Sabiduría 1
1
Ja' tsc'an ti lec tuc' co'ntontic sventa ta jtatic jcuxlejaltic sbatel osile
1Vo'oxuc ajvaliletic li' ta banamile,#1.1 Ajvalilletic li' ta banamile - Li boch'o la sts'iba li vun li'i ja' la xch'amanbe ye li bijil ajvalil Salomone sventa ac'o yalbe yantic ajvaliletic ta sbejel banamil ti ac'o tuc'uc sventainic li jujun slumalique. c'anic me li c'usi tuq'ue.#1.1 C'anic me li c'usi tuq'ue - Ja' sc'oplal ti ac'o spasic c'usi tsc'an yo'nton li Diose. Ja' tsc'an ac'o tuc'uc jpas jbatic ta stojol Dios xchi'uc ta stojol jchi'iltactic.
Jbejuc me avo'ntonic ta stojol li Cajvaltique;
sa'ic me ta scotol avo'ntonic.
2Li boch'otic mu persauc ta sc'anbeic sq'uelubile ta staic;#Cf. 1 Cr 28.9; 2 Cr 15.2.
li Diose ta xac' sba ta ilel ta stojolic li boch'otic mu xchibaj yo'ntonic ta stojole.
3Li boch'otic chopol sjolique ta svoc' sbaic ta stojol li Diose;
li boch'otic bolique tsc'an tsq'uelbeic yo'nton li Boch'o xu' yu'une
yu'un ta x'ac'atic ta q'uexlal yu'un.
4Li bijilile mu x'ayin ta yo'nton li boch'o toj chopole,
xchi'uc mu xnaqui ta stojol li boch'o yac'oj sba ta sventa mulile.
5Li Ch'ul Espíritu ti ja' jchanubtasvanej yu'un li cristianoetique,
ta xjatov loq'uel ta stojol li jlo'lavaneje;
ta svoc' sba ta stojol li boch'otic bol c'usi ta snopique,
xchi'uc ta sq'uej sba loq'uel c'alal ta xnoch'aj tal li c'usi mu'yuc tuq'ue.
6Li bijilile ja' jun espíritu ti lec sc'anoj sba xchi'uc li cristianoetique,#1.6 Oy bu co'oltic chal ta sc'op Dios. Q'uelo Ex 34.6-7; Jn 3.16; Tit 3.4-5; 1 Jn 4.8-10.
pero mu'yuc ta sts'icbe smul li boch'otic ta xchopolc'opta li Diose,
yu'un li Diose ja' sq'uelojbe scotol li c'usi tsnop ta yut yo'nton li cristianoe,
yu'un ja' jq'uelvanej ta melel, ja' ta sq'uelbe li yo'ntone,
xchi'uc ta xa'ay scotol li c'usi ta xich' alele.
7Ta melel li espíritu yu'un Cajvaltique snojesoj li banamile,
xchi'uc jmoj stsoboj scotol li c'usitic oye;
sna'oj scotol c'usitic chalic li cristianoetique.
8Ja' yu'un scotol li boch'o ven chopol ta xlo'ilaje mu xu' ta snac' sba;#Cf. Eclo 39.19.
persa ta xich' lec chapanel ta sventa li smule.
9Li c'usitic tsnop tspasic li boch'otic ven chopolique ta ono'ox xich' sa'bel lec sc'oplal;
li c'usitic laj yalilanique chc'ot c'alal to ta stojol li Cajvaltique,
jech ta xich'ic stojobil smulic yu'un li c'usitic ven chopol la spasilanique.
10Li Diose ta xa'ay scotol, yu'un tete xchiquin li c'usi ta xich' alele;
manchuc me ta svisvislo'iltavan li cristianoetique, persa ono'ox ta xa'ay.
11Ja' yu'un comtsanic li visvislo'iltavaneje yu'un mu'yuc stu ti jech chapasilanique,
xchi'uc mu me c'usi chopol xloc' ta aveic;
ac'o me ta mucul li c'usi ta xich' alele, ac'o oyuc lec stu,
yu'un li boch'o ta x'epalc'opoje ja' ta xac'be slajel li cristianoe.#1.11 Li c'usi sc'oplal chal batel li'i ja' sventa li boch'o lequique, ja' ta staic xcuxlejalic ta stojol Dios. Yan li boch'otic chopolique ch'ayemic ta stojol Dios, yu'un ja' no'ox ta stojol Dios xu' ta jtatic li bats'i cuxlejale. Jmoj ta jtatic xchi'uc li bijilil ti liquem tal ta stojol Diose (6.17-19; 8.13-17). Ta x'ac'bat xcuxlejalic yu'un Dios li boch'otic ja' ta spasic c'usitic tuq'ue (5.15).
12Mu me xasa' alajelic ta scoj li c'usi chopol chapasique;
mu me ta scojuc no'ox c'usi tspas ac'obic ti te chasa'ic achamel alajelique.
13Yu'un mu ja'uc Dios laj yac' li lajele#Cf. 2.23-24.
xchi'uc mu xcuxetuc yo'nton ti chlaj batel li c'usitic cuxajtic li' ta banamile.#Cf. Ez 18.31-32; 33.11; 2 P 3.9.
14Scotol la spas sventa ac'o xcuxiic,
scotol li c'usitic la spas li' ta banamile toj lequic,
xchi'uc mu'yuc c'usi i'ac'abatic sventa chmilvanic;
li lajele mu xu' tspas mantal ti li' ta banamile,
15yu'un li c'usi lec tuq'ue mu sna' xlaj o sc'oplal.
Sc'oplal stalel c'u x'elan tsnopic li boch'otic ven chopolique
16Pero li boch'otic ven chopolique ta yabtelic xchi'uc ta ya'yej slo'ilic no'ox ta sa'ic li lajele.
Ja' xa lec sc'opan sba xchi'uquic, yu'un mu xlaj yo'ntonic ta sa'el;
ta xchap sc'opic xchi'uquic, ja' yu'un ja' ta staic o batel li c'usi la spasique.
Currently Selected:
Sabiduría 1: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.