गालाती 1
1
1इ चेती ङा पावुल् त तोओइ नीङ् गालाती देस्हाङः मुओ ङ्हाम्ओलम्कायः लेखती ल्होक्नेःनाङ्स। ङाकायः छ्युङ्ह्ती ल्होक्ओपाय् मान्ता खेःल येसु ख्रीस्इमा ओउःकायः उह्ती च्योक्ताक्ओ परमेस्वर् आपामा ओउःनीस्इलेः ल्होक्आताङः बा। 2लौ ङाइमा ङाकुस् ङ्हाम्ओ पुःचोङ् हौचोङ्लम्इमा नीङ्कायः नमस्ते ल्होक्नेःनाङ्स। 3ङीकोः परमेस्वर् आपाइमा ङीकोः प्रभु येसुइमा नीङ्कायः योनःती योती ल्हुङ् धोमाय्ताक्तेःपै।
4इ पेमालो ल्हाव्ह्दैबाङ्सै ङीकायः पेङ्कलःसाकायः प्रभु येसु ख्रीस्इ ङीकोः परमेस्वर् आपाइ तोओ कुरा ग्याती जाङ्ह्ती ङीकोः रेव्ओ काम् छय्ङ्ताक्ती वाय्साकायः ङीकायः ल्हाङःती सीआ बा। 5लौ परमेस्वर्कायः गलकायःमा ताङ्ह्ताक्पाःथै ओउःतलेः स्याव्पाः दा।
6नाङ्कायः गोत्ओ परमेस्वर्इ बयःओ ख्रीस्कोः पेओ समचार्खे नीङ्इ एत रेन्ह्तोलेः फेती अरु थे पेओ समचार् त तोओखे ग्याती सायःतेःनानी ओउःत चीःती ङा आन ग्याङ्ह्लेःनाङः। 7इ थे समचार् त तोओपाय् दोङ् पेओ समचार् खेःल बा। यात्नीस्चाक्इ नीङ्कायः ब्रःताक्साकायः ख्रीस्कोः पेओ समचार् छ्योय्ह्तोलेः तोती थे जाङ्ह्नानी। 8सुखेइ ङीइ थोल्ह्ती तोओ ख्रीस्कोः पेओ समचार्पाय् थे थोल्ह्ती तोचानी ङाइया लाङ्कासै वाङ्ओ परमेस्वर्कोः ल्होक्ओमयःइया सुखेइ छ्योय्ह्तीलेः थे तोचानानी त खेःया ओउःपाय् वाय्तोलेः स्याव्पै। 9माः रैस नीङ्इ ङीकःसै ङ्हा त्याक्ती सायःओ पेओ समचार्सै अरुइ थे तोचानी त खेःया ओउःपाय् वाय्तो स्याव्पै त कोदीङःतीलेः तोनेःनाङ्स। 10ङाइ एत तोती मान्ताकायः म्रोताक्सा बोङःङल परमेस्वर्कायः ह म्रोताक्सा बोङःनाङः दोह् हायःती दाय्ह्सा मान्ताकायः म्रोताक्सा बोङःधाङ्चानाङः त खेःया ख्रीस्कोः काम् पेतो जाङ्ह्सा खाय्ङल।
11दोङ्सीलेः पुःचोङ् हौचोङ्य ङाइ थोल्ह्ती तोओ पेओ समचार् मान्ताकोः कुरा खेःल। 12ओउः पेओ समचार् मान्ताकःसै दोःओ खेःल मान्तापाय् सुखेइमा स्यान्ताङःल येसु ख्रीस्इलेः ह छ्यानःआताङः। 13यहुदीलम्इ स्यान्ओ धर्मा ङाइ ङ्हालेः आन म्ह्युङ्तोलेः जाङ्ह्आलाङः ओउः कुरा नीङ्इ सायःतेःआकानी। ओउःमयःकोः धर्मा जाङ्ह्तोक्हाङः परमेस्वर्कायः ङ्हाम्ओ मान्तालम्कायः आन लीह्सीःओ बयःती वाय्सा बोङःआलाङः। 14फेरी ङाच्युक् ताङ्ह्ओ यहुदीलम्सै ङाइ न्हाङ्तोलेः ओउःकोः धर्मा चीःती आय्कानः तोकानःइ बयःओ कुरा व्हाय्ती जाङ्ह्ङोतो 15परमेस्वर्इ ङाकायः ओत्धाङ्मालोहाङःसै छीङ्ह्ती ओउःकोः काम् जाङ्ह्साकायः गोत्आताङः। 