Nehemia 2
2
I Nehemia tinena lumako i Yerusale
2:1-10
1Ia wula Nisani ta'u korua pulu poparentaano mokole Aritahasasita, mansano pingkoomo anggoro, ku'alao anggoro atuu ka kuweeako ira mokole. Se'eluno nahi kuhori tengkita mompemasusa i arodo mokole, 2onaemo kadopesikeno ndi ongkue, ”Tembio rupamu kaimasusa, kahinaano komba mahakiko? Manasaomo masusa aroamu.” Ongkue mbo'u gagi tedoa doito. 3#2Mok. 25:8-10; 2Taw. 36:19; Yer. 52:12-14Kusangki ira mokole, ”Tuwu komiumo mokole ranta nahina tampulaano! Kana'umpe rupaku nahi ta mompemasusa, tewala kota, pekaburuado uempu'uku, gagiomo terawo-rawo ka luwuno pewowa langkai pingko ikaano api?” 4Dopotae mokole ndi ongkue, ”Hapa anu inehemu?” Mekakai akumo ndi Ondae Ue Alano asa wawo langi, 5ka kusangki ira mokole, ”Tewala ipemoikoo mokole ka i'eheakono atamiu andio, itena akumo lumako i Yehuda, a ngkota pekaburuado uempu'uku, ka kuwali wanguo.” 6Ka do'amba mesikeno mokole ndi ongkue, kontongaano kombiado mokole mentoro i horido, ”Opia tehineno pelempaamu, ka te'ipia upekule?” Dopemoikoo mokole tumena aku, umarino kupompakosi tempo ndi ondae. 7Kupepauako iramo mokole, ”Tewala ipemoikoo mokole, iwee akumo luwuno wunta tiado luwuno bupati i wita asatowano koro Eparata, ka dome'eheakune telalo ranta kakuhawe i Yehuda; 8asa mbo'u wunta tiano i Asapi, puu mpodagai tobudo mokole, kai powee aku keu kaipinasa luwuno sobo a luwuno pewowa langkaino bente umpeda Raha Mempori, a benteno kota ka a raha anu ta po'iangaku.” Po'emaku atuu do'induo mokole, hangano kae moiko-Do Ue Alaku kumadudui aku.
9Ka ku'amba aiwa a luwuno bupati i asatowano koro Eparata ka meweengakono luwuno wuntado mokole. Ondae mokole tumena ira tadulako sorodadu ka sorodadu mpengara tumonda aku. 10Rumongeo mongkona atuu, i Sanibala to Horoni ka i Tobia to Amoni, puu mpopekakaakodo mokole, tedoa tekuda hangano hinao mia anu hawe mo'ungkeako ira manangaiado to Isaraeli.
Mompo'asa aroa wali wanguo bente Yerusale
2:11-20
11Hawe akumo i Yerusale. Umarino otolu oleo i ra'ai, 12mewangu aku tempono wongi saru ba opia mia koa anu tumonda aku. Nahi kupauo maupo ndi semamokoa posongkapi anu Dowee aku Ue Alaku a laro aroaku anu aku weweuo tiano Yerusale. Tendeano nahina maupo te'asa pinotuwu perongaku sangkadio anu kupesawikio. 13Tempono wongi atuu meluarako aku telalo a Mpewowa Langkai Lembono te'aro a Mata Uwoi Naga ka Pewowa Langkai Rompo. Kuparesao ntu'u luwuno bente Yerusale anu hinoaomo ka luwuno pewowa langkaino anu pingko ikaano api. 14Ka ku'amba motilaloakono pelempaaku a Mpewowa Langkai Mata Uwoi ka a Limbodo mokole. Hangano pinotuwu pesawiaku nahi pokolaloo po'ianga atuu, 15mewuatako aku i wawono telelo a ngkorono mo'are i tempono wongi ka paresao ntu'u bente atuu. Ka ku'amba mekule ka mewinso telalo a Mpewowa Langkai Lembono. Kanandiomo kupekule. 16Luwuno anu mempabawa nahi domento'orio ba isua kulako ka hapa anu kuweweuomo, hangano ranta kanandio-andio napi kupompau maupo hapa a nto Yahudi, moiko a luwuno sando mpesomba, a luwuno mia memota'u, a luwuno anu mempabawa, maupo a luwuno anu mpo'angga susuano.
17Ka ku'amba mepau ndi ondae, ”Imengkitao urasa'o anu pinembasaito: Yerusale gagiomo terawo-rawo ka luwuno pewowa langkaino mo'aiomo. Aiwa, katowali mewanguo bente Yerusale, kasi topinokongkodei mbo'u.” 18Tempono kupauako ira, tedoa moiko kae-Do Ue Alaku anu dumagai aku ka hapa anu pinaudo mokole ndi ongkue, mpotae iramo, ”Kami mpepatinda mpowangu!” Umarino atuu mpompu'u iramo meweweuo anggaa moiko atuu a tompaano rosodo. 19Rumongeo mongkona atuu, i Sanibala to Horoni, ka i Tobia to Amoni puu mpopekakaakodo mokole, saru i Gisiemi to Ara, mempasinggiri kami ka mpokongkodei kami. Dompotae, ”Hapa anu wineweumiu atuu? Nde komiu umewai ira mokole?” 20Kusangki ira, kupotae, ”Ondae Ue Alano asa wawo langi, Ondaemo anu weweu kami mpokoweweuo! Omami, luwuno tetenaa-Do mpepatinda kamimo kami mpowangu. Sine omiu nahina tiamiu ka nahi komiu merinambe i Yerusale!”
