1 Timooti 3
3
Jisasolluro mollu'bwoto ton kemi a'mwono moduvomwallo'moneyokwe toorai yenyubworoma'mwalpino tovinokwono
1Kuuguudo ikudumo akav nebal'nodokwono. A'mwo pwol Jisasolluro a'mwo abolo tonyu a'mwono moduvomwallo'moneyokwe womdo yono tov ilaiyo to'nodokwono. Toro te a'mwo pwol womdo su tovi mallo'mo kwino'ji tool ilaiyo yonekono.#Krt. 20:28b 2Toro te a'mwono moduvomwallo'moneyokwe imo'nyo'mo kwino'ji pwol aro molludo'movla'mdowodekono. Jisasolluro a'mwo abolo tonyuro sumdo tovi gamino nobwolomorumwogapiyapiyokwe kaiya'no pasudo ton miyodowodekono. Aki toro tool abolo yiuno puru'monodokwekono. Aki gavnokwe tool po'dogalo mollomwalnowo'ji pi'mwo kuudo tokwe yomjomwekovla'mdowodekono. Aki ilaiyo to'no yodowodo toolluno tov gamino yovo kuruv sugudo kurukwekono. Aki a'mwo abolo pun gamoro ago tovi abuuru'mapi tonyu po'dogalo mollomwalodowodekono. Aki toro tool Gooti toolluro yogalo tokwe yodubwaso'moneyokwe nokwo'mekono.#Tai. 1:6-9 3Aki toro tool amomo yo'moneyokwe wain wonyo bwotonyago manyokwekono. Aki magu'nyo miyokwekono. Toro kwol kuruv a'mwo abolo tonyu kavo duubemwojowo'ji gamoro sumwoluko kuruv kavo wosunyokwekono. Aki toro tool nuugwiyo tonyuno kalo buuropino mwinyokwekono.#Ef. 5:18; Hib. 13:5
4Toro tool gami julkwolaiyo tonotai po'dogalo mollomwalodowodekono. Aki gamoro kwolaiyo taiyo ton gami kaduko neya wimwalpino'moneyokwe jurogudo duuwimwojodowodekono. Toro duuwimwojodowo'jure tovi kwolaiyo taiyo su ton kuvinono uumjunodupudogano. Aki toro ton kemi kuunumiyago toollu dolago tomuu ilaiyo to'no yomjomwekovla'mdupudogano. 5Kevu kuudo neya jaullulo. A'mwo pwol gami julkwolaiyo tonotai po'dogalo mamollomwalodowodo tool Gooti toolluro mollu'bwoto tovida'ai a'mwo abolo kunyu kuruv po'dogalo mamollomwalonekono.
6Aki a'mwo Jisasolluno kuudo aiyo kuubweyo'ji pwol Jisasolluro a'mwo abolo tonyu moduvomwallo'moneyokwe nyumo'no'jo. Su tov aro tovinokwono. A'mwo kuudo aiyo kuubweyo'ji su tool gavnokweyolluno ilomoropunyu sawo'ji tov aiyoga Gooti tool Satanyollu jul'nyogalo adubweyoka to'busuko kubalno a'mwo su toollu jul'nyogalo aval'no nodubweyo'jo. Su toro tovino tov a'mwo aiyo tool a'mwono moduvomwallo'moneyokwe ku'nono mimo'nonekono. 7Aki a'mwono moduvomwallo'moneyokwe imo'nono su tool Jisasolluro mollu'bwoto tovi kwa'mguda'ai kunyu kuruv yovo sugudokwe neya wimo'nodowodekono. Su tov aro tovinokwono. A'mwo moduvomwallokwe su tool sugudo somjomwekovlawo'ji tov kwa'mguda'ai ton gamino bwolomorumwogapiyo'moneyokwe kaiya'no yogalo ku'nono madupinogano. A'mwo abolo pun a'mwo su toolluno kuvinono abwolomorumwogapiyapi tov a'mwo su tool Satanyolluro wuulo kuuro'mdowo'jure tovi nowaro'jo.
