Maciu 12
12
Sa beitaki iratou na tisaipeli ko ira na Farisi, e na vuku ni siga ni vakacecegu, a sa vakadonui iratou ko Jisu, 1-8. Sa vakabula ko Jisu e dua na tamata e na siga ni vakacecegu, 9-13. Sa sega ni via rogo ko Jisu, 14-21. Sa Vakabula na tamada sa mataboko ka galu, 22. A sa tukuna ni sa cakava na ka-mana e na kaukauwa ni Kalou, 23-37. Sa vunauci ira e so ni ra sa sega ni vakabauta, 38-45. Sa qai vakatakila na tamata era sa wekana dina, 46-50.
1E NA gauna ko ya sa lako ko Jisu e loma ni veiwere ni sila e na siga ni vakacecegu; a sa viakana ko iratou na nona tisaipeli, ka vakatekivu me vetia na veisola ni sila, ka kania. 2Ia ni sa raica ko ira na Farisi, era sa kaya vua, Raica, sa kitaka ko iratou na nomu tisaipeli na ka e sega ni tara me kitaki e na siga ni vakacecegu. 3A sa kaya ko koya vei ira, Dou sa sega beka ni wilika na ka sa kitaka ko Tavita, ni sa viakana, o koya kei ira sa tiko vata kaya: 4Ni sa curu ko koya ki na vale ni Kalou, ka kania na madrai dauraici, o qori sa sega ni tara vua me kania, se vei ira sa tiko vata kaya, a ya vei ira duaduaga na bete? 5Se dou a sega beka ni wilika e na vunau, ni ra sa vakacacana na siga ni vakacecegu ko ira na bete e na vale ni soro, ka ra sa tawa cala kina? 6Ia kaʼu sa kaya vei kemudou, Sa dua eke sa uasivi cake e na vale ni soro. 7Ia kevaka dou a kila na kenai balebale, Au sa vinakata na yalololoma, ka sega nai madrali, dou a sega ni beitaki ira sa tawa cala. 8Ni sa Turaga talega ni siga ni vakacecegu na Luve ni tamata.
9A sa lako tani maikea ko koya, ka curu ki na nodra vale ni lotu: 10ka raica, sa tiko kina e dua na tamata sa malai na ligana. A ra sa tarogi koya, ka kaya, Sa tara beka me ia na veivakabulai e na siga ni vakacecegu, se segai? a ya me ra beitaki koya. 11A sa kaya ko koya vei ira, O cei na tamata vei kemudou, kevaka e dua na nona sipi sa sikalutu ki na davuke e na siga ni vakacecegu, ena sega ni laʼki taura, ka tubera cake mai? 12Ka vakaevei na kena levu cake na kena yaga na tamata e na sipi! O koya gona o qo sa tara ga kina me cakava na ka vinaka e na siga ni vakacecegu. 13Sa qai kaya ko koya vua na tamata, Dodoka mai na ligamu. A sa dodoka yani; a sa vakabulai, ka yaco me vaka na kenai kadua.
14Sa ra qai lako ki tautuba na Farisi, a ra sa bosei koya, se ra na vakamatei koya vakaevei. 15Ia ni sa kila ko Jisu, sa lako tani maikea: a sa muri koya na lewe vuqa, a sa vakabulai ira vakaaduaga ko koya; 16a sa vakarota vei ira me ra kakua ni tukuni koya: 17o koya o qo sa vakayacori kina na vosa sa tukuna ko Isaia na parofita, ka kaya, 18Raica na noqui talatala, o koya kaʼu a digitaka; na noqu gone ni toko, sa vinakati koya vakalevu na vu ni lomaqu: au na solia vei koya na noqu Yalo, ia ena tukuna ko koya na lewa dodonu vei ira na veimatanitu: 19ena sega ni veileti, se kaila; ena sega e dua ena rogoca na domona e na saqata-ni-koro: 20ena sega ni musuka na gasau sa bibivoro ko koya, se bokoca na wa-ni-cina e kubou walega, ka malua me tala mada yani na lewa dodonu me gumatua: 21a ra na vakararavi ki na yacana ko ira na veimatanitu.