16ओहाङःसैको यहुदी खेःमालो मान्तालम्कायः ओउःकोः चोःकोः कुरा थोल्ह्ती तोसाकायः परमेस्वर्इ येसु ख्रीस्लेः छ्यानःआताङः। ओउःत ङाकःताङ् छ्यानःआथै 17छ्यानःआक्तीको इ कुरा सुकुस्मा नोःकाय्मामाःत यरुसालेम् सहर्हाङः मुओ ङाकोः ङ्हासै स्याव्ओ येसुकोः छ्युङ्ह्ओमयःकुस् आःताः क्रुस्मामाःत ङा अराबीलम्कोः देस्ताङ् ङ्हा आल्ती मुआलाङः। ओहाङःसैको ओहाङः आल्ती मुआक्तीको दामास्कस् सहर्ताङः द्यान्ह्आलाङः। 18द्यान्ह्आक्तीको सुम् बर्स स्याव्आक्तीको ह ङा पत्रुस् क्रुस्साकायः यरुसालेम्ताङ् आल्आलाङः। ओउःकुस् पन्र दीन्च्युक्कायः मुङोतो 19मुतोक्हाङः अरु येसुइ छ्युङ्ह्ती ल्होक्ओमयः सुकायःमा क्रुस्ङल येसुकोः हौ याकुब्कायः ह क्रुस्आलाङः। 20इ ङाइ लेखओ कुरापाय् दोङ् कुरा लेःआः बा त दाय्ह्ती ङाइ परमेस्वर्कोः मीक्हाङः तोनेःनाङ्स।
21ओहाङःसैको लोने सीरीयामा सीलीसीयामा ओउःनीस् देस्ताङ् आल्आलाङः। 22ओउःहाङः मुतोक्हाङः ओउः यहुदीयाहाङः मुओ ङ्हाम्ओलम्इ ङाकायः च्यवःमालो त झ्यान्ते तय्ह्आक्ताङःल 23अरुइ ल्हाक्ती नोःओ कुरा ह चीःआकानी। ङीकायःपाय् “ओउः ङ्हा लीह्सीःताक्तो जाङ्ह्ओ मान्ताइपाय् ओउःइ ङ्हा वाय्सा बोङःओ कुरा द्याह् लयःइलेः थोल्ह्ती तोबाय्नौ” त दाय्ह्ती नोःकाय्ती 24ङाकायःपाय् “परमेस्वर्इ गुच्युक् पेतो हायःआकान्” त दाय्ह्ती ओउःकायः ताङ्ह्ताक्आकानी।
Currently Selected:
गालाती 1: CDM93
Highlight
Copy
Compare
Share
Want to have your highlights saved across all your devices? Sign up or sign in
© 1993 Wycliffe Bible Translators Inc., All Rights Reserved.
गालाती 1
1
1इ चेती ङा पावुल् त तोओइ नीङ् गालाती देस्हाङः मुओ ङ्हाम्ओलम्कायः लेखती ल्होक्नेःनाङ्स। ङाकायः छ्युङ्ह्ती ल्होक्ओपाय् मान्ता खेःल येसु ख्रीस्इमा ओउःकायः उह्ती च्योक्ताक्ओ परमेस्वर् आपामा ओउःनीस्इलेः ल्होक्आताङः बा। 2लौ ङाइमा ङाकुस् ङ्हाम्ओ पुःचोङ् हौचोङ्लम्इमा नीङ्कायः नमस्ते ल्होक्नेःनाङ्स। 3ङीकोः परमेस्वर् आपाइमा ङीकोः प्रभु येसुइमा नीङ्कायः योनःती योती ल्हुङ् धोमाय्ताक्तेःपै।
4इ पेमालो ल्हाव्ह्दैबाङ्सै ङीकायः पेङ्कलःसाकायः प्रभु येसु ख्रीस्इ ङीकोः परमेस्वर् आपाइ तोओ कुरा ग्याती जाङ्ह्ती ङीकोः रेव्ओ काम् छय्ङ्ताक्ती वाय्साकायः ङीकायः ल्हाङःती सीआ बा। 5लौ परमेस्वर्कायः गलकायःमा ताङ्ह्ताक्पाःथै ओउःतलेः स्याव्पाः दा।
6नाङ्कायः गोत्ओ परमेस्वर्इ बयःओ ख्रीस्कोः पेओ समचार्खे नीङ्इ एत रेन्ह्तोलेः फेती अरु थे पेओ समचार् त तोओखे ग्याती सायःतेःनानी ओउःत चीःती ङा आन ग्याङ्ह्लेःनाङः। 7इ थे समचार् त तोओपाय् दोङ् पेओ समचार् खेःल बा। यात्नीस्चाक्इ नीङ्कायः ब्रःताक्साकायः ख्रीस्कोः पेओ समचार् छ्योय्ह्तोलेः तोती थे जाङ्ह्नानी। 8सुखेइ ङीइ थोल्ह्ती तोओ ख्रीस्कोः पेओ समचार्पाय् थे थोल्ह्ती तोचानी ङाइया लाङ्कासै वाङ्ओ परमेस्वर्कोः ल्होक्ओमयःइया सुखेइ छ्योय्ह्तीलेः थे तोचानानी त खेःया ओउःपाय् वाय्तोलेः स्याव्पै। 