Po'unde-unde 90
90
TIANO IV:
90–106
Ondae i Ue, pepekaduduia nahina tampulaano
90:1-17
1Pekakaino i Musa, tetenaa-Do Ue Ala.
Ue, Omiumo pepekaduduiamami
mapa'api-api inule.
2Se'eluno luwuno torukuno pine'anaako,
tolino ka wawontolino pine'anaako,
inso i ndi'ipua hawe nahina tampulaano Omiumo Ue Ala.
3Omiu mokuleo mia a pampawu,
ka mepau, ”Pekulemo, hei luwuno anano mia!”
4 #
2Pet. 3:8
Hangano a mata-Miu asa nsowu ta'u
mengkena kana oleo indiawi anu telaloomo,
ke kana aasa pepo'eua daga i tempono wongi.
5Omiu mokorodoo mia a laro mpoturino,
tempono mo'oru kana ira ewo anu ta mate,
6i tempono mo'oru mentumba ka tuwu,
i tempono ngkiniwia tengkuru ka moleu.
7Mentee ntu'u, pingko rosomami hangano tekuda-Miu,
ka hangano mokulano tekuda-Miu omami gagi medoito.
8Salamami Inaao i aro-Miu,
tendeano maupo anu tewuni a laro wantano rupa-Miu.
9Mentee ntu'u, luwuno oleomami telalo hangano bamburu-Miu,
kimempingkoo luwuno ta'umami kana mekohe.
10Tempomami mentuwu pitu pulu nta'u,
tewala memoroso kami, halu pulu nta'u,
ka pino'undeakono butu koa masukaraa ka marasaia;
oo, magasi ntu'u kimetampula.
11Isemake tumo'orio rosono tekuda-Miu
ka mokonto'orio bamburu-Miu ranta ka idoitoa-Komiu?
12Ipaguru kamimo dumoao luwuno oleomami,
ka kimpohawe aroa anu pande mosongka.
13Ipepokulemo, oo Ue! Opia mbo'u tehineno?
Ipehohawa iramo tetenaa-Miu!
14I tempono mo'oru Ipokomowohiakamimo pompehohawa-Miu,
ka kimengkokora-kora mpo'unde ka memawongko asa ntinuwumami.
15Iweweu kamimo memawongko menunu saru luwuno oleo Ipokonsii kami,
menunu saru luwuno ta'u kimpembasaio marasai.
16Po'ineeomo wineweu-Miu tengkita a luwuno tetenaa-Miu,
ka maramba-Miu a luwuno anado.
17Po'ineeomo pe'aroa-Do i Ue, Ue Alamami, metii ndi omami,
ka Ipokorosoomo wineweuno kaemami,
oo, pokomorosoomo wineweuno kaemami!
Currently Selected:
Po'unde-unde 90: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Po'unde-unde 90
90
TIANO IV:
90–106
Ondae i Ue, pepekaduduia nahina tampulaano
90:1-17
1Pekakaino i Musa, tetenaa-Do Ue Ala.
Ue, Omiumo pepekaduduiamami
mapa'api-api inule.
2Se'eluno luwuno torukuno pine'anaako,
tolino ka wawontolino pine'anaako,
inso i ndi'ipua hawe nahina tampulaano Omiumo Ue Ala.
3Omiu mokuleo mia a pampawu,
ka mepau, ”Pekulemo, hei luwuno anano mia!”
4 #
2Pet. 3:8
Hangano a mata-Miu asa nsowu ta'u
mengkena kana oleo indiawi anu telaloomo,
ke kana aasa pepo'eua daga i tempono wongi.
5Omiu mokorodoo mia a laro mpoturino,
tempono mo'oru kana ira ewo anu ta mate,
6i tempono mo'oru mentumba ka tuwu,
i tempono ngkiniwia tengkuru ka moleu.
7Mentee ntu'u, pingko rosomami hangano tekuda-Miu,
ka hangano mokulano tekuda-Miu omami gagi medoito.
8Salamami Inaao i aro-Miu,
tendeano maupo anu tewuni a laro wantano rupa-Miu.
9Mentee ntu'u, luwuno oleomami telalo hangano bamburu-Miu,
kimempingkoo luwuno ta'umami kana mekohe.
10Tempomami mentuwu pitu pulu nta'u,
tewala memoroso kami, halu pulu nta'u,
ka pino'undeakono butu koa masukaraa ka marasaia;
oo, magasi ntu'u kimetampula.
11Isemake tumo'orio rosono tekuda-Miu
ka mokonto'orio bamburu-Miu ranta ka idoitoa-Komiu?
12Ipaguru kamimo dumoao luwuno oleomami,
ka kimpohawe aroa anu pande mosongka.
13Ipepokulemo, oo Ue! Opia mbo'u tehineno?
Ipehohawa iramo tetenaa-Miu!
14I tempono mo'oru Ipokomowohiakamimo pompehohawa-Miu,
ka kimengkokora-kora mpo'unde ka memawongko asa ntinuwumami.
15Iweweu kamimo memawongko menunu saru luwuno oleo Ipokonsii kami,
menunu saru luwuno ta'u kimpembasaio marasai.
16Po'ineeomo wineweu-Miu tengkita a luwuno tetenaa-Miu,
ka maramba-Miu a luwuno anado.
17Po'ineeomo pe'aroa-Do i Ue, Ue Alamami, metii ndi omami,
ka Ipokorosoomo wineweuno kaemami,
oo, pokomorosoomo wineweuno kaemami!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021