Podoaa 4
4
Peburiado to Lewi anu sompoomo tinuwuno
4:1-49
1Mepau Ira i Ue ndi Musa ka ndi Haruni, 2”Idoaomo porokono inuleno i Kehati inso i olono inuleno i Lewi montonda luwuno suku a laro pepe'etuado. 3Idoaomo anu tinuwuno tolu pulu nta'u ka torea hawe lima pulu nta'u, luwuno anu temponomo ipo'angga, ka dome'anggao anggaa i Kema Tepotowoa. 4Anggaado to Kehati i Kema Tepotowoa, onaemo mekakaakono luwuno sangka anu tedoa mempori. 5Tempono ta melungka pekemaa, i Haruni ka luwuno anano asalakono mpewinso ira mpotiio sawu pelingo poborungi, ka meborungiakono burua po'iangano songka. 6I wawono asalakono domenaao pontutuwi inso a ngkuli alusu ka i wawono mbo'u asalakono domewileo asa lewe sawu anu luwuno wungo motu'a, ka do'amba mpokonao luwuno keu selano burua atuu. 7I wawono meda roti pesomba kaanga asalakono domewileo asa lewe sawu wungo motu'a, ka i wawono asalakono domenaao sempe, sangkiri, piala ka takea pesomba tinawa. Roti pesomba kaanga asalakono hinao mpiha i wawono. 8I wawono luwuno atuu asalakono domewileo asa lewe sawu motaha motu'a, ka do'amba meborungiakono boru inso a ngkuli alusu ka mempokonao luwuno keu ponselano meda atuu. 9Ka i'amba asalakono dome'alao asa lewe sawu wungo motu'a ka domeborungiakono hulu mekaru pompokomewanta saru luwuno huluno, sipino ka pontineino, saru luwuno parewa lanano anu pinake a hulu mekaru atuu. 10Asalakono domenaao meronga saru luwuno parewano a laro boru inso a ngkuli alusu ka domenaao i wawono sinela. 11I wawono meda pontunua pesomba inso a wulaa atuu asalakono domewileo asa lewe sawu wungo motu'a ka domeborungiakono boru inso a ngkuli alusu, ka i'amba pinokona luwuno keu ponselano meda pontunua pesomba atuu. 12Umarino atuu asalakono dome'alao luwuno parewa anu pinake a mpoweweua pesomba a mpo'ianga mempori, mentongoakono asa lewe sawu wungo motu'a ka meborungiakono boru inso a ngkuli alusu, ka i'amba ninaa i wawono anu sinela. 13Asalakono dompokomorinao meda pontunua pesomba atuu inso a awu, umarino atuu mewileo asa lewe sawu wungo mongura i wawono. 14Umarino atuu domenaao i wawono luwuno parewa anu pinake kana pontunua halo, sarampa, ponsodoli, loea kodei ponsiwui ka luwuno parewano meda pontunua pesomba atuu. I wawono asalakono domewileo pontutuwi inso a ngkuli alusu, umarino atuu pinokona luwuno keu ponselano meda pontunua pesomba atuu.
15Mansano i Haruni ka luwuno anano borungio luwuno sangka mempori ka luwuno parewano po'ianga mempori, i tempono pekemaa ta melungka, ka i'amba to Kehati moikoomo dompewinso i larono mentandeo luwuno sangka atuu. Sine, si dontepodanggi saru luwuno sangka mempori atuu, memate ira te'ingka. Gagi onaemo atuu luwuno sangka a Ngkema Tepotowoa anu asalakono domentandeo inuleno i Kehati. 16Sine i Eleasari, anano Sando mpesomba Haruni to'oriano lana pompokomewanta, dupa inso a luwuno anu mo'ahi woono, pesomba kaanga anu hinao mpiha ka lana po'urapi. Onae luwu tumembio anggaa mongkona Kema mempori ka luwuno ihino, moiko luwuno sangka mempori maupo parewano.”
