1 Crónicas 15
15
Laj yich' jelovel ta Jerusalén xcaxail smantal Dios li Davide
(2 S 6.12-23)
1Li Davide laj yac' ta pasel naetic te ta Lum yu'un David, xchi'uc la xchapanbe lec yavil li xcaxail smantal Dios te ta yut carpana smeltsanoje. 2Li Davide jech lic yal: “Mu boch'ouc no'ox xu' chich' batel li caxae; ja' no'ox li levietique yu'un ja' t'ujbilic yu'un Muc'ul Dios ti xu' chq'uechic batele, yu'un ja' te chtunic o ta stojol Dios”,#Dt 10.8. xi.
3Jech lic stsob scotol te ta Jerusalén li israeletique, yu'un chich'ic jelovel ta yavil li caxae, ja' li yavil bu smeltsanoj xae. 4Jech noxtoc la stsobbe scotol li smomnich'nab Aarone xchi'uc li levietique. 5Li smomnich'nab Coate, ja' banquilal yu'unic li Uriele, ja' vacvinic (120) ta scotolic xchi'uc yuts' yalaltac. 6Li smomnich'nab Merarie ja' buluchvinic (220) ta scotolic. Ja' banquilal yu'unic li Asaías xchi'uc yuts' yalaltaque. 7Li smomnich'nab Gersone ja' lajuneb svucvinic (130) ta scotolic. Ja' banquilal yu'unic li Joel xchi'uc yuts' yalaltaque. 8Li smomnich'nab Elizafane ja' chib ciento (200) ta scotolic. Ja' banquilal yu'unic li Semaías xchi'uc yuts' yalaltaque. 9Li smomnich'nab Hebrone ja' chanvinic (80) ta scotolic. Ja' banquilal yu'unic li Eliel xchi'uc yuts' yalaltaque. 10Li smomnich'nab Uziele ja' lajchab svacvinic (112). Ja' banquilal yu'unic li Aminadab xchi'uc yuts' yalaltaque.
11Li Davide laj yic' li pale Sadoc, xchi'uc Abiatare, xchi'uc li levietique, ja' li Uriel, Asaías, Joel, Semaías, Eliel, xchi'uc Aminadabe. 12Jech laj yalbe: “Vo'oxuc li banquilaloxuc ta jujuchop yu'un levietique, ac'o ta lecubtasel abec'talic, yu'un chavich'ic jelovel li xcaxail smantal Muc'ul Dios yu'un Israele, te xbat avaq'uic ta yavil yo' bu chapanbil cu'une. 13Ta scoj ti muc ono'ox vo'coxuc xapasic ta sba veltae, ja' yu'un oy boch'o icham cu'untic, yu'un muc jac'betic Muc'ul Dios li c'usi lec ta pasele”, xut.
14Ja' yu'un li paleetic xchi'uc levietique la slecubtas sbaic, yu'un jech xu' chich'ic jelovel li xcaxail smantal Muc'ul Dios yu'un Israele. 15Jech la xq'uechic batel ta xq'uechubiltac, jech chac c'u cha'al laj yal Moisés ta smantal Diose.#Ex 25.14.
16Jech noxtoc li Davide laj yalbe banquilaletic yu'un levietic ti ac'o st'ujic jq'uejimoletic xchi'uc sonic, arpaetic, sepsep taq'uinetic, yu'un jech chvinaj ti xcuxet no'ox yo'nton chanovic batele. Laj yalbe ti te no'ox ta xchi'iltaquic ac'o st'ujic loq'uele. 17Li levietique ja' la st'ujic Hemán xnich'on Joel, xchi'uc yuts' yalal, ja' Asaf xnich'on Berequías, ja' smomnich'nab Merari. Xchi'uc la st'ujic Etán xnich'on Cusaías. 18La st'ujic noxtoc boch'o ta xcha'cholal chc'otic, ja' Zacarías, Jaaziel, Semiramot, Jehiel, Uni, Eliab, Benaía, Maasías, Matatías, Elifelehu, Micnías, Obed-edom, xchi'uc Jeiel, ja' li jchabi ti'naetique.
