Powadi 14
14
1Beine anu pande mosongka mompontade rahano,
sine anu benge-benge rumongkaakono kaeno onaeno.
2Isema anu moleo pelempano, doitoako Ira i Ue,
sine mia anu tesaa pesalaano mokongkodei Ira.
3A ngangano mia benge-benge hinao lauro a pompelangka-langkai,
sine mia pande mosongka ipekariao wiwino.
4Tewala nahina sapi, dula mbo'u mooa,
sine saru rosono sapi hadioomo hasilino.
5Sakosii anu metenunu nahi pegaupi,
sine isema mompuuri pegaupi, onaemo sakosii megaupi.
6Anu mompasinggiri mo'ungke ponto'ori anu mentee, sine nahina tuduno,
sekono a mia anu hinao ponto'orino, ponto'ori atuu moruana.
7Olaiakonomo mia monge-monge,
hangano nahi komohawe ponto'ori inso a wiwino.
8Ponto'orino anu mentee mia pande onaemo mokonto'orio pesalaano onaeno,
sine benge-bengeno mia monge-monge onaemo pompopo'oo.
9Mia benge-benge pasinggirio pesomba pontolosi,
sine mia moleo pada mopokitao moikoa.
10Aroa tumo'orio pompemopoeno onaeno,
ka mia susua nahi pokompetonda rumasao sanaano.
11Rahano mia mosa'o gauno ta ropu,
sine kemano mia moleo ta tetiangi.
12 #
Pow. 16:25
Hinao pesalaa anu potaeno mia moleo,
sine tompano me'aro a matea.
13Maupo a laro mpengingisi aroa polio me'i'isei,
ka po'undea polio metompaako a laro masusaa.
14Mia anu aroano humapu Ira i Ue tendeako pesalaano,
ka mia anu moiko saru hapa anu hina ndi onae.
15Mia anu napi hina pinembasaino me'ala-alao sompo pinau,
sine mia anu pande mekokoongakono pelempano.
16Mia pande mosongka mompe'inandai ka olaiakono mosa'oa,
sine mia monge-monge moweweu po'eheno aroano ka momperodo.
17Isema ronga tesingka, moweweu nahi mentee,
sine mia anu pande mosongka, sabara.
18Mia anu napi hina pinembasaino mohawe benge-bengea,
sine mia anu pande meramba-ramba uluako ponto'ori.
19Mia moweweu mosa'o metuundu i arono mia moiko,
mia mosa'o gauno a mpewowa langkaino mia mentee.
20Walino mbo'u mia mongkokolaro atuu umo'aliaakono,
sine sambe'eno mia kaea atuu hadio.
21Isema mompokokurama pe'asa miano moweweu hala,
sine me'uraomo mia me'aroa a mia anu mongkokolaro.
22Nahi tesaake mia anu mosongka wineweu mosa'o?
Sine anu mosongka mongkona anu moiko mohawe pompehohawa ka petenunu.
23A laro sompo pe'isei hinao me'uraa,
sine luwuno pau mpena butu mohaweako mongkokolaroa.
24Ramba-ramba uluno mia pande mosongka onaemo kaeano,
ramba-ramba uluno mia monge-monge onaemo benge-bengeno.
25Sakosii anu metenunu mongkadudui tumuwu,
sine isema mompuuri benge-bengea onaemo mompau nahi mentee.
26A laro doitoako Ira i Ue hinao pehondaa anu moroso,
tendeano hinao pekadudui tiado luwuno ana-Do.
27Doitoako Ira i Ue onaemo pu'uno tuwua
ranta ka itola mia inso a luwuno oho matea.
28A laro hadiono palili mo'ia marambano mokole,
sine ba nahina palili tedontaomo anu moparenta.
29Mia anu sabara langkai ponto'orino,
sine isema anu ronga tekuda mokolangkaio benge-bengeno.
30Aroa anu rodo mokomorosoo koroi,
sine mosisiri mompokomoboo wuku.
31Isema mompokonsii mia anu molema, mompokongkodei anu Mokogagio,
sine isema me'aroa a mia mongkokolaro, umunde-unde Ira.
32Mia mosa'o gauno pinobangku hangano mosa'o wineweuno,
sine mia mentee mohawe pongkadudui hangano inso i aroano.
33Ponto'ori anu mentee mo'ia i laro aroano mia anu hinao ponto'orino,
sine nahi tino'ori i laro aroano mia monge-monge.
34Menteea mokomantandeo pelangkaino tongku,
sine hala mokoko'iiano tongku.
35Mokole memoikoo atano anu molino pinewowolono,
sine tekudano umaluo mia anu moweweu mokoko'iia.