22Sa qai kau mai vei koya e dua sa curuma e dua na tevoro, sa mataboko, ka galu talega: a sa vakabulai koya ko koya, ia sa vosa ka rai kina ko koya sa mataboko ka galu.
23A sa kidacala ko ira kecega na lewe vuqa, ka kaya, O koya o qo na luve i Tavita, se segai? 24Ia ni ra sa rogoca ko ira na Farisi, era sa kaya, O koya o qo e sega ni vakasavi ira na tevoro e na ka tani, a ya e na kaukauwa i Pielisipupi ga na nodra turaga na tevoro.
25A sa kila na nodra vakanananu ko Jisu, ka kaya vei ira, A matanitu yadua sa veisei vakai koya, ena vakarusai; kei na koro yadua se na vale sa veisei vakai koya, ena sega ni tu dei. 26Ia kevaka sa vakasavi Satani ko Satani, sa qai veisei vakai koya; ena qai tu dei vakaevei na nona matanitu? 27Ia kevaka kaʼu vakasavi ira na tevoro e na kaukauwa i Pielisipupi, sa vakasavi ira e na kaukauwa i cei ko ira na kai nomudou? o koya era na lewai kemudou kina ko ira o qo. 28Ia kevaka kaʼu vakasavi ira na tevoro e na kaukauwa ni Yalo ni Kalou, sa qai yaco dina mai vei kemudou na matanitu ni Kalou. 29Se na rawata vakaevei e dua me curuma na vale ni qaqa, me kovea na nonai yaya, kevaka ena sega ni vauca mada na qaqa? ena qai kovea emuri na nonai yau. 30O koya sa sega ni totaki au, sa to tani; ia ko koya sa sega ni kumuna vata vei au, sa duibiubiuta. 31O koya o qo kaʼu sa kaya kina vei kemudou, Sa rawa me ra kakua ni cudruvi na tamata e na vuku ni nodrai valavala ca, kei na nodra vosa ca kecega; ia sa sega ni rawa me ra kakua ni cudruvi na tamata era sa vosavakacacataka na Yalo. 32Ia ko koya yadua sa vosavakacacataka na Luve ni tamata, ena rawa me kakua ni cudruvi kina: ia ko koya yadua sa vosavakacacataka na Yalo Tabu, ena sega sara ni rawa me kakua ni cudruvi, e na gauna o qo, se koya e muri mai. 33Dou cakava me vinaka na kau, me vinaka talega kina na vuana: se cakava me ca na kau, me ca talega kina na vuana: ni sa kilai na kau e na vuana. 34Oi kemudou na kawa ni gata! dou na rawata vakaevei, ni dou sa lomaca, me vosataka na ka vinaka? ni sa vosataka na gusu na ka sa oso vakalevu kina na loma. 35A tamata vinaka sa kauta mai na ka vinaka mai na lololo vinaka ni lomana; kei na tamata ca sa kauta mai na ka ca mai na lololo ca. 36Ia kaʼu sa kaya vei kemudou, A vosa ca vakaaduaga era na cavuta na tamata, era na tarogi kina e na siga ni lewa: 37ni ko na vakadonui e na vuku ni nomu vosa, ka ko na cudruvi e na vuku ni nomu vosa.
38Sa qai vosa e so na vu ni-vola kei na Farisi, ka kaya, Vakavuvuli, keitou sa via raica e dua nai vakatakilakila maivei iko.
39A sa vosa ko koya, ka kaya vei ira, Sa dauvakasaqara nai vakatakilakila nai tabatamata ca sa valavala vakatani: ia ena sega nai vakatakilakila me soli kina, a ya ga nai vakatakilakila i Jona na parofita: 40ia me vaka ka siga tolu ka bogi tolu ko Jona e na kete ni ika levu; ena siga tolu ka bogi tolu vaka talega kina na Luve ni tamata e na loma ni qele. 41Era na tu cake na kai Ninive ka vakadinadinataka na nodra cala nai tabatamata o qo, e na veilewai, ni ra a veivutuni e na vunau i Jona; ka raica, sa dua eke sa uasivi vei Jona. 42Ena tu cake na radi ni ceva ka vakadinadinataka na nodra cala nai tabatamata o qo, e na veilewai; ni sa lako mai ko koya mai na yasana vakayawa sara e vuravura me rogoca na vuku i Solomoni; ka raica, sa dua eke sa uasivi vei Solomoni.
