Yeremia 3
3
Tepidia anu mo'onde-onde
3:1-5
1Pau-Do,
”Tewala asa mia teposuaakono kombiano,
ka beine atuu bintao
ka i'amba gagi kombiano mia susua,
ta mepokuleke onae a beine atuu?
Kombake wita atuu
mente ntu'u tesosa'ariomo?
Monsosabokomo saru hadio kinekewoi,
ka komepokule ndi ongkue? Kanandiomo pau-Do i Ue.
2Pengkitamo ngkoraane a luwuno pongku londa ka kitaomo!
A mpo'ianga isua nahi upinewowaliako?
A luwuno wiwi nsala omue mentoro monsikori kinekewoimu,
kana asa mia puu mporontu i pada one.
Wita usosa'ariakonomo ponsosabomu
ka saru wineweumu anu mosa'o.
3Onaemo pu'uno pesiwuino usa te'onto
ka usa a tampulaano tempo nahi hawe.
Ra'imu ra'ino beine belesu,
nahi uponto'ori mokoko'ii.
4Kombake dasaraipo upoboi Aku: Amaku!
Omuemo sambe'eku mompu'u kodei!
5Nde Ira tekudake ranta nahina tampulaano
ke monaa-naa aroa mosa'o mpiha?
Kanandiomo paumu, sine omue moweweu mosa'o
te'ipiamo koa upolio.”
To Isaraeli ka to Yehuda inoluako mpepokule ndi Ondae i Ue
3:6-13
6 #
2Mok. 22:1–23:30; 2Taw. 34:1–35:27 Ondae i Ue mepau ndi ongkue i tempono mokole Yosia, ”Umariomoke ukitao hapa anu wineweuno i Isaraeli anu mehapuakono pompe'ala-alano atuu? Kombake onae mewuatako a sompo pongku anu kontasi-tasi ka lumako a ntoto sompo keu anu marombo ka mebelesu i ra'ai? 7Pinewowolo-Ku: Umari weweuo luwuno andio, onae ta mepokule ndi Ongkue, sine nahi pepokule. Mongkona atuu ikitaomo i Yehuda, pepaekompono beine anu nahi petenunu. 8Ikitao nine hangano ponsosabono Kupensuaakonomo i Isaraeli anu mehapuakono pompe'ala-alano atuu, ka moweeakono wunta teposuaa. Sine i Yehuda, pepaekompono beine anu nahi petenunu atuu, nahi doito, tendeano lumako mbo'u mebelesu. 9Hangano moruanano mebelesu, isosa'ario wita. Onae monsosaboako mompesombai watu ka keu. 10Umarino weweuo luwuno andio i Yehuda mbo'u, pepaekompono beine anu nahi petenunu atuu, mekule ndi Ongkue nahi moleo aroano, tendeano butu mo'onde-onde, kanandiomo pau-Do i Ue.”
11Ondae i Ue mepau mbo'u ndi ongkue, ”I Isaraeli anu mehapuakono pompe'ala-alano atuu mopokitao koroino menteeopo sekono i Yehuda anu nahi petenunu atuu. 12Lakomo ka pebooliakonomo luwuno pau andio i utara. Potaemo:
Pepokulemo, hei Isaraeli anu mehapuakono pompe'ala-alano, kanandiomo pau-Do i Ue.
Rupa-Ku nahi ta mo'oro ndi omiu,
hangano Ongkue me'aroa; nahi Aku tekuda ranta nahina tampulaano,
kanandiomo pau-Do i Ue.
13Polomo koa akuiomo salamu, nine u'ewai Iramo i Ue, Ue Alamu.
Utia-tiaomo pongkekewoimu
a luwuno pinesombaido mia mehawe a ntoto sompo keu anu marombo,
ka nahi perorongeakono pau-Ku, kanandiomo pau-Do i Ue.”
Pebooli mpepokule ndi Ondae i Ue
3:14–4:4
14Impepokulemo, hei nana'ote anu mehapuakono pompe'ala-alano, kanandiomo pau-Do i Ue, hangano Ongkuemo uemiu! Aku umalakomiu, asa mia inso a sompo kota ka orua mia inso a sompo sombori, ka Aku wawakomiu i Sioni. 15Aku mompotoroakomiu puu pompakambi anu menunu saru aroa-Ku. Ira mempakambiakomiu pande ka ponto'ori. 16Tewala lembuino ntetiangi komiu hadio ka mpe'ana'ue i wita andio, kanandiomo pau-Do i Ue, asalakono mia nahi ta mepau mbo'u mongkona Burua Pedandia-Do i Ue. Burua atuu nahi ta hawe mbo'u a laro mpinewowolo ka nahi ta rinambe mbo'u, nahi ta inungke ke wineweu mbo'u. 17I tempo atuu Yerusale ta pinau kadera poparentaa-Do i Ue, ka luwuno tongku ira mpepumpu i ra'ai, i Yerusale a nee-Do i Ue, ka nahi ira mpelelu tumondao aroado anu motea ka mosa'o. 18I tempo atuu suku Yehuda ira mpelempa ntepo'umpeda saru suku Isaraeli. Ira mehawe mperonga-ronga inso i wita utara lumako a wita anu Kutia-tiaako iramo a uempu'umiu gagi tia pusaka.
