साल्तेङ दिङगिल्का 13
13
बारनाबास रो साउल साल्तेङ दिङगिल्का
1एन्टिओखियाको मन्डलिता परमेस्वर पाहासो धुइकालाइ रो धिरपाकालाइता बारनाबास, दा:का दोअ्का सिमियोन, कुरेनिको लुकियस, प्रान्तिय राजा हेरोददोफाङ बाराका मनेन रो साउल हिघाखे। 2एम्बालाइ प्रभुको पारथाना पातेङहिका रो म्हितुपाङ हिका पहरता पुनित हाङसा दोअ्हि, “काङको भाअ्सिङ बारनाबास रो साउलहेङ इङको कामको भाअ्सिङ साल्सु, जेदोङ कामको भाअ्सिङ का नेलाइहेङ काइका हिघा।” 3कालाउ म्हितुपाङ रो पारथाना पातेङ एम्बालाइ बारनाबास रो साउलर्हुता खुर ताअ्तेङ एम्बालाइहेङ प्रभुको कामता दिङगिल्हि।
बारनाबास रो साउल साइप्रसता
4कालाउ पुनित हाङसासो दिङगिल्का बारनाबास रो साउल सिलुकिया हानिहि रो इन्तासो चिजाहाजता धोल्तेङ साइप्रसभारि हानिहि। 5सलामिस पुरता थुकालिलोकान्हुअ्सो एम्बालाइ यहुदिगेलाइको कचहरिसाअ्गेलाइता परमेस्वरको रेम्काबानाल पारचार पाहि। एम्बालाइहेङ साघाइलि मरकुस दोअ्का युहन्ना एम्बालाइदोफा हिघाखे।
6जेलाउ एम्बालाइ गोताङ साइप्रस टापुभारि घुराइतेङ पाफोसथिकापा थुकालिलोहि। कालाउ इन्ता एम्बालाइ एअ्मि ढाटाइका परमेस्वर पाहासो धुइका बारइसु दोअ्का यहुदि जादु तिङपाकाहेङ दुसुहि। 7इङको चटके एलोङ प्रान्तको बाराहाकिम सरगियस पाउलुसदोफा हिघाहि। सरगियस पाउलुस आकिल हिका द्याङ हिघाखे। वा साउल रो बारनाबासहेङ काइतेङ परमेस्वरको बचन हिङलि इछा पाहि। 8कालाउबुङ बारइसु (ग्रिक राउता याको माने एलिमस जेङखे) जादु तिङपाका सरगियस पाउलसहेङ खान्धुरसो घुरिपालि भोतेङ एम्बालाइदोफा बाधा पिलि तेङहि। 9कालाउबुङ साउल (जाइहेङ पावल बुङ दोअ्खे) पुनित हाङसासो पोङघान्हातेङ एलुमासहेङ खाङका खाङकाङ पाहि 10रो दोअ्हि, “ना साइतानको चान, गोताङ धरमको दुस्मन, दुरजन चालसो पोङघाका! हाइ ना प्रभुको सोझा दामा केउपालि मालाअ्ताना? 11एला खाङ, प्रभुको खुर नार्हुता परेका हि। ना एला आधे पहरथिकापा सानेको फाइसालाम्का मातिङका जेङतेङ कान्हा जेनाना।” कालाउ ओदोङघरि कुकुह्वा रो कितिकितिकाहोइ इङकोहेङ थुम्हि। कालाउ हासुङ इङकोको खुर चा:तेङ थोनावा बे दोअ्तेङ इङको इसोउसो हानिलि तेङहि। 12कालाउ प्रान्तको बाराहाकिम सरगियस पाउलुस इदोइ जेङका तिङतेङ प्रभुको बिद्याता भारभुसाइहि कालाउ वा प्रभुता खान्धुर पाहि।
पिसिदियाको एन्टिओखियाता