43Ia ni sa lako tani mai na tamata na yalo tawa-savasava, sa daulako voli e na vanua dravuisiga, me vakasaqara nai vakavakacegu, a sa sega ni kunea: 44sa qai kaya ko koya, Au na lesu tale ki na noqu vale kaʼu a lako tani maikina; ia ni sa tadu, sa kunea ni sa lala tu, sa tataviraki, ka vakaiukuukutaki. 45Sa qai lako ko koya, ka kauta vata kaya e lewe vitu tale na yalo sa uasivi vei koya e na ca, a ratou sa curuma, ka tiko kina; a sa ca vakalevu emuri na tamata ko ya, ka ca vakalailai eliu. Ena vaka talega kina vei ira nai tabatamata ca o qo.
46Ia ni sa vosa tikoga ko koya vei ira na lewe vuqa, raica, sa tu e tautuba na tinana kei na tacina, eratou sa via vosa vua. 47Sa qai kaya vua e dua, Raica, sa tu e tautuba na tinamu kei iratou na tacimu, eratou sa via vosa vei iko. 48Sa qai vosa ko koya, ka kaya vua sa tukuna vua, O cei na tinaqu? ka ko cei ko iratou na taciqu? 49A sa dodoka na ligana kivei iratou na nona tisaipeli, ka kaya, Raica na tinaqu kei iratou na taciqu! 50ni koya yadua ena cakava na loma i Tamaqu sa tiko mai lomalagi, o koya o qo na taciqu, se na ganequ, se na tinaqu.
Currently Selected:
Maciu 12: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
Maciu 12
12
Sa beitaki iratou na tisaipeli ko ira na Farisi, e na vuku ni siga ni vakacecegu, a sa vakadonui iratou ko Jisu, 1-8. Sa vakabula ko Jisu e dua na tamata e na siga ni vakacecegu, 9-13. Sa sega ni via rogo ko Jisu, 14-21. Sa Vakabula na tamada sa mataboko ka galu, 22. A sa tukuna ni sa cakava na ka-mana e na kaukauwa ni Kalou, 23-37. Sa vunauci ira e so ni ra sa sega ni vakabauta, 38-45. Sa qai vakatakila na tamata era sa wekana dina, 46-50.
1E NA gauna ko ya sa lako ko Jisu e loma ni veiwere ni sila e na siga ni vakacecegu; a sa viakana ko iratou na nona tisaipeli, ka vakatekivu me vetia na veisola ni sila, ka kania. 2Ia ni sa raica ko ira na Farisi, era sa kaya vua, Raica, sa kitaka ko iratou na nomu tisaipeli na ka e sega ni tara me kitaki e na siga ni vakacecegu. 3A sa kaya ko koya vei ira, Dou sa sega beka ni wilika na ka sa kitaka ko Tavita, ni sa viakana, o koya kei ira sa tiko vata kaya: 4Ni sa curu ko koya ki na vale ni Kalou, ka kania na madrai dauraici, o qori sa sega ni tara vua me kania, se vei ira sa tiko vata kaya, a ya vei ira duaduaga na bete? 5Se dou a sega beka ni wilika e na vunau, ni ra sa vakacacana na siga ni vakacecegu ko ira na bete e na vale ni soro, ka ra sa tawa cala kina? 6Ia kaʼu sa kaya vei kemudou, Sa dua eke sa uasivi cake e na vale ni soro. 7Ia kevaka dou a kila na kenai balebale, Au sa vinakata na yalololoma, ka sega nai madrali, dou a sega ni beitaki ira sa tawa cala. 8Ni sa Turaga talega ni siga ni vakacecegu na Luve ni tamata.
