Yeremia 26
26
I Yeremia ta pinepate, hangano mompau anu ta gagi poropua
26:1-19
1 #
2Mok. 23:36–24:6; 2Taw. 36:5-7 A pompu'uano poparentaano i Yoyakimi, ana ntamano i Yosia, mokoledo to Yehuda, haweomo pau andio inso ndi Ondae i Ue: 2Kanandiomo pau-Do i Ue, ”Pentademo a kintalano Raha-Do i Ue ka pauomo a mpalilino luwuno kotano Yehuda, anu mehawe ira mpenggolontu mpesomba a Raha-Do i Ue, luwuno pau anu Kupeparentaako ka upohaweo ndi ondae. Si kurangio maupo te'asa mpudu pau! 3Bara'ura ira koa mebehe mperorongeakono ka singge mia mepokule inso a mpeleluno anu mosa'o, ranta ka Kupe'o'ole a masolaa anu Kupontooako ira hangano luwuno wineweudo anu mosa'o. 4Pauako iramo: Kanandiomo pau-Do i Ue: Tewala nahi mebehe mperorongea-Kune saru mentondao Songka-Ku anu Kupauomo i aromiu, 5ka saru nahi mperorongekono pinaudo tetenaa-Ku, luwuno nabi, anu nahi'otu Kutena ira ndi omiu, sine nahi mebehe mperorongeakono, 6#Yos. 18:1; Pud. 78:60; Yer. 7:12-14onaemo pu'uno Aku weweuo raha andio kana Silo, ka mokogagio kota andio totonaado luwuno tongku i tolino.”
7Luwuno sando mpesomba, luwuno nabi ka luwuno palili merongeo i Yeremia mohaweo luwuno pau atuu a Raha-Do i Ue. 8Mansano umari i Yeremia pauo a luwuno palili luwuno anu Dopeparentaako i Ue ka ipohaweo, luwuno sando mpesomba, luwuno nabi, ka luwuno palili merakoo saru mpotae, ”Omue asalakono hinuku mate! 9Tembio ka upompau anu ta gagi a nee-Do i Ue saru motae: Raha andio ta kana Silo, ka kota andio ta gagi tekale-kale nahina palilino?” Luwuno palili menggowoo i Yeremia a Raha-Do i Ue. 10Tempono luwuno mia pinemota'udo to Yehuda merongeo mongkona andio, ondae melako inso a langkanaeno mokole a Raha-Do i Ue, ka do'amba mpentoro a nsala mewinso Pewowa Langkai Wo'ohu a Raha-Do i Ue. 11Ka i'amba luwuno sando mpesomba ka luwuno nabi mpotae a luwuno mia pinemota'u ka luwuno palili atuu, kanandio, ”Mia andio tekona ihinuku mate, hangano onae mompauomo anu ta gagi mongkona kota andio, kana anu imerongeakono birimiu.”
12Sine i Yeremia motaeako ira luwuno mia pinemota'u ka luwuno palili, ipotae, ”Ondaemo i Ue anu tumena aku ka kupauo anu ta gagi mongkona raha ka kota andio saru pau anu rinongemiumo atuu. 13Kanandio-andio, impokomoikoomo pelelumiu ka poweweumiu, ka rongeomo suara-Do i Ue, Ue Alamiu, ka Dopokogagio i Ue masolaa anu pinau-Do ndi omiu. 14Sekono ongkue andio, menteeano, kongko aku a ngkaemiu, weweuomo ndi ongkue hapa anu moiko ka mentee a pongkitamiu. 15Butumo koa, to'oriomo tementee ntu'u, nine tewala impepate aku, komiu mensusuruo reano mia anu nahina salano ndi omiu ka a ngkota andio ka palilino, hangano mentee ntu'u Ondae i Ue tumena aku pauo ndi omiu luwuno pau andio.”
