Josué 24
24
Slajeb xa la sc'opan batel xchi'iltac li Josuee
1Li Josuee la stsob scotol te ta Siquem li jaychop xchi'iltac ta israelale, xchi'uc laj yic'an scotol li moletic, li banquilaletic, li jchapanvanejetic xchi'uc li j'abteletic yu'unique, jech te la stsob sba scotolic ta stojol li Muc'ul Diose. 2Li Josuee jech lic yalbe scotol li xchi'iltaque:
—Jech chal li Muc'ul Dios cu'untic, vu'utic li israelutique: ‘Li amoltotaquic ta vo'onee, ja' li Taré,#Gn 11.27. stot Abrahame, xchi'uc li Nacore te to'ox inaquiic ta jot uc'um Éufrates; ja' laj yich'ic ta muc' li yantic diosetique. 3C'alal te nacal ta jot uc'um Eufratese, vu'un laj quic' li Abrahame,#Gn 12.1-9. ay cac'be xan scotol li Canaán banamil li'i, xchi'uc laj cac' boluc ep smomnich'nab. Vu'un laj cac'be li xnich'on Isaaque.#Gn 21.1-3. 4Li Isaaque laj cac'be chib xnich'on ec, ja' li Jacob xchi'uc Esaue.#Gn 25.24-26. Li Esaue ja' laj cac'be li vitsetic ta Seire#Gn 36.8; Dt 2.5. yu'un te ac'o naquiuc. Yan li Jacob xchi'uc xnich'nabe ibatic ta Egipto.#Gn 46.1-7. 5Vu'un la jtac batel li Moisés xchi'uc Aarone, xchi'uc laj cac'be tsots svocolic li egiptoetique, jech iloq'uic o tal cu'un te ta Egipto.#Ex 3.1—12.42. 6C'alal la jloq'uesic tal ta Egipto li amoltotaquique, te ivulic ta Tsajal Nab. Pero inutsatic tal c'alal ta Tsajal Nab yu'un li egiptoetique, yic'ojic tal scaretaic xchi'uc sca'ic. 7Pero c'alal la sc'anbicun vocol ta jtojole, laj quic'ubtas osil ta stojol li egiptoetique, xchi'uc laj cac' yaluc ta sbaic li nabe, jech te imuquic o. Laj avil ta asat atuquic c'usi la jpas te ta Egipto.#Ex 14.1-31.
‘Ts'acal ep c'ac'al te lacomic ta xocol banamil. 8Ts'acal laj quic'oxuc tal ta yosilal amorretic ti te nacajtic ta jot uc'um Jordane. Tal stsacoxuc ta pleito, pero vu'un laj cac'boxuc ta ac'obic, jech laj atsalic, laj avich'beic o comel li yosilalique.#Nm 21.21-35. 9Ts'acal ilic li Balac, ja' li ajvalil yu'un moabetique, tal scontrainoxuc, xchi'uc la stac ta iq'uel li Balaam, ja' li xnich'on Beore, yu'un ac'o sc'anboxuc c'usi chopol ta atojolic. 10Pero li vu'une muc xcac' spas jech li Balaame. Ja' no'ox laj cac' ti ac'o sc'anboxuc bendición ta atojolique,#Nm 22.1—24.25. jech colem lacomic cu'un. 11Jech lajelovic tal ta jot uc'um Jordán;#Jos 3.14-17. lac'otic c'alal ta Jericó. Pero li boch'otic te nacajtic ta Jericoe la scontrainoxuc. Jech noxtoc la scontrainoxuc li amorretic, ferezetic, canaanetic, hetetic, gergesetic, hevetic xchi'uc jebusetique. Pero vu'un laj cac'boxuc ta ac'obic.#Jos 6.1-21. 12Jech noxtoc li chib ajvalil yu'un amorretique, muc vo'ocoxuc laj atsalic ta espada ta flecha. Vu'un jtuc la jtac tal muc'ta xi'el;#24.12 Muc'ta xi'el - Ta hebreo c'op chal xc'ac'ayatetic. Ja' senyail sventa xi'el.,#Ex 23.28; Dt 7.20. jech ijatovic batel ta anil ti c'alal mu'yuc to'ox chac'otique. 13Vu'un laj cac'boxuc avosilic ti muc vo'ocoxuc laj avabtelinique, xchi'uc laj cac'boxuc muc'tic lumetic ti muc vo'ocoxuc laj apasique, jech te xa nacaloxuc. Te xa chatulbeic sat li ts'usube xchi'uc li olivaetic ti muc vo'ocoxuc ats'unbenique’,#Dt 6.10-11. xi li Muc'ul Diose —xut xchi'iltac li Josuee.
