Kuurotokwe 22
22
1Poolol kworado jumwonyo'moneyokwe aro kuudokaikono. “Oo mi nyunyokwo toorekike'aro nyunumiyago toorekike'aro toorekul mino kuunano yogalo soukuu'nanyudadokwopo tovino nuvnokwe toonyu kuu'maiyo toru'no ikudumo'monyugono. Toro ikudodo'mure su tovi kevu neya duu'nyulo.” Kuudokaikono. 2Poolol Hibruu yogaljo tovida'ai toro wuudoduke tovi kwolallo ton wuu'no'mno logaibwoto mamjumoulapogano.
Toro mamjumoulodopure toga Poolol aro kuudokaikono. 3#Krt. 5:34-39“Nuu Juu a'mwo pwonyugono. Mi nyuneyago tov wagwolago Tasos towaida'ai sonumarokanyugono. Wagwolago su tov kwako Silisiya tomuu wo'dowodokwono. Toro sonumaroka kwonyu kuruv wagwolago Jeruusalem akawaida'ai aguto agullumelabonyugono. Toro gullumelabodore toonyu a'mwo yovokwe pwol sonubwosumelabiyajukekono. A'mwo su toolluno yovo tov Gamaliyolekono. A'mwo su tool aiyoga nemi nellukweyago tooravuro loowo tonyuno mi pi'mwono sodonubwasajukekono. Toro tovida'ai Gooti toollu dolago tomuu yiuno ilaiyo to'no mwallo'moneyokwe loowo tonyuno kuudo bwotonyo souromallajonyugono. Kevu agasuro togaikul yodupudo to'busuko kubalno aval'no sajonyugono. 4#Krt. 8:3, 26:9-11Toro toonyu a'mwo abolo pun Jisasolluro puuto tovi uumjunodopure tonyu jul'nyo uubweyodum aromiyosajonyugono. A'mwo kworogai'aro abolo kugai'aro tonyu wuulo tokwe galeromwora'dum wuulo killo'mo ago tonyu aulomerosajonyugono. 5Moro su toro sajo tovino yiuwi'nokai kaunsel toorogai'aro pris aguto toorogai'aro toorai kuudoganpi tov kuu'maiyo toru'no nokwo dodoluvaikubwepinorogano. A'mwo kaunsel su tooro aiyoga wagwolago Damaskosda'ai Juu tooraiyomno pas pun anyabiyajuporogano. Pas su tonyu aro sokwollosungikokwono. “Oo Poolol Jisasolluro a'mwo abolo tonyu wuulo galeromworarowo'ji wagwolago Jeruusalem'no meromokavla'mdowo'jure toollu wonyapino neya jogaulo.” Kaunsel tooravuro su toro tovino pas sokwollosungiko ton anyabiyajuporogano. Toro nyabodopure tokwe momwora'dum wagwolago Damaskos'no amokavlaiyajonyugono.” Kuudokaikono.
Poolol muudu'nodo toga Jisasolluro kuunodo kwimo'noka tovino kuuguudo sodubwasoka tovinokwono
(Kuurotokwe 9:3-19, 26:12-18)
6Poolol toro wuujuno sumaiyokwe aki aro kuudokaikono. “Muudu'nodo toga nuu wagwolago Damaskos'no puuto tovi plaino sumoneyokwe kuujunapto soka toga wagwolago su tovi wobo toru ai'movonyugono. Toro ki'mo'mdore toga muunyu kai'muuda'ai bako bwotonyo puruv mi aiyowomno awopiyokakwono. 7Toro awopiyoka tovino tov nuu kwako tovi abwolaronyugono. Toro bwola'dore toga yogaimaguurai puruv aro doduke tovi kuu'nonyugono. “Soololoo, Soololoo, guu mi kaiyako yanyugolodumdo tov buro'nyo kavlo tovino'mdeyo?” 8Toro anyudoka tovi wuu'nono aro samuugojonyugono. “Agutoloo, guu ala'mwekudeyo?” Toro samuugojo tovi yogaimaguurai su tov aro anyudokakwono. “Nuu wagwolago Nasaretda'ai Jisasol toonyugono. Toro toonyu guu kaiyako yanyugolodumdekugono.” Anyudokakwono. 9Yogaimaguurai su tov toro nyudoduke tovi a'mwo nuuge avlavowo tooro muu'noporogano. Toro kworo kuruv yiuno bako pwopiyoduke tovino to'no kwonoporogano.