16Ka i'amba mpotae iramo mia pinemota'u ka luwuno palili atuu a luwuno sando mpesomba ka nabi atuudo, ”Mia andio nahi pototono mohawe pohuku mate, hangano onae mepauomo ndi ontae a nee-Do i Ue, Ue Alato.” 17Ba opia ira mia memota'u i wita atuu melako mbo'u i arono ka dompotae a luwuno tepumpuano palili atuu, 18#Mik. 3:12”I Mika, to Moreseti, horio mompau anu ta gagi i tempono i Hisikia, mokoledo to Yehuda. Onae mepau a luwuno tongku Yehuda: Kanandiomo pau-Do Ueno luwuakoano:
Sioni ta pinadeko kana lere;
Yerusale ta gagi howuno anu terawo
ka torukuno Raha Mempori ta gagi po'ianga pompesombaia anu mentobu.
19Nde i Hisikia, mokoledo to Yehuda ka luwuno to Yehuda mehuku mateo onae? Kombake onae doitoako Ira i Ue, onaemo ka ipo'ema pompehohawa-Do i Ue, ka si Dopokogagio masolaa anu pinau-Do ndi ontae? Sekono ontae, mebehe kitake mpopokohina masolaa anu langkai a ngkoroito ontaeto?”
Nabi Uria hinuku mate, i Yeremia kinadudui
26:20-24
20Hinao mbo'u asa mia anu mompau anu ta gagi a nee-Do i Ue, onaemo i Uria anano i Semaia inso i Kirati-Yearimi. Onae mompau anu ta gagi mongkona kota ka wita andio mengkena kana anu pinauno i Yeremia. 21Tempono mokole Yoyakimi meronga saru luwuno petewawa sorodaduno ka mia pinemota'uno merongeo pauno mia atuu, mokole mbo'u mo'ungke akala ta humuku mateo. Rumongeo mongkona atuu doitoomo i Uria, ka i'amba molai ka hawe i Masiri. 22Ka i'amba Mokole Yoyakimi montena mia lumako i Masiri, onaemo i Elinata anano i Akibori saru ba opia mia. 23Dome'alao i Uria inso i Masiri ka mewawao ndi Mokole Yoyakimi. Mokole montena mia mepateakono ponai ka mepasiakono wata ngkoroino a mpekaburuado palili. 24Sine i Yeremia ikaduduio i Ahikami anano i Sapani, onaemo ka nahi pineweengako a ngkaedo palili ka ipinepate.
Currently Selected:
Yeremia 26: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Yeremia 26
26
I Yeremia ta pinepate, hangano mompau anu ta gagi poropua
26:1-19
1 #
2Mok. 23:36–24:6; 2Taw. 36:5-7 A pompu'uano poparentaano i Yoyakimi, ana ntamano i Yosia, mokoledo to Yehuda, haweomo pau andio inso ndi Ondae i Ue: 2Kanandiomo pau-Do i Ue, ”Pentademo a kintalano Raha-Do i Ue ka pauomo a mpalilino luwuno kotano Yehuda, anu mehawe ira mpenggolontu mpesomba a Raha-Do i Ue, luwuno pau anu Kupeparentaako ka upohaweo ndi ondae. Si kurangio maupo te'asa mpudu pau! 3Bara'ura ira koa mebehe mperorongeakono ka singge mia mepokule inso a mpeleluno anu mosa'o, ranta ka Kupe'o'ole a masolaa anu Kupontooako ira hangano luwuno wineweudo anu mosa'o. 4Pauako iramo: Kanandiomo pau-Do i Ue: Tewala nahi mebehe mperorongea-Kune saru mentondao Songka-Ku anu Kupauomo i aromiu, 5ka saru nahi mperorongekono pinaudo tetenaa-Ku, luwuno nabi, anu nahi'otu Kutena ira ndi omiu, sine nahi mebehe mperorongeakono, 6#Yos. 18:1; Pud. 78:60; Yer. 7:12-14onaemo pu'uno Aku weweuo raha andio kana Silo, ka mokogagio kota andio totonaado luwuno tongku i tolino.”
