Da'buukiyo 139
139
Gooti Yawel nemino kuudo me'no youronekuma'dowodo tool ilaiyo to'no mollonekumwalodowodo tovinokwono
Devitolluro dato ajakwolloka akav a'mwo dato tovi mollubworomokavla'mdupudo tooraiyo'mokwono
1Gooti Yaweloo, guu mi gallenyubworonuma'dumdo tooku kuudo me'no yanuu'dumdekugono.
2Guu manyu tomuu mwalodumdo kweku kuruv moro kuudo tonyuno'gwowi me'no youronuma'dumdekugono. Aki moro yiuwi'nokai yodumdo kunyu kuruv me'no nuwonodumdekugono.
3Aki nuu womdo yodo'mureyoga'deyo oo sa wo'do'mureyoga'deyo kuga kuruv guu me'no nuwonodumdekugono. Toro tooku moro yiuwi'nokai yodumdo tonyu me'no youronuma'dumdekugono.
4Gooti Yaweloo, guu moro yogalo tov yere madodo'mure kuvi kuruv guvno'gwowi yogalo su tovi sumdomgu me'no youroonodumdekugono.
5Aki kuurupto kirogabolosodupudo to'busuko kubalno guu mi aiyowomno mwodovonuma'dum guvnokwekujuro jurogudo tokwe mollonumwalodumdekugono.
6Toro te guu mino yiuwi'nokai kuudo youronuma'dumdo su ton ilaiyo kuunodogano. Gumoro kuudo su ton muunyu kai'muu'aro kuunodo tonyuno tov nuu ku'nono miyouroma'mekwonyugono.
7Aki gumi gugollu'meyo'mo pumuu nonagutomuugono. Aki guu tookujuno yiulo kupuu'nallo'mo kuruv nonagutomuugono.
8Toro te nuu gumoro ago muunyu kai'muuno sulami tov guu Gooti tooku nomwakuno. Aki nuu a'mwo me'no bolodupudo tooravuro tomuuno avla'mi kuruv guu Gooti tooku nomwakuno.
9Nuu kuujo tool sulopiyamoka manyu tomuu ki'mo'mdo'mureyo'mdeyo oo kuujo tool kwolmoka manyu tomuu mwalodo'mureyo'mdeyo 10kumuu kuruv nomwalbinekugono. Toro tooku gumoro jurogudo tokwe mi mollonumwalo'bi mogaibworonumokavla'mwalbinonyugono.
11Aki nuu yiulo kupuu'nallo'mo toonyu aro adumi tov, “Oo dugumdo tov neya abu'duvolonumarono oo kuujo tool dugumdo kimwonyopiyowo'ji mi abu'duvolonumarono.”
12Toro adumi kuvi kuruv guu Gooti tookujuno'gwowi dugumdo kuga kuruv yiuno bako to'busuko to'no gujumo'nyokwekugono. Toro tookujuro sumdo tovi dugumdo tokwe'aro bako tokwe'aro toval yiuno avalo puru'mono gujumo'nyokwekugono.
13Toro tooku moro yiuwi'nokai kulako tokwe'aro poowokalago tokwe'aro ton mi nyuneyago tovuro sumwoluko tovi kuuno kuula'dore toga sanuukwollodekugono.
14Pi'mwono toro sanuukwollodo tookujuno luko yodum ilomogwopi yodamdonyugono. Aki gumoro yiuwi'nokai yakwollodumdo tonyuno mi poowokalago tokwe kuudo yau'dumdonyugono. Oo ilaiyo kuunodo sokwollosokagano. Kuudo yau'dumdonyugono.
15Aki toro toonyu mi nyuneyago tovuro sumwoluko tovi kuuno kuula'dore toga moro yogudo ton bogullumolokwodopure tonyu kwonyajudekugono.
16Toro tooku mi nyuneyago tov yere miyonuma'duke kugada'ai mi me'no anuwonodekugono. Toro nuwonodumdo toonyu yere mimo'nyodore kugada'ai moro yiuwi'nokai mujomwekovlaiyo'moneyokwe iruko tobuulluno guu me'no youronuma'dumdekugono. Toro tonyuno gumi buukiyo tovi me'no sokwollosodekugono.
17Oo Gooti tookujuro mino kuudo sugudo yanuu'dumdo su ton pwekwonodonmaiyo. Toro kun kuruv bwotonyago kuunodogano. Toro tonyuno nuvnokwe tekwonyu ku'nono miyouroma'monyugono.
18Aki gumoro kuudo yanuu'dumdo su tonyu nuu ku'nono majagilmonyugono. Nuu ajagilmi to'gwowi soolwaravuro wolo tomuuda'ai we'gullugulludo wo'dupudo tonyu nuuwolopinogano. Toro kwonyu kuruv ku'nono majagilmonyugono.
Oo toro yanuu'dumdo tookujuno kuudo nyouroguma'mono. Nuu sa woro'mi dukavo'mi kuga kuruv guuge kuuno mujomwekovla'mwalmonyugono.
