Jueces 2
2
I'ay c'opanaticuc yu'un Muc'ul Dios te ta Boquim li israeletique
1Li j'almantal yu'un Muc'ul Diose iloc' ta Gilgal; ibat ta Boquim, jech laj yalbe li israeletique: “Vu'un laj loq'uesoxuc tal ta Egipto; laj quic'oxuc tal li' ta banamil yo' bu calojbe ono'ox li amoltotaquic ta vo'onee. Jech laj calbe: ‘Mu'yuc ta jsoques c'usi jchapanoj ta atojolic, 2me mu'yuc c'usi chachapan achi'uquic li cristianoetic li' nacajtic ta avosilalique. Ja' tsc'an vo'oxuc chajinesbeic li scajleb smoton sdiosique’,#Ex 34.12-13; Dt 7.2-5. xcutic ono'ox. Pero li vo'oxuque muc xach'unbicun li c'usi calojboxuque. Q'uelavilic li c'usi laj xa apasique. 3Ja' yu'un li' ta orae jech chacalboxuc ava'yic: Mu'yuc ta jnuts loq'uel li' ta atojolic li cristianoetic ta lumetic ti li' to nacajtique. Li stuquic xchi'uc li diosetic yu'unique, ja' chtun sventa ayacubilic yu'un ac'o lajanic ta lo'lael yu'unic”, xi.
4C'alal jech i'albatic yu'un yaj'almantal Muc'ul Dios scotol li israeletique, scotolic x'avetic liquel ta oq'uel. 5Ja' yu'un Boquim#2.5 Boquim - Ta hebreo c'op ja' smelol boch'otic ch-oq'uic. laj yac'beic sbi li banamile. Te lic smilbeic smoton li Muc'ul Diose.
Ja' smelol c'alal icham li Josuee
(Jos 24.29-31)
6C'alal la sc'opanan batel scotol xchi'iltac ta israelal li Josuee, jech ta jujuntal isutic batel ta yosilic ti bu staojique. 7Scotol li israeletique lec laj yich'ic ta muc' Muc'ul Dios ti c'u yepal c'ac'al cuxul li Josuee, xchi'uc c'alal cuxul li moletic ti laj yilic scotol li muc'tic sq'uelubiltac stsatsal la spas Muc'ul Dios ta stojol li israeletique. 8Li Josué, xnich'on Nune, ja' li yajtunel Muc'ul Diose, yich'oj xa'ox lajuneb svacvinic (110) jabil ti c'alal ichame. 9Te bat smuquic ta yosil stuc ta Timnat-sera te ta vits yu'un Efraín ta stuq'uil norte yu'un li vits ta Gaase. 10Scotol li israeletic ti cuxulic ta yorail Josuee ichamic ec. C'alal ilic yan jc'ol alab nich'nabetique, muc xotquinic li Muc'ul Diose xchi'uc mu'yuc xilic c'usitic la spas Muc'ul Dios ta stojol li stot sme'ique.
La scomtsanic Muc'ul Dios li israeletique
11Ts'acal to, li israeletique chopol c'usi lic spasic ta stojol li Muc'ul Diose; ja' lic tunicuc yu'un li sloc'obaltac Baale. 12Ja' la scomtsanic o li Muc'ul Dios yu'un smoltotic ta vo'one ti iloq'uesatic tal ta Egiptoe; ja' bat yich'ic ta muc' li yantic diosetique, ja' li diosetic yu'un cristianoetic te nacajtic ta spat xoconique. Jech laj yaq'uic ilinuc ta stojolic li Muc'ul Diose. 13Ja' yu'un la scomtsanic o li Muc'ul Diose; ja' bat yich'ic ta muc' li Baal xchi'uc Astartee. 14Jech tsots i'ilintaatic o yu'un Muc'ul Dios li israeletique. Li Muc'ul Diose laj yac' taluc j'eleq'uetic, jech ipojbatic li c'usitic oy yu'unique, xchi'uc laj yac' ochicuc ta sc'ob li yajcontraique, jech muc xa xu' yu'un la stsalic. 15Buyuc no'ox iloq'uic batel ta paspleito, li Muc'ul Diose scontrainoj o, jech puru chopol c'usi ic'ot ta pasel ta stojolic jech chac c'u cha'al yaloj ono'ox ta jamal li Diose, jech la sta ep svocolic.#Lv 26.14-26; Dt 28.15-46.