10Toro te nuu yogaimaguurai su tovi aro samuugojonyugono. “Agutoloo, nuu adado imonyudeyo?” Toro samuugojo tovi aro anyudokakwono. “Guu yere ilodavo'bi wagwolago Damaskos tovi dovlavono. Guu toro plavo'bi wagwolago su tovi ai'mo'bi toga gumoro yiuwi'nokai nyubino tovino nuu me'no ajesumokwono. Toro tovi a'mwo pwol yiuwi'nokai nyubino tonyuno nyodogubwasonekono.” Anyudokakwono. 11Toro anyudoka kuvi kuruv bako bwotonyo awopiyoka tovino tov nuu a'mwo sumnowojokwe pwolbusuko sumo'nonyugono. Toro yodore toonyu a'mwo nuuge avlavowo tooro moro ato tovi'aro mogaibworonumworaro'mno wagwolago Damaskos tovi avlavowonogano. Toro toonol wagwolago su tovi aulawonogano.
12Toro kuulno sumawoneyokwe wagwolago su tovida'ai mwalodowodo a'mwo pwolluno yovo tov Ananaiyasolekono. A'mwo su tool nevu Juu toonolluro loowo tonyu dolago tomuu amwallajukekono. Aki toro toolluno wagwolago su tovida'ai yiuwi'nokai Juu a'mwo abolo mwalodupudo ton aro dodupudogano. Ananaiyasol a'mwo sugudekono. Dodupudogano. 13Toro te a'mwo su tool mi wobo toru boda'mno sumaiyokwe aro anyudokaikono. “Oo mi nyunyokwo Soololoo, gumoro sumdo tov aki aiko te denono.” Toro anyudoka kuga'gwo kuuno moro sumdo tov aki aiko te sugudo kinono a'mwo su toollu ilaiyo kwononyugono. 14Aki a'mwo su tool aro anyudokaikono. “Nemi nellukweyago tooravuro Gooti tool aro me'no ajagubweyokaikugono. Gavnokwe toolluro ilaiyo winodowo'jure tonyu youromallo'moneyokwe ajagubweyokaikugono. Aki gamoro Sugudo Kuunodo toollu wonbino'moneyokwe ajagubweyokaikugono. Aki gamoro yogaimaguurai tovi wuu'nubino'moneyokwe ajagubweyokaikugono. 15Su toro ton ajagubweyoka tov aro tovinokwono. Gumoro kuu'nubi togai'aro kwonbi togai'aro tonyuno yiuwi'nokai a'mwo abolo tonyu kuu'maiyo toru'no dodolubweyo'moneyokwe imo'numwalbinekugono. 16Toro te aga guu buro'nyo'mo sogwollo denadokuuno? Guu ilodavo'bi aro jono. Wonyo uuvolluno'bi Jisasolluno yovo tovida'ai subusu'nyogalo neya duudono. Toro kuudubi tookujuro ma'no ma'nodo tonyu nomollol'movagudukwopiyonekono.” Ananaiyasol toro anyudokaikono.” Poolol kwolallo tonyu toro kuudokaikono.