17Mepau Ira i Ue ndi Musa ka ndi Haruni, 18”Ipekokoongakono koa suku Kehati ka luwuno pepe'etuado kasi domentampula inso i tonga-tongado to Lewi. 19Ndiomo anu asalakono iweweuako ira ka dokongko mentuwu ka nahi domemate tempono dome'umpeda a luwuno sangka tedoa mempori: i Haruni ka luwuno anano asalakono mpewinso i larono ka numaa ira singge mia a mpo'iangano anggaano umpeda a sangka anu asalakono ta tinande. 20Sine siimo dompewinso i larono ira mengkitao luwuno sangka mempori atuu maupo butu sarai, memate ira te'ingka.”
21Mepau Ira i Ue ndi Musa, 22”Doaomo mbo'u porokono inuleno i Geresoni montonda pepe'etua ka luwuno sukudo. 23Buri iramo anu tinuwuno tolu pulu nta'u ka torea hawe lima pulu nta'u, sompo mia anu temponomo ipo'angga, ka dome'anggao anggaa a Ngkema Tepotowoa. 24Ndiomo anggaado luwuno sukuno i Geresoni mongkona anggaa ka pontandea sangka atuu: 25Ondae asalakono mentandeo luwuno tendano Kema Mempori, Kema Tepotowoa saru boruno ka boru inso a ngkuli alusu anu i wawono, sawu pelingo a mpewowano Kema Tepotowoa, 26luwuno sawu pelingo olotino kintala ka sawu pelingo a mpewowa langkaino kintala anu lumimbuo Kema Mempori ka meda pontunua pesomba, saru kolorono ka luwuno parewano anggaado. Ondae asalakono me'anggao luwuno anggaa anu tekona menggoe saru luwuno atuu. 27Luwuno anggaado inuleno i Geresoni asalakono wineweu menunu saru parentano i Haruni ka luwuno anano, moiko luwuno anggaa pontandea sangka maupo anggaa atuu. Asalakono iweweu ira ka domentembio luwuno anggaa anu asalakono domentandeo. 28Onaemo anggaado luwuno suku inuleno i Geresoni a Ngkema Tepotowoa. Asalakono dome'anggao a mpetewawano i Itamari, anano Sando mpesomba Haruni.
29Inuleno i Merari asalakono uburio montonda luwuno suku a laro mpepe'etuado. 30Buri iramo anu tinuwuno tolu pulu nta'u ka torea hawe lima pulu nta'u, sompo mia anu temponomo ipo'angga, ka dome'anggao anggaa a Ngkema Tepotowoa. 31Ndiomo anu asalakono domentandeo menggoe saru luwuno anggaado a Ngkema Tepotowoa: luwuno dopino Kema Mempori, luwuno keu montoweano, luwuno karuno, luwuno empehino, 32luwuno karuno a kintala lumimbuo, luwuno empehino, luwuno pandorano, ka luwuno kolorono, saru luwuno parewano ka luwuno anu tewinso anggaado. Asalakono itisoako ira nte'o'asa parewa anu asalakono domentandeo. 33Onaemo anggaado luwuno suku inuleno i Merari, luwuno anggaado a Ngkema Tepotowoa anu asalakono inangga a mpetewawano i Itamari, anano Sando mpesomba Haruni.”
34I Musa ka i Haruni saru luwuno petewawado bawaa Isaraeli burio inuleno i Kehati montonda luwuno suku a mpepe'etuado, 35inso anu tinuwuno tolu pulu nta'u ka torea hawe lima pulu nta'u, sompo mia anu temponomo mo'angga a anggaa a Ngkema Tepotowoa. 36Ondae anu binuri montonda luwuno sukuno, porokono rua nsowu ka pitu etu lima pulu mia. 37Onaemo atuu luwuno mia anu binuri inso a luwuno sukuno i Kehati, luwuno mia anu me'anggao anggaa a Ngkema Tepotowoa. Ondae doburi ira i Musa ka i Haruni menunu kana petena-Do i Ue telalo ndi Musa.