9माः रैस नीङ्इ ङीकःसै ङ्हा त्याक्ती सायःओ पेओ समचार्सै अरुइ थे तोचानी त खेःया ओउःपाय् वाय्तो स्याव्पै त कोदीङःतीलेः तोनेःनाङ्स। 10ङाइ एत तोती मान्ताकायः म्रोताक्सा बोङःङल परमेस्वर्कायः ह म्रोताक्सा बोङःनाङः दोह् हायःती दाय्ह्सा मान्ताकायः म्रोताक्सा बोङःधाङ्चानाङः त खेःया ख्रीस्कोः काम् पेतो जाङ्ह्सा खाय्ङल।
11दोङ्सीलेः पुःचोङ् हौचोङ्य ङाइ थोल्ह्ती तोओ पेओ समचार् मान्ताकोः कुरा खेःल। 12ओउः पेओ समचार् मान्ताकःसै दोःओ खेःल मान्तापाय् सुखेइमा स्यान्ताङःल येसु ख्रीस्इलेः ह छ्यानःआताङः। 13यहुदीलम्इ स्यान्ओ धर्मा ङाइ ङ्हालेः आन म्ह्युङ्तोलेः जाङ्ह्आलाङः ओउः कुरा नीङ्इ सायःतेःआकानी। ओउःमयःकोः धर्मा जाङ्ह्तोक्हाङः परमेस्वर्कायः ङ्हाम्ओ मान्तालम्कायः आन लीह्सीःओ बयःती वाय्सा बोङःआलाङः। 14फेरी ङाच्युक् ताङ्ह्ओ यहुदीलम्सै ङाइ न्हाङ्तोलेः ओउःकोः धर्मा चीःती आय्कानः तोकानःइ बयःओ कुरा व्हाय्ती जाङ्ह्ङोतो 15परमेस्वर्इ ङाकायः ओत्धाङ्मालोहाङःसै छीङ्ह्ती ओउःकोः काम् जाङ्ह्साकायः गोत्आताङः। 16ओहाङःसैको यहुदी खेःमालो मान्तालम्कायः ओउःकोः चोःकोः कुरा थोल्ह्ती तोसाकायः परमेस्वर्इ येसु ख्रीस्लेः छ्यानःआताङः। ओउःत ङाकःताङ् छ्यानःआथै 17छ्यानःआक्तीको इ कुरा सुकुस्मा नोःकाय्मामाःत यरुसालेम् सहर्हाङः मुओ ङाकोः ङ्हासै स्याव्ओ येसुकोः छ्युङ्ह्ओमयःकुस् आःताः क्रुस्मामाःत ङा अराबीलम्कोः देस्ताङ् ङ्हा आल्ती मुआलाङः। ओहाङःसैको ओहाङः आल्ती मुआक्तीको दामास्कस् सहर्ताङः द्यान्ह्आलाङः। 18द्यान्ह्आक्तीको सुम् बर्स स्याव्आक्तीको ह ङा पत्रुस् क्रुस्साकायः यरुसालेम्ताङ् आल्आलाङः। ओउःकुस् पन्र दीन्च्युक्कायः मुङोतो 19मुतोक्हाङः अरु येसुइ छ्युङ्ह्ती ल्होक्ओमयः सुकायःमा क्रुस्ङल येसुकोः हौ याकुब्कायः ह क्रुस्आलाङः। 20इ ङाइ लेखओ कुरापाय् दोङ् कुरा लेःआः बा त दाय्ह्ती ङाइ परमेस्वर्कोः मीक्हाङः तोनेःनाङ्स।
21ओहाङःसैको लोने सीरीयामा सीलीसीयामा ओउःनीस् देस्ताङ् आल्आलाङः। 22ओउःहाङः मुतोक्हाङः ओउः यहुदीयाहाङः मुओ ङ्हाम्ओलम्इ ङाकायः च्यवःमालो त झ्यान्ते तय्ह्आक्ताङःल 23अरुइ ल्हाक्ती नोःओ कुरा ह चीःआकानी। ङीकायःपाय् “ओउः ङ्हा लीह्सीःताक्तो जाङ्ह्ओ मान्ताइपाय् ओउःइ ङ्हा वाय्सा बोङःओ कुरा द्याह् लयःइलेः थोल्ह्ती तोबाय्नौ” त दाय्ह्ती नोःकाय्ती 24ङाकायःपाय् “परमेस्वर्इ गुच्युक् पेतो हायःआकान्” त दाय्ह्ती ओउःकायः ताङ्ह्ताक्आकानी।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 1993 Wycliffe Bible Translators Inc., All Rights Reserved.