Isaías 1
1
Jpasmuliletic i'ilatic yu'un Dios scotol li judaetique
1C'alal ja'o i'ochilanic ta ajvalilal ta Judá#Mi 1.1. li Uzías,#2 R 15.1-7; 2 Cr 26.1-23. Jotam,#2 R 15.32-38; 2 Cr 27.1-9. Acaz,#2 R 16.1-20; 2 Cr 28.1-27. xchi'uc Ezequiase,#2 R 18.1—20.21; 2 Cr 29.1—32.33. li j'alc'op Isaías xnich'on Amoze i'ac'bat yil yu'un Dios c'u x'elan sc'oplal li Judá xchi'uc Jerusalene. Jech laj yal:
2Vinajel, a'yo ava'ay; banamil, tuc'ulano lec,
yu'un ta xc'opoj li Muc'ul Diose:
“La cac' ayinuc jnich'nab, xchi'uc laj cac' ch'iicuc,
pero lic stoy sbaic ta jtojol.
3Li vacaxe xotquin li yajvale;
li buroe sna' bu yavil sve'el ac'bil yu'un li yajvale,
pero li Israele mu sna'be smelol;
li jteclum cu'une mu'yuc sbijilic o”,#Jer 8.7. xi.
4Abul abaic, jpasmulil cristianoetic,
pixiloxuc ta achopolilic,
sts'unubaloxuc chopol cristiano,
xnich'naboxuc jmulavil.
Laj acomtsanic li Muc'ul Diose;
laj asa'beic sc'ac'al yo'nton li Ch'ul Dios yu'un Israele;
laj ava'lupatinic comel.
5Staoj yav jtoybaoxuc o.
¿Bu xa jotucal abec'talic xu' chc'ot li nucule?
yu'un tuch'emic xa sbejlijil ajolic;
xlaj xtu'p xa avo'ntonic.
6Xlic ta yut avacanic c'alal to ta ajolic, me jutuc mu'yuc xa bu lec;
tuch'emic, situbenic, chc'a'an xa,
mu'yuc poxtabil, mu'yuc pixbil,
mu'yuc bu c'unibtasbil jutuc ta aceite.#Jer 30.12-15.
7Li avosilalique yavnaijem o ta j'ech'el;
li lumetic avu'unique ochem xa sc'ac'al.
Te aq'uelojic ta xtal slajes scotol yanlumetic li c'usitic ats'unojique;
j'ech'el cha'ulic o jech chac c'u cha'al j'ech'el i'ulesatic li yan lum ti toj chopol c'usi la spasique.
8Ja' xa no'ox stuc va'al chcom li lum Sione;#1.8 Sione - Ja' sc'oplal lum Jerusalén.
te lechel chcom jech chac c'u cha'al lechupat ta yut ts'usubaltic;
stuc bejel chcom jech chac c'u cha'al na ta yut melontic;
ja' jech chcom jech chac c'u cha'al jun lum ti setubil xa yu'un yajcontrae.
9Ti manchuc chiscomtsanutic to jutuc li Muc'ul Dios ti tspas ta mantal scotol te ta vinajele,
ja' xa jech oyutic jech chac c'u cha'al Sodoma ti jechuque,
co'olutic xa jech chac c'u cha'al Gomorra ti jechuque.#1.9 Sodoma xchi'uc Gomorrae - Ja' sc'oplal lum Jersusalén.,#Gn 19.1-29; Ro 9.29.
Iq'uel sventa ta jsutes co'ntontic
10Banquilaletic ta Sodoma, a'yic c'usi chal li Muc'ul Diose;
jnaclumetic ta Gomorra,#Jer 23.14. tuc'ulanic lec li mantaletic yu'un Dios cu'untique.
11Jech chal li Muc'ul Diose:
“¿C'usi stu cu'un li epal matanal chamilbicune?
I'ech' xa co'nton yu'un li ch'ium chij chachic'bicune,
xchi'uc li xepual ats'unub avovolic ti lec jubenique;
mu xa jc'an li xch'ich'al tot vacaxetic, li xch'ich'al chijetic,
xchi'uc li xch'ich'al tentsunetique.
12¿Boch'o la sc'anboxuc ti chtal ava'an abaic li' ta jtojol,
ti chtal ateq'uic li amac' cu'une?
13Mu xa xavich'bicun tal yan matanal;
i'ech' xa co'nton yu'un li xch'ayilal apomique.
Mu xa sts'ic cu'un ti chatsobic tal scotol achi'iltaquic yu'un chapasic
q'uin sventa ach' u,#1.13 U - Oy boch'o chalic jme'tic.
xchi'uc sventa chatsob abaic ta sc'ac'alil chacux avo'ntonique;
mu'yuc stu chquil li q'uin chapasique yu'un toj chopoloxuc.