19Kupewowoloo,
”Mentee ntu'u Aku pakosiko gagi nana'ote-Ku
ka moweeakomu wita anu tekosi,
tia pusaka anu lalu tekosi inso a luwuno tongku.
Kupewowoloo, omue komoboi Aku: Amaku,
ka nahi komewolili mebinta Aku.
20Kahinaano, kana asa beine anu nahi petenunu a ntamano,
kanatuu koa mbo'u omiu nahi mpetenunu ndi Ongkue, hei suku Isaraeli, kanandiomo pau-Do i Ue.
21Rongeo! A wawo luwuno pongku londa teronge
pengesedo nana'ote Isaraeli anu mpo'ema ntu'u,
hangano mpobiniki iramo sala anu tesaa,
ka kumolupe Ira i Ue, Ue Alado.
22Pepokulemo, hei nana'ote anu mehapuakono pompe'ala-alano!
Aku mokotompa komiu inso a mpehapuamiu.”
”Ndio kamimo, me'aiwa kami ndi Omiu, hangano Omiumo Ue, Ue Alamami.
23Menteano, luwuno po'ianga pesombaa onaemo megaupi;
tedoa maroa a luwuno pongku atuu!
Menteeano, butu ndi Ondae i Ue, Ue Alato,
hinao tekaduduiano Isaraeli!
24Sine, lahumoa anu mompokoko'ii tumeleo ka ipingko
luwuno hasilino pe'iseido uempu'uto mompu'u tempo tomemongura;
bawaano bembe bimba ka sapido,
ana ntama ka ana beinedo.
25Aiwamo tompepombole saru memokoko'ii,
ka po'ineeomo titito tumutuwi kita,
hangano mentehala kitamo ndi Ondae i Ue, Ue Alato,
ontae ka uempu'uto mompu'u tempo tomemongura hawe oleo andio.
Nahi to mperorongeakono pau-Do i Ue, Ue Alato.”
Currently Selected:
Yeremia 3: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Yeremia 3
3
Tepidia anu mo'onde-onde
3:1-5
1Pau-Do,
”Tewala asa mia teposuaakono kombiano,
ka beine atuu bintao
ka i'amba gagi kombiano mia susua,
ta mepokuleke onae a beine atuu?
Kombake wita atuu
mente ntu'u tesosa'ariomo?
Monsosabokomo saru hadio kinekewoi,
ka komepokule ndi ongkue? Kanandiomo pau-Do i Ue.
2Pengkitamo ngkoraane a luwuno pongku londa ka kitaomo!
A mpo'ianga isua nahi upinewowaliako?
A luwuno wiwi nsala omue mentoro monsikori kinekewoimu,
kana asa mia puu mporontu i pada one.
Wita usosa'ariakonomo ponsosabomu
ka saru wineweumu anu mosa'o.
3Onaemo pu'uno pesiwuino usa te'onto
ka usa a tampulaano tempo nahi hawe.
Ra'imu ra'ino beine belesu,
nahi uponto'ori mokoko'ii.
4Kombake dasaraipo upoboi Aku: Amaku!
Omuemo sambe'eku mompu'u kodei!
5Nde Ira tekudake ranta nahina tampulaano
ke monaa-naa aroa mosa'o mpiha?
Kanandiomo paumu, sine omue moweweu mosa'o
te'ipiamo koa upolio.”
To Isaraeli ka to Yehuda inoluako mpepokule ndi Ondae i Ue
3:6-13
6 #
2Mok. 22:1–23:30; 2Taw. 34:1–35:27 Ondae i Ue mepau ndi ongkue i tempono mokole Yosia, ”Umariomoke ukitao hapa anu wineweuno i Isaraeli anu mehapuakono pompe'ala-alano atuu? Kombake onae mewuatako a sompo pongku anu kontasi-tasi ka lumako a ntoto sompo keu anu marombo ka mebelesu i ra'ai? 7Pinewowolo-Ku: Umari weweuo luwuno andio, onae ta mepokule ndi Ongkue, sine nahi pepokule. Mongkona atuu ikitaomo i Yehuda, pepaekompono beine anu nahi petenunu. 8Ikitao nine hangano ponsosabono Kupensuaakonomo i Isaraeli anu mehapuakono pompe'ala-alano atuu, ka moweeakono wunta teposuaa. Sine i Yehuda, pepaekompono beine anu nahi petenunu atuu, nahi doito, tendeano lumako mbo'u mebelesu. 9Hangano moruanano mebelesu, isosa'ario wita. Onae monsosaboako mompesombai watu ka keu. 10Umarino weweuo luwuno andio i Yehuda mbo'u, pepaekompono beine anu nahi petenunu atuu, mekule ndi Ongkue nahi moleo aroano, tendeano butu mo'onde-onde, kanandiomo pau-Do i Ue.”