Poolol a'mwo Juu tooravuro miyawosunodupudo toorai moruujo'moneyokwe Gooti tool kwollu amorapiyoka tovinokwono
17Poolol toro wuujuno sumaiyokwe aki aro kuudokaikono. “Nuu lukomgu wagwolago Jeruusalem'no aikomgu ilabino sumoneyokwe Gooti toollu ilomoropiyo'moneyokwe ago tovuro agwapto tovi kuulano subusu'nyogalo auluudonyugono. Toro kuuluudodore toga wojo to'busuko puruv iwo'nono 18Jisasollu kwononyugono. Toro tool aro anyudokaikono. “Guu mino kuu'maiyo toru dodoluwosodo'bure kuvi kuruv wagwolago Jeruusalem akawaida'ai mwalodupudo tooro kuudo muubwepinorogano. Toro tovino tov guu wagwolago akavi yere neya duugollu'movono.” Anyudokaikono. 19Jisasol toro nyudoduke tovi wuu'nyuno sumoneyokwe aro kuudonyugono. “Agutoloo, a'mwo akawaida'ai mwalodupudo tooro mino aro kuudo me'no youronuma'dupudonyugono. Nuu yiuwi'nokai Juu tooravuro i'bwo'nyago tonyu kuulodam a'mwo abolo gumino kuudo gubweyodupudo tonyu wuulo tokwe merosodum iwago aromiyajonyugono. 20#Krt. 7:58Aki gumino kuu'maiyo toru dodoluwosodowodo Stivenollu romiyosodopure kuga kuruv nuu ilaiyo ibwosunono nokwo wonyapino sonyugono. Toro toonyu a'mwo noromiyosodopure tooravuro nobwaiyo ton moduvomwalono Stivenollu romiyosodopure amuugonallajonyugono. A'mwo akaruda'ai tooro moro su toro sajo tonyuno kuudo me'no youronuma'dupudorogano.” Kuudonyugono. 21Toro kuudo kuvi kuruv Aguto tool aro anyudokaikono. “Nuu a'mwo Juu tooravuro miyawosunodupudo pworo manyu tomuu mwalodupudo tooraiyomno amogwapimono. Toro tooku aga guu wagwolago Jeruusalem toru wuugollu'movo'bi kworaiyomno dovlavono.” Anyudokanyugono.”
Poolol a'mwo mollurogudo toorai gavnokweyolluno tov, “Roomda'aiyonyugono,” kuudoka tovinokwono
22Toro te kwolallo ton Poololluro kuuguudo wuudoduke su tovi ilaiyo to'no kuu'nugelabiyajupogano. Toro kun kuruv Poolol a'mwo Juu tooravuro miyawosunodupudo tooraino kuudoka toga'no'gwowi aki aiko te deko aro adelowo'nugoulapogano. “Aiyoo, a'mwo su tool kwako akavi aiyo nomjomwekovlawo'jokwe neya doromiyosulo.” 23Toro delowo'nugoulno sumaveyokwe kemi nobwaiyo ton modosodukwopiyo'mno Poololluno surodo wuunyuno sumaveyokwe sullukwako togai suloluvourokuropiyapogano. 24Toro iloluvourokuropino sumaveyokwe mollurogudo tooravuro a'mwo aguto tool gami mollurogudo pworai aro aduuwiyokaikono. “Kwolallo su tonyuro deko adelowo'na'mwakopo tovino kavlo tov yo'mgonomarano'moneyokwe kevu a'mwo su toollu iwago romiyopi jamuugojulo.” Aduuwiyokaikono. Toro tovino tov a'mwo aguto tool gami mollurogudo toorai Poolollu kemoro ago jurogudo tovino amokaulapureyokwe amodapiyokaikono. 25Toro modapino sumaiyokwe Poolollu wuulo tokwe amogalerosopekono. Toro mogalerosuno sumaveyokwe Poolol a'mwo mollurogudo tooravuro mollubworomokwanyokwe pwol wobo toru da'mduke toollu aro kuudoganokaikono. “Kevu Roomda'ai a'mwo kuunodo pwollu kooti yogalo yere maduuwiyodopure toga iwago aromipi tov kuvidukono oo loowo tovi kisuvolo wipinorekuldukono?” Kuudoganokaikono.