Jisasolluro mollu'bwoto ton a'mwo diken womdokwe toorai yenyubworoma'mwalpino tovinokwono
8Su toro to'busuko kubalno a'mwo aro senyubworomapi toorai Jisasolluro mollu'bwoto tonyu wiyo'mwojo'moneyokwe diken womdokwe nokwo imo'nupinorogano. A'mwo su tooro kuudo ilaiyo tollovai pi'mwono molludo'movla'mwalpinorogano. Aki toro tooro a'mwo abolo tonyu mamojoguulludapiyopi aki wain wonyo bwotonyago nonyo'mo mwinmwalpinorogano. Aki noonyumwonyu punyuno bwotonyo ki'nomallo'mo mwinmwalpinorogano.#Ef. 5:18 9Toro kworo kuruv Krais toolluno kuuguudo tovino to'no neya gudupola'mwalpinorogano. Kuuguudo su tov aiyoga yiulo apuu'nallajuko kuvi kuruv aga'no'gwowi kuu'maiyo toru'no me'no bomollolupto'nosodowodokwono. Aki toro tooro kemi poowokalago tovida'ai kuudo kuuluuwo'dupudo kunyu kuruv neya uumjunmwalpinorogano. 10A'mwo su toro toorai yere majesupi toga Jisasolluro a'mwo abolo ton sumdomgu neya kinodokwopiyomapinorogano. A'mwo su tooravuro womdo puruv ilaiyo supi tovi kwonpi toga lukomgu a'mwo su to kworai nokwo jesupinogano. Me'no ajesupi toga'no'gwowi a'mwo su tooro diken womdo tovi nokwo imwalpinorogano.
11Su toro to'busuko kubalno abolo kun kuruv kuudo ilaiyo tollovai pi'mwono molludo'movla'mwalpinogano. Aki a'mwo abolo punyuno buulo yogalo madopi kevnokwe ton neya mollomwalnumwalpinogano. Aki yiuno sugudo to'no neya yomjomwekovla'mwalpinogano.
12Aki a'mwo diken womdokwe sumo'nupi su tooro abolo yiuno puru'monodo tokwe neya imo'nupinorogano. Aki toro tooro kemi julkwolaiyo tonotogai'aro kemoro ago tovida'ai yiuwi'nokai kuulomwalodupudo kugai'aro tonyu po'dogalo neya mollomwalmwalpinorogano. 13Toro te neya duu'nyulo. A'mwo diken womdokwe su tooro womdo ilaiyo sumovlapi tov Jisasolluro a'mwo abolo ton wonopi aro dupinogano. “Oo a'mwo akaro sugudorogano.” Dupinogano. Toro tooro Krais Jisasolluno kuudo guureji kuubwepi tovino tov kwolluno moruujo'moneyokwe luko mimwalpinorogano.#Krt. 6:3
Gooti toolluro yiulo yogalo kuu'maiyo toru'no me'no bomollolupto'nosodowodo su tov aguto kuunodokwono
14Nuu gumi yere boguru'mallo'mo anyunadopiyo. Toro te kuuguudo akav nuvnokwe toonyu amokabo'mujuko kuvi kuruv pas akavi sokwollagubwemono. Kuuguudo akav yere sokwollagubwemo tov aro tovinokwono. 15Nuu kemi yere mabekuru'ma'mi tov kevu kuuguudo akavino sogwollo nenpiyo. Kuuguudo akavi wonopi kemoro nyomjomwekovla'mwalpino tovino aro kuudo nokwo youromapinogaikikono. Oo nevu Gooti aiyo mujomwekovla'mdowodo su toolluro mollu'bwoto tonol gamoro ago wimo'nodowadonogano. Aki toro tonol anyutuko to'busuko imo'nodowa gamoro nebaikuuguudo tovi sobanyo molloda'mdowadonogano. Toro molloda'mdowa'jure tovida'ai nebaikuuguudo su tov guureji yoda'mdowodokwono. Su toro kuudo nokwo youromapinogaikikono.#Ef. 2:19-22 16Toro te nevu aro tovino kuudo noullo maullo miyau'dowadonogano. Gooti toolluro yiulo yogalo kuu'maiyo toru'no me'no bomollolupto'nosodowodo su tov aguto kuunodokwono. Yogalo su tov aro dodowodokwono.
“Krais tool a'mwo kulako kuunodo tokwe imo'no'no a'mwo abolo tonyu kwiyalugunyajukekono. Toro toolluno Gooti toolluro Kuullo tool kuu'maiyo aro kuuduuwallajukekono. A'mwo akal Gooti toolluro sugudo to'nodekono. Kuuduuwallajukekono. Aki ensel pworo kwollu me'no kwonomaropekono. Aki gamoro womdokwe tooro yiuwi'nokai kantri tomuu kwolluno kuuguudo amodomollajuporogano. Su toro amodomollajupo toolluno yiuwi'nokai kwako akavida'ai a'mwo abolo pun kuudo kuubweyopekono. Aki toro toollu Gooti tool muunyu kai'muuno mokailno sumaiyokwe gamoro bako jurogudo tovi anakuuto tomuu aulomorumwallokaikono.”
Yogalo aguto su tov toro dodowodokwono.
