Powadi 24
24
1Si mosisiriakono mia mosa'o wineweuno,
si behe pebawaako ira.
2Hangano aroado pompewowolo pompokonsii
ka wiwido mpompau sinongka mosa'o.
3Saru ponto'ori anu mentee raha pinontade,
ka pinokomoleoako ponto'ori.
4Saru ponto'ori luwuno bolongko inihiiako
mperupa-rupa arataa anu masuli olino ka tekosi.
5Mia pande mosongka pabawaopo sekono mia moroso,
ka mia anu hinao ponto'orino sekonopo mia anu rosono langkai moroso.
6Hangano butu koa saru akala omue mokompetea,
ka ponangia pinerorohi a hadiono anu mompatudu.
7Ponto'ori anu mentee mantande lahi a mia benge-benge;
onae nahi ungkahio ngangano a mpewowa langkai.
8Isema wela mosongka mosa'oa
ta pinotaeako anu mompopo'oo.
9Mompewowolo benge-bengea onaemo hala,
ka anu pasinggiri onaemo mokoburuakono mia.
10Tewala tetadi rosomo i tempono ma'isoa,
tedoa kodei rosomu!
11Potola ira anu mewinawa ira mempinepate,
kaduduio mia anu mobangku-bangku te'aro a po'impahia.
12Tewala omue mepau, ”Mentee ntu'u nahi kimento'orio mongkona atuu!”
Ondae anu paresao aroa nde nahi Dopokonto'orioke?
Ondae anu dumagaio sumangamu nde nahi Doto'orioke,
ka sumuloakono mia montonda wineweuno?
13Anaku, kaanomo siu hoani, hangano onae atuu moiko;
ka te'itino siu hoani atuu mo'ahino langirano ngangamu.
14To'oriomo, kanatuu koa mbo'u ponto'ori anu mentee tiano sumangamu:
Tewala uhaweo, ta hina oleo lembuimu,
ka pomperorohimu nahi ta tetadi.
15Si poporoo po'iangano mia mentee, hei mia mosa'o gauno,
si solangio rahano.
16Hangano, maupo pepintu itedonta mia mentee, onae wali mewangu,
sine mia mosa'o gauno ta tebangku a laro masolaa.
17Si po'unde tewala iwalimu tedonta,
si mawongko aroamu tewala onae tedonta,
18ka si Dokitao i Ue ka Dopemosa'oo,
ka Do'amba wolilio tekuda-Do inso a mia atuu.
19Si gagi tekuda hangano mia anu moweweu hala,
si mosisiriakono mia mosa'o gauno.
20Hangano nahina oleo lembuino mia moweweu mosa'o;
huluno mia mosa'o gauno ta mate.
21Hei anaku, doitoako Iramo i Ue ka mokole;
si ewaio oruano.
22Hangano nahi kinoo-koo ondae moweweu masolaa,
ka isema tumo'orio masolaa anu winawado?
23Tudano mbo'u andio luwuno powadino mia pande mosongka.
Mobini-biniki a laro mpebitaraa nahi moiko.
24Isema mepau a mia mosa'o gauno, ”Nahina salamu,”
ira mentotonaao luwuno tongku, domentutundalio luwuno suku tongku.
25Sine ondae anu mpompowee pepopoto'ori ira meme'ura,
ka ronso manangaia ta metii ndi ondae.
26Isema mompowee sangkino anu kona ntu'u
winoo-woo wiwi.
27Pokomoikoo anggaamu i bungkuno,
patindaomo atuu tiamu i lere;
umarino atuu ka u'amba montadeo rahamu.
28Si gagi sakosii a mpe'asa miamu nahina pu'uno,
ka mompopo'ooako wiwimu.
29Si pepau, ”Kana'umpe ipokoko'ii aku, kanatuu kupokoko'iio.
Aku mombalo a mia menunu saru wineweuno.”
30Kulaloo lereno asa mia anu moluwe
ka lere anggorono mia anu nahi molino pinewowolono.
31Kitaomo, luwuno atuu tuwuomo ewo merui,
witano tetutuwiako ewo rui,
ka rere watuno tebangkuomo.
32Mengkita aku ka mepenteeo,
kukitao ka mo'ala asa pepaguru.
33 #
Pow. 6:10-11
”Tede-tedei moturi, tede-tedei mongkokoturi,
tede-tedei mekopu-kopu'aro, ka ipepombole mpiha,”
34ka haweomo mongkokolaro ndi omue kana ponsapoi,
ka makuraa kana mia anu meparewa mpetea.