Jech to laj yal li Josuee:
14—Ja' yu'un ich'ic me ta muc' li Muc'ul Diose; scotoluc avo'nton tunanic yu'un. Comtsanic o yich'el ta muc' li yantic diosetic ti ja' itunic yu'un jmoltotactic ta vo'one c'alal te nacalic ta ti' uc'um Éufrates xchi'uc ta Egiptoe. Ja' tunanic o yu'un li Muc'ul Diose. 15Yan me mu xac'an ja' xatunic yu'un li Muc'ul Diose, t'ujic ta ora boch'o chac'an chatunic yu'un. Me ja' chac'an chatunic yu'un ec li diosetic ti itunic yu'un jmoltotactic ta vo'one te ta jot uc'um Eufratese, o me ja' chac'an chatunic yu'un sdiosic li amorretic ti nacal ta avosilalique. Yan li vu'un jchi'uc cajnil jnich'nabe ja' no'ox chituncutic o yu'un li Muc'ul Diose —xi.
16Jech itac'ov scotolic:
—Mu xc'ot ta pasel ta jcomtsancutic li Muc'ul Diose, ti ja' chbat tuncuncutic yu'un yantic diosetique. 17Yu'un li Muc'ul Dios cu'untique ja' la sloq'uesutic tal ta Egipto xchi'uc li jmoltotactic ti bu to'ox tiq'uilutic ta mozoile. Ja' laj yac' quiltic ep muc'tic sq'uelubiltac stsatsal, xchi'uc ja' la xchabiutic tal ta be ti buyuc no'ox lijxanovutic tal, lijelovutic tal ta yantic lumetique. 18Xchi'uc ja' la snutsbutic loq'uel ta jtojoltic scotol li yajvaltac lumetique xchi'uc li amorretic ti li' to'ox nacajtique. Ja' yu'un li vu'uncutique ja' no'ox chituncutic yu'un ec li Muc'ul Diose yu'un ja' Dios cu'untic —xiic.
19Li Josuee jech laj yalbe:
—Mu xu' avu'un chatunic yu'un li Muc'ul Diose. Yu'un li Diose bats'i tuc' yo'nton; it'ix yo'nton me yan boch'o chquich'tic ta muq'ue. Mu sts'ic yu'un li atoyobbailic ta stojole, xchi'uc li amulique. 20Me chacomtsanic li Muc'ul Diose, me ja' chatunic yu'un yan diosetique, chlic yac'boxuc tal c'usitic chopol, xchi'uc chayulesoxuc acotolic, ac'o me puru lec to'ox c'usi la spasboxuc —xut.
21Jech itac'ovic:
—Mu xc'ot ta pasel jech. Ja' no'ox chituncutic yu'un li Muc'ul Diose —xiic.
22Jech laj yal noxtoc li Josuee:
—Vo'oxuc testigooxuc atuquic, yu'un atuc laj at'ujic ti ja' chatunic yu'un li Muc'ul Diose —xut.
—Jech, vu'uncutic testigoun jtuccutic —xiic.
23Jech laj yal li Josuee:
—Pero loq'uesic scotol li yan diosetic te oy ta atojolique. Scotoluc avo'nton te oyanic o ta stojol li Muc'ul Dios yu'un Israele —xut.
24Jech itac'ovic:
—Ja' no'ox chituncutic o yu'un li Muc'ul Diose; ja' no'ox ta jch'unbecutic li c'usi chale —xiic.