7Luwuno sando mpesomba, luwuno nabi ka luwuno palili merongeo i Yeremia mohaweo luwuno pau atuu a Raha-Do i Ue. 8Mansano umari i Yeremia pauo a luwuno palili luwuno anu Dopeparentaako i Ue ka ipohaweo, luwuno sando mpesomba, luwuno nabi, ka luwuno palili merakoo saru mpotae, ”Omue asalakono hinuku mate! 9Tembio ka upompau anu ta gagi a nee-Do i Ue saru motae: Raha andio ta kana Silo, ka kota andio ta gagi tekale-kale nahina palilino?” Luwuno palili menggowoo i Yeremia a Raha-Do i Ue. 10Tempono luwuno mia pinemota'udo to Yehuda merongeo mongkona andio, ondae melako inso a langkanaeno mokole a Raha-Do i Ue, ka do'amba mpentoro a nsala mewinso Pewowa Langkai Wo'ohu a Raha-Do i Ue. 11Ka i'amba luwuno sando mpesomba ka luwuno nabi mpotae a luwuno mia pinemota'u ka luwuno palili atuu, kanandio, ”Mia andio tekona ihinuku mate, hangano onae mompauomo anu ta gagi mongkona kota andio, kana anu imerongeakono birimiu.”
12Sine i Yeremia motaeako ira luwuno mia pinemota'u ka luwuno palili, ipotae, ”Ondaemo i Ue anu tumena aku ka kupauo anu ta gagi mongkona raha ka kota andio saru pau anu rinongemiumo atuu. 13Kanandio-andio, impokomoikoomo pelelumiu ka poweweumiu, ka rongeomo suara-Do i Ue, Ue Alamiu, ka Dopokogagio i Ue masolaa anu pinau-Do ndi omiu. 14Sekono ongkue andio, menteeano, kongko aku a ngkaemiu, weweuomo ndi ongkue hapa anu moiko ka mentee a pongkitamiu. 15Butumo koa, to'oriomo tementee ntu'u, nine tewala impepate aku, komiu mensusuruo reano mia anu nahina salano ndi omiu ka a ngkota andio ka palilino, hangano mentee ntu'u Ondae i Ue tumena aku pauo ndi omiu luwuno pau andio.”
16Ka i'amba mpotae iramo mia pinemota'u ka luwuno palili atuu a luwuno sando mpesomba ka nabi atuudo, ”Mia andio nahi pototono mohawe pohuku mate, hangano onae mepauomo ndi ontae a nee-Do i Ue, Ue Alato.” 17Ba opia ira mia memota'u i wita atuu melako mbo'u i arono ka dompotae a luwuno tepumpuano palili atuu, 18#Mik. 3:12”I Mika, to Moreseti, horio mompau anu ta gagi i tempono i Hisikia, mokoledo to Yehuda. Onae mepau a luwuno tongku Yehuda: Kanandiomo pau-Do Ueno luwuakoano:
Sioni ta pinadeko kana lere;
Yerusale ta gagi howuno anu terawo
ka torukuno Raha Mempori ta gagi po'ianga pompesombaia anu mentobu.
19Nde i Hisikia, mokoledo to Yehuda ka luwuno to Yehuda mehuku mateo onae? Kombake onae doitoako Ira i Ue, onaemo ka ipo'ema pompehohawa-Do i Ue, ka si Dopokogagio masolaa anu pinau-Do ndi ontae? Sekono ontae, mebehe kitake mpopokohina masolaa anu langkai a ngkoroito ontaeto?”
Nabi Uria hinuku mate, i Yeremia kinadudui
26:20-24
20Hinao mbo'u asa mia anu mompau anu ta gagi a nee-Do i Ue, onaemo i Uria anano i Semaia inso i Kirati-Yearimi. Onae mompau anu ta gagi mongkona kota ka wita andio mengkena kana anu pinauno i Yeremia. 21Tempono mokole Yoyakimi meronga saru luwuno petewawa sorodaduno ka mia pinemota'uno merongeo pauno mia atuu, mokole mbo'u mo'ungke akala ta humuku mateo. Rumongeo mongkona atuu doitoomo i Uria, ka i'amba molai ka hawe i Masiri. 22Ka i'amba Mokole Yoyakimi montena mia lumako i Masiri, onaemo i Elinata anano i Akibori saru ba opia mia. 23Dome'alao i Uria inso i Masiri ka mewawao ndi Mokole Yoyakimi. Mokole montena mia mepateakono ponai ka mepasiakono wata ngkoroino a mpekaburuado palili. 24Sine i Yeremia ikaduduio i Ahikami anano i Sapani, onaemo ka nahi pineweengako a ngkaedo palili ka ipinepate.
LAI 2021