Powadi 30
30
Luwuno pauno i Aguri anano i Yake
30:1-33
1Pauno i Aguri anano i Yake inso i Masa.
Pinauno mia atuu: Ongkue mekendo-kendoako, oo Ue Ala,
ongkue mekendo-kendoako, hawe pingko rosoku.
2Hangano ongkue andio lalu benge-benge sekonopo mia susua,
ponto'orino mia nahina ndi ongkue.
3Ponto'ori anu mentee mbo'u nahi kupepaguruakono,
ranta nahi kupokonto'ori Ira Anu Tedoa Mempori.
4Isemake anu mewuatako i suruga ka i'amba metii?
Isemake anu pumpuomo angi a laro kungkuno?
Isemake anu montongoomo uwoi a nsawu?
Isemake anu pakosiomo luwuno tompano tolino?
Isema neeno ka isema neeno anano?
Omiu manasa tumo'orio!
5Luwuno pau-Do Ue Ala atuu mentee luwu.
Onae kantano mia anu mepekadudui ndi Ondae.
6Si tiangio pau-Do,
ka si Dokuahakomu ka omue nahi pinotaeako anu megaupi.
7Orua rupa ku'emao ndi Omiu,
po'ineeomo ka Itarimao se'eluno napi kumate, onaemo:
8Ipoko'olaio inso ndi ongkue molengkua ka pegaupi.
Si poweeakune mongkokolaro ke kaeaa.
Ipo'ineeomo ka kukaano kaanga anu gagi tiaku.
9Ka si kuhapu Komiu, tewala mowohi aku,
ka mepau: Isemake Ondae i Ue atuu?
ke tewala mongkokolaro aku, aku monako,
ka sumosa'aio nee-Do Ue Alaku.
10Si pomposebe asa mia ata a ueno,
ka si totonaako ka omue asalakono tumembio sala atuu.
11Hinao inule anu montotonaa amano
ka nahi ronsoo ineno.
12Hinao inule anu potaeno koroino morina,
sine napi wino'ohi inso a regeno onaeno.
13Hinao inule anu mompau pohaweno mompelangka-langkai,
anu tetande kuli matano.
14Hinao inule anu ngisino ponai,
anu tinduno piso,
ka ipingko ikaano mia tepokonsii inso i tolino,
ka mia mongkokolaro inso i olono mia.
15I linta hinao orua anano beine.
”Weeakono, weeakono!” dompotae.
Hinao otolu rupa anu nahi ta mowohi,
hinao opaa rupa anu nahi ta hori motae, ”Sompo!”
16Tolinodo mia mate, ka pe'anakaa anu biita,
tolino anu nahi hori tendeako uwoi,
ka api anu nahi hori motae, ”Sompo!”
17Mata anu mompasinggiri ama
ka mo'ondaha rumongeo ine
ta tumungkuo paa-paa lembono
ka ikaano anano rajawali.
18Hinao otolu rupa anu mokongkohali-hali aku,
tendeano, hinao opaa rupa anu nahi kupokonto'orio:
19pesalaano rajawali i laro meene,
pesalaano ule a wawo wita motea,
pesalaano kapala a ntonga ntahi,
ka pesalaano asa tama saru asa beine.
20Ndiomo pesalaano beine anu monsosabo:
onae mongkaa, ka i'amba pahihio ngangano,
ka motae: Nahi kupoweweu mosa'o.
21Hangano otolu rupa tolino mondidi-ndidi,
tendeano, hangano opaa rupa nahi pokompeteao:
22asa mia ata, tewala onae gagi mokole,
asa mia monge-monge, tewala onae mongkaa mowohi lahi,
23asa beine anu o'aliado mia, tewala onae mohawe tamano,
ka asa ata beine, tewala onae umalao pentoroano beine pe'ueano.
24Hinao opaa kondehora kodei i tolino,
sine tedoa magasi peleluno:
25limonti, tongku anu nahi moroso,
sine mompatinda kaangano i tempo motu'i-tu'i,
26palandu, tongku anu molema,
sine moweweu rahano a pongku watu,
27kosume anu nahina mokoleno,
sine luwuno melako mpebaresi,
28tita anu upokorakoakono kae,
sine hinao koa mbo'u a luwuno langkanaeno mokole.
29Hinao otolu kondehora anu moroso pelempano,
tendeano, opaa rupa anu moroso pelempano:
30singa, anu lalu moroso i olono kondehora,
anu nahi ponsuka maupo hapa;
31manu lakino anu mompelangka-langkai, bembe lakino,
ka asa mokole saru sorodaduno.
32Tewala umue melelu benge-benge saru mompelangka-langkai,
tewala omue mosongka mongkona atuu
petompoakonomo kaemu a ngangamu!
33Hangano, tewala susu dinanso, mantega hasilino,
ka tewala enge dinanso, rea meluarako,
ka tewala tekuda pino'inee, pe'u'uaa anu gagi.
