Powadi 8
8
Patudu ponto'ori anu mentee
8:1-36
1 #
Pow. 1:20-21
Kombake ponto'ori anu mentee meboo-booli,
ka ponto'ori merorongeakono suarano?
2I wawono luwuno po'ianga mantande a wiwi nsala,
a pesampaano luwuno sala, i ra'aimo ipentade,
3i horino luwuno pewowa langkai i arono kota,
a nsala pewinsoa, onae mebooli meroku,
4”Hei luwuno tama, ndi omiumo kupebooli,
a luwuno anano mia kupo'aroo suaraku.
5Hei mia anu napi hina pinembasaino, ungkeomo pande,
hei mia monge-monge, to'oriomo i laro aroamu.
6Rongeomo, hangano aku pau ira mongkona anu maramba
ka aku umungkahio wiwiku mongkona luwuakoano anu mentee.
7Hangano eloku mompau menteea,
ka gau mosa'o atuu mokoburuno wiwiku.
8Luwuno pinauno ngangaku moleo,
nahina anu melengku-lengkuako ke pansia.
9Luwuno atuu mengkaa a mia anu pande,
moleo a mia anu hinao ponto'orino.
10Tarimaomo pompaguruku lalua sekonopo salaka,
ka ponto'ori lalua sekonopo wulaa bininiki.
11Hangano ponto'ori anu mentee masuliopo olino sekonopo paramata,
maupo hapa anu ineheno mia, nahi pokopengkenaakono.
12Ongkue, ponto'ori anu mentee, mo'ia meronga-ronga saru pande,
ka ongkue mohawe ponto'ori ka pande mosongka.
13Doitoako Ira i Ue onaemo umo'aliaakono wineweu mosa'o;
ku'o'aliaakono pompelangka-langkai, pompe'anu-anu, pelelu anu mosa'o,
ka nganga buke pe'akala.
14Ndi ongkue hinao patudu ka pontimbanga,
ongkuemo ponto'ori, ndi ongkuemo roso.
15Hangano ongkue luwuno mokole moparenta,
ka luwuno anu langkai potorono mempakosio moleoa.
16Hangano ongkue luwuno anu langkai potorono mempabawa,
saru mbo'u luwuno inuledo mokole, luwuno puu mpobitara anu moleo.
17Ongkue mehohawao mia anu mehohawa aku,
ka mia anu mokua umungke aku ta humawe aku.
18Kaeaa ka pompelangkai kongko ndi ongkue,
saru mbo'u arataa anu nahina balino ka moleoa.
19Wuaku masuliopo olino sekono wulaa, maupo sekono wulaa motu'a,
hasiliku lalua sekonopo salaka bininiki.
20Melempa aku a nsala menteea,
i tonga-tongano sala moleoa,
21ka kupopo'umbuakono arataa a anu mehohawa aku,
ka ku'ihiio buke ponaapado arataa.
22 #
Meng. 3:14
Dopokogagi akumo i Ue gagi pompu'uano anggaa-Do,
se'eluno luwuno winewu-Do i ndi'ipua.
23Wineweu akumo tempono i ndi'ipua,
amba-ambano, se'eluno ihina tolino.
24Se'eluno ihina tahi malua asa wawontolino, hina akumo,
se'eluno ihina luwuno insoano uwoi anu hadio.
25Se'eluno luwuno torukuno tepaho
ka tese'elu sekono luwuno pongku hina akumo;
26se'eluno Doweweuo tolino ka luwuno padano
ke pampawuno wita motu'i anu amba-ambano.
27Tempono Dopatindao langi, ongkue i ra'ai,
tempono Dogaresio karuno langi a luwuno wawo ntahi malua,
28tempono Dopakosio luwuno seru i wawono,
tempono Doweweuo mata uwoi tahi malua i totono lulua,
29tempono Dotantuio tidano tahi,
ka si limpaio uwoi parenta-Do,
ka tempono Dopakosio luwuno empehino tolino,
30ongkue kongko saru Ondae gagi ana pinehohawa,
ongkue gagi poko'inehe-Do sompo oleo,
ka wela mepali-palindo i aro-Do;
31mepali-palindo aku i wawontolino-Do
ka luwuno anano mia gagi ineheku.
32Onaemo pu'uno, hei nana'ote, ronge akumo,
hangano me'ura iramo anu mekariao luwuno pesalaaku.
33Rongeomo pompaguru, asalakono komiu mempande mposongka;
si mperuanahio.
34Me'uraomo mia anu rumonge aku,
anu sompo oleo mesikori a mpewowaku,
anu dumagaio karuno pewowa langkaiku.
35Hangano isema humawe aku, mohawe tuwua,
ka onae Ira memoikoo i Ue.
36Sine isema nahi hawe aku, mokorugio koroino;
luwuno mia anu umo'aliaakune, mongkekewoi matea.”