Currently Selected:
Da'buukiyo 139: SMB
Highlight
Copy
Compare
Share
Want to have your highlights saved across all your devices? Sign up or sign in
© 2022: Ethnos360 Sanford, Florida
Da'buukiyo 139
139
Gooti Yawel nemino kuudo me'no youronekuma'dowodo tool ilaiyo to'no mollonekumwalodowodo tovinokwono
Devitolluro dato ajakwolloka akav a'mwo dato tovi mollubworomokavla'mdupudo tooraiyo'mokwono
1Gooti Yaweloo, guu mi gallenyubworonuma'dumdo tooku kuudo me'no yanuu'dumdekugono.
2Guu manyu tomuu mwalodumdo kweku kuruv moro kuudo tonyuno'gwowi me'no youronuma'dumdekugono. Aki moro yiuwi'nokai yodumdo kunyu kuruv me'no nuwonodumdekugono.
3Aki nuu womdo yodo'mureyoga'deyo oo sa wo'do'mureyoga'deyo kuga kuruv guu me'no nuwonodumdekugono. Toro tooku moro yiuwi'nokai yodumdo tonyu me'no youronuma'dumdekugono.
4Gooti Yaweloo, guu moro yogalo tov yere madodo'mure kuvi kuruv guvno'gwowi yogalo su tovi sumdomgu me'no youroonodumdekugono.
5Aki kuurupto kirogabolosodupudo to'busuko kubalno guu mi aiyowomno mwodovonuma'dum guvnokwekujuro jurogudo tokwe mollonumwalodumdekugono.
6Toro te guu mino yiuwi'nokai kuudo youronuma'dumdo su ton ilaiyo kuunodogano. Gumoro kuudo su ton muunyu kai'muu'aro kuunodo tonyuno tov nuu ku'nono miyouroma'mekwonyugono.
7Aki gumi gugollu'meyo'mo pumuu nonagutomuugono. Aki guu tookujuno yiulo kupuu'nallo'mo kuruv nonagutomuugono.
8Toro te nuu gumoro ago muunyu kai'muuno sulami tov guu Gooti tooku nomwakuno. Aki nuu a'mwo me'no bolodupudo tooravuro tomuuno avla'mi kuruv guu Gooti tooku nomwakuno.
9Nuu kuujo tool sulopiyamoka manyu tomuu ki'mo'mdo'mureyo'mdeyo oo kuujo tool kwolmoka manyu tomuu mwalodo'mureyo'mdeyo 10kumuu kuruv nomwalbinekugono. Toro tooku gumoro jurogudo tokwe mi mollonumwalo'bi mogaibworonumokavla'mwalbinonyugono.
11Aki nuu yiulo kupuu'nallo'mo toonyu aro adumi tov, “Oo dugumdo tov neya abu'duvolonumarono oo kuujo tool dugumdo kimwonyopiyowo'ji mi abu'duvolonumarono.”
12Toro adumi kuvi kuruv guu Gooti tookujuno'gwowi dugumdo kuga kuruv yiuno bako to'busuko to'no gujumo'nyokwekugono. Toro tookujuro sumdo tovi dugumdo tokwe'aro bako tokwe'aro toval yiuno avalo puru'mono gujumo'nyokwekugono.
13Toro tooku moro yiuwi'nokai kulako tokwe'aro poowokalago tokwe'aro ton mi nyuneyago tovuro sumwoluko tovi kuuno kuula'dore toga sanuukwollodekugono.
14Pi'mwono toro sanuukwollodo tookujuno luko yodum ilomogwopi yodamdonyugono. Aki gumoro yiuwi'nokai yakwollodumdo tonyuno mi poowokalago tokwe kuudo yau'dumdonyugono. Oo ilaiyo kuunodo sokwollosokagano. Kuudo yau'dumdonyugono.
15Aki toro toonyu mi nyuneyago tovuro sumwoluko tovi kuuno kuula'dore toga moro yogudo ton bogullumolokwodopure tonyu kwonyajudekugono.
16Toro tooku mi nyuneyago tov yere miyonuma'duke kugada'ai mi me'no anuwonodekugono. Toro nuwonodumdo toonyu yere mimo'nyodore kugada'ai moro yiuwi'nokai mujomwekovlaiyo'moneyokwe iruko tobuulluno guu me'no youronuma'dumdekugono. Toro tonyuno gumi buukiyo tovi me'no sokwollosodekugono.
17Oo Gooti tookujuro mino kuudo sugudo yanuu'dumdo su ton pwekwonodonmaiyo. Toro kun kuruv bwotonyago kuunodogano. Toro tonyuno nuvnokwe tekwonyu ku'nono miyouroma'monyugono.
18Aki gumoro kuudo yanuu'dumdo su tonyu nuu ku'nono majagilmonyugono. Nuu ajagilmi to'gwowi soolwaravuro wolo tomuuda'ai we'gullugulludo wo'dupudo tonyu nuuwolopinogano. Toro kwonyu kuruv ku'nono majagilmonyugono.
Oo toro yanuu'dumdo tookujuno kuudo nyouroguma'mono. Nuu sa woro'mi dukavo'mi kuga kuruv guuge kuuno mujomwekovla'mwalmonyugono.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022: Ethnos360 Sanford, Florida