9A sa lako tani maikea ko koya, ka curu ki na nodra vale ni lotu: 10ka raica, sa tiko kina e dua na tamata sa malai na ligana. A ra sa tarogi koya, ka kaya, Sa tara beka me ia na veivakabulai e na siga ni vakacecegu, se segai? a ya me ra beitaki koya. 11A sa kaya ko koya vei ira, O cei na tamata vei kemudou, kevaka e dua na nona sipi sa sikalutu ki na davuke e na siga ni vakacecegu, ena sega ni laʼki taura, ka tubera cake mai? 12Ka vakaevei na kena levu cake na kena yaga na tamata e na sipi! O koya gona o qo sa tara ga kina me cakava na ka vinaka e na siga ni vakacecegu. 13Sa qai kaya ko koya vua na tamata, Dodoka mai na ligamu. A sa dodoka yani; a sa vakabulai, ka yaco me vaka na kenai kadua.
14Sa ra qai lako ki tautuba na Farisi, a ra sa bosei koya, se ra na vakamatei koya vakaevei. 15Ia ni sa kila ko Jisu, sa lako tani maikea: a sa muri koya na lewe vuqa, a sa vakabulai ira vakaaduaga ko koya; 16a sa vakarota vei ira me ra kakua ni tukuni koya: 17o koya o qo sa vakayacori kina na vosa sa tukuna ko Isaia na parofita, ka kaya, 18Raica na noqui talatala, o koya kaʼu a digitaka; na noqu gone ni toko, sa vinakati koya vakalevu na vu ni lomaqu: au na solia vei koya na noqu Yalo, ia ena tukuna ko koya na lewa dodonu vei ira na veimatanitu: 19ena sega ni veileti, se kaila; ena sega e dua ena rogoca na domona e na saqata-ni-koro: 20ena sega ni musuka na gasau sa bibivoro ko koya, se bokoca na wa-ni-cina e kubou walega, ka malua me tala mada yani na lewa dodonu me gumatua: 21a ra na vakararavi ki na yacana ko ira na veimatanitu.
22Sa qai kau mai vei koya e dua sa curuma e dua na tevoro, sa mataboko, ka galu talega: a sa vakabulai koya ko koya, ia sa vosa ka rai kina ko koya sa mataboko ka galu.
23A sa kidacala ko ira kecega na lewe vuqa, ka kaya, O koya o qo na luve i Tavita, se segai? 24Ia ni ra sa rogoca ko ira na Farisi, era sa kaya, O koya o qo e sega ni vakasavi ira na tevoro e na ka tani, a ya e na kaukauwa i Pielisipupi ga na nodra turaga na tevoro.
25A sa kila na nodra vakanananu ko Jisu, ka kaya vei ira, A matanitu yadua sa veisei vakai koya, ena vakarusai; kei na koro yadua se na vale sa veisei vakai koya, ena sega ni tu dei. 26Ia kevaka sa vakasavi Satani ko Satani, sa qai veisei vakai koya; ena qai tu dei vakaevei na nona matanitu? 27Ia kevaka kaʼu vakasavi ira na tevoro e na kaukauwa i Pielisipupi, sa vakasavi ira e na kaukauwa i cei ko ira na kai nomudou? o koya era na lewai kemudou kina ko ira o qo. 28Ia kevaka kaʼu vakasavi ira na tevoro e na kaukauwa ni Yalo ni Kalou, sa qai yaco dina mai vei kemudou na matanitu ni Kalou. 29Se na rawata vakaevei e dua me curuma na vale ni qaqa, me kovea na nonai yaya, kevaka ena sega ni vauca mada na qaqa? ena qai kovea emuri na nonai yau. 30O koya sa sega ni totaki au, sa to tani; ia ko koya sa sega ni kumuna vata vei au, sa duibiubiuta. 