Currently Selected:
Powadi 8: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Powadi 8
8
Patudu ponto'ori anu mentee
8:1-36
1 #
Pow. 1:20-21
Kombake ponto'ori anu mentee meboo-booli,
ka ponto'ori merorongeakono suarano?
2I wawono luwuno po'ianga mantande a wiwi nsala,
a pesampaano luwuno sala, i ra'aimo ipentade,
3i horino luwuno pewowa langkai i arono kota,
a nsala pewinsoa, onae mebooli meroku,
4”Hei luwuno tama, ndi omiumo kupebooli,
a luwuno anano mia kupo'aroo suaraku.
5Hei mia anu napi hina pinembasaino, ungkeomo pande,
hei mia monge-monge, to'oriomo i laro aroamu.
6Rongeomo, hangano aku pau ira mongkona anu maramba
ka aku umungkahio wiwiku mongkona luwuakoano anu mentee.
7Hangano eloku mompau menteea,
ka gau mosa'o atuu mokoburuno wiwiku.
8Luwuno pinauno ngangaku moleo,
nahina anu melengku-lengkuako ke pansia.
9Luwuno atuu mengkaa a mia anu pande,
moleo a mia anu hinao ponto'orino.
10Tarimaomo pompaguruku lalua sekonopo salaka,
ka ponto'ori lalua sekonopo wulaa bininiki.
11Hangano ponto'ori anu mentee masuliopo olino sekonopo paramata,
maupo hapa anu ineheno mia, nahi pokopengkenaakono.
12Ongkue, ponto'ori anu mentee, mo'ia meronga-ronga saru pande,
ka ongkue mohawe ponto'ori ka pande mosongka.
13Doitoako Ira i Ue onaemo umo'aliaakono wineweu mosa'o;
ku'o'aliaakono pompelangka-langkai, pompe'anu-anu, pelelu anu mosa'o,
ka nganga buke pe'akala.
14Ndi ongkue hinao patudu ka pontimbanga,
ongkuemo ponto'ori, ndi ongkuemo roso.
15Hangano ongkue luwuno mokole moparenta,
ka luwuno anu langkai potorono mempakosio moleoa.
16Hangano ongkue luwuno anu langkai potorono mempabawa,
saru mbo'u luwuno inuledo mokole, luwuno puu mpobitara anu moleo.
17Ongkue mehohawao mia anu mehohawa aku,
ka mia anu mokua umungke aku ta humawe aku.
18Kaeaa ka pompelangkai kongko ndi ongkue,
saru mbo'u arataa anu nahina balino ka moleoa.
19Wuaku masuliopo olino sekono wulaa, maupo sekono wulaa motu'a,
hasiliku lalua sekonopo salaka bininiki.
20Melempa aku a nsala menteea,
i tonga-tongano sala moleoa,
21ka kupopo'umbuakono arataa a anu mehohawa aku,
ka ku'ihiio buke ponaapado arataa.
22 #
Meng. 3:14
Dopokogagi akumo i Ue gagi pompu'uano anggaa-Do,
se'eluno luwuno winewu-Do i ndi'ipua.
23Wineweu akumo tempono i ndi'ipua,
amba-ambano, se'eluno ihina tolino.
24Se'eluno ihina tahi malua asa wawontolino, hina akumo,
se'eluno ihina luwuno insoano uwoi anu hadio.
25Se'eluno luwuno torukuno tepaho
ka tese'elu sekono luwuno pongku hina akumo;
26se'eluno Doweweuo tolino ka luwuno padano
ke pampawuno wita motu'i anu amba-ambano.
27Tempono Dopatindao langi, ongkue i ra'ai,
tempono Dogaresio karuno langi a luwuno wawo ntahi malua,
28tempono Dopakosio luwuno seru i wawono,
tempono Doweweuo mata uwoi tahi malua i totono lulua,
29tempono Dotantuio tidano tahi,
ka si limpaio uwoi parenta-Do,
ka tempono Dopakosio luwuno empehino tolino,
30ongkue kongko saru Ondae gagi ana pinehohawa,
ongkue gagi poko'inehe-Do sompo oleo,
ka wela mepali-palindo i aro-Do;
31mepali-palindo aku i wawontolino-Do
ka luwuno anano mia gagi ineheku.
32Onaemo pu'uno, hei nana'ote, ronge akumo,
hangano me'ura iramo anu mekariao luwuno pesalaaku.
33Rongeomo pompaguru, asalakono komiu mempande mposongka;
si mperuanahio.
34Me'uraomo mia anu rumonge aku,
anu sompo oleo mesikori a mpewowaku,
anu dumagaio karuno pewowa langkaiku.
35Hangano isema humawe aku, mohawe tuwua,
ka onae Ira memoikoo i Ue.
36Sine isema nahi hawe aku, mokorugio koroino;
luwuno mia anu umo'aliaakune, mongkekewoi matea.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021