Powadi 22
22
1Nee moiko masuliopo olino sekonopo kaeaa langkai,
ipehohawao mia moikoopo sekonopo salaka ka wulaa.
2Mia kaea ka mia mongkokolaro hinao pengkenano:
Ondae koa i Ue anu mokogagi ira luwu.
3Tempono mia anu pande mo'ungke akala kumitao masolaa, onae mewuni,
sine mia anu napi hina pinembasaino melempa mpiha, ka i'amba kumonao masolaa.
4Tambono me'urumako ka doitoako Ira i Ue
onaemo kaeaa, pompelangkai, ka tuwua.
5Rui ka pompete'umala hinao a mpesalaano mia anu molengku aroano;
isema mingki mekariao koroino i'olaiakono mia atuu.
6Paguruomo mia mongura montonda pesalaa anu pototono,
ka maupo tempono imota'u nahi ta pansia inso a mpesalaano atuu.
7Mia kaea pabawaio mia mongkokolaro,
anu mepasua gagi atano mia anu mokompepasuao.
8Mia anu morawo molengkua ta mohawe masolaa,
ka tuko tekudano ta tampula.
9Mia anu moiko aroano ta rinonso,
hangano onae tumiao hinaweno saru mia mongkokolaro.
10Saariomo anu mompasinggiri, ka tampulaomo pe'u'uaa,
ka tamo menaa-naa pengengea ka pasinggiri.
11Mia anu mongkekewoi memporino aroa
ka anu mo'ahi pepauno gagi sambe'eno mokole.
12Mata-Do i Ue mepenteeo ponto'ori,
sine nahi Dopokogagio pinauno anu mompau anu mohapu pedandia.
13Anu moluwe motae, ”Hinao singa i bungkuno,
ta merangkami aku i tongano tanalapa.”
14Ngangano beine belesu onaemo aa anu ondalo;
mia anu Dotekudaakono i Ue ta tedonta i larono.
15Benge-bengea metako a aroano mia mongura,
sine tuko pompaguru ta moko'olaio atuu inso ndi onae.
16Mia anu mompokonsii mia molema ka ime'uraakono koroino
ke moweeakono pompowee a mia kaea, butu mokorugio mpena koroino.
Luwuno powadino mia pande mosongka
22:17–24:34
17Ta'oomo birimu ka rongeomo pauno mia pande mosongka,
pekokoongakonomo a ponto'oriku.
18Mompokosanaa ntu'u tewala imenaao
i laro aroa ka luwuno atuu tepatinda a wiwimiu.
19Ka unaao pompe'ala-alamu ndi Ondae i Ue,
kupaguruakomu kanandio-andio, oo ndi omue.
20Kombake kuburiomo ndi omue i ndi'ipua tolupulu pau
anu me'ihi patudu ka ponto'ori,
21ka ipaguruakomu hapa anu mentee ka pinokompe'ala-ala,
ka upokosangkio anu kona ntu'u a anu tumenako.
22Siimo rontuo mia molema hangano onae molema,
ka siimo lolandao mia mongkokolaro a mpewowa langkai.
23Hangano Ondae i Ue umala-alaakono kara-karado,
ka umalao penaano mia anu rumontuki ira.
24Si pewali-waliakono mia anu ronga mewuatako reano,
si pebawaakono mia mara ntekuda,
25ka si utondao peleluno
ka tuma'oo oho tiano koroimu omuemu.
26Omue si tewinso i olodo mia anu mpoweweu tepo'asaa mpau,
ka anu gagi tumembio pasua.
27Tewala nahina hapa-hapamu wali po'owahimu,
mia ta umalao poturiamu inso i totomu.
28Omue si limbao tidano wita anu tehine,
anu pinakosido uempu'umu.
29Horikoke mongkita mia anu pande ntu'u a laro mpo'anggaano?
I arodo luwuno mokole onae ta mentade, komba i arodo mia anu pinokongkodei.
