2 Corintios 3
3
Sc'oplal boch'otic sventainojic xcholel li c'usi ach' chapanbile
1¿Me chanopic ti yu'un ta jtoy jbacutic yan velta noxtoc ti jech chcal jc'oplal jtucutique? ¿Me yu'un chac'anic ti quich'oj tal jvuncutic c'alal chitalcutic ta atojolic? ¿O me vo'oxuc chavac'bun jvuncutic jech chac c'u cha'al tspasic li yantic jcholc'opetic, yu'un jech ac'o vinajuc ti oy cabtelcutique? 2Pero li jvuncutic c'oteme ja' li vo'oxuque. Ts'ibabil lec ta avo'ntonic; laj yich' q'uelel, laj xa yich' otquinel yu'un scotol cristianoetic. 3Lec xvinaj ti vo'oxuc jvuncutic c'otemoxuque, ti ja' la sts'iba stuc li Cristoe. Ja' no'ox ti vu'uncutic laj quich' cabtelcutic ta yaq'uel ta ilele. Muc ta tintauc la sts'iba; ja' la sts'iba ta sventa Ch'ul Espíritu yu'un cuxul Dios. Muc ta jpechuc ton la sts'iba;#Ex 24.12. ta avo'ntonic la sts'ibaboxuc.#Jer 31.33; Ez 11.19; 36.26.
4Jna'ojcutic lec ta sventa Dios ti xu' cu'uncutic ta sventa li Cristoe. 5Scotol li c'usi ta jpascutique ma'uc yu'un toj lec xu' cu'un jtucutic. Ja' Dios chiscoltauncutic ta spasel scotol. 6Ja' laj yac'bun jbijilcutic noxtoc sventa chituncutic yu'un li c'usi ach' chapanbil sventa chijcolutic oe.#Jer 31.31. Ma'uc ta sventa li smantal Dios ts'ibabile; ja' ta sventa yabtel Espíritu ta co'ntontic. Yu'un li c'usi ts'ibabil no'ox ta vune ja' chac' chijchamutic. Pero li Ch'ul Espiritue ja' chac' cuxicutic.
7Li smantal Dios ts'ibabil ta cha'pech ton ti ja' no'ox chismilutique, toj yan sba xojobal c'alal ivul ta stojol li israeletique. Mu xa xu' tsq'uelbeic sat li Moisese, yu'un oy xojobal.#Ex 34.29. Pero ich'ay no'ox batel li xojobale. 8Buuc xa li xojobal c'usi ital ta sventa Ch'ul Espiritue, ja' to toj ech'em stsatsal. 9Yu'un me oy xojobal ital li c'usi sventa chac' jta jmultique, ja' xjelov to xojobal li c'usi chac' tuq'uibuc co'ntontique. 10Yu'un li c'usi oy xojobal ta ba'yuque mu xco'laj xchi'uc li c'usi laj xa jtatique, yu'un ja' ech'em to xjelov xojobal. 11Yu'un me oy xojobal li c'usi jelovel no'ox ijelove, ja' ech'em to xjelov xojobal li c'usi mu xlaj sc'oplal oe.
12Ta sventa ti jech jch'unojcutique, ja' yu'un tsots co'ntoncutic jamal chcalcutic batel. 13Mu jechuc ta jpascutic jech chac c'u cha'al li Moisés ti la smac sat ta poq'ue,#Ex 34.33. yu'un jech mu me xilic li israeletic ta scoj ti oy xojobal c'alal ital li c'usi jelovel no'ox chjelove. 14Jech imacbat yo'ntonic o; ja' jechic o c'alal to tana. C'alal tsq'uelic li ba'yuc mantale, macbil yo'ntonic o yu'un li poq'ue. Mu xu' chloc' o, yu'un ja' no'ox xu' chloc' ta sventa li Cristoe. 15Ja' jechic o c'alal to tana. C'alal chich' aptael li smantaltac Dios la sts'iba Moisese, te macbil yo'ntonic o yu'un li poq'ue. 16Pero me chlic sutes yo'ntonic ta stojol Cajvaltique, chich'ic nitbel loq'uel li poc' ti macbil o yo'ntonique. 17Yu'un li Cajvaltique ja' ono'ox li Ch'ul Espiritue. Ti bu chventainvan li Ch'ul Espíritu yu'un Cajvaltique oy coltael. 18Ja' yu'un li vu'utique mu xa macaluc jsatic ta poc'. Ja' xa jechutic jech chac c'u cha'al nen ti chch'ambe xojobal c'ac'ale, yu'un ta jch'ambetic xa slequilal yutsilal li Cajvaltique.#Ro 8.29; Gá 4.19; Fil 3.10. Yu'un yantic chijlecubutic batel, jech co'ol chijc'ot jech chac c'u cha'al stuc. Ja' jech ch-abtej li Cajvaltic ti junic xchi'uc Ch'ul Espiritue.
