Powadi 28
28
1Mia mosa'o gauno molai maupo nahina anu lumuluo,
sine mia mentee mosia kana singa mongura.
2Hangano pe'ewa i wita atuu hadioomo anu pabawa,
sine hangano mia anu hinao ponto'oriono ka hinao pandeno mekorahakoomo te'atoraa.
3Mia mongkokolaro anu mompokonsii mia molema
onaemo kana usa marombo, sine nahi pompowee kaanga.
4Mia anu nahi perioo songka umunde-undeo mia mosa'o gauno,
sine mia anu me'ini a songka umewai ira.
5Mia mosa'o wineweuno nahi pokonto'orio moleoa,
sine mia anu umungke Ira i Ue mokonto'orio luwuakoano.
6Moikoopo mia mongkokolaro anu nahina tataano peleluno
sekonopo mia anu melengku-lengkuako pesalaano, maupo onae kaea.
7Mia anu mekariao songka onaemo ana anu hinao ponto'orino,
sine mia anu mebawaaako anu modoko mongkaa mokoko'iio amano.
8Mia anu mokohadioakono bungano doi ke untu arataano,
pumpuo atuu tiano mia anu mehohawao mia molema.
9Isema anu wolilio birino ka si rongeo songka,
pekakaino mbo'u mokoburu.
10Isema mokontesaao mia moleo a mpesalaa anu mosa'o
ta tedonta a laro aano onaeno,
sine mia anu nahina tataano ta me'ueo me'uraa.
11Mia kaea potaeno onae pande mosongka,
sine mia mongkokolaro anu hinao ponto'orino ito'orio.
12Tewala mia mentee monangi, hadioomo po'unde-undedo mia,
sine tewala mia mosa'o gauno mohawe pabawa, mia mpewuni.
13Isema wunio halano nahi ta me'ura,
sine isema mangakuakono ka bintao ta pinehohawa.
14Me'uraomo mia anu wela doitoako Ira i Ue,
sine mia anu mokomoteao aroano ta tedonta a laro masolaa.
15Kana singa anu mengaoli ke berua anu mesapoi,
kanatuumo mia mosa'o gauno anu moparenta palili anu molema.
16Asa petewawa nahina ponto'orino, lansara pompokonsiino;
sine mia anu umo'aliaakono untu anu nahi moleo insoano, melai tinuwuno.
17Mia anu montanggumi reano mia susua
ta molai hawe a laro ngkaburu.
Si ontoo!
18Isema tuwu nahina tataano ta kinadudui,
sine isema melengku-lengkuako pesalaano ta tedonta a laro aa.
19Isema mo'angga wita ta mowohiako kaanga,
sine isema mo'ungke anu nahina tuduno ta mowohiako mongkokolaroa.
20Mia anu pine'ala-ala mohawe hadio ronso,
sine mia anu ineheno ronga kaea, nahi ta tola inso a mpohuku.
21Mobini-biniki nahi moiko,
sine hangano asa mpole roti mia moweweu hala.
22Mia anu mo'uri madara mo'ungke arataa,
ka nahi to'orio nine onae ta umaluo makuraa.
23Isema mongkuahako mia ta mohawe pompehohawa
sekonopo mia anu monsila'e.
24Isema morontu amano ka ineno
ka tumuduo nine atuu komba hala,
onae walino anu monsolangi.
25Mia anu modoko, moweweu pe'u'uaa,
sine isema me'ala-ala Ira i Ue, pinoweeako hadio ntu'u.
26Isema me'ala-alao aroano onaeno onaemo mia monge-monge,
sine isema tuwu saru pande mosongka ta tekadudui.
27Isema mompowee a mia mongkokolaro nahi ta mompemakura,
sine mia anu tumutuwio matano ta tedoa tinotonaa.
28Tewala mia mosa'o gauno mohawe pabawa, mia mpewuni,
sine tewala ondae memate, tetiangiomo hadio mia mentee.
