2 Corinthien 11
11
Paul abandame o ch’iyambola a wango.
1Bokieka nga lekaki edingele bwe, ibe beni bodikizaki na nga bonyòngò ba beni okomo nga lobe mana mawò ma bowawunga.
2Tonga nga leki edingele chululu na beni, ko Nzambe adi na chululu bona, nga phèki beni echingane a Christ, odyala a moto akbwi ka, tonga n’ikimiza beni o bocho ba wango ko mwatò èchwa bona.
3Ko nga leki etilele tonga ko mochèmè mochukwizaki Eve n’ichena na bolengi ba mwango bona, ta na mitema ma beni midyobo na myango minakola o ch’èbati ètungu a Christ.
4Tonga mo koncha wango oteya o ma beni, wango achakola Jésus akbwi, owana edi odya wango banga bochakolaki ka, owana yena edi akbwi, mo nyò beni boyambe eyaye akbwi edi odyala yango beni boyambaki bocho ka, mo nyò beni boyambe mina minyòngò makbwi, owana yena edi odyala myango beni bochanganaki bocho ka, na kobona beni toyamba beka byango kot’èyambele.
5Nga chimunye bwe, nga di bochenga b’èyeka nyò yò o ch’èdyalele a bapôtre twa.
6Mo nyò nga di oyicha bolobe kot’èlobele ka (iwò twa) ko, o ch’èbati a bolengi, bodi na nga botondaki. Banga bodikizaki beni kot’èdikize o beka bichò bwe, banga bodi na bolengi.
7Nga tulizaki nchoto a nga, na nga chakolaki beni mina minyòngò ma Nzambe bwabona, tonga n’iphè beni bokumu, yena kobona bochuma na nga?
8Nga yambaki iwuta na bibuliki (ba Nzambe) bakbwi, ebèki tonga n’iyicha bokielize beni.
9Okomo nga bèki o ma beni, na okomo nga bèki na bochenga ba beka, ko, nga bokiela eyuku na moto nyò mò ka, tonga beka byango bichengaki na nga, ekielizaki banyango ba baphele, okomo bango bachònòki o Macédoine. Nga kièngèki nchoto a nga na beni tètè kot’èkièngèlè, na nga takièngè nchoto a nga kokoko.
10Tonga ko nènè a Christ edi o cha nga bona, edi moto nyò mò iyicha bowundiza nga o binongo byango nga bèki o Achaïe o ch’iwò dyango ka.
11Mbekende? Tonga bwe nga di odinga beni ka? Nzambe ayebe bwe, nga dinge beni.
12Na botoma bwango nga kiele, nga takiela bwango dyòkò, tonga n’iwunduza bakoncha bango bayenge nch’ichombwana, tonga n’iwula banga.
13Baphele bana edi tètè bapôtre ba bwanya, bachali babe, bango bachekole manchoto tonga n’iwula bapôtre ba Christ.
14Yena edi odyala iwò ichemola ka, tonga nà Satan wi koncha achekole nchoto a wango tètè elenge a angelo a phololo.
15Mo bachali ba wango bachekole manchoto ma bango tonga n’iwula bachali b’èchwa, yena edi odyala iwò ichimube ka. Bango tayamba iwuta o bochukele ba bango ko matoma ma bango mabèki bona.
16Nga bwe, moto nyò mò tatangake bwe, nga di n’ingè tonga mo nyò nga bèki n’ingè, ibe beni bobiyamba nga nyò bona, botika nà nga chombwane enongo eki.
17Mawò mango nga lobe tonga n’ichombwane ma, madi odyala ebati a Mokonchi ka, mango madi o ch’èbati a bowawunga.
18Ko bato bakama bachombwane ebati a manchoto, nà nga dinge bochombwane.
19Beni bè bolengi bokama kobona, beni bodi tètè na kota chabo tonga na biwawunga.
20Mo nyò bango bachekole beni batamba, mo nyò bango badye beni, mo nyò bango bakande beni, mo nyò bango bakondize manchoto ma bango na beni, mo nyò bango babètè beni o michò, chabo a beni edi elenge ko yango.
21Nga di na chòni tonga n’ichakola beni bwe, banga bokondoki o ch’èdyalele yena. Iwò twa o beka bichò byango bango badi na bokili, na bokili bwango bodi na nga elenge ko yango — ko nga lobe ko ewawunga bona —
22Mo bango badi bè Hebreu, nà nga di ko mwè Hebreu, mo bango badi bè Israël, nà nga di ko mwè Israël, mo nyò bango badi mboto a Abraham, nà nga di ko mboto a Abraham.
23Mo nyò bango badi bachali ba Christ, owana nga leki bango o ch’èdyalele yango, na mi ko twa — mo na kinòwa nga lobe ko ewawunga bona — Nga leki bango ekielele mochalo, nga bibètiba mabètibe makama, nga bikola monyòli, nga bèki o cha makambi ma bowe biyopho bikama.
24Nga bètibaki na bajuif mabètiba matanu (och’ibètiba iki ka), nga yambaki mikamba mako manè, ewule dyò.
25Babètèki nga dyòkò mabètè machato na mikamba, buna bucha bamaki nga maboko. Nga biyina mayina machato a may manè, na moche na mokolo nga dumbibaki (na bachekela) o may manè.
26Nga bèki o miluka kokoko, nga taki na bimbènchè o bibale, nga taki na bimbènchè o ebati a banchanga, nga bèki n’o ch’èmbènchè o tete a bè ngolo yò, na nga taki na bimbènchè otete a bapaïen, bimbènchè o binongo ba mabè, bimbènchè otete a banyango ba baphele ba bwanya.
27Nga bèki o cha mochalo mokuli, o cha mabatela moto elenge elenge, o cha nchala na phocha mè, nga chabolaki bekidya machabola makama, nga bèki o cha phio na bolumbu.
28O cha beka bichò bi (iwò twa) nga di n’iphanu ibatela bibuliki (ba Nzambe) bichò.
29Koncha wango edi mokoki, wango akoze na nga, na koncha wango akwe, ebimbo yango ephè nga tètè kièlèlè.
30Mo nyò nga chombwane, owana nga chombwane tonga na lèlèkè yango edi na nga koncha.
31Nzambe koncha wango edi Chango a Mokonchi Jésus koncha wango ebitochiba biteneli, wango ayebe bwe, nga di bwanya twa.
32Okomo Arétas abèki roi, ngolophuma a wango atindaki babateli bwe, babatele mboka Damas, tonga n’ikanda nga.
33Ko, bana baninga batubizaki nga o dyoko a bobalaka, na bachundizaki nga o muka, ye ebèki ncha yango nga kochwaki o mabòkò ma bango.
Currently Selected:
2 Corinthien 11: BUI1947
Highlight
Share
Copy
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
2 Corinthien 11
11
Paul abandame o ch’iyambola a wango.
1Bokieka nga lekaki edingele bwe, ibe beni bodikizaki na nga bonyòngò ba beni okomo nga lobe mana mawò ma bowawunga.
2Tonga nga leki edingele chululu na beni, ko Nzambe adi na chululu bona, nga phèki beni echingane a Christ, odyala a moto akbwi ka, tonga n’ikimiza beni o bocho ba wango ko mwatò èchwa bona.
3Ko nga leki etilele tonga ko mochèmè mochukwizaki Eve n’ichena na bolengi ba mwango bona, ta na mitema ma beni midyobo na myango minakola o ch’èbati ètungu a Christ.
4Tonga mo koncha wango oteya o ma beni, wango achakola Jésus akbwi, owana edi odya wango banga bochakolaki ka, owana yena edi akbwi, mo nyò beni boyambe eyaye akbwi edi odyala yango beni boyambaki bocho ka, mo nyò beni boyambe mina minyòngò makbwi, owana yena edi odyala myango beni bochanganaki bocho ka, na kobona beni toyamba beka byango kot’èyambele.
5Nga chimunye bwe, nga di bochenga b’èyeka nyò yò o ch’èdyalele a bapôtre twa.
6Mo nyò nga di oyicha bolobe kot’èlobele ka (iwò twa) ko, o ch’èbati a bolengi, bodi na nga botondaki. Banga bodikizaki beni kot’èdikize o beka bichò bwe, banga bodi na bolengi.
7Nga tulizaki nchoto a nga, na nga chakolaki beni mina minyòngò ma Nzambe bwabona, tonga n’iphè beni bokumu, yena kobona bochuma na nga?
8Nga yambaki iwuta na bibuliki (ba Nzambe) bakbwi, ebèki tonga n’iyicha bokielize beni.
9Okomo nga bèki o ma beni, na okomo nga bèki na bochenga ba beka, ko, nga bokiela eyuku na moto nyò mò ka, tonga beka byango bichengaki na nga, ekielizaki banyango ba baphele, okomo bango bachònòki o Macédoine. Nga kièngèki nchoto a nga na beni tètè kot’èkièngèlè, na nga takièngè nchoto a nga kokoko.
10Tonga ko nènè a Christ edi o cha nga bona, edi moto nyò mò iyicha bowundiza nga o binongo byango nga bèki o Achaïe o ch’iwò dyango ka.
11Mbekende? Tonga bwe nga di odinga beni ka? Nzambe ayebe bwe, nga dinge beni.
12Na botoma bwango nga kiele, nga takiela bwango dyòkò, tonga n’iwunduza bakoncha bango bayenge nch’ichombwana, tonga n’iwula banga.
13Baphele bana edi tètè bapôtre ba bwanya, bachali babe, bango bachekole manchoto tonga n’iwula bapôtre ba Christ.
14Yena edi odyala iwò ichemola ka, tonga nà Satan wi koncha achekole nchoto a wango tètè elenge a angelo a phololo.
15Mo bachali ba wango bachekole manchoto ma bango tonga n’iwula bachali b’èchwa, yena edi odyala iwò ichimube ka. Bango tayamba iwuta o bochukele ba bango ko matoma ma bango mabèki bona.
16Nga bwe, moto nyò mò tatangake bwe, nga di n’ingè tonga mo nyò nga bèki n’ingè, ibe beni bobiyamba nga nyò bona, botika nà nga chombwane enongo eki.
17Mawò mango nga lobe tonga n’ichombwane ma, madi odyala ebati a Mokonchi ka, mango madi o ch’èbati a bowawunga.
18Ko bato bakama bachombwane ebati a manchoto, nà nga dinge bochombwane.
19Beni bè bolengi bokama kobona, beni bodi tètè na kota chabo tonga na biwawunga.
20Mo nyò bango bachekole beni batamba, mo nyò bango badye beni, mo nyò bango bakande beni, mo nyò bango bakondize manchoto ma bango na beni, mo nyò bango babètè beni o michò, chabo a beni edi elenge ko yango.
21Nga di na chòni tonga n’ichakola beni bwe, banga bokondoki o ch’èdyalele yena. Iwò twa o beka bichò byango bango badi na bokili, na bokili bwango bodi na nga elenge ko yango — ko nga lobe ko ewawunga bona —
22Mo bango badi bè Hebreu, nà nga di ko mwè Hebreu, mo bango badi bè Israël, nà nga di ko mwè Israël, mo nyò bango badi mboto a Abraham, nà nga di ko mboto a Abraham.
23Mo nyò bango badi bachali ba Christ, owana nga leki bango o ch’èdyalele yango, na mi ko twa — mo na kinòwa nga lobe ko ewawunga bona — Nga leki bango ekielele mochalo, nga bibètiba mabètibe makama, nga bikola monyòli, nga bèki o cha makambi ma bowe biyopho bikama.
24Nga bètibaki na bajuif mabètiba matanu (och’ibètiba iki ka), nga yambaki mikamba mako manè, ewule dyò.
25Babètèki nga dyòkò mabètè machato na mikamba, buna bucha bamaki nga maboko. Nga biyina mayina machato a may manè, na moche na mokolo nga dumbibaki (na bachekela) o may manè.
26Nga bèki o miluka kokoko, nga taki na bimbènchè o bibale, nga taki na bimbènchè o ebati a banchanga, nga bèki n’o ch’èmbènchè o tete a bè ngolo yò, na nga taki na bimbènchè otete a bapaïen, bimbènchè o binongo ba mabè, bimbènchè otete a banyango ba baphele ba bwanya.
27Nga bèki o cha mochalo mokuli, o cha mabatela moto elenge elenge, o cha nchala na phocha mè, nga chabolaki bekidya machabola makama, nga bèki o cha phio na bolumbu.
28O cha beka bichò bi (iwò twa) nga di n’iphanu ibatela bibuliki (ba Nzambe) bichò.
29Koncha wango edi mokoki, wango akoze na nga, na koncha wango akwe, ebimbo yango ephè nga tètè kièlèlè.
30Mo nyò nga chombwane, owana nga chombwane tonga na lèlèkè yango edi na nga koncha.
31Nzambe koncha wango edi Chango a Mokonchi Jésus koncha wango ebitochiba biteneli, wango ayebe bwe, nga di bwanya twa.
32Okomo Arétas abèki roi, ngolophuma a wango atindaki babateli bwe, babatele mboka Damas, tonga n’ikanda nga.
33Ko, bana baninga batubizaki nga o dyoko a bobalaka, na bachundizaki nga o muka, ye ebèki ncha yango nga kochwaki o mabòkò ma bango.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).