Currently Selected:
Powadi 24: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Powadi 24
24
1Si mosisiriakono mia mosa'o wineweuno,
si behe pebawaako ira.
2Hangano aroado pompewowolo pompokonsii
ka wiwido mpompau sinongka mosa'o.
3Saru ponto'ori anu mentee raha pinontade,
ka pinokomoleoako ponto'ori.
4Saru ponto'ori luwuno bolongko inihiiako
mperupa-rupa arataa anu masuli olino ka tekosi.
5Mia pande mosongka pabawaopo sekono mia moroso,
ka mia anu hinao ponto'orino sekonopo mia anu rosono langkai moroso.
6Hangano butu koa saru akala omue mokompetea,
ka ponangia pinerorohi a hadiono anu mompatudu.
7Ponto'ori anu mentee mantande lahi a mia benge-benge;
onae nahi ungkahio ngangano a mpewowa langkai.
8Isema wela mosongka mosa'oa
ta pinotaeako anu mompopo'oo.
9Mompewowolo benge-bengea onaemo hala,
ka anu pasinggiri onaemo mokoburuakono mia.
10Tewala tetadi rosomo i tempono ma'isoa,
tedoa kodei rosomu!
11Potola ira anu mewinawa ira mempinepate,
kaduduio mia anu mobangku-bangku te'aro a po'impahia.
12Tewala omue mepau, ”Mentee ntu'u nahi kimento'orio mongkona atuu!”
Ondae anu paresao aroa nde nahi Dopokonto'orioke?
Ondae anu dumagaio sumangamu nde nahi Doto'orioke,
ka sumuloakono mia montonda wineweuno?
13Anaku, kaanomo siu hoani, hangano onae atuu moiko;
ka te'itino siu hoani atuu mo'ahino langirano ngangamu.
14To'oriomo, kanatuu koa mbo'u ponto'ori anu mentee tiano sumangamu:
Tewala uhaweo, ta hina oleo lembuimu,
ka pomperorohimu nahi ta tetadi.
15Si poporoo po'iangano mia mentee, hei mia mosa'o gauno,
si solangio rahano.
16Hangano, maupo pepintu itedonta mia mentee, onae wali mewangu,
sine mia mosa'o gauno ta tebangku a laro masolaa.
17Si po'unde tewala iwalimu tedonta,
si mawongko aroamu tewala onae tedonta,
18ka si Dokitao i Ue ka Dopemosa'oo,
ka Do'amba wolilio tekuda-Do inso a mia atuu.
19Si gagi tekuda hangano mia anu moweweu hala,
si mosisiriakono mia mosa'o gauno.
20Hangano nahina oleo lembuino mia moweweu mosa'o;
huluno mia mosa'o gauno ta mate.
21Hei anaku, doitoako Iramo i Ue ka mokole;
si ewaio oruano.
22Hangano nahi kinoo-koo ondae moweweu masolaa,
ka isema tumo'orio masolaa anu winawado?
23Tudano mbo'u andio luwuno powadino mia pande mosongka.
Mobini-biniki a laro mpebitaraa nahi moiko.
24Isema mepau a mia mosa'o gauno, ”Nahina salamu,”
ira mentotonaao luwuno tongku, domentutundalio luwuno suku tongku.
25Sine ondae anu mpompowee pepopoto'ori ira meme'ura,
ka ronso manangaia ta metii ndi ondae.
26Isema mompowee sangkino anu kona ntu'u
winoo-woo wiwi.
27Pokomoikoo anggaamu i bungkuno,
patindaomo atuu tiamu i lere;
umarino atuu ka u'amba montadeo rahamu.
28Si gagi sakosii a mpe'asa miamu nahina pu'uno,
ka mompopo'ooako wiwimu.
29Si pepau, ”Kana'umpe ipokoko'ii aku, kanatuu kupokoko'iio.
Aku mombalo a mia menunu saru wineweuno.”
30Kulaloo lereno asa mia anu moluwe
ka lere anggorono mia anu nahi molino pinewowolono.
31Kitaomo, luwuno atuu tuwuomo ewo merui,
witano tetutuwiako ewo rui,
ka rere watuno tebangkuomo.
32Mengkita aku ka mepenteeo,
kukitao ka mo'ala asa pepaguru.
33 #
Pow. 6:10-11
”Tede-tedei moturi, tede-tedei mongkokoturi,
tede-tedei mekopu-kopu'aro, ka ipepombole mpiha,”
34ka haweomo mongkokolaro ndi omue kana ponsapoi,
ka makuraa kana mia anu meparewa mpetea.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021