38Luwuno mia inuleno i Geresoni anu binuri montonda luwuno suku a laro mpepe'etuado, 39onaemo anu tinuwuno tolu pulu nta'u ka torea hawe lima pulu nta'u, sompo mia anu temponomo mo'angga a anggaa a Ngkema Tepotowoa. 40Ondae anu binuri montonda luwuno suku a laro mpepe'etuado, porokono rua nsowu ka nomo etu tolu pulu mia. 41Onaemo porokono anu binuri inso a luwuno suku inuleno i Geresoni, luwuno mia anu umanggao anggaa a Ngkema Tepotowoa. Ondae doburi ira i Musa ka i Haruni menunu kana petena-Do i Ue.
42Luwuno mia inuleno i Merari anu binuri montonda luwuno suku a laro mpepe'etuado, 43onaemo anu tinuwuno tolu pulu nta'u ka torea hawe lima pulu nta'u, sompo mia anu temponomo mo'angga a anggaa a Ngkema Tepotowoa. 44Ondae anu binuri montonda luwuno sukudo, porokono tolu nsowu ka rua etu mia. 45Onaemo atuu porokono anu binuri inso a luwuno suku inuleno i Merari. Ondae doburi ira i Musa ka i Haruni, menunu kana petena-Do i Ue telalo ndi Musa.
46Luwuno to Lewi anu binurido i Musa ka i Haruni saru luwuno petewawado to Isaraeli montonda luwuno suku anu a laro mpepe'etuado, 47onaemo luwuno mia anu tinuwuno tolu pulu nta'u ka torea hawe lima pulu nta'u, sompo mia anu asalakono umanggao anggaa mpompekakaakoa ka pontandea sangka a Ngkema Tepotowoa. 48Ondae anu binuri porokono halo nsowu ka lima etu halo pulu mia. 49Menunu kana petena-Do i Ue telalo ndi Musa, singge mia pinoweeako tembiano anggaa a mpompekakaakoa ka pontandea luwuno sangka. Kanandiomo domebinuri kana petena-Do i Ue ndi Musa.
Currently Selected:
Podoaa 4: XMZ
Highlight
Share
Compare
Copy
Want to have your highlights saved across all your devices? Sign up or sign in
LAI 2021
Podoaa 4
4
Peburiado to Lewi anu sompoomo tinuwuno
4:1-49
1Mepau Ira i Ue ndi Musa ka ndi Haruni, 2”Idoaomo porokono inuleno i Kehati inso i olono inuleno i Lewi montonda luwuno suku a laro pepe'etuado. 3Idoaomo anu tinuwuno tolu pulu nta'u ka torea hawe lima pulu nta'u, luwuno anu temponomo ipo'angga, ka dome'anggao anggaa i Kema Tepotowoa. 4Anggaado to Kehati i Kema Tepotowoa, onaemo mekakaakono luwuno sangka anu tedoa mempori. 5Tempono ta melungka pekemaa, i Haruni ka luwuno anano asalakono mpewinso ira mpotiio sawu pelingo poborungi, ka meborungiakono burua po'iangano songka. 6I wawono asalakono domenaao pontutuwi inso a ngkuli alusu ka i wawono mbo'u asalakono domewileo asa lewe sawu anu luwuno wungo motu'a, ka do'amba mpokonao luwuno keu selano burua atuu. 7I wawono meda roti pesomba kaanga asalakono domewileo asa lewe sawu wungo motu'a, ka i wawono asalakono domenaao sempe, sangkiri, piala ka takea pesomba tinawa. Roti pesomba kaanga asalakono hinao mpiha i wawono. 8I wawono luwuno atuu asalakono domewileo asa lewe sawu motaha motu'a, ka do'amba meborungiakono boru inso a ngkuli alusu ka mempokonao luwuno keu ponselano meda atuu. 9Ka i'amba asalakono dome'alao asa lewe sawu wungo motu'a ka domeborungiakono hulu mekaru pompokomewanta saru luwuno huluno, sipino ka pontineino, saru luwuno parewa lanano anu pinake a hulu mekaru atuu. 10Asalakono domenaao meronga saru luwuno parewano a laro boru inso a ngkuli alusu ka domenaao i wawono sinela. 11I wawono meda pontunua pesomba inso a wulaa atuu asalakono domewileo asa lewe sawu wungo motu'a ka domeborungiakono boru inso a ngkuli alusu, ka i'amba pinokona luwuno keu ponselano meda pontunua pesomba atuu. 12Umarino atuu asalakono dome'alao luwuno parewa anu pinake a mpoweweua pesomba a mpo'ianga mempori, mentongoakono asa lewe sawu wungo motu'a ka meborungiakono boru inso a ngkuli alusu, ka i'amba ninaa i wawono anu sinela. 13Asalakono dompokomorinao meda pontunua pesomba atuu inso a awu, umarino atuu mewileo asa lewe sawu wungo mongura i wawono. 14Umarino atuu domenaao i wawono luwuno parewa anu pinake kana pontunua halo, sarampa, ponsodoli, loea kodei ponsiwui ka luwuno parewano meda pontunua pesomba atuu. I wawono asalakono domewileo pontutuwi inso a ngkuli alusu, umarino atuu pinokona luwuno keu ponselano meda pontunua pesomba atuu.