25Li Josuee te no'ox ta sc'ac'alil oy c'usi la xchapanic xchi'uc scotol li xchi'iltac te ta Siqueme; laj yac'be lec sna'ic li mantaletique, xchi'uc li chanubtaseletic yu'un Diose. 26Xchi'uc la sts'iba comel te ta svunal li mantaletic yu'un Diose. La stam jbej muc'ta ton; la sva'an ta yolon tulan te ta sts'el li ch'ulna pasbil ta nucule. 27Jech lic yalbe scotol li xchi'iltaque:
—Li ton li'i ja' testigo chcom cu'untic ta sventa scotol li c'usitic laj yalboxuc Muc'ul Diose. Ja' testigo chcom avu'unic yu'un jech mu xa'epalc'opojic ta stojol li Dios cu'untique —xut.
28Li Josuee laj yalbe ti ac'o xa suticuc batel ta snaic jujunique.
Icham li Josuee
(Jue 2.6-10)
29C'alal i'ech' jayibuc c'ac'ale, icham li Josuee, ja' li yajtunel Muc'ul Diose; yich'oj xa'ox lajuneb svacvinic (110) jabil. 30Te la smuquic ta yosil stuc te ta Timnat-sera#Jos 19.49-50. ta vitsetic yu'un Efraín ti te xcom ta stuq'uil norte yu'un li vits Gaase. 31Li israeletique ja' no'ox itunic o yu'un Muc'ul Dios ti c'alal cuxul li Josuee xchi'uc ti c'alal cuxulic ec li moletic ti laj yilic li Josuee, xchi'uc ti laj yilic scotol c'usi la spas Muc'ul Dios ta stojolique.
La smucbeic sbaquil José li israeletique
32Li sbaquiltac José ti laj yich'ic loq'uel tal te ta Egipto li israeletique#Gn 50.24-25; Ex 13.19. te la smuquic ta Siquem. Ja' li yosil Jacob ti la smanbe ta cien ta sep saquil taq'uin li xnich'nab Hamore,#Gn 33.19; Jn 4.5; Hch 7.16. ja' li stot Siqueme. Ts'acal ja' laj yich' comel smomnich'nab ec li Josee.
Icham li Eleazare
33C'alal icham ec li Eleazar, ja' li xnich'on Aarone, te la smuquic ta sts'ubts'ubil yosil xnich'on, ja' li Fineese. Ja' te ta vitsetic yu'un li Efraine.
Currently Selected:
Josué 24: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.
Josué 24
24
Slajeb xa la sc'opan batel xchi'iltac li Josuee
1Li Josuee la stsob scotol te ta Siquem li jaychop xchi'iltac ta israelale, xchi'uc laj yic'an scotol li moletic, li banquilaletic, li jchapanvanejetic xchi'uc li j'abteletic yu'unique, jech te la stsob sba scotolic ta stojol li Muc'ul Diose. 2Li Josuee jech lic yalbe scotol li xchi'iltaque:
—Jech chal li Muc'ul Dios cu'untic, vu'utic li israelutique: ‘Li amoltotaquic ta vo'onee, ja' li Taré,#Gn 11.27. stot Abrahame, xchi'uc li Nacore te to'ox inaquiic ta jot uc'um Éufrates; ja' laj yich'ic ta muc' li yantic diosetique. 3C'alal te nacal ta jot uc'um Eufratese, vu'un laj quic' li Abrahame,#Gn 12.1-9. ay cac'be xan scotol li Canaán banamil li'i, xchi'uc laj cac' boluc ep smomnich'nab. Vu'un laj cac'be li xnich'on Isaaque.#Gn 21.1-3. 4Li Isaaque laj cac'be chib xnich'on ec, ja' li Jacob xchi'uc Esaue.#Gn 25.24-26. Li Esaue ja' laj cac'be li vitsetic ta Seire#Gn 36.8; Dt 2.5. yu'un te ac'o naquiuc. Yan li Jacob xchi'uc xnich'nabe ibatic ta Egipto.#Gn 46.1-7. 5Vu'un la jtac batel li Moisés xchi'uc Aarone, xchi'uc laj cac'be tsots svocolic li egiptoetique, jech iloq'uic o tal cu'un te ta Egipto.#Ex 3.1—12.42. 6C'alal la jloq'uesic tal ta Egipto li amoltotaquique, te ivulic ta Tsajal Nab. Pero inutsatic tal c'alal ta Tsajal Nab yu'un li egiptoetique, yic'ojic tal scaretaic xchi'uc sca'ic. 7Pero c'alal la sc'anbicun vocol ta jtojole, laj quic'ubtas osil ta stojol li egiptoetique, xchi'uc laj cac' yaluc ta sbaic li nabe, jech te imuquic o. Laj avil ta asat atuquic c'usi la jpas te ta Egipto.#Ex 14.1-31.