19Li Hemán xchi'uc Etán, ja' li jq'uejimoletique, ja' la stijic batel bic'tal sepajtic taq'uin pasbil ta bronce. 20Li Zacarías, Aziel, Semiramot, Jehiel, Uni, Eliab, Maasías, xchi'uc Benaiae ja' la stijic batel muc'ta arpa sventa muc' snuc'. 21Li Matatías, Elifelehu, Micnías, Obed-edom, Jeiel, xchi'uc Azaziase ja' la stijic bic'tal arpa, lec biq'uit snuc' chapanbil sventa chnitvanic. 22Li Quenanías, ja' li banquilal yu'un levietique, ja' chnitvanic batel ta q'ueoj, yu'un ja' sna'ic c'u x'elan lec chbat. 23Li Berequías xchi'uc Elcanae ja' chchabiic batel li caxae. 24Li paleetic Sebanías, Josafat, Natanael, Amasai, Zacarías, Benaía, xchi'uc Eliezere ja' ba'yucbeic batel yu'un li caxae, tsjupanic batel yoq'uesic. Li Obed-edom xchi'uc Jehiase ja' chchabiic batel noxtoc li caxae.
25Li David, xchi'uc moletic yu'un israeletic, xchi'uc banquilaletic yu'un jujumil soldadoetique xcuxet no'ox yo'ntonic bat yich'ic loq'uel tal li xcaxail smantal Muc'ul Dios te oy ta sna Obed-edome. 26Ta sventa ti icoltaatic yu'un Muc'ul Dios li levietic ti laj yich'ic batel li xcaxail smantal Diose, jech la smilbeic smoton. Vuccot ch'ium tot vacax, xchi'uc vuccot tot chij la smilic. 27Li Davide slapoj batel lec sc'u' pasbil ta lequil lino no. Ja' jech slapojic ec li levietic ti yich'ojic batel caxae, xchi'uc li jq'uejimoletique, xchi'uc li jchanubtasvanej ta q'ueoje, ja' li Quenaniase. Li Davide slapoj batel noxtoc jlic mocan c'u'il pasbil ta lino no. 28Ja' jech laj yich'ic batel xcaxail smantal Muc'ul Dios scotol li israeletique. Xcuxet no'ox yo'ntonic tstijic batel sonetic, oq'uesetic, sepsep taq'uinetic, xchi'uc arpaetic.
29C'alal ic'ot ta Lum yu'un David li caxae, li Mical stseb Saule la sq'uel batel ta ventana. Laj yil ti te xbitbun batel ta ac'ot li Davide, jech toj yanijel ic'ot yo'nton ta stojol.
Currently Selected:
1 Crónicas 15: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.
1 Crónicas 15
15
Laj yich' jelovel ta Jerusalén xcaxail smantal Dios li Davide
(2 S 6.12-23)
1Li Davide laj yac' ta pasel naetic te ta Lum yu'un David, xchi'uc la xchapanbe lec yavil li xcaxail smantal Dios te ta yut carpana smeltsanoje. 2Li Davide jech lic yal: “Mu boch'ouc no'ox xu' chich' batel li caxae; ja' no'ox li levietique yu'un ja' t'ujbilic yu'un Muc'ul Dios ti xu' chq'uechic batele, yu'un ja' te chtunic o ta stojol Dios”,#Dt 10.8. xi.
3Jech lic stsob scotol te ta Jerusalén li israeletique, yu'un chich'ic jelovel ta yavil li caxae, ja' li yavil bu smeltsanoj xae. 4Jech noxtoc la stsobbe scotol li smomnich'nab Aarone xchi'uc li levietique. 5Li smomnich'nab Coate, ja' banquilal yu'unic li Uriele, ja' vacvinic (120) ta scotolic xchi'uc yuts' yalaltac. 6Li smomnich'nab Merarie ja' buluchvinic (220) ta scotolic. Ja' banquilal yu'unic li Asaías xchi'uc yuts' yalaltaque. 7Li smomnich'nab Gersone ja' lajuneb svucvinic (130) ta scotolic. Ja' banquilal yu'unic li Joel xchi'uc yuts' yalaltaque. 8Li smomnich'nab Elizafane ja' chib ciento (200) ta scotolic. Ja' banquilal yu'unic li Semaías xchi'uc yuts' yalaltaque. 9Li smomnich'nab Hebrone ja' chanvinic (80) ta scotolic. Ja' banquilal yu'unic li Eliel xchi'uc yuts' yalaltaque. 10Li smomnich'nab Uziele ja' lajchab svacvinic (112). Ja' banquilal yu'unic li Aminadab xchi'uc yuts' yalaltaque.