11Ondae i Ue mepau mbo'u ndi ongkue, ”I Isaraeli anu mehapuakono pompe'ala-alano atuu mopokitao koroino menteeopo sekono i Yehuda anu nahi petenunu atuu. 12Lakomo ka pebooliakonomo luwuno pau andio i utara. Potaemo:
Pepokulemo, hei Isaraeli anu mehapuakono pompe'ala-alano, kanandiomo pau-Do i Ue.
Rupa-Ku nahi ta mo'oro ndi omiu,
hangano Ongkue me'aroa; nahi Aku tekuda ranta nahina tampulaano,
kanandiomo pau-Do i Ue.
13Polomo koa akuiomo salamu, nine u'ewai Iramo i Ue, Ue Alamu.
Utia-tiaomo pongkekewoimu
a luwuno pinesombaido mia mehawe a ntoto sompo keu anu marombo,
ka nahi perorongeakono pau-Ku, kanandiomo pau-Do i Ue.”
Pebooli mpepokule ndi Ondae i Ue
3:14–4:4
14Impepokulemo, hei nana'ote anu mehapuakono pompe'ala-alano, kanandiomo pau-Do i Ue, hangano Ongkuemo uemiu! Aku umalakomiu, asa mia inso a sompo kota ka orua mia inso a sompo sombori, ka Aku wawakomiu i Sioni. 15Aku mompotoroakomiu puu pompakambi anu menunu saru aroa-Ku. Ira mempakambiakomiu pande ka ponto'ori. 16Tewala lembuino ntetiangi komiu hadio ka mpe'ana'ue i wita andio, kanandiomo pau-Do i Ue, asalakono mia nahi ta mepau mbo'u mongkona Burua Pedandia-Do i Ue. Burua atuu nahi ta hawe mbo'u a laro mpinewowolo ka nahi ta rinambe mbo'u, nahi ta inungke ke wineweu mbo'u. 17I tempo atuu Yerusale ta pinau kadera poparentaa-Do i Ue, ka luwuno tongku ira mpepumpu i ra'ai, i Yerusale a nee-Do i Ue, ka nahi ira mpelelu tumondao aroado anu motea ka mosa'o. 18I tempo atuu suku Yehuda ira mpelempa ntepo'umpeda saru suku Isaraeli. Ira mehawe mperonga-ronga inso i wita utara lumako a wita anu Kutia-tiaako iramo a uempu'umiu gagi tia pusaka.
19Kupewowoloo,
”Mentee ntu'u Aku pakosiko gagi nana'ote-Ku
ka moweeakomu wita anu tekosi,
tia pusaka anu lalu tekosi inso a luwuno tongku.
Kupewowoloo, omue komoboi Aku: Amaku,
ka nahi komewolili mebinta Aku.
20Kahinaano, kana asa beine anu nahi petenunu a ntamano,
kanatuu koa mbo'u omiu nahi mpetenunu ndi Ongkue, hei suku Isaraeli, kanandiomo pau-Do i Ue.
21Rongeo! A wawo luwuno pongku londa teronge
pengesedo nana'ote Isaraeli anu mpo'ema ntu'u,
hangano mpobiniki iramo sala anu tesaa,
ka kumolupe Ira i Ue, Ue Alado.
22Pepokulemo, hei nana'ote anu mehapuakono pompe'ala-alano!
Aku mokotompa komiu inso a mpehapuamiu.”
”Ndio kamimo, me'aiwa kami ndi Omiu, hangano Omiumo Ue, Ue Alamami.
23Menteano, luwuno po'ianga pesombaa onaemo megaupi;
tedoa maroa a luwuno pongku atuu!
Menteeano, butu ndi Ondae i Ue, Ue Alato,
hinao tekaduduiano Isaraeli!
24Sine, lahumoa anu mompokoko'ii tumeleo ka ipingko
luwuno hasilino pe'iseido uempu'uto mompu'u tempo tomemongura;
bawaano bembe bimba ka sapido,
ana ntama ka ana beinedo.
25Aiwamo tompepombole saru memokoko'ii,
ka po'ineeomo titito tumutuwi kita,
hangano mentehala kitamo ndi Ondae i Ue, Ue Alato,
ontae ka uempu'uto mompu'u tempo tomemongura hawe oleo andio.
Nahi to mperorongeakono pau-Do i Ue, Ue Alato.”
LAI 2021