Powadi 6
6
Mperupa-rupa patudu
6:1-19
1Hei anaku, tewala omue gagi pe'inia a mpe'asa miamu,
ka moweweu tepo'asaa mpau saru mia hawe;
2ka omue kona oho a laro pinauno ngangamu,
kona rako a laro pinauno ngangamu,
3weweuomo kanandio, hei anaku, ka potolaomo koroimu,
hangano omue tedontakomo a laro kungkuno pe'asa miamu:
lakomo, penggolontumo, ka dadaiomo pe'asa miamu atuu;
4si po'ineeo matamu moturi,
ka kuli matamu mongkokoturi;
5potolaomo koroimu kana lagiwa inso mporakoa,
kana manu-manu inso a ngkaeno anu mompaani.
6Hei anu moluwe, lakomo a limonti,
pekokoongakono peleluno ka gagimo pande mosongka:
7maupo nahina petewawa,
anu mo'atora ke anu pabawano,
8onae patindao rotino i tempono motu'i-tu'i,
ka mopumpu kaangano i tempono konsowia.
9Hei anu moluwe, opiapo tehineno upepombole?
Te'ipiapoke upewangu inso a mpoturimu?
10 #
Pow. 24:33-34
”Tede-tedei moturi, tede-tedei mongkokoturi,
tede-tedei mekopu-kopu'aro ka ipepombole mpiha”,
11ka haweomo mongkokolaro ndi omue kana ponsapoi,
ka makuraa kana mia anu meparewa mpetea.
12Nahi mentudu ka mosa'oomo mia
anu tuwu saru nganga mpegaupi,
13anu mempiroakono matano,
anu metondoniako karu ka metiso-tisoako wunga ngkae,
14anu aroano monaa pompopo'oo, anu wela mosongka mosa'oa,
ka anu moweweu pengengea.
15Onaemo pu'uno ka i'aluo masolaa mepobingko,
nahi kinoo-koo onae sinolangi nahi pinokotulungi mbo'u.
16Onoo rupa wineweu andio anu o'alia-Do i Ue,
tendeano opitu rupa wineweu anu mokoburu-Do:
17mata mompelangka-langkai, elo megaupi,
kae anu mo'uwu reano mia anu nahina salano,
18aroa anu weweuo luwuno sinongka anu mosa'o,
karu anu ronga melulu te'aro a mosa'oa,
19asa mia sakosii megaupi anu mepuuriako pegaupi
ka mompokohina pengengeado mpepaekompo.
Patudu mongkona ponsosaboa
6:20–7:27
20Hei anaku, pekariaomo parentano amamu,
ka si kolupeo pompaguruno inemu.
21Welamo tanggoo luwuno atuu i aroamu,
pe'enu-enuomo a we'umu.
22Tempono upelempa, onae ta wawako,
tempono upepombole, onae ta dumagaiko,
tempono upewangu, onae ta kumuahakomu.
23Hangano parenta atuu hulu, ka pompaguru atuu wanta,
ka pongkuahako anu mompaguru atuu sala ntuwua,
24anu kumaduduiko inso a beine mosa'o poweweuno,
inso a pompopandeino beine lansara.
25Si mosisiriakono tekosino i laro aroamu,
si tepopandeiako wulu matano.
26Hangano asa mia anu belesu
asa mpole koa roti anu kinereno,
sine beineno mia susua mompete'umala penaa anu masuli olino.
27Polioke mia mowawa api a wawo mpa'ano
ka nahi mo'ai sangkano?
28Ke polioke mia melempa a wawo waro api,
ka nahi mo'ai karuno?
29Kanatuu koa mbo'u mia anu mewowaliakono beineno pe'asa miano;
nahina maupo te'asa mia anu umanggao tola inso a mpohuku.
30Asa mia monako nahi ta pinokongkodei tewala onae monako
ta motendeo mingkino mongkaa hangano mokoninggo.
31Sine, tewala kona rako, onae asalakono umowahio meluka opitu,
luwuno ihino rahano asalakono ipeweengakono.
32Isema monsosabo nahi molino pinewowolono;
mia anu moweweu kanatuu sumolangio koroino.
33Tebobarasai ka pompasinggiri hinaweno,
tetataano nahi te'onini.
34Hangano mosiri onaemo mokontekudao asa tama,
onae nahi ponto'ori mompehohawa a oleo pombaloa;
35onae nahi ta behe montarima pontolosi maupo hapa,
ka onae ta mekorahako mpiha, maupo te'opia hadiono pompoweemu.