Currently Selected:
2 Corintios 3: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.
2 Corintios 3
3
Sc'oplal boch'otic sventainojic xcholel li c'usi ach' chapanbile
1¿Me chanopic ti yu'un ta jtoy jbacutic yan velta noxtoc ti jech chcal jc'oplal jtucutique? ¿Me yu'un chac'anic ti quich'oj tal jvuncutic c'alal chitalcutic ta atojolic? ¿O me vo'oxuc chavac'bun jvuncutic jech chac c'u cha'al tspasic li yantic jcholc'opetic, yu'un jech ac'o vinajuc ti oy cabtelcutique? 2Pero li jvuncutic c'oteme ja' li vo'oxuque. Ts'ibabil lec ta avo'ntonic; laj yich' q'uelel, laj xa yich' otquinel yu'un scotol cristianoetic. 3Lec xvinaj ti vo'oxuc jvuncutic c'otemoxuque, ti ja' la sts'iba stuc li Cristoe. Ja' no'ox ti vu'uncutic laj quich' cabtelcutic ta yaq'uel ta ilele. Muc ta tintauc la sts'iba; ja' la sts'iba ta sventa Ch'ul Espíritu yu'un cuxul Dios. Muc ta jpechuc ton la sts'iba;#Ex 24.12. ta avo'ntonic la sts'ibaboxuc.#Jer 31.33; Ez 11.19; 36.26.
4Jna'ojcutic lec ta sventa Dios ti xu' cu'uncutic ta sventa li Cristoe. 5Scotol li c'usi ta jpascutique ma'uc yu'un toj lec xu' cu'un jtucutic. Ja' Dios chiscoltauncutic ta spasel scotol. 6Ja' laj yac'bun jbijilcutic noxtoc sventa chituncutic yu'un li c'usi ach' chapanbil sventa chijcolutic oe.#Jer 31.31. Ma'uc ta sventa li smantal Dios ts'ibabile; ja' ta sventa yabtel Espíritu ta co'ntontic. Yu'un li c'usi ts'ibabil no'ox ta vune ja' chac' chijchamutic. Pero li Ch'ul Espiritue ja' chac' cuxicutic.
7Li smantal Dios ts'ibabil ta cha'pech ton ti ja' no'ox chismilutique, toj yan sba xojobal c'alal ivul ta stojol li israeletique. Mu xa xu' tsq'uelbeic sat li Moisese, yu'un oy xojobal.#Ex 34.29. Pero ich'ay no'ox batel li xojobale. 8Buuc xa li xojobal c'usi ital ta sventa Ch'ul Espiritue, ja' to toj ech'em stsatsal. 9Yu'un me oy xojobal ital li c'usi sventa chac' jta jmultique, ja' xjelov to xojobal li c'usi chac' tuq'uibuc co'ntontique. 10Yu'un li c'usi oy xojobal ta ba'yuque mu xco'laj xchi'uc li c'usi laj xa jtatique, yu'un ja' ech'em to xjelov xojobal. 11Yu'un me oy xojobal li c'usi jelovel no'ox ijelove, ja' ech'em to xjelov xojobal li c'usi mu xlaj sc'oplal oe.
12Ta sventa ti jech jch'unojcutique, ja' yu'un tsots co'ntoncutic jamal chcalcutic batel. 13Mu jechuc ta jpascutic jech chac c'u cha'al li Moisés ti la smac sat ta poq'ue,#Ex 34.33. yu'un jech mu me xilic li israeletic ta scoj ti oy xojobal c'alal ital li c'usi jelovel no'ox chjelove. 14Jech imacbat yo'ntonic o; ja' jechic o c'alal to tana. C'alal tsq'uelic li ba'yuc mantale, macbil yo'ntonic o yu'un li poq'ue. Mu xu' chloc' o, yu'un ja' no'ox xu' chloc' ta sventa li Cristoe. 15Ja' jechic o c'alal to tana. C'alal chich' aptael li smantaltac Dios la sts'iba Moisese, te macbil yo'ntonic o yu'un li poq'ue. 16Pero me chlic sutes yo'ntonic ta stojol Cajvaltique, chich'ic nitbel loq'uel li poc' ti macbil o yo'ntonique. 17Yu'un li Cajvaltique ja' ono'ox li Ch'ul Espiritue. Ti bu chventainvan li Ch'ul Espíritu yu'un Cajvaltique oy coltael. 18Ja' yu'un li vu'utique mu xa macaluc jsatic ta poc'. Ja' xa jechutic jech chac c'u cha'al nen ti chch'ambe xojobal c'ac'ale, yu'un ta jch'ambetic xa slequilal yutsilal li Cajvaltique.#Ro 8.29; Gá 4.19; Fil 3.10. Yu'un yantic chijlecubutic batel, jech co'ol chijc'ot jech chac c'u cha'al stuc. Ja' jech ch-abtej li Cajvaltic ti junic xchi'uc Ch'ul Espiritue.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.