13पावल रो वाको सानाइतिगेलाइ पाफोससो चिजाहाज धोल्तेङ पामफिलियाको परगाता थुकाहि। इन्तासो मरकुस दोअ्का युहन्ना पावल रो बारनाबाससो खेङन्हातेङ यरुसलेम घुरिहि। 14कालाउबुङ पावल रो बारनाबास परगासो ओल्हितेङ पिसिदियाको एन्टिओखियाता लोहि रो माइसाका दिनाता#१३:१४ माइसाका दिनाता यहुदिगेलाइको माइसाका दिनाता कचहरिसाअ्ता हानितेङ हि। 15एला न्याम रो परमेस्वर पाहासो धुइकाको किताबको पाठ पर्हिकान्हुअ्सो कचहरिसाअ्को आगुवागेलाइ पावल रो बारनाबासकोता एसा दोअ्तेङ दिङगिल्हि, “ओइ ओनेगेलाइ, नेलाइदोसा द्याङगेलाइको भाअ्सिङ आरतिको बचन आधे हिनु दोअ्सु।”
16कालाउ जाअ्तेङ पावल खुरको टिप्नि पातेङ दोअ्हि, “इस्राएलि दादाओनेगेलाइ रो परमेस्वरहेङ मानपाकालाइ हिङसु, 17इस्राएलि जात्याको परमेस्वर केलाइको आजुखालगेलाइहेङ साल्हि रो मिस्र मुलुकता हिलाउ एम्बालाइहेङ मिङचलेका जात्या बान्हाइहि। वाको सरबङ तिम्पातेङ परमेस्वर एम्बालाइहेङ मिस्र मुलुकसो ओल्हिपातेङ चुमाहि।#दामालाअ्का १:१७; १२:५१ 18एम्बालाइ उदादाङका थामेता हिलाउ परमेस्वर न्हेकुरि बाअ्सारथिकापा एम्बालाइहेङ ख्याल पाहि।#गान्देका १४:३४; न्याम १:३१ 19वा कनान पुरको न्हिअ्लोङ जात्याहेङ मुअ्पाहि रो द्यासाइ न्हेकुरिते बाअ्सारथिकापा इङको मुलुक केलाइको आजुखालगेलाइहेङ पिहि।#न्याम ७:१; यहोसु १४:१ 20इदोइ काथान्हुअ्सो सामुएल परमेस्वर पाहासो धुइकाको पालाथिकापा वा नियापाकालाइहेङ पिहि।#नियापाका २:१६; १ सामुएल ३:२० 21इङकोन्हुअ्सो केलाइको खालगेलाइ राजा र्हेहि रो परमेस्वर ओबालाइहेङ बेन्यामिन खालको किसको चान साउलहेङ राजा बान्हाइहि। साउल न्हेकुरि बाअ्सारथिकापा राज पाहि।#१ सामुएल ८:५; १०:२१ 22परमेस्वर साउलहेङ गादिसो लाअ्पातेङ दाउदहेङ राजा जेङलि जाअ्पाहि। वाको बारेता परमेस्वर दासि पितेङ एसा दोअ्हि, ‘का इसाइको चान दाउदहेङ काङको दोअ्का भाइपाङ मनचाका द्याङ निङघा, जाइ काङको गोताङ इछा पोङघापावा।’#१ सामुएल १३:१४; १६:१२; ले ८९:२०
23“इदोङ द्याङको न्हुअ् खालसो ताइमिको पाका केरा पोङघापातेङ परमेस्वर इस्राएलिगेलाइको भाअ्सिङ एअ्मि छुटकारा पिका इसुहेङ चुमाहि। 24इसु लोकाखान्तेङ लाम्फा चिभुअ्लि पिका युहन्ना लोहि। वा इस्राएलको गोताङ द्याङहेङ पास्ताइको चिभुअ्काको पारचार पाका हिघाहि।#मरकुस १:४; लुका ३:३ 25युहन्ना ताइको काम दोपालि तोम्लाउ दोअ्का हिघाखे, ‘नेलाइ हाइ दोअ्सुखेना, का हासु? का वा माको। कालाउबुङ कान्हुअ्सो एअ्मि ल्वावा, जाइको खोकोइको जुताथिकापा बुङ होअ्का लाएकको का मान्थुघा।’#युहन्ना १:२०,२७; मत्ति ३:११; लुका ३:१६