14Li q'uin chapasic ta jujun ach' u#1.14 U - Oy boch'o chalic jme'tic. xchi'uc ta jujun muc'tic q'uin avu'unique ilinemun xa yu'un;
sta xa co'nton yu'un;
mu xa sts'ic cu'un.#Jer 6.20; Am 5.21-22.
15C'alal chatoy ac'obic ta jtojole,
li vu'une ta jnac' jsat ta atojolic.
C'alal ep chac'opanicune, mu'yuc ta jtuc'ulanboxuc,
yu'un nojem ta ch'ich' chquil li ac'obique.
16Poco abaic, atinanic lec;
loq'uesic scotol li achopolilic ta jtojole;
comtsanic li c'usitic chopole.
17Ja' chanic spasel li c'usitic leque;
ja' sa'ic li c'usitic tuq'ue;
coltaic li boch'o uts'intabilique,
tuc' xachapanic li boch'o mu'yuc stot sme'ique;
va'ano abaic ta scoltael li me'on antsetique”,#Ex 22.21-22; Dt 24.17-21; 27.19. xi li Muc'ul Diose.
18Jech chayalboxuc li Muc'ul Diose:
“La'ic ta jtojol ta ora, la' caltic c'usi tsc'an pasel.
Ac'o me bats'i cuxul tsoj li amulique, sac chcom jech chac c'u cha'al tayo;
ac'o me ic'ic'tic xa sba stsajal, sac chcom jech chac c'u cha'al saquil tsots.
19Me chach'unic, me chavich'icun ta muq'ue,
ta to xave'ic li c'usitic chloc' li' ta banamile.
20Yan me mu xac'anique, me chatacchiquintaic li jmantale,
chavich'ic ulesel o ta espada”, xi loq'uem ta ye stuc li Muc'ul Diose.
Li Diose tslecubtas yan velta li Jerusalene
21Tuq'uil lum, ¿c'uxi lac'ataj ta jmulavil ants?#Jer 3.6-10; Ez 16.15-36; 23.1-49.
Yu'un puru tuc' to'ox c'usi tspasic li boch'otic te nacajtique;
puru lec to'ox yabtelic,
pero tana puru jmilvanejetic xa te oy.
22Co'olot to'ox xchi'uc saquil taq'uin, pero tana c'a'ep xa c'otemot;
ja' to'ox jechot jech chac c'u cha'al lequil ya'lel ts'usub, pero tana xco'laj xa xchi'uc capalot ta vo'.
23Li banquilaletic avu'une puru jbajmantaletic;
ja' xa xchi'ilic j'eleq'uetic.
Scotolic lec xa'yic xch'amel taq'uin;
ja' tsa'ic c'u x'elan xu' ch-ac'bat smotonic.
Mu'yuc tuc' chchapanic li me'on ololetique;
tsmaquilanbeic ta be xchapanel li me'on antsetique.
24Ja' yu'un, li Ajvalil, li Muc'ul Dios ti ech'em svu'ele,
ja' li stsatsal Israele, jech chal:
“Te no'ox c'alal; ta xcac'be stojic li boch'otic chiscontrainicune;
ta jpacbeic sutel li boch'otic chopol chiyilicune.
25Li vo'ote, Jerusalén, ta xcac' jc'ob ta atojol;
ta jmes loq'uel scotol li ac'a'epale;
ta jpoc loq'uel scotol li achopolile.
26Ta jva'an yan velta jchapanvanejetic avu'un jech chac c'u cha'al ta sliqueb;
ta jva'an jtojobtasvanejetic jech chac c'u cha'al ta vo'one,
jech chlic albatan yan velta:
‘Li lum le'e lec tuc' yabtel’; ‘toj jun yo'nton li jun ta lume’,#Zac 8.3. xi ac'oplal.
27“Li yajvaltac lum Sión ti tsutic tal ta jtojole,
ta sventa slequil, stuq'uil co'nton ta jcolta.
28Yan li jtoybaetique xchi'uc li jpasmuliletique ta jlilin o ta j'ech'el;
li boch'o chiscomtsanicune j'ech'el ta xlajic o.
29Ta xlic q'uexovanic yu'un li tulantic ti lec toybil avu'unique,
xchi'uc li ts'unubaltic ti toj lec ac'upinojique.
30Li vo'oxuque ja' jech chac'otic jech chac c'u cha'al tulan ti tslusib xa yanale,
xchi'uc li ts'unubaltic ti tsc'an ya'lele.
31Li boch'otic tsnop ti lec xu' yu'unique
ja' jech chc'otic jech chac c'u cha'al taqui jobel;
li yabtelique chc'ataj ta nich c'oc'.
Xcha'chopal chlic tsanuc;
mu'yuc xa boch'o xu' yu'un tstu'p o”, xi li Muc'ul Diose.
Currently Selected:
Isaías 1: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.