15Mansano i Haruni ka luwuno anano borungio luwuno sangka mempori ka luwuno parewano po'ianga mempori, i tempono pekemaa ta melungka, ka i'amba to Kehati moikoomo dompewinso i larono mentandeo luwuno sangka atuu. Sine, si dontepodanggi saru luwuno sangka mempori atuu, memate ira te'ingka. Gagi onaemo atuu luwuno sangka a Ngkema Tepotowoa anu asalakono domentandeo inuleno i Kehati. 16Sine i Eleasari, anano Sando mpesomba Haruni to'oriano lana pompokomewanta, dupa inso a luwuno anu mo'ahi woono, pesomba kaanga anu hinao mpiha ka lana po'urapi. Onae luwu tumembio anggaa mongkona Kema mempori ka luwuno ihino, moiko luwuno sangka mempori maupo parewano.”
17Mepau Ira i Ue ndi Musa ka ndi Haruni, 18”Ipekokoongakono koa suku Kehati ka luwuno pepe'etuado kasi domentampula inso i tonga-tongado to Lewi. 19Ndiomo anu asalakono iweweuako ira ka dokongko mentuwu ka nahi domemate tempono dome'umpeda a luwuno sangka tedoa mempori: i Haruni ka luwuno anano asalakono mpewinso i larono ka numaa ira singge mia a mpo'iangano anggaano umpeda a sangka anu asalakono ta tinande. 20Sine siimo dompewinso i larono ira mengkitao luwuno sangka mempori atuu maupo butu sarai, memate ira te'ingka.”
21Mepau Ira i Ue ndi Musa, 22”Doaomo mbo'u porokono inuleno i Geresoni montonda pepe'etua ka luwuno sukudo. 23Buri iramo anu tinuwuno tolu pulu nta'u ka torea hawe lima pulu nta'u, sompo mia anu temponomo ipo'angga, ka dome'anggao anggaa a Ngkema Tepotowoa. 24Ndiomo anggaado luwuno sukuno i Geresoni mongkona anggaa ka pontandea sangka atuu: 25Ondae asalakono mentandeo luwuno tendano Kema Mempori, Kema Tepotowoa saru boruno ka boru inso a ngkuli alusu anu i wawono, sawu pelingo a mpewowano Kema Tepotowoa, 26luwuno sawu pelingo olotino kintala ka sawu pelingo a mpewowa langkaino kintala anu lumimbuo Kema Mempori ka meda pontunua pesomba, saru kolorono ka luwuno parewano anggaado. Ondae asalakono me'anggao luwuno anggaa anu tekona menggoe saru luwuno atuu. 27Luwuno anggaado inuleno i Geresoni asalakono wineweu menunu saru parentano i Haruni ka luwuno anano, moiko luwuno anggaa pontandea sangka maupo anggaa atuu. Asalakono iweweu ira ka domentembio luwuno anggaa anu asalakono domentandeo. 28Onaemo anggaado luwuno suku inuleno i Geresoni a Ngkema Tepotowoa. Asalakono dome'anggao a mpetewawano i Itamari, anano Sando mpesomba Haruni.