26“ओइ आब्राहामको खालको सान्तान रो नेलाइता परमेस्वरदोफा थिका ओइ ओनेगेलाइ, केलाइकोता दोङ इदोइ छुटकाराको बानाल पिगिल्का हि। 27हाइदोनु यरुसलेमता हिका रो एम्बालाइको हाकिमगेलाइ वासेहेङ नाल्लि मादोहि। परमेस्वर पाहासो धुइकालाइको बचनगेलाइ जेलाउ बुङ माइसाका दिना पर्हिलाउ बुङ मागितेङ वासेहेङ सेअ्लि लागाइतेङ इङको बचन पोङघापाहि। 28सेअ्लि गोइका हिदिङ दुस मानिङलाउ बुङ एम्बालाइ इसुहेङ सेअ्लि गोयाङ दोअ्तेङ बाराहाकिम पिलातसदोफा बिम्ति पाहि।#मत्ति २७:२२-२३; मरकुस १५:१३-१४; लुका २३:२१-२३; युहन्ना १९:१५
29“एसापा वाको बारेता लेखिका गोताङ काथा एम्बालाइ पोङघा पाकान्हुअ्सो वासेहेङ क्रुससो खुअ्पातेङ तोमता ताअ्हि।#मत्ति २७:५७-६१; मरकुस १५:४२-४७; लुका २३:५०-५६; युहन्ना १९:३८-४२ 30कालाउबुङ परमेस्वर इसुहेङ सिकासो सिन्हुपाहि। 31गालिलसो वाकोदोफाङ यरुसलेमता लोकालाइकोता वा हेन्जा दिनाथिकापा देखाल पिहि रो एम्बालाइचाहिँ एला इस्राएलको द्याङगेलाइता दासि जेङका हि।#साल्तेङ दिङगिल्का १:३
32“एला परमेस्वर आजुखालहेङ पाका इङको केराको रेम्काबानाल केलाइ नेलाइकोता लोका हिन्हाहि। 33हाइपानु परमेस्वर इसुहेङ सिकासो सिन्हुपातेङ इङको काथा केलाइ, एम्बालाइको खालको भाअ्सिङ पोङघापापिहि। इस्का लेकिताबको न्हे आध्याएता बुङ इस्का लेखिका हि:
‘नानिसो ना काङको चान जेङन्हा
रो का नाङको आबा जेङघा।’#ले २:७
34“वा ख्रिस्टहेङ हेअ्लाउ माआइसिङ सिकासो सिन्हुपाका बारेता चाहिँ एसा दोअ्का हि:
‘का नेलाइहेङ दाउदहेङ पिका पुनित रो जातिङको सहसाम्पा प्याङका।’#यासाइया ५५:३
35“आरोङ लेकिताबको भेनेङ थामेता दाउद एसा दोअ्खे:
‘ना ताइको पुनित जनको जिउ आइलि माप्याना।’#ले १६:१०
36“हाइपानु दाउदको ताइकोङ खालता परमेस्वरको सेवा पातेङ सिकान्हुअ्सो वाको आजुखालदोफा लिअ्न्हाहि रो वाको जिउ आइतेङ हानिहि। 37कालाउबुङ जाइहेङ परमेस्वर सिकासो सिन्हुपाहि वाको जिउचाहिँ माआइहि।
38“इदोइभाअ्सिङ दादाओनेगेलाइ, नेलाइ गिसु, इदोइदोङ इसुसो पाप माफ ज्याङ दोअ्तेङ केलाइ नेलाइहेङ दोअ्लि भोन्हाखे। 39नेलाइ खान्धुर पाकालाइ झाराङ वासोङ दोङ गोताङ काथागेलाइसो लाअ्पाका हिसुन्हा, जेदोङ लाअ्पाका मोसाको न्याम#१३:३९ न्याम इदोइ न्याम परमेस्वर मोसासो यहुदिगेलाइहेङ पिका हिघाहि।सो नेलाइको भाअ्सिङ जेङलि मादोधाङ। 40इदोइभाअ्सिङ होस पातेङ हिसु रो माकुनुते परमेस्वर पाहासो धुइकालाइको दोअ्का इदोइ काथा नेलाइर्हुता लोलिद्वावा:
41‘ओइ गिल्ला पाकालाइ, खाङसु रो भारभुसाइसु,
कालाउ मुअ्तेङ हानिसु!
