Yeremia 37
37
Mokole Sedekia mo'ema pontiso telalo ndi Yeremia
37:1-10
1 #
2Mok. 24:17; 2Taw. 36:10 I Sedekia ana ntamano i Yosia gagi mokole umeuo i Konia ana ntamano i Yoyakimi. I Nebukanesa, mokole i Babeli, pontoroo gagi mokole i wita Yehuda. 2Moiko onae ka luwuno pegawaino maupo palilino wita atuu, nahi domperorongeakono pau anu pinohawe-Do i Ue telalo ndi Nabi Yeremia.
3I asa tempo Mokole Sedekia tumenao i Yukali anano i Selemia ka sando mpesomba Sepana anano i Ma'asea lumako ndi Yeremia mowawa pe'oliwi, ”Pekakaiakamimo ndi Ondae i Ue, Ue Alato!” 4I tempo atuu i Yeremia da malua hawe ka ilako i tonga-tongado palili. Onae napi wininso a laro torungku. 5Sorodaduno i Pirao mpeluarako iramo inso i Masiri. Rumongeo lele atuu, to Kasidimi anu mengkaduo Yerusale mpeliahako inso i Yerusale.
6Ka i'amba haweomo pau-Do i Ue ndi Nabi Yeremia, kanandio, 7”Kanandiomo pau-Do i Ue, Ue Alado to Isaraeli: Ndi mokoledo to Yehuda, anu tumena komiu ndi Ongkue mpo'ema pontiso, asalakono impotae kanandio: Kitao, sorodaduno i Pirao anu mpeluarako iramo ira mpokowali komiu mpekule i witamiu, i Masiri. 8Sine to Kasidimi ira wali me'aiwa mpeteaakono kota andio, dompoko'alao ka meropuo. 9Kanandiomo pau-Do i Ue: Si megaupio koroimiu ka impotae: ’To Kasidimi atuudo melako iramo mpiha inso ndi ontae.’ Kahinaano komba ira melako mpiha! 10Maupo ande-andeno imenangi ira luwu sorodadudo to Kasidimi anu umari mpeteaa komiu atuu, ka i'olodo butu tebinta mia anu mapari mobelado, asalakono singge mia ira mpewangu a ngkemano ka meropuo kota andio.”
I Yeremia tinorungku
37:11-16
11Tempono dompeliahako sorodadudo to Kasidimi atuu inso i Yerusale hangano sorodaduno i Pirao, 12meluarakoomo i Yeremia inso i Yerusale ka lumako i wita Benami ta umorusuo petiaa pusaka i olodo sukuno i ra'ai. 13Sine tempono i hawe a Mpewowa Langkai Benami, petewawado puu mpodagai i ra'ai anu meneeako i Yeria anano i Selemia anano i Hanania rumakoo Nabi Yeremia saru motae, ”Omue kome'alaako a nto Kasidimi!” 14Sumangki i Yeremia, ”Pegaupi atuu, komba aku me'alaako a nto Kasidimi!”, sine i Yeria nahi perioo. Kongkono rumakoo i Yeremia ka wawao me'aro a luwuno mia pinemota'u. 15Luwuno mia pinemota'u andio gagi ntekuda ndi Yeremia. Domentunduhio ka mewinsoo a raha potorungkua, rahano i Yonata, puu mpoburi a poparentaa. Raha atuu pinokogagiomo torungku. 16Kanatuumo teweweuno i Yeremia mewinso a nsumuru, bolongko torungku a ntoto wita. I Yeremia tehine ipo'ia i ra'ai.
I Yeremia melimba raha potorungkua
37:17-21
17Asa tempo Mokole Sedekia montena mia umalao i Yeremia. Ka i'amba a langkanaeno mokole mewuni-wuni mesikeno ndi onae, ”Hinaoke pau inso ndi Ondae i Ue?” Sumangki i Yeremia, ”Hinao!” Ipotae mbo'u, ”Omue kopineweengako a ngkaeno mokole i Babeli!” 18Ka i'amba i Yeremia motae ndi mokole Sedekia, ”Hapake hala anu wineweuku ndi omiu, a luwuno pegawaimiu ka tongku andio, ka imewinso aku a laro torungku? 19Isua iramoke nabimiu anu mompau ta gagi ndi omiu nine mokole i Babeli nahi ta aiwa sumapoi komiu ka wita andio? 20Kanandio-andio, rongeomo, hei ueku mokole! Po'ineeomo po'emaku ka ihawe i aromiu: si pokule aku a rahano i Yonata, puu mpoburi a poparentaa atuu, aku mansa mate i ra'ai.” 21Mokole Sedekia mompowee parenta, ka i'amba mia mentahao i Yeremia a kintala podagaia. Sompo oleo pineweeako asa roti bonggoli inso a nsala puu mpoweweu roti, ranta luwuno roti pingko i kota atuu. Kanatuumo i Yeremia mo'ia a kintala podagaia atuu.
