Jonás 1
1
Li Jonase ijatov ta scoj muc sc'an spasbe yabtel Dios
1Li Jonás#2 R 14.25. xnich'on Amitaie ic'opanat yu'un li Muc'ul Diose, jech i'albat: 2“Lican, batan ta muc'ta lum Nínive; albo ya'ay ti ta jlajes li lume, ic'ot xa c'alal ta jtojol li smulique”,#Nah 1.1; 3.1-19. x'utat.
3Pero li Jonase ijatov loq'uel ta stojol li Muc'ul Diose,#Sal 139.7,9-10. chbat ox ta lum Tarsis. Jech te iyal batel ta Jope, la stsac batel jun barco ti chbat ta Tarsise. Te la stoj spasaje, i'och batel, co'ol ibatic xchi'uc li boch'otic chbatic ta Tarsise, yu'un tsc'an ti nom xa oy ta stojol li Muc'ul Diose. 4Pero li Muc'ul Diose la sliques muc'ta ic' te ta nab, bats'i tsots ta jyalel li iq'ue; la snopic ti te xa chvoc' o ta nab li barcoe. 5Li j'abteletic ta barcoe ixi'ic ta jyalel; te lic sc'opan sdiosic jujunic. Li yicats barcoe la sjipic yalel ta nab, yu'un jech mu'yuc ol chcom li barcoe. Pero li Jonase te yalem batel ta yavil icatsiletic; jun yo'nton te chvay, solel pim batem li svayele. 6Li banquilal yu'un j'abteletic ta barcoe ibat yo' bu oy li Jonase, jech laj yalbe:
—¡C'usi chapas tee, me' jvayel! Lican, c'opano li Dios avu'une, naca me ja' chixc'uxubinutic to, yu'un jech mu xijchamutic —xut.
7Jech lic yalbe sbaic li j'abteletic ta barcoe:
—La' jpastic canal tajimol sventa ta jna'tic boch'o ta smul cu'untic ti vi x'elan jvocoltique —xut sbaic.
C'alal la spasic li canal tajimole, ja' ic'ot ta stojol li Jonase.
8Ja' yu'un jech lic sjac'beic:
—Alo ca'icutic c'u yu'un ti jech oy li jvocoltic li'i. ¿C'usi avabtel? ¿Bu liquemot tal? ¿Bu avosilal, bu lumal liquemot tal? —xutic.
9Itac'ov li Jonase:
—Vu'un hebreo vinicun; ja' quich'oj ta muc' li Muc'ul Diose, ja' li Dios ti la spas vinajele, ja' li boch'o la spas li nabe xchi'uc li banamile —xi.
10C'alal laj ya'yic laj yal ti yu'un ijatov tal ta stojol Muc'ul Dios ti jech ic'ot ta pasel ta stojolique, yo'to ep ixi'ic. Jech laj yalbeic:
—¿C'u yu'un ti jech laj apase? 11¿C'usi ta jpasbotcutic yu'un jech ac'o ch'abiuc li nabe? —xutic. Yu'un laj yilic ti cha'cha' to tsots la syuq'uilan sba li nabe.
12Itac'ov li Jonase:
—Ja' lec jipicun yalel ta nab, jech ta xch'abi li nabe, yu'un jna'oj lec ti vu'un ta jmul ti jech ital tsots ic' ta jtojoltique —xi.
13Pero li j'abteletic ta barcoe laj to yaq'uic persa xlechuel batel ta ti'nab, yu'un tsc'an chbat staic banamil, pero muc xu' yu'unic, yu'un yo'to itsatsub ta jyalel li iq'ue; solel net'bilic o batel. 14Jech lic avanicuc ta stojol li Muc'ul Diose, jech laj yalic: “Muc'ul Dios, ta jc'ancutic vocol ta atojol ti mu me xichamcutic ta sventa li vinic li'i. Me mu'yuc smule, mu me xavac' jmulincutic ti me ichame. Yu'un li vo'ote, Muc'ul Dios, jech tsc'an avo'nton li c'usi chc'ot ta pasele”, xiic.
15Jech te lic stsaquic li Jonase la sjipic yalel ta nab, jech ipaj ta yuc'lajetel li nabe. 16Li j'abteletic ta barcoe bats'i ep laj yich'ic ta muc' li Muc'ul Diose; la smilbeic smoton, xchi'uc oy c'usi jamal laj yalic ta stojol ti tspasique.
17Li Muc'ul Diose spasoj xa'ox tal ta mantal jcot muc'ta choy ta sventa tsbic' batel li Jonase. Jech oxib c'ac'al xchi'uc oxib ac'ubal te oy ta yut xch'ut choy li Jonase.#Mt 12.40.
Currently Selected:
Jonás 1: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.