11Li Davide laj yic' li pale Sadoc, xchi'uc Abiatare, xchi'uc li levietique, ja' li Uriel, Asaías, Joel, Semaías, Eliel, xchi'uc Aminadabe. 12Jech laj yalbe: “Vo'oxuc li banquilaloxuc ta jujuchop yu'un levietique, ac'o ta lecubtasel abec'talic, yu'un chavich'ic jelovel li xcaxail smantal Muc'ul Dios yu'un Israele, te xbat avaq'uic ta yavil yo' bu chapanbil cu'une. 13Ta scoj ti muc ono'ox vo'coxuc xapasic ta sba veltae, ja' yu'un oy boch'o icham cu'untic, yu'un muc jac'betic Muc'ul Dios li c'usi lec ta pasele”, xut.
14Ja' yu'un li paleetic xchi'uc levietique la slecubtas sbaic, yu'un jech xu' chich'ic jelovel li xcaxail smantal Muc'ul Dios yu'un Israele. 15Jech la xq'uechic batel ta xq'uechubiltac, jech chac c'u cha'al laj yal Moisés ta smantal Diose.#Ex 25.14.
16Jech noxtoc li Davide laj yalbe banquilaletic yu'un levietic ti ac'o st'ujic jq'uejimoletic xchi'uc sonic, arpaetic, sepsep taq'uinetic, yu'un jech chvinaj ti xcuxet no'ox yo'nton chanovic batele. Laj yalbe ti te no'ox ta xchi'iltaquic ac'o st'ujic loq'uele. 17Li levietique ja' la st'ujic Hemán xnich'on Joel, xchi'uc yuts' yalal, ja' Asaf xnich'on Berequías, ja' smomnich'nab Merari. Xchi'uc la st'ujic Etán xnich'on Cusaías. 18La st'ujic noxtoc boch'o ta xcha'cholal chc'otic, ja' Zacarías, Jaaziel, Semiramot, Jehiel, Uni, Eliab, Benaía, Maasías, Matatías, Elifelehu, Micnías, Obed-edom, xchi'uc Jeiel, ja' li jchabi ti'naetique.
19Li Hemán xchi'uc Etán, ja' li jq'uejimoletique, ja' la stijic batel bic'tal sepajtic taq'uin pasbil ta bronce. 20Li Zacarías, Aziel, Semiramot, Jehiel, Uni, Eliab, Maasías, xchi'uc Benaiae ja' la stijic batel muc'ta arpa sventa muc' snuc'. 21Li Matatías, Elifelehu, Micnías, Obed-edom, Jeiel, xchi'uc Azaziase ja' la stijic bic'tal arpa, lec biq'uit snuc' chapanbil sventa chnitvanic. 22Li Quenanías, ja' li banquilal yu'un levietique, ja' chnitvanic batel ta q'ueoj, yu'un ja' sna'ic c'u x'elan lec chbat. 23Li Berequías xchi'uc Elcanae ja' chchabiic batel li caxae. 24Li paleetic Sebanías, Josafat, Natanael, Amasai, Zacarías, Benaía, xchi'uc Eliezere ja' ba'yucbeic batel yu'un li caxae, tsjupanic batel yoq'uesic. Li Obed-edom xchi'uc Jehiase ja' chchabiic batel noxtoc li caxae.
25Li David, xchi'uc moletic yu'un israeletic, xchi'uc banquilaletic yu'un jujumil soldadoetique xcuxet no'ox yo'ntonic bat yich'ic loq'uel tal li xcaxail smantal Muc'ul Dios te oy ta sna Obed-edome. 26Ta sventa ti icoltaatic yu'un Muc'ul Dios li levietic ti laj yich'ic batel li xcaxail smantal Diose, jech la smilbeic smoton. Vuccot ch'ium tot vacax, xchi'uc vuccot tot chij la smilic. 27Li Davide slapoj batel lec sc'u' pasbil ta lequil lino no. Ja' jech slapojic ec li levietic ti yich'ojic batel caxae, xchi'uc li jq'uejimoletique, xchi'uc li jchanubtasvanej ta q'ueoje, ja' li Quenaniase. Li Davide slapoj batel noxtoc jlic mocan c'u'il pasbil ta lino no. 28Ja' jech laj yich'ic batel xcaxail smantal Muc'ul Dios scotol li israeletique. Xcuxet no'ox yo'ntonic tstijic batel sonetic, oq'uesetic, sepsep taq'uinetic, xchi'uc arpaetic.
29C'alal ic'ot ta Lum yu'un David li caxae, li Mical stseb Saule la sq'uel batel ta ventana. Laj yil ti te xbitbun batel ta ac'ot li Davide, jech toj yanijel ic'ot yo'nton ta stojol.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.