16Pero li Muc'ul Diose la sa'be jchapanvanejetic yu'unic yu'un ac'o coltaaticuc loq'uel ta sc'ob li boch'otic la spojic c'usitic oy yu'unique. 17Pero li israeletique muc xich'beic ta muc' sc'opic noxtoc li jchapanvanejetic yu'unique; ja' bat yich'ic o ta muc' li yantic diosetique. Ta ora no'ox la scomtsanic li lequil be bu ixanov smoltotic ta vo'one ti lec la xch'unbeic smantal Muc'ul Diose. Li stuquique muc jechuc la spasic. 18C'alal la sva'an jchapanvanej jujun velta li Muc'ul Diose, lec ibat li yabtelique yu'un la scolta. Ti jayib c'ac'al cuxul li jchapanvanejetique, icolic loq'uel ta sc'ob yajcontraic li israeletique. Yu'un li Muc'ul Diose laj ya'ay ti ep x'ayetic ta scoj li tsots vocol xchi'uc uts'intaele, jech ic'uxubaj ta yo'nton. 19Pero c'alal icham li jchapanvanejetic yu'unique, lic soquicuc yan velta noxtoc. Ech'em to no'ox chopol la spasic jech chac c'u cha'al li stot sme'ic ta vo'onee. Ja' lic tunicuc yu'un li yantic diosetique; lic squejan sbaic ta stojol. Me jutuc muc scomtsanic spasel li c'usi chopole xchi'uc li xchopol talelique. 20Ja' yu'un li Muc'ul Diose tsots lic ilinuc ta stojolic, jech laj yal: “Ta sventa li cristianoetic li'i, chlaj sc'oplal o li c'usi laj jchapan ta stojol smoltotaquic ta vo'onee yu'un mu sc'an xch'unbicun mantal. 21Ja' yu'un mu'yuc xa ta jnutsbeic loq'uel junuc li lumetic ti te icom yu'un Josué c'alal ichame”, xi. 22Yu'un li Muc'ul Diose ja' sventa tsq'uel o yil me ja' tstamic, o me ma'uc tstamic batel li lequil be la stamic smoltotaquic ta vo'onee. 23Ja' yu'un li Muc'ul Diose muc snuts loq'uel ta ora li muc'tic lumetic ti bu muc ono'ox xac'be ta sc'ob li Josuee, jech te laj yac' comicuc.
Currently Selected:
Jueces 2: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.
Jueces 2
2
I'ay c'opanaticuc yu'un Muc'ul Dios te ta Boquim li israeletique
1Li j'almantal yu'un Muc'ul Diose iloc' ta Gilgal; ibat ta Boquim, jech laj yalbe li israeletique: “Vu'un laj loq'uesoxuc tal ta Egipto; laj quic'oxuc tal li' ta banamil yo' bu calojbe ono'ox li amoltotaquic ta vo'onee. Jech laj calbe: ‘Mu'yuc ta jsoques c'usi jchapanoj ta atojolic, 2me mu'yuc c'usi chachapan achi'uquic li cristianoetic li' nacajtic ta avosilalique. Ja' tsc'an vo'oxuc chajinesbeic li scajleb smoton sdiosique’,#Ex 34.12-13; Dt 7.2-5. xcutic ono'ox. Pero li vo'oxuque muc xach'unbicun li c'usi calojboxuque. Q'uelavilic li c'usi laj xa apasique. 3Ja' yu'un li' ta orae jech chacalboxuc ava'yic: Mu'yuc ta jnuts loq'uel li' ta atojolic li cristianoetic ta lumetic ti li' to nacajtique. Li stuquic xchi'uc li diosetic yu'unique, ja' chtun sventa ayacubilic yu'un ac'o lajanic ta lo'lael yu'unic”, xi.
4C'alal jech i'albatic yu'un yaj'almantal Muc'ul Dios scotol li israeletique, scotolic x'avetic liquel ta oq'uel. 5Ja' yu'un Boquim#2.5 Boquim - Ta hebreo c'op ja' smelol boch'otic ch-oq'uic. laj yac'beic sbi li banamile. Te lic smilbeic smoton li Muc'ul Diose.