‘Ts'acal ep c'ac'al te lacomic ta xocol banamil. 8Ts'acal laj quic'oxuc tal ta yosilal amorretic ti te nacajtic ta jot uc'um Jordane. Tal stsacoxuc ta pleito, pero vu'un laj cac'boxuc ta ac'obic, jech laj atsalic, laj avich'beic o comel li yosilalique.#Nm 21.21-35. 9Ts'acal ilic li Balac, ja' li ajvalil yu'un moabetique, tal scontrainoxuc, xchi'uc la stac ta iq'uel li Balaam, ja' li xnich'on Beore, yu'un ac'o sc'anboxuc c'usi chopol ta atojolic. 10Pero li vu'une muc xcac' spas jech li Balaame. Ja' no'ox laj cac' ti ac'o sc'anboxuc bendición ta atojolique,#Nm 22.1—24.25. jech colem lacomic cu'un. 11Jech lajelovic tal ta jot uc'um Jordán;#Jos 3.14-17. lac'otic c'alal ta Jericó. Pero li boch'otic te nacajtic ta Jericoe la scontrainoxuc. Jech noxtoc la scontrainoxuc li amorretic, ferezetic, canaanetic, hetetic, gergesetic, hevetic xchi'uc jebusetique. Pero vu'un laj cac'boxuc ta ac'obic.#Jos 6.1-21. 12Jech noxtoc li chib ajvalil yu'un amorretique, muc vo'ocoxuc laj atsalic ta espada ta flecha. Vu'un jtuc la jtac tal muc'ta xi'el;#24.12 Muc'ta xi'el - Ta hebreo c'op chal xc'ac'ayatetic. Ja' senyail sventa xi'el.,#Ex 23.28; Dt 7.20. jech ijatovic batel ta anil ti c'alal mu'yuc to'ox chac'otique. 13Vu'un laj cac'boxuc avosilic ti muc vo'ocoxuc laj avabtelinique, xchi'uc laj cac'boxuc muc'tic lumetic ti muc vo'ocoxuc laj apasique, jech te xa nacaloxuc. Te xa chatulbeic sat li ts'usube xchi'uc li olivaetic ti muc vo'ocoxuc ats'unbenique’,#Dt 6.10-11. xi li Muc'ul Diose —xut xchi'iltac li Josuee.
Jech to laj yal li Josuee:
14—Ja' yu'un ich'ic me ta muc' li Muc'ul Diose; scotoluc avo'nton tunanic yu'un. Comtsanic o yich'el ta muc' li yantic diosetic ti ja' itunic yu'un jmoltotactic ta vo'one c'alal te nacalic ta ti' uc'um Éufrates xchi'uc ta Egiptoe. Ja' tunanic o yu'un li Muc'ul Diose. 15Yan me mu xac'an ja' xatunic yu'un li Muc'ul Diose, t'ujic ta ora boch'o chac'an chatunic yu'un. Me ja' chac'an chatunic yu'un ec li diosetic ti itunic yu'un jmoltotactic ta vo'one te ta jot uc'um Eufratese, o me ja' chac'an chatunic yu'un sdiosic li amorretic ti nacal ta avosilalique. Yan li vu'un jchi'uc cajnil jnich'nabe ja' no'ox chituncutic o yu'un li Muc'ul Diose —xi.
16Jech itac'ov scotolic:
—Mu xc'ot ta pasel ta jcomtsancutic li Muc'ul Diose, ti ja' chbat tuncuncutic yu'un yantic diosetique. 17Yu'un li Muc'ul Dios cu'untique ja' la sloq'uesutic tal ta Egipto xchi'uc li jmoltotactic ti bu to'ox tiq'uilutic ta mozoile. Ja' laj yac' quiltic ep muc'tic sq'uelubiltac stsatsal, xchi'uc ja' la xchabiutic tal ta be ti buyuc no'ox lijxanovutic tal, lijelovutic tal ta yantic lumetique. 18Xchi'uc ja' la snutsbutic loq'uel ta jtojoltic scotol li yajvaltac lumetique xchi'uc li amorretic ti li' to'ox nacajtique. Ja' yu'un li vu'uncutique ja' no'ox chituncutic yu'un ec li Muc'ul Diose yu'un ja' Dios cu'untic —xiic.