26Toro kuudoganoka tovi a'mwo mollurogudo tooravuro mollubworomokwanyokwe su tool gami a'mwo aguto toollomno uuwo'no aro kuudokaikono. “Awi, a'mwo akal Roomda'ai kuunodo toolluno tov guu kaiyako nuuwibiyo.” 27Toro kuudoka tovi a'mwo aguto tool wuu'no'no Poolollu aro abuudoganokaikono. “Guu nebal'no neya donyudono. Guu Roomda'aiyekudukono?” Toro kuudoganoka tovi Poolol kuudokaikono. “Tade, nuu su tomuuda'aiyonyugono.” 28Toro kuudoka tovi a'mwo aguto su tool kuudokaikono. “Aiyoga nuu Roomda'ai pwolbusuko imo'nyo'mo toonyu nuugwiyo bwotonyo kuubiyonyugono.” Kuudokaikono. Toro kuudoka tovi Poolol kuudokaikono. “Nuvno'gwowi Roomda'ai piyaulluro sanuwosunolonyugono. Toro sanuwosunolo tovino tov nuu Roomda'ai kuunodonyugono.” Kuudokaikono. 29Toro wuudoduke tovi a'mwo mollurogudo pworo Poolollu iwago romiyo'mo sopo kworo kuruv gamoro wuudoduke tovi wuu'nyuno sumaveyokwe luko yo'mno duu'mgado kuuwoporogano. Aki mollurogudo tooravuro a'mwo aguto kwol kuruv luko sokaikono. A'mwo aguto toolluro luko soka su tov aro tovinokwono. Poolol Roomda'ai a'mwo kuunodo kwollu kuruv kooti yogalo yere maduuwiyodopure toga wuulo togai amogalerosokaikono. Yasuwa'no amogalerosoka su tov Roomda'ai tooravuro loowo tovi kisuvolo me'no kwiyokaikono. Toro tovino luko sokaikono.
Poolol Juu tooravuro kaunsel toorai kuuguudo kuudoka tovinokwono
30Toro kuvi kuruv mollurogudo tooravuro a'mwo aguto tool Juu tooro Poololluno surodo kuunopo tovino kavlo tov yo'mgonomallo'mo kwinokaikono. Toro tool iruko aikomguda'ai tollugwoji Poololluro wuulo tov mollukwolapipino'moneyokowe gami mollurogudo toorai amodapiyokaikono. Toro toollu mollukwolapino sumaveyokwe a'mwo aguto su tool Pris mido mollomwalokwe toorogai'aro Juu tooravuro yiuwi'nokai kaunsel toorogai'aro tooro abi'bwo'nopureyokwe adomarokaikono. Toro doma'no sumaiyokwe a'mwo su tooro bi'bwo'nodopure toga Poolollu a'mwo su tooravuro sumdollu toru aulomolludapiyokaikono.
Currently Selected:
Kuurotokwe 22: SMB
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida
Kuurotokwe 22
22
1Poolol kworado jumwonyo'moneyokwe aro kuudokaikono. “Oo mi nyunyokwo toorekike'aro nyunumiyago toorekike'aro toorekul mino kuunano yogalo soukuu'nanyudadokwopo tovino nuvnokwe toonyu kuu'maiyo toru'no ikudumo'monyugono. Toro ikudodo'mure su tovi kevu neya duu'nyulo.” Kuudokaikono. 2Poolol Hibruu yogaljo tovida'ai toro wuudoduke tovi kwolallo ton wuu'no'mno logaibwoto mamjumoulapogano.
Toro mamjumoulodopure toga Poolol aro kuudokaikono. 3#Krt. 5:34-39“Nuu Juu a'mwo pwonyugono. Mi nyuneyago tov wagwolago Tasos towaida'ai sonumarokanyugono. Wagwolago su tov kwako Silisiya tomuu wo'dowodokwono. Toro sonumaroka kwonyu kuruv wagwolago Jeruusalem akawaida'ai aguto agullumelabonyugono. Toro gullumelabodore toonyu a'mwo yovokwe pwol sonubwosumelabiyajukekono. A'mwo su toolluno yovo tov Gamaliyolekono. A'mwo su tool aiyoga nemi nellukweyago tooravuro loowo tonyuno mi pi'mwono sodonubwasajukekono. Toro tovida'ai Gooti toollu dolago tomuu yiuno ilaiyo to'no mwallo'moneyokwe loowo tonyuno kuudo bwotonyo souromallajonyugono. Kevu agasuro togaikul yodupudo to'busuko kubalno aval'no sajonyugono. 4#Krt. 8:3, 26:9-11Toro toonyu a'mwo abolo pun Jisasolluro puuto tovi uumjunodopure tonyu jul'nyo uubweyodum aromiyosajonyugono. A'mwo kworogai'aro abolo kugai'aro tonyu wuulo tokwe galeromwora'dum wuulo killo'mo ago tonyu aulomerosajonyugono. 5Moro su toro sajo tovino yiuwi'nokai kaunsel toorogai'aro pris aguto toorogai'aro toorai kuudoganpi tov kuu'maiyo toru'no nokwo dodoluvaikubwepinorogano. A'mwo kaunsel su tooro aiyoga wagwolago Damaskosda'ai Juu tooraiyomno pas pun anyabiyajuporogano. Pas su tonyu aro sokwollosungikokwono. “Oo Poolol Jisasolluro a'mwo abolo tonyu wuulo galeromworarowo'ji wagwolago Jeruusalem'no meromokavla'mdowo'jure toollu wonyapino neya jogaulo.” Kaunsel tooravuro su toro tovino pas sokwollosungiko ton anyabiyajuporogano. Toro nyabodopure tokwe momwora'dum wagwolago Damaskos'no amokavlaiyajonyugono.” Kuudokaikono.
