Powadi 19
19
1Moikoopo asa mia mongkokolaro anu peleluno nahina tataano
sekonopo asa mia monge-monge anu mara mpegaupi.
2Nahina ponto'ori anu wineweu mbo'u nahi moiko;
mia anu madara ta sala mpelempa.
3Benge-bengeno onaeno mia atuu mokontesaao pesalaano,
sine aroano tekuda ndi Ondae Ue.
4Kaeaa montiangi hadio sambe'e,
sine mia mongkokolaro ibintao sambe'eno.
5Sakosii megaupi nahi ta tola inso a mpohuku,
mia anu mepuuriako pegaupi nahi ta tola.
6Hadio mia mo'ala aroano mia mokua mompowee,
sompo mia mesambe'e saru anu mompowee.
7Mia mongkokolaro dome'o'aliaakono luwuno pepaekompono,
tamoako mbo'u luwuno sambe'eno me'olaiakono.
Ilulu ira, moboi ira
sine nahi domekongko mbo'u.
8Isema mohawe pinewowolo molino, mehohawao koroino;
isema me'ini a ponto'ori, mohawe me'uraa.
9Sakosii megaupi nahi ta tola inso a mpohuku,
mia anu mepuuriako pegaupi ta mate.
10Mare'ea nahi pototono mia monge-monge,
tamoako mbo'u asa ata moparenta anu langkai potorono.
11Pinewowolo molino weweuo asa mia tedoa sabara
ka marambano onaemo nahi kitaakono polimpaia.
12Tekudano mokole kana pengaolino singa mongura,
sine moikono kana tontoru a wawo ewo.
13Ana monge-monge onaemo masolaano amano,
ka pewurukino asa mia beineno kana matiti anu nahi penaa-naa mompo'iti.
14Raha ka arataa onaemo pusakado uempu'u,
sine beineno anu molino pinewowolono inso koa ndi Ondae i Ue.
15Meluweki mowawa poturi rodo,
ka mia anu mongguu ta marasai mokoninggo.
16Isema me'ini a parenta, mekariao penaano,
sine isema montata pau, ta mate.
17Isema me'aroa a mia mongkokolaro, moweeako Ira i Ue owahia-Do
anu ta sumuloo wineweu atuu.
18Tunduhiomo anamu tempono da hinao pomperorohia,
sine si ineheakono mateano.
19Mia anu magasi lahi tekuda ta kona denda,
hangano tewala komingki tumulungio, butu kotumiangio tekudano.
20Rongeomo patudu ka tarimaomo pompaguru,
ka ugagi pande mosongka i oleo lembuiano.
21Hadioomo sinongka i aroano mia,
sine pomputusi-Do koa i Ue anu gagi.
22Pelelu anu pinemoiko a asa mia onaemo petenunu;
moikoopo mia mongkokolaro sekonopo mia megaupi.
23Doitoako Ira i Ue mowawa tuwua,
onaemo ka itende mia mewongi, nahi aluo masolaa.
24Anu moluwe umemoo kaeno a laro sempe,
sine nahi pokuleo mbo'u a nganga.
25Tewala anu mompasinggiri utunduhio, ka i'amba mia anu napi hina pinembasaino gagi pande mosongka,
tewala mia hinao ponto'orino kinuahako, onae gagi mokonto'orio.
26Ana anu mobobarasai amano ke monsaari ineno,
mokoko'iio ka moweweu tataano koroino.
27Hei anaku, siimo mbo'u poronge pompaguru
tewala omue pansia mbo'u inso a luwuno pau anu mompowee ponto'ori.
28Sakosii anu nahi mentudu mompasinggiri songka
ka ngangano mia mosa'o gauno montele pegaupi.
29Pohuku tetinda tiano anu mompasinggiri
ka petunduhi tiano torukuno mia monge-monge.
Currently Selected:
Powadi 19: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Powadi 19
19
1Moikoopo asa mia mongkokolaro anu peleluno nahina tataano
sekonopo asa mia monge-monge anu mara mpegaupi.
2Nahina ponto'ori anu wineweu mbo'u nahi moiko;
mia anu madara ta sala mpelempa.
3Benge-bengeno onaeno mia atuu mokontesaao pesalaano,
sine aroano tekuda ndi Ondae Ue.
4Kaeaa montiangi hadio sambe'e,
sine mia mongkokolaro ibintao sambe'eno.
5Sakosii megaupi nahi ta tola inso a mpohuku,
mia anu mepuuriako pegaupi nahi ta tola.
6Hadio mia mo'ala aroano mia mokua mompowee,
sompo mia mesambe'e saru anu mompowee.
7Mia mongkokolaro dome'o'aliaakono luwuno pepaekompono,
tamoako mbo'u luwuno sambe'eno me'olaiakono.
Ilulu ira, moboi ira
sine nahi domekongko mbo'u.
8Isema mohawe pinewowolo molino, mehohawao koroino;
isema me'ini a ponto'ori, mohawe me'uraa.
9Sakosii megaupi nahi ta tola inso a mpohuku,
mia anu mepuuriako pegaupi ta mate.
10Mare'ea nahi pototono mia monge-monge,
tamoako mbo'u asa ata moparenta anu langkai potorono.
11Pinewowolo molino weweuo asa mia tedoa sabara
ka marambano onaemo nahi kitaakono polimpaia.
12Tekudano mokole kana pengaolino singa mongura,
sine moikono kana tontoru a wawo ewo.
13Ana monge-monge onaemo masolaano amano,
ka pewurukino asa mia beineno kana matiti anu nahi penaa-naa mompo'iti.
14Raha ka arataa onaemo pusakado uempu'u,
sine beineno anu molino pinewowolono inso koa ndi Ondae i Ue.
15Meluweki mowawa poturi rodo,
ka mia anu mongguu ta marasai mokoninggo.
16Isema me'ini a parenta, mekariao penaano,
sine isema montata pau, ta mate.
17Isema me'aroa a mia mongkokolaro, moweeako Ira i Ue owahia-Do
anu ta sumuloo wineweu atuu.
18Tunduhiomo anamu tempono da hinao pomperorohia,
sine si ineheakono mateano.
19Mia anu magasi lahi tekuda ta kona denda,
hangano tewala komingki tumulungio, butu kotumiangio tekudano.
20Rongeomo patudu ka tarimaomo pompaguru,
ka ugagi pande mosongka i oleo lembuiano.
21Hadioomo sinongka i aroano mia,
sine pomputusi-Do koa i Ue anu gagi.
22Pelelu anu pinemoiko a asa mia onaemo petenunu;
moikoopo mia mongkokolaro sekonopo mia megaupi.
23Doitoako Ira i Ue mowawa tuwua,
onaemo ka itende mia mewongi, nahi aluo masolaa.
24Anu moluwe umemoo kaeno a laro sempe,
sine nahi pokuleo mbo'u a nganga.
25Tewala anu mompasinggiri utunduhio, ka i'amba mia anu napi hina pinembasaino gagi pande mosongka,
tewala mia hinao ponto'orino kinuahako, onae gagi mokonto'orio.
26Ana anu mobobarasai amano ke monsaari ineno,
mokoko'iio ka moweweu tataano koroino.
27Hei anaku, siimo mbo'u poronge pompaguru
tewala omue pansia mbo'u inso a luwuno pau anu mompowee ponto'ori.
28Sakosii anu nahi mentudu mompasinggiri songka
ka ngangano mia mosa'o gauno montele pegaupi.
29Pohuku tetinda tiano anu mompasinggiri
ka petunduhi tiano torukuno mia monge-monge.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021