Powadi 10
10
Tepumpuano powadino i Salomo
10:1–22:16
1Luwuno powadino i Salomo.
Ana anu pande mosongka mowawa mawongkoano amano,
sine ana anu monge-monge mokomasusao ineno.
2Arataa inso a gau mosa'o nahi mentudu,
sine menteea kumaduduio mia inso a matea.
3Ondae i Ue nahi Dopo'ineeo mia mentee marasaiako mokoninggoa,
sine po'eheno aroano mia mosa'o gauno nahi Dotarimao.
4Kae anu mongguu weweu mongkokolaro,
sine kaeno mia mokua mokogagio kaea.
5Isema mopumpu i tempo motu'i-tu'i, onae ana anu molino pinewowolono;
isema moturi i tempono konsowia, onae ana anu moweweu mokoko'iia.
6Ronso kongko a wawo uluno mia mentee,
sine ngangano mia mosa'o gauno mowuni pobobarasaia.
7Rambeano mia mentee mowawa ronso,
sine neeno mia mosa'o gauno gagi mosa'o.
8Isema aroano pande mosongka, mompekokoongako parenta,
sine isema benge-benge pepauno, ta tedonta.
9Isema morina peleluno, moiko pelempano,
sine isema melengku-lengkuako pesalaano, ta tino'ori.
10Isema mempiroakono matano, mompokomasusa,
isema benge-benge pepauno, ta tedonta.
11Ngangano mia mentee onaemo insoano tuwua,
sine ngangano mia mosa'o gauno mowuni pobobarasaia.
12 #
Yak. 5:20; 1Pet. 4:8 Po'o'aliaako mompokohina pengengea,
sine pompehohawa tumutuwio luwuno polimpaia.
13A wiwino mia hinao ponto'orino hinawe ponto'ori anu mentee,
sine pontunduhi tepatinda tiano torukuno mia anu nahi molino pinewowolono.
14Mia pande mosongka monaa ponto'ori,
sine ngangano mia benge-benge moko'umpedao matea.
15Arataano mia kaea onaemo kotano anu moroso,
sine mateano mia marasai tuwuno onaemo mongkokolarono.
16Tambono mia mentee wawao a ntuwua,
pohaweano mia mosa'o gauno wawao a hala.
17Isema merioo pompaguru, melempa te'aro a ntuwua,
sine isema nahi perioo pekuahako, onae tesaa.
18Isema mowuni po'o'aliaako, pegaupi wiwino;
isema mompau anu nahi mentee, onaemo mia monge-monge.
19I larono hadio pau manasa hinao polimpaia,
sine isema anu umontoo wiwino, onae molino pinewowolono.
20Elono mia mentee kana salaka bininiki,
sine pinewowolono mia mosa'o gauno tedei tuduno.
21Wiwino mia mentee mompakambi hadio mia,
sine mia benge-benge mate hangano nahi pompewowolo molino.
22Poronso-Domo i Ue anu mompokogagi kaea,
pe'isei nahi ta tumiangio.
23Ineheno mia monge-monge onaemo moweweu songka molengku,
ba kana'umpe ipoweweu ponto'ori anu mentee tiano mia anu hinao ponto'orino.
24Hapa anu mokodoitoo mia mosa'o gauno, onaemo anu ta umaluo,
sine po'eheno mia mentee ta ininduako.
25Tewala angi mokora me'alu, tampulaomo mia mosa'o gauno,
sine mia mentee hinao pe'empehino anu nahina tampulaano.
26Kana olo a ngisi ka ahu a mata,
kanatuumo anu moluwe a mia anu tumenao.
27Doitoako Ira i Ue mompokomelai tinuwu,
sine luwuno ta'uno mia mosa'o gauno pinoko'owowa.
28Pomperorohino mia mentee ta metompaako mawongkoa,
sine pomperorohino mia mosa'o gauno gagi nahina tuduno.
29Pesalaa-Do i Ue onaemo pekaduduido mia moleo,
sine mateano mia anu moweweu mosa'o.
30Mia mentee nahi kolonto-lonto ngkoraane-ngkoramai anu nahina tampulaano,
sine mia mosa'o gauno nahi ta mo'iangario wita.
31Ngangano mia mentee moluarako ponto'ori anu mentee,
sine elo mesampa ta sinesei.
32Wiwino mia mentee tumo'orio mongkona anu mompokosanaa,
sine ngangano mia mosa'o gauno mompopo'oo.
