगिल्का खालको हि। इदोइ द्याङ नासरि दोअ्का हुलको नेता जेङतेङ दुनियाको गोताङ यहुदिगेलाइको माझाता हुल्दाङगा पातेङ हिगिल्दोङखे। 6या थान बुङ आपुनित पालि भोदोङघाहि। इङको दोङ पहर केलाइ यासेहेङ रिमन्हाहि। [केलाइ केलाइको ताइकोङ न्याम आन्सार याको दुस तिम्पालि बिचार पाका हिघान्हाहि। 7कालाउबुङ रोमि पलटनको हाकिम लुसियस लोतेङ बलजफ्ति यासेहेङ केलाइसो घिङतेङ चुमपुहि 8रो केलाइहेङ नाङकोता उजुर पालि दोअ्तेङ हुकुम पिहि।]#२४:८ इदोइ पद आधे पुरना स्रोत बाइबलता मान्थु। ना ताइमिङ यासेहेङ हिअ्न्हा पानु केलाइ यासेहेङ लागाइका दुस यासोङ गोताङ ग्याना।” 9बो यहुदिगेलाइ बुङ इदोइ काथागेलाइ जातिङको दोअ्तेङ दासि पिहि।
पावल फेलिक्सको आगाता काथा ताअ्का
10बाराहाकिम पावलहेङ धुइलि हुकुम पिकान्हुअ्सो पावल एसा दोअ्हि, “ना हेन्जाङ बाअ्सारसो इदोइ मुलुकको निया पाका जेङका हिना। एन्साजेङलाउ नाङको आगाता का ताइको बायान पिलि हाउसितेङ हिघा। 11का यरुसलेमता परमेस्वरको सेवा पालि हानिका तेन्हे दिनाखान्तेङ हेन्जा जेङका मान्थु। इदोइ काथा ना ताइमिङ गिलि द्वाना। 12एबालाइ ना कासेहेङ हिदिङ द्याङदोफा चिय्हासुतेङ हिका दुसुहि, ना थानगेलाइता ना कचहरिसाअ्गेलाइता ना पुरता हिसोङ द्याङगेलाइहेङ उल्काइका तिङका दोङ हि। 13कालाउ एम्बालाइ कासेहेङ दुस लागाइका दासि बुङ पिलि माद्वावा। 14कालाउबुङ इदोइ काथाचाहिँ का दोअ्खा, जेदोङ प्रभुको छुटकारा निङका दामाहेङ एम्बालाइ ढाटाइका दोअ्खे, इङकोङ दामाहेङ पिताइतेङ का केलाइको आजुखालको परमेस्वरहेङ पुजिखा। कालाउबुङ परमेस्वर पाहासो धुइकालाइको लेखिका धरमकिताब रो मोसाको पिका गोताङ न्यामता का खान्धुर पाखा। 15का एम्बालाइभाइपाङ धरमाति रो पापि गोताङ द्याङ सिकान्हुअ्सो आरोङ सिन्हुतावा दोअ्का आस ताअ्खा। 16इदोङभाअ्सिङ द्याङ रो परमेस्वर न्हेमिको आगाता का ताइको मनहेङ चोखो ताअ्लि भोखा।
17“हेन्जाङ बाअ्सारन्हुअ्सो का यहुदि दादाओनेगेलाइको भाअ्सिङ दान रो परमेस्वरहेङ भेटि पिलि यरुसलेम घुरितेङ लोका हिघाखा। 18एबालाइ कासेहेङ थानता दुसुलाउ सुदो जेङका बिधि का पुरा पालिदोपाका हिघाखा। इन्ता कादोफा हेन्जाङ द्याङगेलाइ मान्थुघाहि ना हिदिङ मारेम्का हुल्दाङगा दोङ जेङका हिघाहि।#साल्तेङ दिङगिल्का २१:१७-२८ 19कालाउबुङ एसिया माउजासो लोका आधिमि यहुदिगेलाइ कासेहेङ थानता तिङहि। यदि एम्बालाइको काङको खिलापता हाइदोङ काथा हिनु एम्बालाइ दोङ नाङकोता लोतेङ दुस लागाइलि दोधावा। 20माकुनु यहुदिगेलाइको बाराकचहरिता काङको हाइ दुस निङका हि, इता हिकालाइ दोअ्ताको। 21खालि एलोङ काथाता खिनिङ एम्बालाइ कासेहेङ दुस लागाइलि द्वावा। इङको हाइ दोअ्नु, ‘सिका द्याङ आरोङ सिन्हुतावा दोअ्का काथाता का खान्धुर पानाङसिङ नानि काङको मुदा चलिदोङखे’ दोअ्तेङ का बारका गालापातेङ र्हिकाइका हिघाखा।”#साल्तेङ दिङगिल्का २३:६
22इदोइ प्रभुको दामाको बारेता बाराहाकिम फेलिक्सहेङ रेम्फा था हिघाहि। इदोइभाअ्सिङ वा इदोइ मुदाहेङ इताङ रोकितेङ दोअ्हि, “एला नेलाइको मुदा रोमि पलटनको हाकिम लुसियस लोकान्हुअ्सो खिनिङ फाइसाला पाप्याङका।” 23इदोइ दोअ्तेङ फेलिक्स काप्तानहेङ “पावलहेङ रेम्फा खाङसु, वासेहेङ गोइका थोक पिपाका सानाइतिगेलाइहेङ चाहिँ मारोकेसु रो वासेहेङ हेन्जा काराइ मापासु” दोअ्तेङ हुकुम पिहि।
पावल फेलिक्स रो द्रुसिल्लाको आगाता
24आसा दिनान्हुअ्सो बाराहाकिम फेलिक्स ताइको यहुदि बेअ् द्रुसिल्लाहेङ चुमतेङ लोहि। वा पावलहेङ काइहि रो इसु ख्रिस्टहेङ खान्धुर पाका बारेता वाकोसो हिङहि। 25कालाउबुङ पावल धरम कामगेलाइ पालिगोयाङ, ताइको मनहेङ आधिनता ताअ्लिगोयाङ रो परमेस्वरको निया पाका दिना लोदोङखे दोअ्का काथा हिम्पालाउ फेलिक्स थितेङ दोअ्हि, “जेङहोइ, नानि इदोइझोको ह्याको, एला ना हानिलि द्वाना। माउका निङलाउ नासेहेङ आरोङ कायाङका।” 26फेलिक्स पावलसो टाका काउरि निनाङका बे दोअ्तेङ आस ताअ्का हिघाखे। एन्साङ वा पावलहेङ घुरिघुरि काइतेङ काथा पाघाखे।
27इङकोन्हुअ्सो न्हे बाअ्सारन्हुअ्सो फेलिक्सको थामेता परकिअस फेस्तस बाराहाकिम जेङतेङ लोहि, कालाउ फेलिक्स यहुदिगेलाइहेङ लेङचापापिलि पावलहेङ थुनाताङ ताअ्तेङ हानिहि।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025 by Nepal Bible Society and Wycliffe Bible Translators, Inc.