Currently Selected:
Powadi 6: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Powadi 6
6
Mperupa-rupa patudu
6:1-19
1Hei anaku, tewala omue gagi pe'inia a mpe'asa miamu,
ka moweweu tepo'asaa mpau saru mia hawe;
2ka omue kona oho a laro pinauno ngangamu,
kona rako a laro pinauno ngangamu,
3weweuomo kanandio, hei anaku, ka potolaomo koroimu,
hangano omue tedontakomo a laro kungkuno pe'asa miamu:
lakomo, penggolontumo, ka dadaiomo pe'asa miamu atuu;
4si po'ineeo matamu moturi,
ka kuli matamu mongkokoturi;
5potolaomo koroimu kana lagiwa inso mporakoa,
kana manu-manu inso a ngkaeno anu mompaani.
6Hei anu moluwe, lakomo a limonti,
pekokoongakono peleluno ka gagimo pande mosongka:
7maupo nahina petewawa,
anu mo'atora ke anu pabawano,
8onae patindao rotino i tempono motu'i-tu'i,
ka mopumpu kaangano i tempono konsowia.
9Hei anu moluwe, opiapo tehineno upepombole?
Te'ipiapoke upewangu inso a mpoturimu?
10 #
Pow. 24:33-34
”Tede-tedei moturi, tede-tedei mongkokoturi,
tede-tedei mekopu-kopu'aro ka ipepombole mpiha”,
11ka haweomo mongkokolaro ndi omue kana ponsapoi,
ka makuraa kana mia anu meparewa mpetea.
12Nahi mentudu ka mosa'oomo mia
anu tuwu saru nganga mpegaupi,
13anu mempiroakono matano,
anu metondoniako karu ka metiso-tisoako wunga ngkae,
14anu aroano monaa pompopo'oo, anu wela mosongka mosa'oa,
ka anu moweweu pengengea.
15Onaemo pu'uno ka i'aluo masolaa mepobingko,
nahi kinoo-koo onae sinolangi nahi pinokotulungi mbo'u.
16Onoo rupa wineweu andio anu o'alia-Do i Ue,
tendeano opitu rupa wineweu anu mokoburu-Do:
17mata mompelangka-langkai, elo megaupi,
kae anu mo'uwu reano mia anu nahina salano,
18aroa anu weweuo luwuno sinongka anu mosa'o,
karu anu ronga melulu te'aro a mosa'oa,
19asa mia sakosii megaupi anu mepuuriako pegaupi
ka mompokohina pengengeado mpepaekompo.
Patudu mongkona ponsosaboa
6:20–7:27
20Hei anaku, pekariaomo parentano amamu,
ka si kolupeo pompaguruno inemu.
21Welamo tanggoo luwuno atuu i aroamu,
pe'enu-enuomo a we'umu.
22Tempono upelempa, onae ta wawako,
tempono upepombole, onae ta dumagaiko,
tempono upewangu, onae ta kumuahakomu.
23Hangano parenta atuu hulu, ka pompaguru atuu wanta,
ka pongkuahako anu mompaguru atuu sala ntuwua,
24anu kumaduduiko inso a beine mosa'o poweweuno,
inso a pompopandeino beine lansara.
25Si mosisiriakono tekosino i laro aroamu,
si tepopandeiako wulu matano.
26Hangano asa mia anu belesu
asa mpole koa roti anu kinereno,
sine beineno mia susua mompete'umala penaa anu masuli olino.
27Polioke mia mowawa api a wawo mpa'ano
ka nahi mo'ai sangkano?
28Ke polioke mia melempa a wawo waro api,
ka nahi mo'ai karuno?
29Kanatuu koa mbo'u mia anu mewowaliakono beineno pe'asa miano;
nahina maupo te'asa mia anu umanggao tola inso a mpohuku.
30Asa mia monako nahi ta pinokongkodei tewala onae monako
ta motendeo mingkino mongkaa hangano mokoninggo.
31Sine, tewala kona rako, onae asalakono umowahio meluka opitu,
luwuno ihino rahano asalakono ipeweengakono.
32Isema monsosabo nahi molino pinewowolono;
mia anu moweweu kanatuu sumolangio koroino.
33Tebobarasai ka pompasinggiri hinaweno,
tetataano nahi te'onini.
34Hangano mosiri onaemo mokontekudao asa tama,
onae nahi ponto'ori mompehohawa a oleo pombaloa;
35onae nahi ta behe montarima pontolosi maupo hapa,
ka onae ta mekorahako mpiha, maupo te'opia hadiono pompoweemu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021