Imama 7
7
Pesomba pontolosi sala
7:1-10
1”Ndiomo songka mongkona pesomba pontolosi sala. Onaemo pesomba tedoa mempori. 2A mpo'ianga ponsumbeleado mia pesomba tinunu, asalakono i tu'aimo isinumbele pesomba pontolosi sala, ka reano asalakono liimbu i siniwuiako meda pontunua pesomba. 3Luwuno taba inso a mpesomba atuu asalakono pinesombaako, moiko ikino anu mentaba maupo taba anu tumutuwio ihi kompono, 4saru orua wua horino ka taba anu metako a horino, ka taba anu umapiio ate asalakono pinonsia. 5Sando mpesomba asalakono itunuo luwu a wawo meda pontunua pesomba gagi pesomba tinunu ndi Ondae i Ue. Onaemo pesomba pontolosi sala. 6Sompo tama i olono luwuno sando mpesomba asalakono mengkaano. Pesomba atuu asalakono kinaa a mpo'ianga mempori. Onaemo tiano anu tedoa mempori 7Mengkena kana pesomba po'onini hala, kanatuu koa mbo'u saru pesomba pontolosi sala; asa songka pinake a oruano: sando mpesomba anu moweweu pesintuwua saru pesomba atuu gagi tiano. 8Sando mpesomba anu mompesombaako pesomba tinunu inso asa mia, kulino pesomba tinunu anu pinesombaakono atuu gagi tiano. 9Sompo pesomba kaanga anu tinunu a mpotunua roti, ka luwuno anu ninahu a ngkawali ka a wawo mporaramia, luwuno tiano sando mpesomba anu mesombaakono. 10Sompo pesomba kaanga anu ninahuako lana ke anu mokari luwuno tiado anano i Haruni, singge mia mohawe tiano.”
Pesomba tekaduduia
7:11-21
11”Ndiomo songka mongkona pesomba tekaduduia anu asalakono pinesombaako ndi Ondae i Ue. 12Tewala ipesombakono hangano mawongko, asalakono ipesombaakono pesomba mawongko atuu saru roti bonggoli nahi peragi anu sinaloako lana ka roti monipi nahi peragi anu hinahiako lana saru roti bunggoli inso a ntarigu moiko ntu'u anu tesalo, anu sinaloako lana. 13Asalakono ipesombaakono mbo'u pesombano atuu saru roti bonggoli anu meragi, saru pesomba mawongko anu gagi pesomba tekaduduiano. 14Inso a sompo tiano mpesomba atuu, asalakono ipesombaakono asa roti gagi pesomba pinesusua ndi Ondae i Ue. Pesomba atuu gagi tiano sando mpesomba anu monsiwuiako reano pesomba tekaduduia. 15Bau pesomba mawongko anu gagi pesomba tekaduduiano atuu, asalakono ikinaa a oleo ipinesombaako. Maupo tedei sipinetorea hawe mo'oru. 16Tewala pesomba sinumbele anu pinesombaako atuu gagi pesomba pontanga ke pesomba po'eheno aroa, asalakono bauno ikinaa a oleo ipinesombaako, sine toreano moiko ikinaa tisomono. 17Sine bau pesomba sinumbele anu da torea hawe a oleo ko'otolu, asalakono tinunu ranta kai pingko. 18Tewala a oleo ko'otolu bau pesomba tekaduduia atuu da kinaa, nahi Dotarimao i Ue mia anu mompesombaako ka pesomba atuu nahi rineke, tendeano gagi asa anu mokoburu, ka mia anu kumaano asalakono itembio salano onaeno. 19Tewala bau atuu ikonao anu mokoburu si kinaa, sine asalakono tinunu ranta kai pingko. Sompo mia anu morina moiko ipongkaa bau pesomba. 20Sine asa mia anu mongkaa bau pesomba tekaduduia ndi Ondae i Ue, ka kontongaano mokoburu, mia atuu asalakono pinokotampula inso a tongkuno. 21Tewala asa mia ikonao anu mokoburu, moiko mokoburua inso a mia, ke inso a mpinotuwu, ke inso a sompo kondehora melele, ka i'amba mongkaa bau pesomba tekaduduia ndi Ondae i Ue, asalakono mia atuu pinokotampula inso a tongkuno.”
Pepo'onto mongkaa taba ka rea
7:22-27
22Ondae i Ue mepau ndi Musa, 23”Pauako ira to Isaraeli: Luwuno taba inso a nsapi, bimba ke maupo bembe, si mengkaano. 24Tabano kondehora anu mate onaeno, ke tabano kondehora anu mate pinerangkami moiko ipinake montonda luwuno paraluuno, sine si ntu'u imengkaano. 25Menteeano, sompo mia anu mongkaa taba inso a mpinotuwu anu pinake mompesombaako pesomba tinunu ndi Ondae i Ue, mia anu kumaano asalakono pinokotampula inso a tongkuno. 26#Pel. 9:4; Ima. 17:10-14; 19:26; Win. 12:16, 23; 15:23Kanatuukoa mbo'u si mpongkaa rea hapamokoa a luwuno po'iangamiu, moiko reano manu-manu ke maupo reano pinotuwu. 27Sompo mia anu mongkaa rea hapamokoa, mia atuu asalakono pinokotampula inso a tongkuno.”