Currently Selected:
Powadi 22: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Powadi 22
22
1Nee moiko masuliopo olino sekonopo kaeaa langkai,
ipehohawao mia moikoopo sekonopo salaka ka wulaa.
2Mia kaea ka mia mongkokolaro hinao pengkenano:
Ondae koa i Ue anu mokogagi ira luwu.
3Tempono mia anu pande mo'ungke akala kumitao masolaa, onae mewuni,
sine mia anu napi hina pinembasaino melempa mpiha, ka i'amba kumonao masolaa.
4Tambono me'urumako ka doitoako Ira i Ue
onaemo kaeaa, pompelangkai, ka tuwua.
5Rui ka pompete'umala hinao a mpesalaano mia anu molengku aroano;
isema mingki mekariao koroino i'olaiakono mia atuu.
6Paguruomo mia mongura montonda pesalaa anu pototono,
ka maupo tempono imota'u nahi ta pansia inso a mpesalaano atuu.
7Mia kaea pabawaio mia mongkokolaro,
anu mepasua gagi atano mia anu mokompepasuao.
8Mia anu morawo molengkua ta mohawe masolaa,
ka tuko tekudano ta tampula.
9Mia anu moiko aroano ta rinonso,
hangano onae tumiao hinaweno saru mia mongkokolaro.
10Saariomo anu mompasinggiri, ka tampulaomo pe'u'uaa,
ka tamo menaa-naa pengengea ka pasinggiri.
11Mia anu mongkekewoi memporino aroa
ka anu mo'ahi pepauno gagi sambe'eno mokole.
12Mata-Do i Ue mepenteeo ponto'ori,
sine nahi Dopokogagio pinauno anu mompau anu mohapu pedandia.
13Anu moluwe motae, ”Hinao singa i bungkuno,
ta merangkami aku i tongano tanalapa.”
14Ngangano beine belesu onaemo aa anu ondalo;
mia anu Dotekudaakono i Ue ta tedonta i larono.
15Benge-bengea metako a aroano mia mongura,
sine tuko pompaguru ta moko'olaio atuu inso ndi onae.
16Mia anu mompokonsii mia molema ka ime'uraakono koroino
ke moweeakono pompowee a mia kaea, butu mokorugio mpena koroino.
Luwuno powadino mia pande mosongka
22:17–24:34
17Ta'oomo birimu ka rongeomo pauno mia pande mosongka,
pekokoongakonomo a ponto'oriku.
18Mompokosanaa ntu'u tewala imenaao
i laro aroa ka luwuno atuu tepatinda a wiwimiu.
19Ka unaao pompe'ala-alamu ndi Ondae i Ue,
kupaguruakomu kanandio-andio, oo ndi omue.
20Kombake kuburiomo ndi omue i ndi'ipua tolupulu pau
anu me'ihi patudu ka ponto'ori,
21ka ipaguruakomu hapa anu mentee ka pinokompe'ala-ala,
ka upokosangkio anu kona ntu'u a anu tumenako.
22Siimo rontuo mia molema hangano onae molema,
ka siimo lolandao mia mongkokolaro a mpewowa langkai.
23Hangano Ondae i Ue umala-alaakono kara-karado,
ka umalao penaano mia anu rumontuki ira.
24Si pewali-waliakono mia anu ronga mewuatako reano,
si pebawaakono mia mara ntekuda,
25ka si utondao peleluno
ka tuma'oo oho tiano koroimu omuemu.
26Omue si tewinso i olodo mia anu mpoweweu tepo'asaa mpau,
ka anu gagi tumembio pasua.
27Tewala nahina hapa-hapamu wali po'owahimu,
mia ta umalao poturiamu inso i totomu.
28Omue si limbao tidano wita anu tehine,
anu pinakosido uempu'umu.
29Horikoke mongkita mia anu pande ntu'u a laro mpo'anggaano?
I arodo luwuno mokole onae ta mentade, komba i arodo mia anu pinokongkodei.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021