Currently Selected:
Nehemia 2: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Nehemia 2
2
I Nehemia tinena lumako i Yerusale
2:1-10
1Ia wula Nisani ta'u korua pulu poparentaano mokole Aritahasasita, mansano pingkoomo anggoro, ku'alao anggoro atuu ka kuweeako ira mokole. Se'eluno nahi kuhori tengkita mompemasusa i arodo mokole, 2onaemo kadopesikeno ndi ongkue, ”Tembio rupamu kaimasusa, kahinaano komba mahakiko? Manasaomo masusa aroamu.” Ongkue mbo'u gagi tedoa doito. 3#2Mok. 25:8-10; 2Taw. 36:19; Yer. 52:12-14Kusangki ira mokole, ”Tuwu komiumo mokole ranta nahina tampulaano! Kana'umpe rupaku nahi ta mompemasusa, tewala kota, pekaburuado uempu'uku, gagiomo terawo-rawo ka luwuno pewowa langkai pingko ikaano api?” 4Dopotae mokole ndi ongkue, ”Hapa anu inehemu?” Mekakai akumo ndi Ondae Ue Alano asa wawo langi, 5ka kusangki ira mokole, ”Tewala ipemoikoo mokole ka i'eheakono atamiu andio, itena akumo lumako i Yehuda, a ngkota pekaburuado uempu'uku, ka kuwali wanguo.” 6Ka do'amba mesikeno mokole ndi ongkue, kontongaano kombiado mokole mentoro i horido, ”Opia tehineno pelempaamu, ka te'ipia upekule?” Dopemoikoo mokole tumena aku, umarino kupompakosi tempo ndi ondae. 7Kupepauako iramo mokole, ”Tewala ipemoikoo mokole, iwee akumo luwuno wunta tiado luwuno bupati i wita asatowano koro Eparata, ka dome'eheakune telalo ranta kakuhawe i Yehuda; 8asa mbo'u wunta tiano i Asapi, puu mpodagai tobudo mokole, kai powee aku keu kaipinasa luwuno sobo a luwuno pewowa langkaino bente umpeda Raha Mempori, a benteno kota ka a raha anu ta po'iangaku.” Po'emaku atuu do'induo mokole, hangano kae moiko-Do Ue Alaku kumadudui aku.
9Ka ku'amba aiwa a luwuno bupati i asatowano koro Eparata ka meweengakono luwuno wuntado mokole. Ondae mokole tumena ira tadulako sorodadu ka sorodadu mpengara tumonda aku. 10Rumongeo mongkona atuu, i Sanibala to Horoni ka i Tobia to Amoni, puu mpopekakaakodo mokole, tedoa tekuda hangano hinao mia anu hawe mo'ungkeako ira manangaiado to Isaraeli.
Mompo'asa aroa wali wanguo bente Yerusale
2:11-20
11Hawe akumo i Yerusale. Umarino otolu oleo i ra'ai, 12mewangu aku tempono wongi saru ba opia mia koa anu tumonda aku. Nahi kupauo maupo ndi semamokoa posongkapi anu Dowee aku Ue Alaku a laro aroaku anu aku weweuo tiano Yerusale. Tendeano nahina maupo te'asa pinotuwu perongaku sangkadio anu kupesawikio. 13Tempono wongi atuu meluarako aku telalo a Mpewowa Langkai Lembono te'aro a Mata Uwoi Naga ka Pewowa Langkai Rompo. Kuparesao ntu'u luwuno bente Yerusale anu hinoaomo ka luwuno pewowa langkaino anu pingko ikaano api. 14Ka ku'amba motilaloakono pelempaaku a Mpewowa Langkai Mata Uwoi ka a Limbodo mokole. Hangano pinotuwu pesawiaku nahi pokolaloo po'ianga atuu, 15mewuatako aku i wawono telelo a ngkorono mo'are i tempono wongi ka paresao ntu'u bente atuu. Ka ku'amba mekule ka mewinso telalo a Mpewowa Langkai Lembono. Kanandiomo kupekule. 16Luwuno anu mempabawa nahi domento'orio ba isua kulako ka hapa anu kuweweuomo, hangano ranta kanandio-andio napi kupompau maupo hapa a nto Yahudi, moiko a luwuno sando mpesomba, a luwuno mia memota'u, a luwuno anu mempabawa, maupo a luwuno anu mpo'angga susuano.
17Ka ku'amba mepau ndi ondae, ”Imengkitao urasa'o anu pinembasaito: Yerusale gagiomo terawo-rawo ka luwuno pewowa langkaino mo'aiomo. Aiwa, katowali mewanguo bente Yerusale, kasi topinokongkodei mbo'u.” 18Tempono kupauako ira, tedoa moiko kae-Do Ue Alaku anu dumagai aku ka hapa anu pinaudo mokole ndi ongkue, mpotae iramo, ”Kami mpepatinda mpowangu!” Umarino atuu mpompu'u iramo meweweuo anggaa moiko atuu a tompaano rosodo. 19Rumongeo mongkona atuu, i Sanibala to Horoni, ka i Tobia to Amoni puu mpopekakaakodo mokole, saru i Gisiemi to Ara, mempasinggiri kami ka mpokongkodei kami. Dompotae, ”Hapa anu wineweumiu atuu? Nde komiu umewai ira mokole?” 20Kusangki ira, kupotae, ”Ondae Ue Alano asa wawo langi, Ondaemo anu weweu kami mpokoweweuo! Omami, luwuno tetenaa-Do mpepatinda kamimo kami mpowangu. Sine omiu nahina tiamiu ka nahi komiu merinambe i Yerusale!”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021