19Li Josuee jech laj yalbe:
—Mu xu' avu'un chatunic yu'un li Muc'ul Diose. Yu'un li Diose bats'i tuc' yo'nton; it'ix yo'nton me yan boch'o chquich'tic ta muq'ue. Mu sts'ic yu'un li atoyobbailic ta stojole, xchi'uc li amulique. 20Me chacomtsanic li Muc'ul Diose, me ja' chatunic yu'un yan diosetique, chlic yac'boxuc tal c'usitic chopol, xchi'uc chayulesoxuc acotolic, ac'o me puru lec to'ox c'usi la spasboxuc —xut.
21Jech itac'ovic:
—Mu xc'ot ta pasel jech. Ja' no'ox chituncutic yu'un li Muc'ul Diose —xiic.
22Jech laj yal noxtoc li Josuee:
—Vo'oxuc testigooxuc atuquic, yu'un atuc laj at'ujic ti ja' chatunic yu'un li Muc'ul Diose —xut.
—Jech, vu'uncutic testigoun jtuccutic —xiic.
23Jech laj yal li Josuee:
—Pero loq'uesic scotol li yan diosetic te oy ta atojolique. Scotoluc avo'nton te oyanic o ta stojol li Muc'ul Dios yu'un Israele —xut.
24Jech itac'ovic:
—Ja' no'ox chituncutic o yu'un li Muc'ul Diose; ja' no'ox ta jch'unbecutic li c'usi chale —xiic.
25Li Josuee te no'ox ta sc'ac'alil oy c'usi la xchapanic xchi'uc scotol li xchi'iltac te ta Siqueme; laj yac'be lec sna'ic li mantaletique, xchi'uc li chanubtaseletic yu'un Diose. 26Xchi'uc la sts'iba comel te ta svunal li mantaletic yu'un Diose. La stam jbej muc'ta ton; la sva'an ta yolon tulan te ta sts'el li ch'ulna pasbil ta nucule. 27Jech lic yalbe scotol li xchi'iltaque:
—Li ton li'i ja' testigo chcom cu'untic ta sventa scotol li c'usitic laj yalboxuc Muc'ul Diose. Ja' testigo chcom avu'unic yu'un jech mu xa'epalc'opojic ta stojol li Dios cu'untique —xut.
28Li Josuee laj yalbe ti ac'o xa suticuc batel ta snaic jujunique.
Icham li Josuee
(Jue 2.6-10)
29C'alal i'ech' jayibuc c'ac'ale, icham li Josuee, ja' li yajtunel Muc'ul Diose; yich'oj xa'ox lajuneb svacvinic (110) jabil. 30Te la smuquic ta yosil stuc te ta Timnat-sera#Jos 19.49-50. ta vitsetic yu'un Efraín ti te xcom ta stuq'uil norte yu'un li vits Gaase. 31Li israeletique ja' no'ox itunic o yu'un Muc'ul Dios ti c'alal cuxul li Josuee xchi'uc ti c'alal cuxulic ec li moletic ti laj yilic li Josuee, xchi'uc ti laj yilic scotol c'usi la spas Muc'ul Dios ta stojolique.
La smucbeic sbaquil José li israeletique
32Li sbaquiltac José ti laj yich'ic loq'uel tal te ta Egipto li israeletique#Gn 50.24-25; Ex 13.19. te la smuquic ta Siquem. Ja' li yosil Jacob ti la smanbe ta cien ta sep saquil taq'uin li xnich'nab Hamore,#Gn 33.19; Jn 4.5; Hch 7.16. ja' li stot Siqueme. Ts'acal ja' laj yich' comel smomnich'nab ec li Josee.
Icham li Eleazare
33C'alal icham ec li Eleazar, ja' li xnich'on Aarone, te la smuquic ta sts'ubts'ubil yosil xnich'on, ja' li Fineese. Ja' te ta vitsetic yu'un li Efraine.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.