Salmos 1
1
LIBRO I
(Salmos 1—41)
Sc'oplal mero xcuxetel co'ntontic
1Xcuxet no'ox yo'nton li boch'o mu xch'un c'usi ch-albat yu'un boch'otic chopolique,
ti mu xanov ta sbe li jpasmuliletique,
ti mu co'oluc c'usi tsnop xchi'uc li boch'otic tslabanic Diose,
2ti ja' no'ox oy ta yo'nton o li smantaltac Muc'ul Diose,
ti ja' tsnopilan o ta yo'nton ta c'ac'al ta ac'ubale.
3Li boch'o jech yo'ntone ja' co'ol jech chac c'u cha'al jpets te' ts'unbil ta ti' uc'um,#Job 29.19; Jer 17.8.
ti lec chac' sat c'alal yorail tsatine,
ti mu xlilij li yanale.
Scotol li c'usi tspase lec chbat yu'un scotol.
4Yan li boch'otic chopolique mu jechuc;
ja' co'olic jech chac c'u cha'al solil trigo ti chcuchat batel ta iq'ue.#Job 21.18; Jer 13.24; Os 13.3; Sof 2.2.
5Ja' yu'un li boch'otic chopolique mu xcuch yu'unic ti c'alal oy chapanele;
li jpasmuliletique mu xu' jmoj chc'otic xchi'uc li boch'otic lequique.
6Yu'un li Muc'ul Diose te oy sat ta sbe xaneb li boch'otic lequique;
yan li boch'otic chopolique ja' no'ox sventa ch'ayel li be stamojique.#Pr 4.18-19; Mt 7.13-14.
Currently Selected:
Salmos 1: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.