Currently Selected:
Powadi 28: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Powadi 28
28
1Mia mosa'o gauno molai maupo nahina anu lumuluo,
sine mia mentee mosia kana singa mongura.
2Hangano pe'ewa i wita atuu hadioomo anu pabawa,
sine hangano mia anu hinao ponto'oriono ka hinao pandeno mekorahakoomo te'atoraa.
3Mia mongkokolaro anu mompokonsii mia molema
onaemo kana usa marombo, sine nahi pompowee kaanga.
4Mia anu nahi perioo songka umunde-undeo mia mosa'o gauno,
sine mia anu me'ini a songka umewai ira.
5Mia mosa'o wineweuno nahi pokonto'orio moleoa,
sine mia anu umungke Ira i Ue mokonto'orio luwuakoano.
6Moikoopo mia mongkokolaro anu nahina tataano peleluno
sekonopo mia anu melengku-lengkuako pesalaano, maupo onae kaea.
7Mia anu mekariao songka onaemo ana anu hinao ponto'orino,
sine mia anu mebawaaako anu modoko mongkaa mokoko'iio amano.
8Mia anu mokohadioakono bungano doi ke untu arataano,
pumpuo atuu tiano mia anu mehohawao mia molema.
9Isema anu wolilio birino ka si rongeo songka,
pekakaino mbo'u mokoburu.
10Isema mokontesaao mia moleo a mpesalaa anu mosa'o
ta tedonta a laro aano onaeno,
sine mia anu nahina tataano ta me'ueo me'uraa.
11Mia kaea potaeno onae pande mosongka,
sine mia mongkokolaro anu hinao ponto'orino ito'orio.
12Tewala mia mentee monangi, hadioomo po'unde-undedo mia,
sine tewala mia mosa'o gauno mohawe pabawa, mia mpewuni.
13Isema wunio halano nahi ta me'ura,
sine isema mangakuakono ka bintao ta pinehohawa.
14Me'uraomo mia anu wela doitoako Ira i Ue,
sine mia anu mokomoteao aroano ta tedonta a laro masolaa.
15Kana singa anu mengaoli ke berua anu mesapoi,
kanatuumo mia mosa'o gauno anu moparenta palili anu molema.
16Asa petewawa nahina ponto'orino, lansara pompokonsiino;
sine mia anu umo'aliaakono untu anu nahi moleo insoano, melai tinuwuno.
17Mia anu montanggumi reano mia susua
ta molai hawe a laro ngkaburu.
Si ontoo!
18Isema tuwu nahina tataano ta kinadudui,
sine isema melengku-lengkuako pesalaano ta tedonta a laro aa.
19Isema mo'angga wita ta mowohiako kaanga,
sine isema mo'ungke anu nahina tuduno ta mowohiako mongkokolaroa.
20Mia anu pine'ala-ala mohawe hadio ronso,
sine mia anu ineheno ronga kaea, nahi ta tola inso a mpohuku.
21Mobini-biniki nahi moiko,
sine hangano asa mpole roti mia moweweu hala.
22Mia anu mo'uri madara mo'ungke arataa,
ka nahi to'orio nine onae ta umaluo makuraa.
23Isema mongkuahako mia ta mohawe pompehohawa
sekonopo mia anu monsila'e.
24Isema morontu amano ka ineno
ka tumuduo nine atuu komba hala,
onae walino anu monsolangi.
25Mia anu modoko, moweweu pe'u'uaa,
sine isema me'ala-ala Ira i Ue, pinoweeako hadio ntu'u.
26Isema me'ala-alao aroano onaeno onaemo mia monge-monge,
sine isema tuwu saru pande mosongka ta tekadudui.
27Isema mompowee a mia mongkokolaro nahi ta mompemakura,
sine mia anu tumutuwio matano ta tedoa tinotonaa.
28Tewala mia mosa'o gauno mohawe pabawa, mia mpewuni,
sine tewala ondae memate, tetiangiomo hadio mia mentee.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021