Po'unde-unde 7
7
Ondae Ue Ala, Puu Mpobitara anu moleo
7:1-18
1Penani ponsabangino i Daudi, anu pinenaniako tia-Do i Ue hangano i Kusi, to Benami atuu.
2Oo Ue, Ue Alaku, ndi Omiu kupepekadudui;
Ikadudui akumo inso a luwuno mia anu lumulu aku ka Ipotola akumo,
3ka si domengkana singa mperangkami aku
ka domeberi-beri aku, nahina anu motola aku.
4Oo Ue, Ue Alaku, tewala ongkue moweweu andio:
tewala hinao molengkua a ngkaeku,
5tewala ongkue moweweu anu mosa'o a nsambe'eku,
ke momuruo iwaliku nahina pu'uno,
6po'ineeomo ilulu aku iwali ka rumako aku,
lumolandao tuwuku a wita,
ka numaao pelangkaiku a laro pampawu.
7Ipentademo, Ue, a laro tekuda-Miu,
Ipentademo umaropio bamburudo mia anu umewai aku,
Ipentadeakunemo, Omiu anu mompowee moleoa!
8Po'ineeomo luwuno tongku mpepumpu lumimbu Komiu,
ka Ipentoromo i wawodo a mpo'ianga anu mantande.
9Ondae i Ue bitara ira tongku.
Ibitara akumo, Ue, hangano mentee aku,
ka bobotoli ntu'u aroaku.
10 #
Meng. 2:23
Po'ineeomo ka ipenaa-naa poweweudo anu mosa'o mia mosa'o gaudo,
sine Ipokorosoomo mia anu mentee,
Omiu anu paresao aroa ka laro aroano mia,
oo Ue Ala anu moleo.
11Ondae Ue Ala onaemo kantaku,
puu pongkaduduido mia anu bobotoli aroano;
12Ondae Ue Ala onaemo puu mpobitara anu moleo
ka Ondae Ue Ala anu tekuda sompo tempo.
13Tewala mia nahi tepidi,
Do'ahao ponai-Do,
Dodiio pana-Do ka mepana.
14A mia atuu, Dopatindao luwuno parewa mpetea anu mompepate,
ka weweuo ana mpana-Do melanga.
15Menteeano, mia atuu mentiaako mosa'oa,
onae mentiaako lambaha ka me'anaako pegaupi.
16Onae moweweu aa ka kumekeo,
sine onaeno tedonta a laro aa anu wineweuno.
17Lambahaa anu wineweuno mepokule umaluo uluno,
ka lambahano metii dumunsio taku uluno.
18Aku mowuatako po'unde-unde ndi Ondae i Ue hangano moleo-Do,
ka menani umunde-undeo nee-Do, Anu Tedoa Mantande.
Currently Selected:
Po'unde-unde 7: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Po'unde-unde 7
7
Ondae Ue Ala, Puu Mpobitara anu moleo
7:1-18
1Penani ponsabangino i Daudi, anu pinenaniako tia-Do i Ue hangano i Kusi, to Benami atuu.
2Oo Ue, Ue Alaku, ndi Omiu kupepekadudui;
Ikadudui akumo inso a luwuno mia anu lumulu aku ka Ipotola akumo,
3ka si domengkana singa mperangkami aku
ka domeberi-beri aku, nahina anu motola aku.
4Oo Ue, Ue Alaku, tewala ongkue moweweu andio:
tewala hinao molengkua a ngkaeku,
5tewala ongkue moweweu anu mosa'o a nsambe'eku,
ke momuruo iwaliku nahina pu'uno,
6po'ineeomo ilulu aku iwali ka rumako aku,
lumolandao tuwuku a wita,
ka numaao pelangkaiku a laro pampawu.
7Ipentademo, Ue, a laro tekuda-Miu,
Ipentademo umaropio bamburudo mia anu umewai aku,
Ipentadeakunemo, Omiu anu mompowee moleoa!
8Po'ineeomo luwuno tongku mpepumpu lumimbu Komiu,
ka Ipentoromo i wawodo a mpo'ianga anu mantande.
9Ondae i Ue bitara ira tongku.
Ibitara akumo, Ue, hangano mentee aku,
ka bobotoli ntu'u aroaku.
10 #
Meng. 2:23
Po'ineeomo ka ipenaa-naa poweweudo anu mosa'o mia mosa'o gaudo,
sine Ipokorosoomo mia anu mentee,
Omiu anu paresao aroa ka laro aroano mia,
oo Ue Ala anu moleo.
11Ondae Ue Ala onaemo kantaku,
puu pongkaduduido mia anu bobotoli aroano;
12Ondae Ue Ala onaemo puu mpobitara anu moleo
ka Ondae Ue Ala anu tekuda sompo tempo.
13Tewala mia nahi tepidi,
Do'ahao ponai-Do,
Dodiio pana-Do ka mepana.
14A mia atuu, Dopatindao luwuno parewa mpetea anu mompepate,
ka weweuo ana mpana-Do melanga.
15Menteeano, mia atuu mentiaako mosa'oa,
onae mentiaako lambaha ka me'anaako pegaupi.
16Onae moweweu aa ka kumekeo,
sine onaeno tedonta a laro aa anu wineweuno.
17Lambahaa anu wineweuno mepokule umaluo uluno,
ka lambahano metii dumunsio taku uluno.
18Aku mowuatako po'unde-unde ndi Ondae i Ue hangano moleo-Do,
ka menani umunde-undeo nee-Do, Anu Tedoa Mantande.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021