Ja' smelol c'alal icham li Josuee
(Jos 24.29-31)
6C'alal la sc'opanan batel scotol xchi'iltac ta israelal li Josuee, jech ta jujuntal isutic batel ta yosilic ti bu staojique. 7Scotol li israeletique lec laj yich'ic ta muc' Muc'ul Dios ti c'u yepal c'ac'al cuxul li Josuee, xchi'uc c'alal cuxul li moletic ti laj yilic scotol li muc'tic sq'uelubiltac stsatsal la spas Muc'ul Dios ta stojol li israeletique. 8Li Josué, xnich'on Nune, ja' li yajtunel Muc'ul Diose, yich'oj xa'ox lajuneb svacvinic (110) jabil ti c'alal ichame. 9Te bat smuquic ta yosil stuc ta Timnat-sera te ta vits yu'un Efraín ta stuq'uil norte yu'un li vits ta Gaase. 10Scotol li israeletic ti cuxulic ta yorail Josuee ichamic ec. C'alal ilic yan jc'ol alab nich'nabetique, muc xotquinic li Muc'ul Diose xchi'uc mu'yuc xilic c'usitic la spas Muc'ul Dios ta stojol li stot sme'ique.
La scomtsanic Muc'ul Dios li israeletique
11Ts'acal to, li israeletique chopol c'usi lic spasic ta stojol li Muc'ul Diose; ja' lic tunicuc yu'un li sloc'obaltac Baale. 12Ja' la scomtsanic o li Muc'ul Dios yu'un smoltotic ta vo'one ti iloq'uesatic tal ta Egiptoe; ja' bat yich'ic ta muc' li yantic diosetique, ja' li diosetic yu'un cristianoetic te nacajtic ta spat xoconique. Jech laj yaq'uic ilinuc ta stojolic li Muc'ul Diose. 13Ja' yu'un la scomtsanic o li Muc'ul Diose; ja' bat yich'ic ta muc' li Baal xchi'uc Astartee. 14Jech tsots i'ilintaatic o yu'un Muc'ul Dios li israeletique. Li Muc'ul Diose laj yac' taluc j'eleq'uetic, jech ipojbatic li c'usitic oy yu'unique, xchi'uc laj yac' ochicuc ta sc'ob li yajcontraique, jech muc xa xu' yu'un la stsalic. 15Buyuc no'ox iloq'uic batel ta paspleito, li Muc'ul Diose scontrainoj o, jech puru chopol c'usi ic'ot ta pasel ta stojolic jech chac c'u cha'al yaloj ono'ox ta jamal li Diose, jech la sta ep svocolic.#Lv 26.14-26; Dt 28.15-46.
16Pero li Muc'ul Diose la sa'be jchapanvanejetic yu'unic yu'un ac'o coltaaticuc loq'uel ta sc'ob li boch'otic la spojic c'usitic oy yu'unique. 17Pero li israeletique muc xich'beic ta muc' sc'opic noxtoc li jchapanvanejetic yu'unique; ja' bat yich'ic o ta muc' li yantic diosetique. Ta ora no'ox la scomtsanic li lequil be bu ixanov smoltotic ta vo'one ti lec la xch'unbeic smantal Muc'ul Diose. Li stuquique muc jechuc la spasic. 18C'alal la sva'an jchapanvanej jujun velta li Muc'ul Diose, lec ibat li yabtelique yu'un la scolta. Ti jayib c'ac'al cuxul li jchapanvanejetique, icolic loq'uel ta sc'ob yajcontraic li israeletique. Yu'un li Muc'ul Diose laj ya'ay ti ep x'ayetic ta scoj li tsots vocol xchi'uc uts'intaele, jech ic'uxubaj ta yo'nton. 19Pero c'alal icham li jchapanvanejetic yu'unique, lic soquicuc yan velta noxtoc. Ech'em to no'ox chopol la spasic jech chac c'u cha'al li stot sme'ic ta vo'onee. Ja' lic tunicuc yu'un li yantic diosetique; lic squejan sbaic ta stojol. Me jutuc muc scomtsanic spasel li c'usi chopole xchi'uc li xchopol talelique. 20Ja' yu'un li Muc'ul Diose tsots lic ilinuc ta stojolic, jech laj yal: “Ta sventa li cristianoetic li'i, chlaj sc'oplal o li c'usi laj jchapan ta stojol smoltotaquic ta vo'onee yu'un mu sc'an xch'unbicun mantal. 21Ja' yu'un mu'yuc xa ta jnutsbeic loq'uel junuc li lumetic ti te icom yu'un Josué c'alal ichame”, xi. 22Yu'un li Muc'ul Diose ja' sventa tsq'uel o yil me ja' tstamic, o me ma'uc tstamic batel li lequil be la stamic smoltotaquic ta vo'onee. 23Ja' yu'un li Muc'ul Diose muc snuts loq'uel ta ora li muc'tic lumetic ti bu muc ono'ox xac'be ta sc'ob li Josuee, jech te laj yac' comicuc.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.