Currently Selected:
1 Timooti 3: SMB
Highlight
Copy
Compare
Share
Want to have your highlights saved across all your devices? Sign up or sign in
© 2022: Ethnos360 Sanford, Florida
1 Timooti 3
3
Jisasolluro mollu'bwoto ton kemi a'mwono moduvomwallo'moneyokwe toorai yenyubworoma'mwalpino tovinokwono
1Kuuguudo ikudumo akav nebal'nodokwono. A'mwo pwol Jisasolluro a'mwo abolo tonyu a'mwono moduvomwallo'moneyokwe womdo yono tov ilaiyo to'nodokwono. Toro te a'mwo pwol womdo su tovi mallo'mo kwino'ji tool ilaiyo yonekono.#Krt. 20:28b 2Toro te a'mwono moduvomwallo'moneyokwe imo'nyo'mo kwino'ji pwol aro molludo'movla'mdowodekono. Jisasolluro a'mwo abolo tonyuro sumdo tovi gamino nobwolomorumwogapiyapiyokwe kaiya'no pasudo ton miyodowodekono. Aki toro tool abolo yiuno puru'monodokwekono. Aki gavnokwe tool po'dogalo mollomwalnowo'ji pi'mwo kuudo tokwe yomjomwekovla'mdowodekono. Aki ilaiyo to'no yodowodo toolluno tov gamino yovo kuruv sugudo kurukwekono. Aki a'mwo abolo pun gamoro ago tovi abuuru'mapi tonyu po'dogalo mollomwalodowodekono. Aki toro tool Gooti toolluro yogalo tokwe yodubwaso'moneyokwe nokwo'mekono.#Tai. 1:6-9 3Aki toro tool amomo yo'moneyokwe wain wonyo bwotonyago manyokwekono. Aki magu'nyo miyokwekono. Toro kwol kuruv a'mwo abolo tonyu kavo duubemwojowo'ji gamoro sumwoluko kuruv kavo wosunyokwekono. Aki toro tool nuugwiyo tonyuno kalo buuropino mwinyokwekono.#Ef. 5:18; Hib. 13:5
4Toro tool gami julkwolaiyo tonotai po'dogalo mollomwalodowodekono. Aki gamoro kwolaiyo taiyo ton gami kaduko neya wimwalpino'moneyokwe jurogudo duuwimwojodowodekono. Toro duuwimwojodowo'jure tovi kwolaiyo taiyo su ton kuvinono uumjunodupudogano. Aki toro ton kemi kuunumiyago toollu dolago tomuu ilaiyo to'no yomjomwekovla'mdupudogano. 5Kevu kuudo neya jaullulo. A'mwo pwol gami julkwolaiyo tonotai po'dogalo mamollomwalodowodo tool Gooti toolluro mollu'bwoto tovida'ai a'mwo abolo kunyu kuruv po'dogalo mamollomwalonekono.
6Aki a'mwo Jisasolluno kuudo aiyo kuubweyo'ji pwol Jisasolluro a'mwo abolo tonyu moduvomwallo'moneyokwe nyumo'no'jo. Su tov aro tovinokwono. A'mwo kuudo aiyo kuubweyo'ji su tool gavnokweyolluno ilomoropunyu sawo'ji tov aiyoga Gooti tool Satanyollu jul'nyogalo adubweyoka to'busuko kubalno a'mwo su toollu jul'nyogalo aval'no nodubweyo'jo. Su toro tovino tov a'mwo aiyo tool a'mwono moduvomwallo'moneyokwe ku'nono mimo'nonekono. 7Aki a'mwono moduvomwallo'moneyokwe imo'nono su tool Jisasolluro mollu'bwoto tovi kwa'mguda'ai kunyu kuruv yovo sugudokwe neya wimo'nodowodekono. Su tov aro tovinokwono. A'mwo moduvomwallokwe su tool sugudo somjomwekovlawo'ji tov kwa'mguda'ai ton gamino bwolomorumwogapiyo'moneyokwe kaiya'no yogalo ku'nono madupinogano. A'mwo abolo pun a'mwo su toolluno kuvinono abwolomorumwogapiyapi tov a'mwo su tool Satanyolluro wuulo kuuro'mdowo'jure tovi nowaro'jo.
