Po'unde-unde 74
74
Ponsabangi hangano Raha Mempori anu tehoa
74:1-23
1Penani pompaguruno i Asapi.
Tembio, oo Ue Ala, ka Itadi kamimo mpiha?
Tembio ka itensila tekuda-Miu a bawaano bembe bimba pinakambi-Miu?
2Irambe iramo bawaa-Miu anu hinawe-Miu a tempo se'eluno
anu tinolosi-Miu gagi tongku pine'ue-Miu!
Irambeomo Torukuno Sioni anu pino'iangari-Miu.
3Temararumo I'aiwa a nterawoano anu tehineomo tepo'ia andio;
luwuakoano dompokotampulaomo iwali a mpo'ianga mempori.
4Luwuno iwali-Miu mpebooliki a ntepotowoa-Miu
ka dompontade iramo banderado gagi petondoni.
5Tengkita kana mia mo'io uase
a laro ngkeu anu mokapa,
6ka luwuno nggorino
domempaluakono uase ka bingku.
7Domesongkoo po'ianga mempori-Miu,
domengkokoburutio po'ianga-Miu hawe merete saru wita.
8Dompotae i laro aroado, ”Moikoomo tomempokonsii ira luwu!”
Luwuno po'ianga tepotowoa-Do Ue Ala i wita andio domesongkoo.
9Luwuno petondoni ndi omami nahi kimengkitao, nami hina mbo'u nabi,
ka nahina i olomami anu tumo'orio hawe te'opia tempono.
10Opiapo mbo'u tempono, oo Ue Ala, dompontata iwali,
ka iwali mpepaukiakono mpiha nee-Miu?
11Tembio ka Iwali padiio kae-Miu,
numaao kae ngkoana-Miu a rada?
12Sine Omiu, oo Ue Ala onaemo mokoleku inso tempo se'eluno,
Omiu mongkadudui i tolino.
13 #
Pel. 14:21
Roso-Miumo anu monsiao tahi,
ka pehao uludo ule naga a wawo uwoi.
14 #
Ayb. 40:20; Pud. 104:26; Yes. 27:1 Omiumo anu pirego ira uludo Lewiata,
ka meweengakono gagi kaangado anu mpo'ia a mpada malua.
15Omiumo anu umungkahio mata uwoi ka korono;
Omiumo anu mokomo'are ira korono anu biasano waa mpiha.
16Omiumo me'ueo meene, Omiu koa mbo'u me'ueo wongi.
Omiumo anu monaa pompokomewanta ka mata'oleo.
17Omiumo anu pakosio luwuno tidano tolino,
tempo motu'i-tu'i ka wula usa Omiumo anu weweuo.
18Irambeomo kana'umpe domentatao iwali nee-Miu, oo Ue,
ka tongku anu monge-monge atuu mpepaukiakono.
19Si peweengakono penaano marapati-Miu a ngkondehora mo'ila!
Si kolupeo mpiha penaado mia-Miu anu tepokonsii!
20Ipengkitamo a mpedandia,
hangano luwuno po'ianga wongi-wongi i wita andio gagiomo po'iangano pobobarasaia.
21Si po'ineeo mia anu linolanda mekule saru mokoko'ii.
Po'ineeomo mia tebobarasai ka mia mongkokolaro umunde-undeo nee-Miu.
22Ipentademo, oo Ue Ala, I'alaakonomo kara-kara-Miu!
Irambeomo kana'umpe mia monge-monge tumata Komiu hawe sumoo oleo.
23Si kolupeo suarano iwali-Miu,
rurundudo anu me'ewa,
anu kogagi-gagino memuu.
Currently Selected:
Po'unde-unde 74: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Po'unde-unde 74
74
Ponsabangi hangano Raha Mempori anu tehoa
74:1-23
1Penani pompaguruno i Asapi.
Tembio, oo Ue Ala, ka Itadi kamimo mpiha?
Tembio ka itensila tekuda-Miu a bawaano bembe bimba pinakambi-Miu?
2Irambe iramo bawaa-Miu anu hinawe-Miu a tempo se'eluno
anu tinolosi-Miu gagi tongku pine'ue-Miu!
Irambeomo Torukuno Sioni anu pino'iangari-Miu.
3Temararumo I'aiwa a nterawoano anu tehineomo tepo'ia andio;
luwuakoano dompokotampulaomo iwali a mpo'ianga mempori.
4Luwuno iwali-Miu mpebooliki a ntepotowoa-Miu
ka dompontade iramo banderado gagi petondoni.
5Tengkita kana mia mo'io uase
a laro ngkeu anu mokapa,
6ka luwuno nggorino
domempaluakono uase ka bingku.
7Domesongkoo po'ianga mempori-Miu,
domengkokoburutio po'ianga-Miu hawe merete saru wita.
8Dompotae i laro aroado, ”Moikoomo tomempokonsii ira luwu!”
Luwuno po'ianga tepotowoa-Do Ue Ala i wita andio domesongkoo.
9Luwuno petondoni ndi omami nahi kimengkitao, nami hina mbo'u nabi,
ka nahina i olomami anu tumo'orio hawe te'opia tempono.
10Opiapo mbo'u tempono, oo Ue Ala, dompontata iwali,
ka iwali mpepaukiakono mpiha nee-Miu?
11Tembio ka Iwali padiio kae-Miu,
numaao kae ngkoana-Miu a rada?
12Sine Omiu, oo Ue Ala onaemo mokoleku inso tempo se'eluno,
Omiu mongkadudui i tolino.
13 #
Pel. 14:21
Roso-Miumo anu monsiao tahi,
ka pehao uludo ule naga a wawo uwoi.
14 #
Ayb. 40:20; Pud. 104:26; Yes. 27:1 Omiumo anu pirego ira uludo Lewiata,
ka meweengakono gagi kaangado anu mpo'ia a mpada malua.
15Omiumo anu umungkahio mata uwoi ka korono;
Omiumo anu mokomo'are ira korono anu biasano waa mpiha.
16Omiumo me'ueo meene, Omiu koa mbo'u me'ueo wongi.
Omiumo anu monaa pompokomewanta ka mata'oleo.
17Omiumo anu pakosio luwuno tidano tolino,
tempo motu'i-tu'i ka wula usa Omiumo anu weweuo.
18Irambeomo kana'umpe domentatao iwali nee-Miu, oo Ue,
ka tongku anu monge-monge atuu mpepaukiakono.
19Si peweengakono penaano marapati-Miu a ngkondehora mo'ila!
Si kolupeo mpiha penaado mia-Miu anu tepokonsii!
20Ipengkitamo a mpedandia,
hangano luwuno po'ianga wongi-wongi i wita andio gagiomo po'iangano pobobarasaia.
21Si po'ineeo mia anu linolanda mekule saru mokoko'ii.
Po'ineeomo mia tebobarasai ka mia mongkokolaro umunde-undeo nee-Miu.
22Ipentademo, oo Ue Ala, I'alaakonomo kara-kara-Miu!
Irambeomo kana'umpe mia monge-monge tumata Komiu hawe sumoo oleo.
23Si kolupeo suarano iwali-Miu,
rurundudo anu me'ewa,
anu kogagi-gagino memuu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021