Currently Selected:
Powadi 14: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Powadi 14
14
1Beine anu pande mosongka mompontade rahano,
sine anu benge-benge rumongkaakono kaeno onaeno.
2Isema anu moleo pelempano, doitoako Ira i Ue,
sine mia anu tesaa pesalaano mokongkodei Ira.
3A ngangano mia benge-benge hinao lauro a pompelangka-langkai,
sine mia pande mosongka ipekariao wiwino.
4Tewala nahina sapi, dula mbo'u mooa,
sine saru rosono sapi hadioomo hasilino.
5Sakosii anu metenunu nahi pegaupi,
sine isema mompuuri pegaupi, onaemo sakosii megaupi.
6Anu mompasinggiri mo'ungke ponto'ori anu mentee, sine nahina tuduno,
sekono a mia anu hinao ponto'orino, ponto'ori atuu moruana.
7Olaiakonomo mia monge-monge,
hangano nahi komohawe ponto'ori inso a wiwino.
8Ponto'orino anu mentee mia pande onaemo mokonto'orio pesalaano onaeno,
sine benge-bengeno mia monge-monge onaemo pompopo'oo.
9Mia benge-benge pasinggirio pesomba pontolosi,
sine mia moleo pada mopokitao moikoa.
10Aroa tumo'orio pompemopoeno onaeno,
ka mia susua nahi pokompetonda rumasao sanaano.
11Rahano mia mosa'o gauno ta ropu,
sine kemano mia moleo ta tetiangi.
12 #
Pow. 16:25
Hinao pesalaa anu potaeno mia moleo,
sine tompano me'aro a matea.
13Maupo a laro mpengingisi aroa polio me'i'isei,
ka po'undea polio metompaako a laro masusaa.
14Mia anu aroano humapu Ira i Ue tendeako pesalaano,
ka mia anu moiko saru hapa anu hina ndi onae.
15Mia anu napi hina pinembasaino me'ala-alao sompo pinau,
sine mia anu pande mekokoongakono pelempano.
16Mia pande mosongka mompe'inandai ka olaiakono mosa'oa,
sine mia monge-monge moweweu po'eheno aroano ka momperodo.
17Isema ronga tesingka, moweweu nahi mentee,
sine mia anu pande mosongka, sabara.
18Mia anu napi hina pinembasaino mohawe benge-bengea,
sine mia anu pande meramba-ramba uluako ponto'ori.
19Mia moweweu mosa'o metuundu i arono mia moiko,
mia mosa'o gauno a mpewowa langkaino mia mentee.
20Walino mbo'u mia mongkokolaro atuu umo'aliaakono,
sine sambe'eno mia kaea atuu hadio.
21Isema mompokokurama pe'asa miano moweweu hala,
sine me'uraomo mia me'aroa a mia anu mongkokolaro.
22Nahi tesaake mia anu mosongka wineweu mosa'o?
Sine anu mosongka mongkona anu moiko mohawe pompehohawa ka petenunu.
23A laro sompo pe'isei hinao me'uraa,
sine luwuno pau mpena butu mohaweako mongkokolaroa.
24Ramba-ramba uluno mia pande mosongka onaemo kaeano,
ramba-ramba uluno mia monge-monge onaemo benge-bengeno.
25Sakosii anu metenunu mongkadudui tumuwu,
sine isema mompuuri benge-bengea onaemo mompau nahi mentee.
26A laro doitoako Ira i Ue hinao pehondaa anu moroso,
tendeano hinao pekadudui tiado luwuno ana-Do.
27Doitoako Ira i Ue onaemo pu'uno tuwua
ranta ka itola mia inso a luwuno oho matea.
28A laro hadiono palili mo'ia marambano mokole,
sine ba nahina palili tedontaomo anu moparenta.
29Mia anu sabara langkai ponto'orino,
sine isema anu ronga tekuda mokolangkaio benge-bengeno.
30Aroa anu rodo mokomorosoo koroi,
sine mosisiri mompokomoboo wuku.
31Isema mompokonsii mia anu molema, mompokongkodei anu Mokogagio,
sine isema me'aroa a mia mongkokolaro, umunde-unde Ira.
32Mia mosa'o gauno pinobangku hangano mosa'o wineweuno,
sine mia mentee mohawe pongkadudui hangano inso i aroano.
33Ponto'ori anu mentee mo'ia i laro aroano mia anu hinao ponto'orino,
sine nahi tino'ori i laro aroano mia monge-monge.
34Menteea mokomantandeo pelangkaino tongku,
sine hala mokoko'iiano tongku.
35Mokole memoikoo atano anu molino pinewowolono,
sine tekudano umaluo mia anu moweweu mokoko'iia.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021