Jisasolluro mollu'bwoto ton a'mwo diken womdokwe toorai yenyubworoma'mwalpino tovinokwono
8Su toro to'busuko kubalno a'mwo aro senyubworomapi toorai Jisasolluro mollu'bwoto tonyu wiyo'mwojo'moneyokwe diken womdokwe nokwo imo'nupinorogano. A'mwo su tooro kuudo ilaiyo tollovai pi'mwono molludo'movla'mwalpinorogano. Aki toro tooro a'mwo abolo tonyu mamojoguulludapiyopi aki wain wonyo bwotonyago nonyo'mo mwinmwalpinorogano. Aki noonyumwonyu punyuno bwotonyo ki'nomallo'mo mwinmwalpinorogano.#Ef. 5:18 9Toro kworo kuruv Krais toolluno kuuguudo tovino to'no neya gudupola'mwalpinorogano. Kuuguudo su tov aiyoga yiulo apuu'nallajuko kuvi kuruv aga'no'gwowi kuu'maiyo toru'no me'no bomollolupto'nosodowodokwono. Aki toro tooro kemi poowokalago tovida'ai kuudo kuuluuwo'dupudo kunyu kuruv neya uumjunmwalpinorogano. 10A'mwo su toro toorai yere majesupi toga Jisasolluro a'mwo abolo ton sumdomgu neya kinodokwopiyomapinorogano. A'mwo su tooravuro womdo puruv ilaiyo supi tovi kwonpi toga lukomgu a'mwo su to kworai nokwo jesupinogano. Me'no ajesupi toga'no'gwowi a'mwo su tooro diken womdo tovi nokwo imwalpinorogano.
11Su toro to'busuko kubalno abolo kun kuruv kuudo ilaiyo tollovai pi'mwono molludo'movla'mwalpinogano. Aki a'mwo abolo punyuno buulo yogalo madopi kevnokwe ton neya mollomwalnumwalpinogano. Aki yiuno sugudo to'no neya yomjomwekovla'mwalpinogano.
12Aki a'mwo diken womdokwe sumo'nupi su tooro abolo yiuno puru'monodo tokwe neya imo'nupinorogano. Aki toro tooro kemi julkwolaiyo tonotogai'aro kemoro ago tovida'ai yiuwi'nokai kuulomwalodupudo kugai'aro tonyu po'dogalo neya mollomwalmwalpinorogano. 13Toro te neya duu'nyulo. A'mwo diken womdokwe su tooro womdo ilaiyo sumovlapi tov Jisasolluro a'mwo abolo ton wonopi aro dupinogano. “Oo a'mwo akaro sugudorogano.” Dupinogano. Toro tooro Krais Jisasolluno kuudo guureji kuubwepi tovino tov kwolluno moruujo'moneyokwe luko mimwalpinorogano.#Krt. 6:3
Gooti toolluro yiulo yogalo kuu'maiyo toru'no me'no bomollolupto'nosodowodo su tov aguto kuunodokwono
14Nuu gumi yere boguru'mallo'mo anyunadopiyo. Toro te kuuguudo akav nuvnokwe toonyu amokabo'mujuko kuvi kuruv pas akavi sokwollagubwemono. Kuuguudo akav yere sokwollagubwemo tov aro tovinokwono. 15Nuu kemi yere mabekuru'ma'mi tov kevu kuuguudo akavino sogwollo nenpiyo. Kuuguudo akavi wonopi kemoro nyomjomwekovla'mwalpino tovino aro kuudo nokwo youromapinogaikikono. Oo nevu Gooti aiyo mujomwekovla'mdowodo su toolluro mollu'bwoto tonol gamoro ago wimo'nodowadonogano. Aki toro tonol anyutuko to'busuko imo'nodowa gamoro nebaikuuguudo tovi sobanyo molloda'mdowadonogano. Toro molloda'mdowa'jure tovida'ai nebaikuuguudo su tov guureji yoda'mdowodokwono. Su toro kuudo nokwo youromapinogaikikono.#Ef. 2:19-22 16Toro te nevu aro tovino kuudo noullo maullo miyau'dowadonogano. Gooti toolluro yiulo yogalo kuu'maiyo toru'no me'no bomollolupto'nosodowodo su tov aguto kuunodokwono. Yogalo su tov aro dodowodokwono.
“Krais tool a'mwo kulako kuunodo tokwe imo'no'no a'mwo abolo tonyu kwiyalugunyajukekono. Toro toolluno Gooti toolluro Kuullo tool kuu'maiyo aro kuuduuwallajukekono. A'mwo akal Gooti toolluro sugudo to'nodekono. Kuuduuwallajukekono. Aki ensel pworo kwollu me'no kwonomaropekono. Aki gamoro womdokwe tooro yiuwi'nokai kantri tomuu kwolluno kuuguudo amodomollajuporogano. Su toro amodomollajupo toolluno yiuwi'nokai kwako akavida'ai a'mwo abolo pun kuudo kuubweyopekono. Aki toro toollu Gooti tool muunyu kai'muuno mokailno sumaiyokwe gamoro bako jurogudo tovi anakuuto tomuu aulomorumwallokaikono.”
Yogalo aguto su tov toro dodowodokwono.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022: Ethnos360 Sanford, Florida