Tiano sando mpesomba inso a luwuno pesomba tekaduduia
7:28-38
28Ondae i Ue mepau ndi Musa, 29”Pauako ira to Isaraeli: Mia anu mompesombaako pesomba tekaduduiano ndi Ondae i Ue, asalakono mowawa asantia inso a mpesomba tekaduduiano atuu gagi pesombano. 30Asalakono kaeno onaeno wawao luwuno pesomba tinunu ndi Ondae i Ue. Asalakono iwawao tabano saru radano, kai tinande radano atuu gagi pesomba tinande ndi Ondae i Ue. 31Ka i'amba sando mpesomba asalakono tumunuo tabano a wawo meda pontunua pesomba, sine radano atuu gagi tiano i Haruni saru luwuno anano. 32Pa'a koanano asalakono impeweengakono a sando mpesomba gagi pesomba pinesusua inso a luwuno pesomba tekaduduiamiu. 33Maupo isema inso i olodo anano i Haruni anu mompesombaako rea ka tabano pesomba tekaduduia, onaemo anu humaweo pa'a koana atuu gagi tiano. 34Hangano rada pesomba tinande ka pa'a pesomba pinesusua Ku'alaomo inso a luwuno pesomba tekaduduia anu winawado to Isaraeli ka Kuweeakonomo sando mpesomba i Haruni ka luwuno anano. Onaemo pompakosi anu Doweweuo a nto Isaraeli ranta nahina tampulaano.” 35Onaemo tiano i Haruni ka luwuno anano inso a luwuno pesomba tinunu ndi Ondae i Ue a oleo domentinena me'aiwa gagi sando mpesomba ndi Ondae i Ue. 36Onaemo asalakono dompeweengakono montonda parenta-Do i Ue inso a nto Isaraeli ndi ondae a oleo Do'urapi ira; onaemo pompakosi ndi ondae anu ira meweweuo mpiha asa mpinu'u.
37Onaemo songka mongkona pesomba tinunu, pesomba kaanga, pesomba po'onini hala, pesomba pontolosi sala, pesomba poronsoa ka pesomba tekaduduia, 38anu parenta-Do i Ue ndi Musa i wawo torukuno Sinai a oleo parenta-Do i Ue a nto Isaraeli mpopesombaako pesomba ndi Ondae i Ue i pada one Sinai.
Currently Selected:
Imama 7: XMZ
Highlight
Share
Compare
Copy
Want to have your highlights saved across all your devices? Sign up or sign in
LAI 2021
Imama 7
7
Pesomba pontolosi sala
7:1-10
1”Ndiomo songka mongkona pesomba pontolosi sala. Onaemo pesomba tedoa mempori. 2A mpo'ianga ponsumbeleado mia pesomba tinunu, asalakono i tu'aimo isinumbele pesomba pontolosi sala, ka reano asalakono liimbu i siniwuiako meda pontunua pesomba. 3Luwuno taba inso a mpesomba atuu asalakono pinesombaako, moiko ikino anu mentaba maupo taba anu tumutuwio ihi kompono, 4saru orua wua horino ka taba anu metako a horino, ka taba anu umapiio ate asalakono pinonsia. 5Sando mpesomba asalakono itunuo luwu a wawo meda pontunua pesomba gagi pesomba tinunu ndi Ondae i Ue. Onaemo pesomba pontolosi sala. 6Sompo tama i olono luwuno sando mpesomba asalakono mengkaano. Pesomba atuu asalakono kinaa a mpo'ianga mempori. Onaemo tiano anu tedoa mempori 7Mengkena kana pesomba po'onini hala, kanatuu koa mbo'u saru pesomba pontolosi sala; asa songka pinake a oruano: sando mpesomba anu moweweu pesintuwua saru pesomba atuu gagi tiano. 8Sando mpesomba anu mompesombaako pesomba tinunu inso asa mia, kulino pesomba tinunu anu pinesombaakono atuu gagi tiano. 9Sompo pesomba kaanga anu tinunu a mpotunua roti, ka luwuno anu ninahu a ngkawali ka a wawo mporaramia, luwuno tiano sando mpesomba anu mesombaakono. 10Sompo pesomba kaanga anu ninahuako lana ke anu mokari luwuno tiado anano i Haruni, singge mia mohawe tiano.”
