Bena-Siràka 1
1
SASINTENIN’NY MPANAO DIKANTENY GRIKA
(1) Zava-dehibe maro no nampitain’ny Lalàna sy ny Mpaminany (2) ary ny mpanoratra hafa nanaraka azy#Sas 2 And 1-2: ny Lalàna... nanaraka azy: ny mpanao dikanteny grika dia mitanisa ireo fizaràna lehibe anankitelo ao amin’ny Test. Tal hebreo; jereo «Ny Baiboly, ny maha iray azy, ny fomba niforonany, ny rijan-teny ananana azy» tak XVI. tamintsika. (3) Tsy maintsy iderana ny vahoaka Israely ny fahalalana amam-pahendrena raketin’ireo boky ireo. (4) Kanefa tsy tokony hionona hamaky azy fotsiny ny olona mba ho tonga manam-pahalalana. (5) Ireo tia fahalalana dia tokony ho afa-manasoa ny any ivelany#Sas 5 ny any ivelany: ireo olona tsy nianatra tamin’ny sekolin’ireo mpahay lalàna jiosy ve, sa ireo Jiosy miaina any an-toeran-kafa ivelan’ny Palestinina, sa ireo hafa firenena mihitsy? Toa mahafaoka azy rehetra. koa, (6) na amin’ny teny na amin’ny lahatsoratra.
(7) Noho izany, i Jesoa raibeko#Sas 7 i Jesoa raibeko: ilay mpanoratra ity boky ity izany, ka antsoina hoe koa Bena-Siràka (jereo Ben-Sir 50.27 sy 51.30 sy nta). dia niezaka mafy namaky (8) ny Lalàna (9) sy ny Mpaminany (10) ary ny boky hafa avy amin’ny razantsika; (11) ary nahazo fahaizana fatratra ny amin’izany izy. (12) Avy eo dia voatarika izy hanoratra kely momba ny fahalalana amam-pahendrena; (13) hany ka ireo tia fahalalana, rehefa mihazatra amin’ireo lohahevitra ireo, (14) dia handroso bebe kokoa amin’ny toe-piainana mifanaraka amin’ny Lalàn’ny Tompo.
(15-17) Ampirisihina àry ianareo hamaky io boky io amin-kamoram-po sy amim-pitandremana; (18) ka hanana fandeferana ianareo (19) raha heverinareo (20) fa misy teny sasany toa tsy voadikanay tsara, na dia efa niezaka mafy aza izahay. (21-22) Ny zavatra voalaza amin’ny teny hebreo ao amin’io boky io manko dia tsy mitovy lanja intsony rehefa adika ho fiteny hafa. (23) Tsy ity boky ity ihany (24) fa ny Lalàna sy ny Mpaminany (25) ary ny boky hafa koa (26) mirakitra zavatra tsy mitovy loatra eo amin’ny rijan-teny niaingana sy ny dikany#Sas 26 Ny mpanao dikanteny grika an’ity bokin’i Bena-Siràka ity dia toa miteny ny dikanteny grika momba ny Test. Tal hebreo, izay atao hoe Septoazinta; jereo tak XVI..
(27) Tamin’ny faha-38 taona nanjakan’i Everjeta #Sas 27 ny faha-38 taona: dia ny taona 132 tal J.K izany. –Everjeta: fanampin’anaran’ilay mpanjakan’i Ejipta Ptôlemeo faha-7 izay nanjaka 170-116 tal J.K. aho (28) no tonga tany Ejipta; ka fony aho nitoetra tany (29) no nahitako boky anankiray mirakitra izany fampianarana mafonja izany#Sas 29 boky anankiray... mafonja izany: dkt hafa fa samy hafa tokoa ny fomba fanabeazana (eo amin’i Israely sy i Ejipta).. (30) Dia noheveriko fa ilaina tokoa ny hilofosako sy hisasarako kely amin’ny fandikana io boky io. (31) Koa nahavatra niari-tory imbetsaka aho ary nanokana ny fahaizako (32) nandritra izany fotoana izany (33) mba hahatomombana ny asa (34) sy hamoaka azy ho an’ireo mipetraka any an-tany hafa ka maniry ho tia fahalalana (35) sady hampifanaraka ny toe-piainany amin’ny Lalàn’ny Tompo.
Currently Selected:
Bena-Siràka 1: DIEMDC
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.