Powadi 17
17
1Moikoopo asa mpole roti mokari tinondaako rodoa,
sekonopo raha buke kaanga tinondaako pengengea.
2Ata anu molino pinewowolono ta pabawa a ana anu moweweu mokoko'iia,
ka ta mohawe tia pusaka meronga luwuno pepaekompono ana atuu.
3Kawali kodei atuu pompokolonoa salaka ka pompotuwua api pompokolonoa wulaa,
sine Ondaemo i Ue anu paresao aroa.
4Mia anu moweweu mosa'o mekokoongakono wiwi mompau anu mosa'o,
anu megaupi monta'o biri a elo anu monsolangi.
5Isema mompoponggari-nggari mia mongkokolaro mompokokodei Anu Mokogagio;
isema mawongkoakono masolaa nahi ta tola inso a mpohuku.
6Ramba-ramba uludo mia mota'u onaemo inuledo
ka pelangkaido nana'ote onaemo uempu'udo.
7Nahi pototono mia monge-monge mompau luwuno pau anu moiko,
tamoako mia pinelangkai mompau luwuno pau pegaupi.
8Pompowee anu nahi pototono atuu kana kilowu a matano anu moweeakono,
maupo isua iwolilio rupano, onae mehasili.
9Isema montutuwi polimpaia, mo'ungke pesambea,
sine isema mo'ungke-ungkeako, teponsuaakono sambe'e moroso.
10Asa powurarai mewinsoopo a mia hinao ponto'orino
sekonopo asa etu petunduhi a mia monge-monge.
11Mia buunto butu mo'ungke mosa'oa,
sine asa mia tinena anu lambaha ta inoliwi ndi onae.
12Moikoopo tepotowo saru berua waino anu tetadi anano,
sekonopo saru mia monge-monge a laro benge-bengeno.
13Isema monsuloako wineweu moiko saru wineweu mosa'o,
wineweu mosa'o nahi ta olai inso i rahano.
14Mompu'u pengengea kana mo'ungkahi pesalaano uwoi;
gagi ponsukamo se'eluno ipompu'u pe'u'uaa.
15Mokomenteeo mia mosa'o gauno ka mokonsalao mia mentee,
oruano Domokoburuakono i Ue.
16Hapa tuduno doi a ngkaeno mia monge-monge?
Nde ta mo'oliako ponto'ori anu menteeke sekono onae nahi molino pinewowolono?
17Asa mia sambe'e onaemo mia mehohawao sompo tempo,
ka asa mia pepaekompo pine'anaako tiano tempo masusa.
18Mia anu nahi molino pinewowolono onaemo onae anu moweweu tepo'asaa mpau,
anu gagi pontembi a mpe'asa miano.
19Isema ineheno polimpa'ia, ineheno koa mbo'u pengengea,
isema mokomantandeo pewowano mo'ungke tekale-kalea.
20Mia anu molengku aroano nahi ta mohawe ura,
mia anu mapabali pinauno ta tedonta a laro masolaa.
21Isema mohawe ana anu monge-monge, mohawe susa,
ka nahi ta mawongko amano mia benge-benge.
22Aroa anu mawongko onaemo pakuli anu alapi,
sine anu tetadi rosono mompokomokari wuku.
23Mia mosa'o gauno menoro-noro montarima pompowee nahi pototono
ka ipelengkuakono pesalaano songka.
24Pengkitano mia hinao ponto'orino te'aro a ponto'ori anu mentee,
sine matano mia monge-monge menee-nee hawe i tompano tolino.
25Ana anu monge-monge mokomahakio aroano amano,
ka mokomahakio aroano ineno.
26Nahi moiko mokonaakono denda mia mentee,
montunduhi mia pinelangkai mbo'u nahi tekona.
27Mia anu monto'ori nahi hadio mpau,
mia anu hinao ponto'orino me'ulu morini.
28Mia benge-benge mbo'u ta hinala pande mosongka tewala onae menoro-noro,
ka hinala hinao ponto'orino tewala onae mekomu.