Poolol muudu'nodo toga Jisasolluro kuunodo kwimo'noka tovino kuuguudo sodubwasoka tovinokwono
(Kuurotokwe 9:3-19, 26:12-18)
6Poolol toro wuujuno sumaiyokwe aki aro kuudokaikono. “Muudu'nodo toga nuu wagwolago Damaskos'no puuto tovi plaino sumoneyokwe kuujunapto soka toga wagwolago su tovi wobo toru ai'movonyugono. Toro ki'mo'mdore toga muunyu kai'muuda'ai bako bwotonyo puruv mi aiyowomno awopiyokakwono. 7Toro awopiyoka tovino tov nuu kwako tovi abwolaronyugono. Toro bwola'dore toga yogaimaguurai puruv aro doduke tovi kuu'nonyugono. “Soololoo, Soololoo, guu mi kaiyako yanyugolodumdo tov buro'nyo kavlo tovino'mdeyo?” 8Toro anyudoka tovi wuu'nono aro samuugojonyugono. “Agutoloo, guu ala'mwekudeyo?” Toro samuugojo tovi yogaimaguurai su tov aro anyudokakwono. “Nuu wagwolago Nasaretda'ai Jisasol toonyugono. Toro toonyu guu kaiyako yanyugolodumdekugono.” Anyudokakwono. 9Yogaimaguurai su tov toro nyudoduke tovi a'mwo nuuge avlavowo tooro muu'noporogano. Toro kworo kuruv yiuno bako pwopiyoduke tovino to'no kwonoporogano.
10Toro te nuu yogaimaguurai su tovi aro samuugojonyugono. “Agutoloo, nuu adado imonyudeyo?” Toro samuugojo tovi aro anyudokakwono. “Guu yere ilodavo'bi wagwolago Damaskos tovi dovlavono. Guu toro plavo'bi wagwolago su tovi ai'mo'bi toga gumoro yiuwi'nokai nyubino tovino nuu me'no ajesumokwono. Toro tovi a'mwo pwol yiuwi'nokai nyubino tonyuno nyodogubwasonekono.” Anyudokakwono. 11Toro anyudoka kuvi kuruv bako bwotonyo awopiyoka tovino tov nuu a'mwo sumnowojokwe pwolbusuko sumo'nonyugono. Toro yodore toonyu a'mwo nuuge avlavowo tooro moro ato tovi'aro mogaibworonumworaro'mno wagwolago Damaskos tovi avlavowonogano. Toro toonol wagwolago su tovi aulawonogano.