31O koya o qo kaʼu sa kaya kina vei kemudou, Sa rawa me ra kakua ni cudruvi na tamata e na vuku ni nodrai valavala ca, kei na nodra vosa ca kecega; ia sa sega ni rawa me ra kakua ni cudruvi na tamata era sa vosavakacacataka na Yalo. 32Ia ko koya yadua sa vosavakacacataka na Luve ni tamata, ena rawa me kakua ni cudruvi kina: ia ko koya yadua sa vosavakacacataka na Yalo Tabu, ena sega sara ni rawa me kakua ni cudruvi, e na gauna o qo, se koya e muri mai. 33Dou cakava me vinaka na kau, me vinaka talega kina na vuana: se cakava me ca na kau, me ca talega kina na vuana: ni sa kilai na kau e na vuana. 34Oi kemudou na kawa ni gata! dou na rawata vakaevei, ni dou sa lomaca, me vosataka na ka vinaka? ni sa vosataka na gusu na ka sa oso vakalevu kina na loma. 35A tamata vinaka sa kauta mai na ka vinaka mai na lololo vinaka ni lomana; kei na tamata ca sa kauta mai na ka ca mai na lololo ca. 36Ia kaʼu sa kaya vei kemudou, A vosa ca vakaaduaga era na cavuta na tamata, era na tarogi kina e na siga ni lewa: 37ni ko na vakadonui e na vuku ni nomu vosa, ka ko na cudruvi e na vuku ni nomu vosa.
38Sa qai vosa e so na vu ni-vola kei na Farisi, ka kaya, Vakavuvuli, keitou sa via raica e dua nai vakatakilakila maivei iko.
39A sa vosa ko koya, ka kaya vei ira, Sa dauvakasaqara nai vakatakilakila nai tabatamata ca sa valavala vakatani: ia ena sega nai vakatakilakila me soli kina, a ya ga nai vakatakilakila i Jona na parofita: 40ia me vaka ka siga tolu ka bogi tolu ko Jona e na kete ni ika levu; ena siga tolu ka bogi tolu vaka talega kina na Luve ni tamata e na loma ni qele. 41Era na tu cake na kai Ninive ka vakadinadinataka na nodra cala nai tabatamata o qo, e na veilewai, ni ra a veivutuni e na vunau i Jona; ka raica, sa dua eke sa uasivi vei Jona. 42Ena tu cake na radi ni ceva ka vakadinadinataka na nodra cala nai tabatamata o qo, e na veilewai; ni sa lako mai ko koya mai na yasana vakayawa sara e vuravura me rogoca na vuku i Solomoni; ka raica, sa dua eke sa uasivi vei Solomoni.
43Ia ni sa lako tani mai na tamata na yalo tawa-savasava, sa daulako voli e na vanua dravuisiga, me vakasaqara nai vakavakacegu, a sa sega ni kunea: 44sa qai kaya ko koya, Au na lesu tale ki na noqu vale kaʼu a lako tani maikina; ia ni sa tadu, sa kunea ni sa lala tu, sa tataviraki, ka vakaiukuukutaki. 45Sa qai lako ko koya, ka kauta vata kaya e lewe vitu tale na yalo sa uasivi vei koya e na ca, a ratou sa curuma, ka tiko kina; a sa ca vakalevu emuri na tamata ko ya, ka ca vakalailai eliu. Ena vaka talega kina vei ira nai tabatamata ca o qo.
46Ia ni sa vosa tikoga ko koya vei ira na lewe vuqa, raica, sa tu e tautuba na tinana kei na tacina, eratou sa via vosa vua. 47Sa qai kaya vua e dua, Raica, sa tu e tautuba na tinamu kei iratou na tacimu, eratou sa via vosa vei iko. 48Sa qai vosa ko koya, ka kaya vua sa tukuna vua, O cei na tinaqu? ka ko cei ko iratou na taciqu? 49A sa dodoka na ligana kivei iratou na nona tisaipeli, ka kaya, Raica na tinaqu kei iratou na taciqu! 50ni koya yadua ena cakava na loma i Tamaqu sa tiko mai lomalagi, o koya o qo na taciqu, se na ganequ, se na tinaqu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.