Currently Selected:
Yeremia 37: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Yeremia 37
37
Mokole Sedekia mo'ema pontiso telalo ndi Yeremia
37:1-10
1 #
2Mok. 24:17; 2Taw. 36:10 I Sedekia ana ntamano i Yosia gagi mokole umeuo i Konia ana ntamano i Yoyakimi. I Nebukanesa, mokole i Babeli, pontoroo gagi mokole i wita Yehuda. 2Moiko onae ka luwuno pegawaino maupo palilino wita atuu, nahi domperorongeakono pau anu pinohawe-Do i Ue telalo ndi Nabi Yeremia.
3I asa tempo Mokole Sedekia tumenao i Yukali anano i Selemia ka sando mpesomba Sepana anano i Ma'asea lumako ndi Yeremia mowawa pe'oliwi, ”Pekakaiakamimo ndi Ondae i Ue, Ue Alato!” 4I tempo atuu i Yeremia da malua hawe ka ilako i tonga-tongado palili. Onae napi wininso a laro torungku. 5Sorodaduno i Pirao mpeluarako iramo inso i Masiri. Rumongeo lele atuu, to Kasidimi anu mengkaduo Yerusale mpeliahako inso i Yerusale.
6Ka i'amba haweomo pau-Do i Ue ndi Nabi Yeremia, kanandio, 7”Kanandiomo pau-Do i Ue, Ue Alado to Isaraeli: Ndi mokoledo to Yehuda, anu tumena komiu ndi Ongkue mpo'ema pontiso, asalakono impotae kanandio: Kitao, sorodaduno i Pirao anu mpeluarako iramo ira mpokowali komiu mpekule i witamiu, i Masiri. 8Sine to Kasidimi ira wali me'aiwa mpeteaakono kota andio, dompoko'alao ka meropuo. 9Kanandiomo pau-Do i Ue: Si megaupio koroimiu ka impotae: ’To Kasidimi atuudo melako iramo mpiha inso ndi ontae.’ Kahinaano komba ira melako mpiha! 10Maupo ande-andeno imenangi ira luwu sorodadudo to Kasidimi anu umari mpeteaa komiu atuu, ka i'olodo butu tebinta mia anu mapari mobelado, asalakono singge mia ira mpewangu a ngkemano ka meropuo kota andio.”
I Yeremia tinorungku
37:11-16
11Tempono dompeliahako sorodadudo to Kasidimi atuu inso i Yerusale hangano sorodaduno i Pirao, 12meluarakoomo i Yeremia inso i Yerusale ka lumako i wita Benami ta umorusuo petiaa pusaka i olodo sukuno i ra'ai. 13Sine tempono i hawe a Mpewowa Langkai Benami, petewawado puu mpodagai i ra'ai anu meneeako i Yeria anano i Selemia anano i Hanania rumakoo Nabi Yeremia saru motae, ”Omue kome'alaako a nto Kasidimi!” 14Sumangki i Yeremia, ”Pegaupi atuu, komba aku me'alaako a nto Kasidimi!”, sine i Yeria nahi perioo. Kongkono rumakoo i Yeremia ka wawao me'aro a luwuno mia pinemota'u. 15Luwuno mia pinemota'u andio gagi ntekuda ndi Yeremia. Domentunduhio ka mewinsoo a raha potorungkua, rahano i Yonata, puu mpoburi a poparentaa. Raha atuu pinokogagiomo torungku. 16Kanatuumo teweweuno i Yeremia mewinso a nsumuru, bolongko torungku a ntoto wita. I Yeremia tehine ipo'ia i ra'ai.
I Yeremia melimba raha potorungkua
37:17-21
17Asa tempo Mokole Sedekia montena mia umalao i Yeremia. Ka i'amba a langkanaeno mokole mewuni-wuni mesikeno ndi onae, ”Hinaoke pau inso ndi Ondae i Ue?” Sumangki i Yeremia, ”Hinao!” Ipotae mbo'u, ”Omue kopineweengako a ngkaeno mokole i Babeli!” 18Ka i'amba i Yeremia motae ndi mokole Sedekia, ”Hapake hala anu wineweuku ndi omiu, a luwuno pegawaimiu ka tongku andio, ka imewinso aku a laro torungku? 19Isua iramoke nabimiu anu mompau ta gagi ndi omiu nine mokole i Babeli nahi ta aiwa sumapoi komiu ka wita andio? 20Kanandio-andio, rongeomo, hei ueku mokole! Po'ineeomo po'emaku ka ihawe i aromiu: si pokule aku a rahano i Yonata, puu mpoburi a poparentaa atuu, aku mansa mate i ra'ai.” 21Mokole Sedekia mompowee parenta, ka i'amba mia mentahao i Yeremia a kintala podagaia. Sompo oleo pineweeako asa roti bonggoli inso a nsala puu mpoweweu roti, ranta luwuno roti pingko i kota atuu. Kanatuumo i Yeremia mo'ia a kintala podagaia atuu.
LAI 2021