12Toro kuulno sumawoneyokwe wagwolago su tovida'ai mwalodowodo a'mwo pwolluno yovo tov Ananaiyasolekono. A'mwo su tool nevu Juu toonolluro loowo tonyu dolago tomuu amwallajukekono. Aki toro toolluno wagwolago su tovida'ai yiuwi'nokai Juu a'mwo abolo mwalodupudo ton aro dodupudogano. Ananaiyasol a'mwo sugudekono. Dodupudogano. 13Toro te a'mwo su tool mi wobo toru boda'mno sumaiyokwe aro anyudokaikono. “Oo mi nyunyokwo Soololoo, gumoro sumdo tov aki aiko te denono.” Toro anyudoka kuga'gwo kuuno moro sumdo tov aki aiko te sugudo kinono a'mwo su toollu ilaiyo kwononyugono. 14Aki a'mwo su tool aro anyudokaikono. “Nemi nellukweyago tooravuro Gooti tool aro me'no ajagubweyokaikugono. Gavnokwe toolluro ilaiyo winodowo'jure tonyu youromallo'moneyokwe ajagubweyokaikugono. Aki gamoro Sugudo Kuunodo toollu wonbino'moneyokwe ajagubweyokaikugono. Aki gamoro yogaimaguurai tovi wuu'nubino'moneyokwe ajagubweyokaikugono. 15Su toro ton ajagubweyoka tov aro tovinokwono. Gumoro kuu'nubi togai'aro kwonbi togai'aro tonyuno yiuwi'nokai a'mwo abolo tonyu kuu'maiyo toru'no dodolubweyo'moneyokwe imo'numwalbinekugono. 16Toro te aga guu buro'nyo'mo sogwollo denadokuuno? Guu ilodavo'bi aro jono. Wonyo uuvolluno'bi Jisasolluno yovo tovida'ai subusu'nyogalo neya duudono. Toro kuudubi tookujuro ma'no ma'nodo tonyu nomollol'movagudukwopiyonekono.” Ananaiyasol toro anyudokaikono.” Poolol kwolallo tonyu toro kuudokaikono.
Poolol a'mwo Juu tooravuro miyawosunodupudo toorai moruujo'moneyokwe Gooti tool kwollu amorapiyoka tovinokwono
17Poolol toro wuujuno sumaiyokwe aki aro kuudokaikono. “Nuu lukomgu wagwolago Jeruusalem'no aikomgu ilabino sumoneyokwe Gooti toollu ilomoropiyo'moneyokwe ago tovuro agwapto tovi kuulano subusu'nyogalo auluudonyugono. Toro kuuluudodore toga wojo to'busuko puruv iwo'nono 18Jisasollu kwononyugono. Toro tool aro anyudokaikono. “Guu mino kuu'maiyo toru dodoluwosodo'bure kuvi kuruv wagwolago Jeruusalem akawaida'ai mwalodupudo tooro kuudo muubwepinorogano. Toro tovino tov guu wagwolago akavi yere neya duugollu'movono.” Anyudokaikono. 19Jisasol toro nyudoduke tovi wuu'nyuno sumoneyokwe aro kuudonyugono. “Agutoloo, a'mwo akawaida'ai mwalodupudo tooro mino aro kuudo me'no youronuma'dupudonyugono. Nuu yiuwi'nokai Juu tooravuro i'bwo'nyago tonyu kuulodam a'mwo abolo gumino kuudo gubweyodupudo tonyu wuulo tokwe merosodum iwago aromiyajonyugono. 20#Krt. 7:58Aki gumino kuu'maiyo toru dodoluwosodowodo Stivenollu romiyosodopure kuga kuruv nuu ilaiyo ibwosunono nokwo wonyapino sonyugono. Toro toonyu a'mwo noromiyosodopure tooravuro nobwaiyo ton moduvomwalono Stivenollu romiyosodopure amuugonallajonyugono. A'mwo akaruda'ai tooro moro su toro sajo tonyuno kuudo me'no youronuma'dupudorogano.” Kuudonyugono. 21Toro kuudo kuvi kuruv Aguto tool aro anyudokaikono. “Nuu a'mwo Juu tooravuro miyawosunodupudo pworo manyu tomuu mwalodupudo tooraiyomno amogwapimono. Toro tooku aga guu wagwolago Jeruusalem toru wuugollu'movo'bi kworaiyomno dovlavono.” Anyudokanyugono.”