Currently Selected:
Powadi 17: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Powadi 17
17
1Moikoopo asa mpole roti mokari tinondaako rodoa,
sekonopo raha buke kaanga tinondaako pengengea.
2Ata anu molino pinewowolono ta pabawa a ana anu moweweu mokoko'iia,
ka ta mohawe tia pusaka meronga luwuno pepaekompono ana atuu.
3Kawali kodei atuu pompokolonoa salaka ka pompotuwua api pompokolonoa wulaa,
sine Ondaemo i Ue anu paresao aroa.
4Mia anu moweweu mosa'o mekokoongakono wiwi mompau anu mosa'o,
anu megaupi monta'o biri a elo anu monsolangi.
5Isema mompoponggari-nggari mia mongkokolaro mompokokodei Anu Mokogagio;
isema mawongkoakono masolaa nahi ta tola inso a mpohuku.
6Ramba-ramba uludo mia mota'u onaemo inuledo
ka pelangkaido nana'ote onaemo uempu'udo.
7Nahi pototono mia monge-monge mompau luwuno pau anu moiko,
tamoako mia pinelangkai mompau luwuno pau pegaupi.
8Pompowee anu nahi pototono atuu kana kilowu a matano anu moweeakono,
maupo isua iwolilio rupano, onae mehasili.
9Isema montutuwi polimpaia, mo'ungke pesambea,
sine isema mo'ungke-ungkeako, teponsuaakono sambe'e moroso.
10Asa powurarai mewinsoopo a mia hinao ponto'orino
sekonopo asa etu petunduhi a mia monge-monge.
11Mia buunto butu mo'ungke mosa'oa,
sine asa mia tinena anu lambaha ta inoliwi ndi onae.
12Moikoopo tepotowo saru berua waino anu tetadi anano,
sekonopo saru mia monge-monge a laro benge-bengeno.
13Isema monsuloako wineweu moiko saru wineweu mosa'o,
wineweu mosa'o nahi ta olai inso i rahano.
14Mompu'u pengengea kana mo'ungkahi pesalaano uwoi;
gagi ponsukamo se'eluno ipompu'u pe'u'uaa.
15Mokomenteeo mia mosa'o gauno ka mokonsalao mia mentee,
oruano Domokoburuakono i Ue.
16Hapa tuduno doi a ngkaeno mia monge-monge?
Nde ta mo'oliako ponto'ori anu menteeke sekono onae nahi molino pinewowolono?
17Asa mia sambe'e onaemo mia mehohawao sompo tempo,
ka asa mia pepaekompo pine'anaako tiano tempo masusa.
18Mia anu nahi molino pinewowolono onaemo onae anu moweweu tepo'asaa mpau,
anu gagi pontembi a mpe'asa miano.
19Isema ineheno polimpa'ia, ineheno koa mbo'u pengengea,
isema mokomantandeo pewowano mo'ungke tekale-kalea.
20Mia anu molengku aroano nahi ta mohawe ura,
mia anu mapabali pinauno ta tedonta a laro masolaa.
21Isema mohawe ana anu monge-monge, mohawe susa,
ka nahi ta mawongko amano mia benge-benge.
22Aroa anu mawongko onaemo pakuli anu alapi,
sine anu tetadi rosono mompokomokari wuku.
23Mia mosa'o gauno menoro-noro montarima pompowee nahi pototono
ka ipelengkuakono pesalaano songka.
24Pengkitano mia hinao ponto'orino te'aro a ponto'ori anu mentee,
sine matano mia monge-monge menee-nee hawe i tompano tolino.
25Ana anu monge-monge mokomahakio aroano amano,
ka mokomahakio aroano ineno.
26Nahi moiko mokonaakono denda mia mentee,
montunduhi mia pinelangkai mbo'u nahi tekona.
27Mia anu monto'ori nahi hadio mpau,
mia anu hinao ponto'orino me'ulu morini.
28Mia benge-benge mbo'u ta hinala pande mosongka tewala onae menoro-noro,
ka hinala hinao ponto'orino tewala onae mekomu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021