Currently Selected:
Powadi 30: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Powadi 30
30
Luwuno pauno i Aguri anano i Yake
30:1-33
1Pauno i Aguri anano i Yake inso i Masa.
Pinauno mia atuu: Ongkue mekendo-kendoako, oo Ue Ala,
ongkue mekendo-kendoako, hawe pingko rosoku.
2Hangano ongkue andio lalu benge-benge sekonopo mia susua,
ponto'orino mia nahina ndi ongkue.
3Ponto'ori anu mentee mbo'u nahi kupepaguruakono,
ranta nahi kupokonto'ori Ira Anu Tedoa Mempori.
4Isemake anu mewuatako i suruga ka i'amba metii?
Isemake anu pumpuomo angi a laro kungkuno?
Isemake anu montongoomo uwoi a nsawu?
Isemake anu pakosiomo luwuno tompano tolino?
Isema neeno ka isema neeno anano?
Omiu manasa tumo'orio!
5Luwuno pau-Do Ue Ala atuu mentee luwu.
Onae kantano mia anu mepekadudui ndi Ondae.
6Si tiangio pau-Do,
ka si Dokuahakomu ka omue nahi pinotaeako anu megaupi.
7Orua rupa ku'emao ndi Omiu,
po'ineeomo ka Itarimao se'eluno napi kumate, onaemo:
8Ipoko'olaio inso ndi ongkue molengkua ka pegaupi.
Si poweeakune mongkokolaro ke kaeaa.
Ipo'ineeomo ka kukaano kaanga anu gagi tiaku.
9Ka si kuhapu Komiu, tewala mowohi aku,
ka mepau: Isemake Ondae i Ue atuu?
ke tewala mongkokolaro aku, aku monako,
ka sumosa'aio nee-Do Ue Alaku.
10Si pomposebe asa mia ata a ueno,
ka si totonaako ka omue asalakono tumembio sala atuu.
11Hinao inule anu montotonaa amano
ka nahi ronsoo ineno.
12Hinao inule anu potaeno koroino morina,
sine napi wino'ohi inso a regeno onaeno.
13Hinao inule anu mompau pohaweno mompelangka-langkai,
anu tetande kuli matano.
14Hinao inule anu ngisino ponai,
anu tinduno piso,
ka ipingko ikaano mia tepokonsii inso i tolino,
ka mia mongkokolaro inso i olono mia.
15I linta hinao orua anano beine.
”Weeakono, weeakono!” dompotae.
Hinao otolu rupa anu nahi ta mowohi,
hinao opaa rupa anu nahi ta hori motae, ”Sompo!”
16Tolinodo mia mate, ka pe'anakaa anu biita,
tolino anu nahi hori tendeako uwoi,
ka api anu nahi hori motae, ”Sompo!”
17Mata anu mompasinggiri ama
ka mo'ondaha rumongeo ine
ta tumungkuo paa-paa lembono
ka ikaano anano rajawali.
18Hinao otolu rupa anu mokongkohali-hali aku,
tendeano, hinao opaa rupa anu nahi kupokonto'orio:
19pesalaano rajawali i laro meene,
pesalaano ule a wawo wita motea,
pesalaano kapala a ntonga ntahi,
ka pesalaano asa tama saru asa beine.
20Ndiomo pesalaano beine anu monsosabo:
onae mongkaa, ka i'amba pahihio ngangano,
ka motae: Nahi kupoweweu mosa'o.
21Hangano otolu rupa tolino mondidi-ndidi,
tendeano, hangano opaa rupa nahi pokompeteao:
22asa mia ata, tewala onae gagi mokole,
asa mia monge-monge, tewala onae mongkaa mowohi lahi,
23asa beine anu o'aliado mia, tewala onae mohawe tamano,
ka asa ata beine, tewala onae umalao pentoroano beine pe'ueano.
24Hinao opaa kondehora kodei i tolino,
sine tedoa magasi peleluno:
25limonti, tongku anu nahi moroso,
sine mompatinda kaangano i tempo motu'i-tu'i,
26palandu, tongku anu molema,
sine moweweu rahano a pongku watu,
27kosume anu nahina mokoleno,
sine luwuno melako mpebaresi,
28tita anu upokorakoakono kae,
sine hinao koa mbo'u a luwuno langkanaeno mokole.
29Hinao otolu kondehora anu moroso pelempano,
tendeano, opaa rupa anu moroso pelempano:
30singa, anu lalu moroso i olono kondehora,
anu nahi ponsuka maupo hapa;
31manu lakino anu mompelangka-langkai, bembe lakino,
ka asa mokole saru sorodaduno.
32Tewala umue melelu benge-benge saru mompelangka-langkai,
tewala omue mosongka mongkona atuu
petompoakonomo kaemu a ngangamu!
33Hangano, tewala susu dinanso, mantega hasilino,
ka tewala enge dinanso, rea meluarako,
ka tewala tekuda pino'inee, pe'u'uaa anu gagi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021