Currently Selected:
Powadi 10: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Powadi 10
10
Tepumpuano powadino i Salomo
10:1–22:16
1Luwuno powadino i Salomo.
Ana anu pande mosongka mowawa mawongkoano amano,
sine ana anu monge-monge mokomasusao ineno.
2Arataa inso a gau mosa'o nahi mentudu,
sine menteea kumaduduio mia inso a matea.
3Ondae i Ue nahi Dopo'ineeo mia mentee marasaiako mokoninggoa,
sine po'eheno aroano mia mosa'o gauno nahi Dotarimao.
4Kae anu mongguu weweu mongkokolaro,
sine kaeno mia mokua mokogagio kaea.
5Isema mopumpu i tempo motu'i-tu'i, onae ana anu molino pinewowolono;
isema moturi i tempono konsowia, onae ana anu moweweu mokoko'iia.
6Ronso kongko a wawo uluno mia mentee,
sine ngangano mia mosa'o gauno mowuni pobobarasaia.
7Rambeano mia mentee mowawa ronso,
sine neeno mia mosa'o gauno gagi mosa'o.
8Isema aroano pande mosongka, mompekokoongako parenta,
sine isema benge-benge pepauno, ta tedonta.
9Isema morina peleluno, moiko pelempano,
sine isema melengku-lengkuako pesalaano, ta tino'ori.
10Isema mempiroakono matano, mompokomasusa,
isema benge-benge pepauno, ta tedonta.
11Ngangano mia mentee onaemo insoano tuwua,
sine ngangano mia mosa'o gauno mowuni pobobarasaia.
12 #
Yak. 5:20; 1Pet. 4:8 Po'o'aliaako mompokohina pengengea,
sine pompehohawa tumutuwio luwuno polimpaia.
13A wiwino mia hinao ponto'orino hinawe ponto'ori anu mentee,
sine pontunduhi tepatinda tiano torukuno mia anu nahi molino pinewowolono.
14Mia pande mosongka monaa ponto'ori,
sine ngangano mia benge-benge moko'umpedao matea.
15Arataano mia kaea onaemo kotano anu moroso,
sine mateano mia marasai tuwuno onaemo mongkokolarono.
16Tambono mia mentee wawao a ntuwua,
pohaweano mia mosa'o gauno wawao a hala.
17Isema merioo pompaguru, melempa te'aro a ntuwua,
sine isema nahi perioo pekuahako, onae tesaa.
18Isema mowuni po'o'aliaako, pegaupi wiwino;
isema mompau anu nahi mentee, onaemo mia monge-monge.
19I larono hadio pau manasa hinao polimpaia,
sine isema anu umontoo wiwino, onae molino pinewowolono.
20Elono mia mentee kana salaka bininiki,
sine pinewowolono mia mosa'o gauno tedei tuduno.
21Wiwino mia mentee mompakambi hadio mia,
sine mia benge-benge mate hangano nahi pompewowolo molino.
22Poronso-Domo i Ue anu mompokogagi kaea,
pe'isei nahi ta tumiangio.
23Ineheno mia monge-monge onaemo moweweu songka molengku,
ba kana'umpe ipoweweu ponto'ori anu mentee tiano mia anu hinao ponto'orino.
24Hapa anu mokodoitoo mia mosa'o gauno, onaemo anu ta umaluo,
sine po'eheno mia mentee ta ininduako.
25Tewala angi mokora me'alu, tampulaomo mia mosa'o gauno,
sine mia mentee hinao pe'empehino anu nahina tampulaano.
26Kana olo a ngisi ka ahu a mata,
kanatuumo anu moluwe a mia anu tumenao.
27Doitoako Ira i Ue mompokomelai tinuwu,
sine luwuno ta'uno mia mosa'o gauno pinoko'owowa.
28Pomperorohino mia mentee ta metompaako mawongkoa,
sine pomperorohino mia mosa'o gauno gagi nahina tuduno.
29Pesalaa-Do i Ue onaemo pekaduduido mia moleo,
sine mateano mia anu moweweu mosa'o.
30Mia mentee nahi kolonto-lonto ngkoraane-ngkoramai anu nahina tampulaano,
sine mia mosa'o gauno nahi ta mo'iangario wita.
31Ngangano mia mentee moluarako ponto'ori anu mentee,
sine elo mesampa ta sinesei.
32Wiwino mia mentee tumo'orio mongkona anu mompokosanaa,
sine ngangano mia mosa'o gauno mompopo'oo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021