हाइपानु नेलाइको पहरता का एलोङ काम पाङका,
इस्का काम जाइको बारेता हासुङ बाखिन पापिलाउ बुङ
नेलाइ हेअ्लाउ खान्धुर मापास्वाना।’”#हबकुक १:५
42पावल रो बारनाबास कचहरिसाअ्सो ओल्हितेङ हानिलि तोम्लाउ लोका माइसाका दिनाता बुङ इदोइ काथा हिम्पापिसु दोअ्तेङ द्याङगेलाइ एम्बालाइहेङ बिम्ति पाहि। 43कचहरि दोकान्हुअ्सो हेन्जा यहुदिगेलाइ रो यहुदि धरम मानिकालाइ पावल रो बारनाबासहेङ पिताइहि। एम्बालाइ ओबालाइदोफा धुइतेङ ओबालाइहेङ परमेस्वरको निगाहाता हितेङहिलि दोअ्तेङ बिम्ति पाहि।
44भेनेङ माइसाका दिना पुरको द्याङगेलाइ परमेस्वरको बचन हिङलि उल्टितेङ लोहि। 45हेन्जा द्याङगेलाइ जोम्का तिङतेङ यहुदिगेलाइ चेरताम्पाहि रो पावलको दोअ्का काथा पोपितेङ वाको बादानामि पाहि।
46कालाउबुङ पावल रो बारनाबास माथिसिङ दोअ्हि, “परमेस्वरको बचन झाराङखान्तेङ लाम्फा नेलाइहेङ दोङ हिम्पालि गोइका हिघाहि। नेलाइ इदोइ हिङलि माकिअ्तेङ ताइमिहेङ हेअ्लाउ मामुअ्का जिबन निङलि लाएक मान्थुन्हाहि दोअ्तेङ तिङपाहि। इदोइभाअ्सिङ केलाइ एला बोजात्यागेलाइकोता हानाङ। 47हाइपानु परमेस्वर केलाइहेङ इस्का हुकुम पिका हि:
‘सुमिङको झाराङ द्याङगेलाइ छुटकारा निनाको दोअ्तेङ
का नेलाइहेङ बोजात्यागेलाइको भाअ्सिङ फाइसालाम्का जेङलि साल्का हिघा।’#यासाइया ४२:६; ४९:६”
48जेलाउ बोजात्यागेलाइ इदोइ बचन हिङहि, एम्बालाइ लेङचातेङ परमेस्वरहेङ बाखिन्हि रो हेअ्लाउ मामुअ्का जिबनको भाअ्सिङ साल्कालाइ झोको खान्धुर पाहि।
49परमेस्वरको बचन गोताङ माउजाभारि बिअ्न्हाहि। 50कालाउबुङ पावल रो बारनाबासको खिलाप यहुदिगेलाइ परमेस्वरहेङ मानिका, मिङचलेका बेबालाइ रो पुरको मुलमुल द्याङगेलाइहेङ उल्काइतेङ ओबालाइहेङ ताइको साधसिमानासो बाहार गिल्गिल्हि। 51कालाउबुङ ओबालाइचाहिँ ताइको खोकोइको धुला एम्बालाइको खिलाप थितेङ आइकोनियनता लोहि।#मत्ति १०:१४; मरकुस ६:११; लुका ९:१०; १०:११ 52चात्यागेलाइ लेङचातेङ पुनित हाङसाहोइ पोङघान्हाहि।
Currently Selected:
साल्तेङ दिङगिल्का 13: DHIM
Highlight
Copy
Compare
Share
Want to have your highlights saved across all your devices? Sign up or sign in
© 2025 by Nepal Bible Society and Wycliffe Bible Translators, Inc.