Pesomba tekaduduia
7:11-21
11”Ndiomo songka mongkona pesomba tekaduduia anu asalakono pinesombaako ndi Ondae i Ue. 12Tewala ipesombakono hangano mawongko, asalakono ipesombaakono pesomba mawongko atuu saru roti bonggoli nahi peragi anu sinaloako lana ka roti monipi nahi peragi anu hinahiako lana saru roti bunggoli inso a ntarigu moiko ntu'u anu tesalo, anu sinaloako lana. 13Asalakono ipesombaakono mbo'u pesombano atuu saru roti bonggoli anu meragi, saru pesomba mawongko anu gagi pesomba tekaduduiano. 14Inso a sompo tiano mpesomba atuu, asalakono ipesombaakono asa roti gagi pesomba pinesusua ndi Ondae i Ue. Pesomba atuu gagi tiano sando mpesomba anu monsiwuiako reano pesomba tekaduduia. 15Bau pesomba mawongko anu gagi pesomba tekaduduiano atuu, asalakono ikinaa a oleo ipinesombaako. Maupo tedei sipinetorea hawe mo'oru. 16Tewala pesomba sinumbele anu pinesombaako atuu gagi pesomba pontanga ke pesomba po'eheno aroa, asalakono bauno ikinaa a oleo ipinesombaako, sine toreano moiko ikinaa tisomono. 17Sine bau pesomba sinumbele anu da torea hawe a oleo ko'otolu, asalakono tinunu ranta kai pingko. 18Tewala a oleo ko'otolu bau pesomba tekaduduia atuu da kinaa, nahi Dotarimao i Ue mia anu mompesombaako ka pesomba atuu nahi rineke, tendeano gagi asa anu mokoburu, ka mia anu kumaano asalakono itembio salano onaeno. 19Tewala bau atuu ikonao anu mokoburu si kinaa, sine asalakono tinunu ranta kai pingko. Sompo mia anu morina moiko ipongkaa bau pesomba. 20Sine asa mia anu mongkaa bau pesomba tekaduduia ndi Ondae i Ue, ka kontongaano mokoburu, mia atuu asalakono pinokotampula inso a tongkuno. 21Tewala asa mia ikonao anu mokoburu, moiko mokoburua inso a mia, ke inso a mpinotuwu, ke inso a sompo kondehora melele, ka i'amba mongkaa bau pesomba tekaduduia ndi Ondae i Ue, asalakono mia atuu pinokotampula inso a tongkuno.”
Pepo'onto mongkaa taba ka rea
7:22-27
22Ondae i Ue mepau ndi Musa, 23”Pauako ira to Isaraeli: Luwuno taba inso a nsapi, bimba ke maupo bembe, si mengkaano. 24Tabano kondehora anu mate onaeno, ke tabano kondehora anu mate pinerangkami moiko ipinake montonda luwuno paraluuno, sine si ntu'u imengkaano. 25Menteeano, sompo mia anu mongkaa taba inso a mpinotuwu anu pinake mompesombaako pesomba tinunu ndi Ondae i Ue, mia anu kumaano asalakono pinokotampula inso a tongkuno. 26#Pel. 9:4; Ima. 17:10-14; 19:26; Win. 12:16, 23; 15:23Kanatuukoa mbo'u si mpongkaa rea hapamokoa a luwuno po'iangamiu, moiko reano manu-manu ke maupo reano pinotuwu. 27Sompo mia anu mongkaa rea hapamokoa, mia atuu asalakono pinokotampula inso a tongkuno.”
Tiano sando mpesomba inso a luwuno pesomba tekaduduia
7:28-38
28Ondae i Ue mepau ndi Musa, 29”Pauako ira to Isaraeli: Mia anu mompesombaako pesomba tekaduduiano ndi Ondae i Ue, asalakono mowawa asantia inso a mpesomba tekaduduiano atuu gagi pesombano. 30Asalakono kaeno onaeno wawao luwuno pesomba tinunu ndi Ondae i Ue. Asalakono iwawao tabano saru radano, kai tinande radano atuu gagi pesomba tinande ndi Ondae i Ue. 31Ka i'amba sando mpesomba asalakono tumunuo tabano a wawo meda pontunua pesomba, sine radano atuu gagi tiano i Haruni saru luwuno anano. 32Pa'a koanano asalakono impeweengakono a sando mpesomba gagi pesomba pinesusua inso a luwuno pesomba tekaduduiamiu. 33Maupo isema inso i olodo anano i Haruni anu mompesombaako rea ka tabano pesomba tekaduduia, onaemo anu humaweo pa'a koana atuu gagi tiano. 34Hangano rada pesomba tinande ka pa'a pesomba pinesusua Ku'alaomo inso a luwuno pesomba tekaduduia anu winawado to Isaraeli ka Kuweeakonomo sando mpesomba i Haruni ka luwuno anano. Onaemo pompakosi anu Doweweuo a nto Isaraeli ranta nahina tampulaano.” 35Onaemo tiano i Haruni ka luwuno anano inso a luwuno pesomba tinunu ndi Ondae i Ue a oleo domentinena me'aiwa gagi sando mpesomba ndi Ondae i Ue. 36Onaemo asalakono dompeweengakono montonda parenta-Do i Ue inso a nto Isaraeli ndi ondae a oleo Do'urapi ira; onaemo pompakosi ndi ondae anu ira meweweuo mpiha asa mpinu'u.
37Onaemo songka mongkona pesomba tinunu, pesomba kaanga, pesomba po'onini hala, pesomba pontolosi sala, pesomba poronsoa ka pesomba tekaduduia, 38anu parenta-Do i Ue ndi Musa i wawo torukuno Sinai a oleo parenta-Do i Ue a nto Isaraeli mpopesombaako pesomba ndi Ondae i Ue i pada one Sinai.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
LAI 2021