29Inuleno i Merari asalakono uburio montonda luwuno suku a laro mpepe'etuado. 30Buri iramo anu tinuwuno tolu pulu nta'u ka torea hawe lima pulu nta'u, sompo mia anu temponomo ipo'angga, ka dome'anggao anggaa a Ngkema Tepotowoa. 31Ndiomo anu asalakono domentandeo menggoe saru luwuno anggaado a Ngkema Tepotowoa: luwuno dopino Kema Mempori, luwuno keu montoweano, luwuno karuno, luwuno empehino, 32luwuno karuno a kintala lumimbuo, luwuno empehino, luwuno pandorano, ka luwuno kolorono, saru luwuno parewano ka luwuno anu tewinso anggaado. Asalakono itisoako ira nte'o'asa parewa anu asalakono domentandeo. 33Onaemo anggaado luwuno suku inuleno i Merari, luwuno anggaado a Ngkema Tepotowoa anu asalakono inangga a mpetewawano i Itamari, anano Sando mpesomba Haruni.”
34I Musa ka i Haruni saru luwuno petewawado bawaa Isaraeli burio inuleno i Kehati montonda luwuno suku a mpepe'etuado, 35inso anu tinuwuno tolu pulu nta'u ka torea hawe lima pulu nta'u, sompo mia anu temponomo mo'angga a anggaa a Ngkema Tepotowoa. 36Ondae anu binuri montonda luwuno sukuno, porokono rua nsowu ka pitu etu lima pulu mia. 37Onaemo atuu luwuno mia anu binuri inso a luwuno sukuno i Kehati, luwuno mia anu me'anggao anggaa a Ngkema Tepotowoa. Ondae doburi ira i Musa ka i Haruni menunu kana petena-Do i Ue telalo ndi Musa.
38Luwuno mia inuleno i Geresoni anu binuri montonda luwuno suku a laro mpepe'etuado, 39onaemo anu tinuwuno tolu pulu nta'u ka torea hawe lima pulu nta'u, sompo mia anu temponomo mo'angga a anggaa a Ngkema Tepotowoa. 40Ondae anu binuri montonda luwuno suku a laro mpepe'etuado, porokono rua nsowu ka nomo etu tolu pulu mia. 41Onaemo porokono anu binuri inso a luwuno suku inuleno i Geresoni, luwuno mia anu umanggao anggaa a Ngkema Tepotowoa. Ondae doburi ira i Musa ka i Haruni menunu kana petena-Do i Ue.
42Luwuno mia inuleno i Merari anu binuri montonda luwuno suku a laro mpepe'etuado, 43onaemo anu tinuwuno tolu pulu nta'u ka torea hawe lima pulu nta'u, sompo mia anu temponomo mo'angga a anggaa a Ngkema Tepotowoa. 44Ondae anu binuri montonda luwuno sukudo, porokono tolu nsowu ka rua etu mia. 45Onaemo atuu porokono anu binuri inso a luwuno suku inuleno i Merari. Ondae doburi ira i Musa ka i Haruni, menunu kana petena-Do i Ue telalo ndi Musa.
46Luwuno to Lewi anu binurido i Musa ka i Haruni saru luwuno petewawado to Isaraeli montonda luwuno suku anu a laro mpepe'etuado, 47onaemo luwuno mia anu tinuwuno tolu pulu nta'u ka torea hawe lima pulu nta'u, sompo mia anu asalakono umanggao anggaa mpompekakaakoa ka pontandea sangka a Ngkema Tepotowoa. 48Ondae anu binuri porokono halo nsowu ka lima etu halo pulu mia. 49Menunu kana petena-Do i Ue telalo ndi Musa, singge mia pinoweeako tembiano anggaa a mpompekakaakoa ka pontandea luwuno sangka. Kanandiomo domebinuri kana petena-Do i Ue ndi Musa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
LAI 2021