साल्तेङ दिङगिल्का 13
13
बारनाबास रो साउल साल्तेङ दिङगिल्का
1एन्टिओखियाको मन्डलिता परमेस्वर पाहासो धुइकालाइ रो धिरपाकालाइता बारनाबास, दा:का दोअ्का सिमियोन, कुरेनिको लुकियस, प्रान्तिय राजा हेरोददोफाङ बाराका मनेन रो साउल हिघाखे। 2एम्बालाइ प्रभुको पारथाना पातेङहिका रो म्हितुपाङ हिका पहरता पुनित हाङसा दोअ्हि, “काङको भाअ्सिङ बारनाबास रो साउलहेङ इङको कामको भाअ्सिङ साल्सु, जेदोङ कामको भाअ्सिङ का नेलाइहेङ काइका हिघा।” 3कालाउ म्हितुपाङ रो पारथाना पातेङ एम्बालाइ बारनाबास रो साउलर्हुता खुर ताअ्तेङ एम्बालाइहेङ प्रभुको कामता दिङगिल्हि।
बारनाबास रो साउल साइप्रसता
4कालाउ पुनित हाङसासो दिङगिल्का बारनाबास रो साउल सिलुकिया हानिहि रो इन्तासो चिजाहाजता धोल्तेङ साइप्रसभारि हानिहि। 5सलामिस पुरता थुकालिलोकान्हुअ्सो एम्बालाइ यहुदिगेलाइको कचहरिसाअ्गेलाइता परमेस्वरको रेम्काबानाल पारचार पाहि। एम्बालाइहेङ साघाइलि मरकुस दोअ्का युहन्ना एम्बालाइदोफा हिघाखे।
6जेलाउ एम्बालाइ गोताङ साइप्रस टापुभारि घुराइतेङ पाफोसथिकापा थुकालिलोहि। कालाउ इन्ता एम्बालाइ एअ्मि ढाटाइका परमेस्वर पाहासो धुइका बारइसु दोअ्का यहुदि जादु तिङपाकाहेङ दुसुहि। 7इङको चटके एलोङ प्रान्तको बाराहाकिम सरगियस पाउलुसदोफा हिघाहि। सरगियस पाउलुस आकिल हिका द्याङ हिघाखे। वा साउल रो बारनाबासहेङ काइतेङ परमेस्वरको बचन हिङलि इछा पाहि। 8कालाउबुङ बारइसु (ग्रिक राउता याको माने एलिमस जेङखे) जादु तिङपाका सरगियस पाउलसहेङ खान्धुरसो घुरिपालि भोतेङ एम्बालाइदोफा बाधा पिलि तेङहि। 9कालाउबुङ साउल (जाइहेङ पावल बुङ दोअ्खे) पुनित हाङसासो पोङघान्हातेङ एलुमासहेङ खाङका खाङकाङ पाहि 10रो दोअ्हि, “ना साइतानको चान, गोताङ धरमको दुस्मन, दुरजन चालसो पोङघाका! हाइ ना प्रभुको सोझा दामा केउपालि मालाअ्ताना? 11एला खाङ, प्रभुको खुर नार्हुता परेका हि। ना एला आधे पहरथिकापा सानेको फाइसालाम्का मातिङका जेङतेङ कान्हा जेनाना।” कालाउ ओदोङघरि कुकुह्वा रो कितिकितिकाहोइ इङकोहेङ थुम्हि। कालाउ हासुङ इङकोको खुर चा:तेङ थोनावा बे दोअ्तेङ इङको इसोउसो हानिलि तेङहि। 12कालाउ प्रान्तको बाराहाकिम सरगियस पाउलुस इदोइ जेङका तिङतेङ प्रभुको बिद्याता भारभुसाइहि कालाउ वा प्रभुता खान्धुर पाहि।
पिसिदियाको एन्टिओखियाता