Poolol a'mwo mollurogudo toorai gavnokweyolluno tov, “Roomda'aiyonyugono,” kuudoka tovinokwono
22Toro te kwolallo ton Poololluro kuuguudo wuudoduke su tovi ilaiyo to'no kuu'nugelabiyajupogano. Toro kun kuruv Poolol a'mwo Juu tooravuro miyawosunodupudo tooraino kuudoka toga'no'gwowi aki aiko te deko aro adelowo'nugoulapogano. “Aiyoo, a'mwo su tool kwako akavi aiyo nomjomwekovlawo'jokwe neya doromiyosulo.” 23Toro delowo'nugoulno sumaveyokwe kemi nobwaiyo ton modosodukwopiyo'mno Poololluno surodo wuunyuno sumaveyokwe sullukwako togai suloluvourokuropiyapogano. 24Toro iloluvourokuropino sumaveyokwe mollurogudo tooravuro a'mwo aguto tool gami mollurogudo pworai aro aduuwiyokaikono. “Kwolallo su tonyuro deko adelowo'na'mwakopo tovino kavlo tov yo'mgonomarano'moneyokwe kevu a'mwo su toollu iwago romiyopi jamuugojulo.” Aduuwiyokaikono. Toro tovino tov a'mwo aguto tool gami mollurogudo toorai Poolollu kemoro ago jurogudo tovino amokaulapureyokwe amodapiyokaikono. 25Toro modapino sumaiyokwe Poolollu wuulo tokwe amogalerosopekono. Toro mogalerosuno sumaveyokwe Poolol a'mwo mollurogudo tooravuro mollubworomokwanyokwe pwol wobo toru da'mduke toollu aro kuudoganokaikono. “Kevu Roomda'ai a'mwo kuunodo pwollu kooti yogalo yere maduuwiyodopure toga iwago aromipi tov kuvidukono oo loowo tovi kisuvolo wipinorekuldukono?” Kuudoganokaikono.
26Toro kuudoganoka tovi a'mwo mollurogudo tooravuro mollubworomokwanyokwe su tool gami a'mwo aguto toollomno uuwo'no aro kuudokaikono. “Awi, a'mwo akal Roomda'ai kuunodo toolluno tov guu kaiyako nuuwibiyo.” 27Toro kuudoka tovi a'mwo aguto tool wuu'no'no Poolollu aro abuudoganokaikono. “Guu nebal'no neya donyudono. Guu Roomda'aiyekudukono?” Toro kuudoganoka tovi Poolol kuudokaikono. “Tade, nuu su tomuuda'aiyonyugono.” 28Toro kuudoka tovi a'mwo aguto su tool kuudokaikono. “Aiyoga nuu Roomda'ai pwolbusuko imo'nyo'mo toonyu nuugwiyo bwotonyo kuubiyonyugono.” Kuudokaikono. Toro kuudoka tovi Poolol kuudokaikono. “Nuvno'gwowi Roomda'ai piyaulluro sanuwosunolonyugono. Toro sanuwosunolo tovino tov nuu Roomda'ai kuunodonyugono.” Kuudokaikono. 29Toro wuudoduke tovi a'mwo mollurogudo pworo Poolollu iwago romiyo'mo sopo kworo kuruv gamoro wuudoduke tovi wuu'nyuno sumaveyokwe luko yo'mno duu'mgado kuuwoporogano. Aki mollurogudo tooravuro a'mwo aguto kwol kuruv luko sokaikono. A'mwo aguto toolluro luko soka su tov aro tovinokwono. Poolol Roomda'ai a'mwo kuunodo kwollu kuruv kooti yogalo yere maduuwiyodopure toga wuulo togai amogalerosokaikono. Yasuwa'no amogalerosoka su tov Roomda'ai tooravuro loowo tovi kisuvolo me'no kwiyokaikono. Toro tovino luko sokaikono.
Poolol Juu tooravuro kaunsel toorai kuuguudo kuudoka tovinokwono
30Toro kuvi kuruv mollurogudo tooravuro a'mwo aguto tool Juu tooro Poololluno surodo kuunopo tovino kavlo tov yo'mgonomallo'mo kwinokaikono. Toro tool iruko aikomguda'ai tollugwoji Poololluro wuulo tov mollukwolapipino'moneyokowe gami mollurogudo toorai amodapiyokaikono. Toro toollu mollukwolapino sumaveyokwe a'mwo aguto su tool Pris mido mollomwalokwe toorogai'aro Juu tooravuro yiuwi'nokai kaunsel toorogai'aro tooro abi'bwo'nopureyokwe adomarokaikono. Toro doma'no sumaiyokwe a'mwo su tooro bi'bwo'nodopure toga Poolollu a'mwo su tooravuro sumdollu toru aulomolludapiyokaikono.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida