Penani Maramba 4
4
Po'unde-undeno umbungkoroi tama a umbungkoroi beine
4:1-15
1Omue tekosi ntu'u, pinehohawaku,
tedoako tekosi!
Kana marapati matamu
i asambalino pesoumbumu.
Wuumu kana bawaano bembe
anu mpetuda-tuda mpetii inso a mentorukuno Gileadi.
2Ngisimu kana bawaano bimba anu da saraipo domengkineru
anu mpeluarako inso a mpewo'ohia
anu mpe'ana indua luwu,
ka nahina anu nahi pe'ana.
3Kana asa beri pita kirimisi wiwimu,
ka tekosino ngangamu.
Kombisimu kana bansino wua delima
i asambalino soumbumu.
4We'umu kana menarano i Daudi,
winangu ponaapa parewa mpetea.
Asa nsowu kanta tendoe ndi onae luwuno kantado puu mpetea.
5Kana orua anano rusa wua radamu,
kana ana induano lagiwa
anu tekonai mongkuri ewo i tonga-tongano sisi bonse.
6Se'eluno ipepuuri angi ngkiniwia
ka eo-eo moliu,
ineheku lumako a ntorukuno mire
ka a pongku dupa.
7Omue tekosi ntu'u, pinehohawaku,
nahina tataamu.
8Aiwamo ndi ongkue inso a ntorukuno Libano, umbungkoroiku,
aiwamo ndi ongkue inso i torukuno Libano,
petiimo inso a punsuno Amana,
inso a punsuno Seniri, punsuno Heremoni,
inso a aado singa,
inso a mentorukuno po'iangado santiwali!
9Omue mokompondendeo aroaku, uai, umbungkoroiku,
omue mokompondendeo aroa asa mpiro mata,
saru asa ntii oluti ramba-rambano we'umu.
10Mo'ahi ntu'u pompehohawamu, uai, umbungkoroiku!
Tedoaopo mo'ahi pompehohawamu sekono anggoro,
ka tedoaopo mana mo'ahi woono lanamu sekonopo luwuno mina-mina.
11Wiwimu mompo'iti siu hoani mpena, umbungkoroiku,
siu hoani ka susu kongko a ntoto elomu,
ka woono sangkamu
kana woono Torukuno Libano.
12Uai, umbungkoroiku, lere tetutuwiako omue,
lere tetutuwi, ka mata uwoi tetondoni.
13Luwuno tumbamu gagi lere keu delima
saru wuano anu mo'ahi,
bunga pasari ka narawasutu,
14narawasutu ka kuni, padamalala ka keu mo'ahi
saru mperupa-rupa keu dupa,
mire ka gaharu,
saru mperupa-rupa rampa anu tebiniki.
15O, mata uwoi a lere,
insoano uwoi tuwu,
anu waa inso a Ntorukuno Libano!
Orua umbungkoroi mambe kuahako
4:16–5:1
16Pewangumo, hei angi utara, ka aiwamo, hei angi selata,
pepuurimo a laro lereku, ka itewuhalako woono rampa-rampano!
Po'ineeomo pinehohawaku aiwa i lereno
ka kumaano luwuno wua anu mo'ahi.
Currently Selected:
Penani Maramba 4: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Penani Maramba 4
4
Po'unde-undeno umbungkoroi tama a umbungkoroi beine
4:1-15
1Omue tekosi ntu'u, pinehohawaku,
tedoako tekosi!
Kana marapati matamu
i asambalino pesoumbumu.
Wuumu kana bawaano bembe
anu mpetuda-tuda mpetii inso a mentorukuno Gileadi.
2Ngisimu kana bawaano bimba anu da saraipo domengkineru
anu mpeluarako inso a mpewo'ohia
anu mpe'ana indua luwu,
ka nahina anu nahi pe'ana.
3Kana asa beri pita kirimisi wiwimu,
ka tekosino ngangamu.
Kombisimu kana bansino wua delima
i asambalino soumbumu.
4We'umu kana menarano i Daudi,
winangu ponaapa parewa mpetea.
Asa nsowu kanta tendoe ndi onae luwuno kantado puu mpetea.
5Kana orua anano rusa wua radamu,
kana ana induano lagiwa
anu tekonai mongkuri ewo i tonga-tongano sisi bonse.
6Se'eluno ipepuuri angi ngkiniwia
ka eo-eo moliu,
ineheku lumako a ntorukuno mire
ka a pongku dupa.
7Omue tekosi ntu'u, pinehohawaku,
nahina tataamu.
8Aiwamo ndi ongkue inso a ntorukuno Libano, umbungkoroiku,
aiwamo ndi ongkue inso i torukuno Libano,
petiimo inso a punsuno Amana,
inso a punsuno Seniri, punsuno Heremoni,
inso a aado singa,
inso a mentorukuno po'iangado santiwali!
9Omue mokompondendeo aroaku, uai, umbungkoroiku,
omue mokompondendeo aroa asa mpiro mata,
saru asa ntii oluti ramba-rambano we'umu.
10Mo'ahi ntu'u pompehohawamu, uai, umbungkoroiku!
Tedoaopo mo'ahi pompehohawamu sekono anggoro,
ka tedoaopo mana mo'ahi woono lanamu sekonopo luwuno mina-mina.
11Wiwimu mompo'iti siu hoani mpena, umbungkoroiku,
siu hoani ka susu kongko a ntoto elomu,
ka woono sangkamu
kana woono Torukuno Libano.
12Uai, umbungkoroiku, lere tetutuwiako omue,
lere tetutuwi, ka mata uwoi tetondoni.
13Luwuno tumbamu gagi lere keu delima
saru wuano anu mo'ahi,
bunga pasari ka narawasutu,
14narawasutu ka kuni, padamalala ka keu mo'ahi
saru mperupa-rupa keu dupa,
mire ka gaharu,
saru mperupa-rupa rampa anu tebiniki.
15O, mata uwoi a lere,
insoano uwoi tuwu,
anu waa inso a Ntorukuno Libano!
Orua umbungkoroi mambe kuahako
4:16–5:1
16Pewangumo, hei angi utara, ka aiwamo, hei angi selata,
pepuurimo a laro lereku, ka itewuhalako woono rampa-rampano!
Po'ineeomo pinehohawaku aiwa i lereno
ka kumaano luwuno wua anu mo'ahi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021