13पावल रो वाको सानाइतिगेलाइ पाफोससो चिजाहाज धोल्तेङ पामफिलियाको परगाता थुकाहि। इन्तासो मरकुस दोअ्का युहन्ना पावल रो बारनाबाससो खेङन्हातेङ यरुसलेम घुरिहि। 14कालाउबुङ पावल रो बारनाबास परगासो ओल्हितेङ पिसिदियाको एन्टिओखियाता लोहि रो माइसाका दिनाता#१३:१४ माइसाका दिनाता यहुदिगेलाइको माइसाका दिनाता कचहरिसाअ्ता हानितेङ हि। 15एला न्याम रो परमेस्वर पाहासो धुइकाको किताबको पाठ पर्हिकान्हुअ्सो कचहरिसाअ्को आगुवागेलाइ पावल रो बारनाबासकोता एसा दोअ्तेङ दिङगिल्हि, “ओइ ओनेगेलाइ, नेलाइदोसा द्याङगेलाइको भाअ्सिङ आरतिको बचन आधे हिनु दोअ्सु।”
16कालाउ जाअ्तेङ पावल खुरको टिप्नि पातेङ दोअ्हि, “इस्राएलि दादाओनेगेलाइ रो परमेस्वरहेङ मानपाकालाइ हिङसु, 17इस्राएलि जात्याको परमेस्वर केलाइको आजुखालगेलाइहेङ साल्हि रो मिस्र मुलुकता हिलाउ एम्बालाइहेङ मिङचलेका जात्या बान्हाइहि। वाको सरबङ तिम्पातेङ परमेस्वर एम्बालाइहेङ मिस्र मुलुकसो ओल्हिपातेङ चुमाहि।#दामालाअ्का १:१७; १२:५१ 18एम्बालाइ उदादाङका थामेता हिलाउ परमेस्वर न्हेकुरि बाअ्सारथिकापा एम्बालाइहेङ ख्याल पाहि।#गान्देका १४:३४; न्याम १:३१ 19वा कनान पुरको न्हिअ्लोङ जात्याहेङ मुअ्पाहि रो द्यासाइ न्हेकुरिते बाअ्सारथिकापा इङको मुलुक केलाइको आजुखालगेलाइहेङ पिहि।#न्याम ७:१; यहोसु १४:१ 20इदोइ काथान्हुअ्सो सामुएल परमेस्वर पाहासो धुइकाको पालाथिकापा वा नियापाकालाइहेङ पिहि।#नियापाका २:१६; १ सामुएल ३:२० 21इङकोन्हुअ्सो केलाइको खालगेलाइ राजा र्हेहि रो परमेस्वर ओबालाइहेङ बेन्यामिन खालको किसको चान साउलहेङ राजा बान्हाइहि। साउल न्हेकुरि बाअ्सारथिकापा राज पाहि।#१ सामुएल ८:५; १०:२१ 22परमेस्वर साउलहेङ गादिसो लाअ्पातेङ दाउदहेङ राजा जेङलि जाअ्पाहि। वाको बारेता परमेस्वर दासि पितेङ एसा दोअ्हि, ‘का इसाइको चान दाउदहेङ काङको दोअ्का भाइपाङ मनचाका द्याङ निङघा, जाइ काङको गोताङ इछा पोङघापावा।’#१ सामुएल १३:१४; १६:१२; ले ८९:२०
23“इदोङ द्याङको न्हुअ् खालसो ताइमिको पाका केरा पोङघापातेङ परमेस्वर इस्राएलिगेलाइको भाअ्सिङ एअ्मि छुटकारा पिका इसुहेङ चुमाहि। 24इसु लोकाखान्तेङ लाम्फा चिभुअ्लि पिका युहन्ना लोहि। वा इस्राएलको गोताङ द्याङहेङ पास्ताइको चिभुअ्काको पारचार पाका हिघाहि।#मरकुस १:४; लुका ३:३ 25युहन्ना ताइको काम दोपालि तोम्लाउ दोअ्का हिघाखे, ‘नेलाइ हाइ दोअ्सुखेना, का हासु? का वा माको। कालाउबुङ कान्हुअ्सो एअ्मि ल्वावा, जाइको खोकोइको जुताथिकापा बुङ होअ्का लाएकको का मान्थुघा।’#युहन्ना १:२०,२७; मत्ति ३:११; लुका ३:१६
26“ओइ आब्राहामको खालको सान्तान रो नेलाइता परमेस्वरदोफा थिका ओइ ओनेगेलाइ, केलाइकोता दोङ इदोइ छुटकाराको बानाल पिगिल्का हि। 27हाइदोनु यरुसलेमता हिका रो एम्बालाइको हाकिमगेलाइ वासेहेङ नाल्लि मादोहि। परमेस्वर पाहासो धुइकालाइको बचनगेलाइ जेलाउ बुङ माइसाका दिना पर्हिलाउ बुङ मागितेङ वासेहेङ सेअ्लि लागाइतेङ इङको बचन पोङघापाहि। 28सेअ्लि गोइका हिदिङ दुस मानिङलाउ बुङ एम्बालाइ इसुहेङ सेअ्लि गोयाङ दोअ्तेङ बाराहाकिम पिलातसदोफा बिम्ति पाहि।#मत्ति २७:२२-२३; मरकुस १५:१३-१४; लुका २३:२१-२३; युहन्ना १९:१५
29“एसापा वाको बारेता लेखिका गोताङ काथा एम्बालाइ पोङघा पाकान्हुअ्सो वासेहेङ क्रुससो खुअ्पातेङ तोमता ताअ्हि।#मत्ति २७:५७-६१; मरकुस १५:४२-४७; लुका २३:५०-५६; युहन्ना १९:३८-४२ 30कालाउबुङ परमेस्वर इसुहेङ सिकासो सिन्हुपाहि। 31गालिलसो वाकोदोफाङ यरुसलेमता लोकालाइकोता वा हेन्जा दिनाथिकापा देखाल पिहि रो एम्बालाइचाहिँ एला इस्राएलको द्याङगेलाइता दासि जेङका हि।#साल्तेङ दिङगिल्का १:३
32“एला परमेस्वर आजुखालहेङ पाका इङको केराको रेम्काबानाल केलाइ नेलाइकोता लोका हिन्हाहि। 33हाइपानु परमेस्वर इसुहेङ सिकासो सिन्हुपातेङ इङको काथा केलाइ, एम्बालाइको खालको भाअ्सिङ पोङघापापिहि। इस्का लेकिताबको न्हे आध्याएता बुङ इस्का लेखिका हि:
‘नानिसो ना काङको चान जेङन्हा
रो का नाङको आबा जेङघा।’#ले २:७
34“वा ख्रिस्टहेङ हेअ्लाउ माआइसिङ सिकासो सिन्हुपाका बारेता चाहिँ एसा दोअ्का हि:
‘का नेलाइहेङ दाउदहेङ पिका पुनित रो जातिङको सहसाम्पा प्याङका।’#यासाइया ५५:३
35“आरोङ लेकिताबको भेनेङ थामेता दाउद एसा दोअ्खे:
‘ना ताइको पुनित जनको जिउ आइलि माप्याना।’#ले १६:१०
36“हाइपानु दाउदको ताइकोङ खालता परमेस्वरको सेवा पातेङ सिकान्हुअ्सो वाको आजुखालदोफा लिअ्न्हाहि रो वाको जिउ आइतेङ हानिहि। 37कालाउबुङ जाइहेङ परमेस्वर सिकासो सिन्हुपाहि वाको जिउचाहिँ माआइहि।
38“इदोइभाअ्सिङ दादाओनेगेलाइ, नेलाइ गिसु, इदोइदोङ इसुसो पाप माफ ज्याङ दोअ्तेङ केलाइ नेलाइहेङ दोअ्लि भोन्हाखे। 39नेलाइ खान्धुर पाकालाइ झाराङ वासोङ दोङ गोताङ काथागेलाइसो लाअ्पाका हिसुन्हा, जेदोङ लाअ्पाका मोसाको न्याम#१३:३९ न्याम इदोइ न्याम परमेस्वर मोसासो यहुदिगेलाइहेङ पिका हिघाहि।सो नेलाइको भाअ्सिङ जेङलि मादोधाङ। 40इदोइभाअ्सिङ होस पातेङ हिसु रो माकुनुते परमेस्वर पाहासो धुइकालाइको दोअ्का इदोइ काथा नेलाइर्हुता लोलिद्वावा:
41‘ओइ गिल्ला पाकालाइ, खाङसु रो भारभुसाइसु,
कालाउ मुअ्तेङ हानिसु!
हाइपानु नेलाइको पहरता का एलोङ काम पाङका,
इस्का काम जाइको बारेता हासुङ बाखिन पापिलाउ बुङ
नेलाइ हेअ्लाउ खान्धुर मापास्वाना।’”#हबकुक १:५
42पावल रो बारनाबास कचहरिसाअ्सो ओल्हितेङ हानिलि तोम्लाउ लोका माइसाका दिनाता बुङ इदोइ काथा हिम्पापिसु दोअ्तेङ द्याङगेलाइ एम्बालाइहेङ बिम्ति पाहि। 43कचहरि दोकान्हुअ्सो हेन्जा यहुदिगेलाइ रो यहुदि धरम मानिकालाइ पावल रो बारनाबासहेङ पिताइहि। एम्बालाइ ओबालाइदोफा धुइतेङ ओबालाइहेङ परमेस्वरको निगाहाता हितेङहिलि दोअ्तेङ बिम्ति पाहि।
44भेनेङ माइसाका दिना पुरको द्याङगेलाइ परमेस्वरको बचन हिङलि उल्टितेङ लोहि। 45हेन्जा द्याङगेलाइ जोम्का तिङतेङ यहुदिगेलाइ चेरताम्पाहि रो पावलको दोअ्का काथा पोपितेङ वाको बादानामि पाहि।
46कालाउबुङ पावल रो बारनाबास माथिसिङ दोअ्हि, “परमेस्वरको बचन झाराङखान्तेङ लाम्फा नेलाइहेङ दोङ हिम्पालि गोइका हिघाहि। नेलाइ इदोइ हिङलि माकिअ्तेङ ताइमिहेङ हेअ्लाउ मामुअ्का जिबन निङलि लाएक मान्थुन्हाहि दोअ्तेङ तिङपाहि। इदोइभाअ्सिङ केलाइ एला बोजात्यागेलाइकोता हानाङ। 47हाइपानु परमेस्वर केलाइहेङ इस्का हुकुम पिका हि:
‘सुमिङको झाराङ द्याङगेलाइ छुटकारा निनाको दोअ्तेङ
का नेलाइहेङ बोजात्यागेलाइको भाअ्सिङ फाइसालाम्का जेङलि साल्का हिघा।’#यासाइया ४२:६; ४९:६”
48जेलाउ बोजात्यागेलाइ इदोइ बचन हिङहि, एम्बालाइ लेङचातेङ परमेस्वरहेङ बाखिन्हि रो हेअ्लाउ मामुअ्का जिबनको भाअ्सिङ साल्कालाइ झोको खान्धुर पाहि।
49परमेस्वरको बचन गोताङ माउजाभारि बिअ्न्हाहि। 50कालाउबुङ पावल रो बारनाबासको खिलाप यहुदिगेलाइ परमेस्वरहेङ मानिका, मिङचलेका बेबालाइ रो पुरको मुलमुल द्याङगेलाइहेङ उल्काइतेङ ओबालाइहेङ ताइको साधसिमानासो बाहार गिल्गिल्हि। 51कालाउबुङ ओबालाइचाहिँ ताइको खोकोइको धुला एम्बालाइको खिलाप थितेङ आइकोनियनता लोहि।#मत्ति १०:१४; मरकुस ६:११; लुका ९:१०; १०:११ 52चात्यागेलाइ लेङचातेङ पुनित हाङसाहोइ पोङघान्हाहि।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025 by Nepal Bible Society and Wycliffe Bible Translators, Inc.