Yeremia 13
13
Peboo ntonga anu mowuru
13:1-11
1Kanandiomo pau-Do i Ue ndi ongkue, ”Lakomo po'oli peboo ntonga lena, pokonaomo atuu a ntongamu, sine si emoo a uwoi!” 2Ka ku'amba mo'oli peboo ntonga kana anu pinau-Do i Ue, ka metanggoakono a ntongaku. 3Umarino atuu haweomo pau-Do i Ue ndi ongkue anu kompenduano, kanandio, 4”Alaomo peboo ntonga anu inolimu ka pokonaomo a ntongamu atuu! Pontuturakomo lako a ngkoro Eparata ka uwunio i olo-olono pongku watu i ra'ai!” 5Ka ku'amba lumako wunio i wiwi ngkoro Eparata kana anu Doparentaakune i Ue. 6Ba opia tempo lembuino, mepau Iramo i Ue ndi ongkue, ”Pontuturakomo lako a ngkoro Eparata ka alaomo inso i ra'ai peboo ntonga anu Kuparentaakomu ka uwunio i ra'ai!” 7Lumako akumo a ngkoro Eparata, ka ku'amba kumekeo ka umalao peboo ntonga atuu inso a mpo'iangano kuwunio. Mengkaa, peboo ntonga atuu mowuruomo namihina ntu'u tuduno. 8Ka i'amba haweomo pau-Do i Ue ndi ongkue, 9”Kanandiomo pau-Do i Ue: Kanatuumo Aku mokotampulao pompelangka-langkaino Yehuda ka tedoa pompelangka-langkaino Yerusale. 10Tongku anu mosa'o wineweuno andio, anu nahi behe momperorongeako pau-Ku, anu tumondao moteano aroado ka tumonda ira pinesombai susua saru mesomba ka menggolontu mesomba ndi ondae, ira megagi kana peboo ntonga andio anu namihina ntu'u tuduno. 11Hangano mengkena kana peboo ntonga metako a ntongano asa mia, kanatuumo hieno luwuno suku Isaraeli ka suku Yehuda Kupotako ira ndi Ongkue, kanandiomo pau-Do i Ue, ka domegagi bawaa, gagi tenee, inunde-unde ka gagi pinelangkai ndi Ongkue. Sine nahi domebehe mpomperorongeako.”
Gambarano kusi anggoro
13:12-14
12”Pohaweako iramo pau andio: Kanandiomo pau-Do i Ue, Ue Alado to Isaraeli: Sompo kusi asalakono pinokobukeako anggoro! Tewala dompotaeakomu: Kombake kimento'oriomo nine sompo kusi asalakono pinokobukeako anggoro? 13asalakono pauako ira: Kanandiomo pau-Do i Ue: Menteeano, luwuno palilino wita andio Aku mokobukeako ira molangua, moiko luwuno mokole anu mpentoro a ngkadera poparentaano i Daudi, luwuno sando mpesomba, luwuno nabi, maupo luwuno palilino Yerusale. 14Aku weweu ira mambe ropu, ama saru anano, kanandiomo pau-Do i Ue. Aku mepate ira nahina pompehohawa, ka nahina ampu.”
Pohuku a bawaa anu mebungkui Ira i Ue
13:15-27
15Rongeomo, ta'oomo birimiu, si mpompelangka-langkai,
hangano Ondae i Ue mepau Iramo.
16Pelangkai Iramo i Ue, Ue Alamiu,
se'eluno napi Dopompotii wongi-wongia,
se'eluno napi tetidu karumu
a luwuno pongku anu itutuwio tekamburi;
kontongaamiu mposisikori mewine,
Ondae mokogagio oleo wongi mpusu
ka weweuo worikidi.
17Tewala nahi mebehe mperorongeakono,
aku mengese a ntewuniano
hangano pompelangka-langkaimiu.
Uwoi mataku ta melolonto, tendeano nte'i'iti,
hangano bawaano bimba-Do i Ue winawa mentinawa.
18Pauako iramo mokole ka inedo mokole,
”Ipentoromo a po'ianga anu tetotoako,
hangano songko mokole
metiiomo inso a ulumiu!”
19Luwuno kota i wita Nege tinondoomo,
ka nahina maupo te'asa mia umungkahio.
Luwuno to Yehuda mewinawa a pontadia,
luwuno mewinawa a pontadia.
20Pengkitamo ngkoraane ka kitaomo,
hinao mia me'aiwa inso i utara!
Isuaomoke bawaano pinotuwu anu uwineeako,
bawaano bembe bimba anu gagi marambamu?
21Hapa anu pinaumu, tewala mia anu upewali-waliako ira gagi sambe'e,
pinotoro gagi petewawamu?
Kombake mahakia ta sumapoiko
mengkena kana beine anu me'ana?
22Tewala omue mesikeno i laro aroamu,
”Tembio luwuno andio ka i'alu aku?”
Hangano hadiono halamu
onaemo ka isinungke untu hawumu kau dinadai!
23Poli irake to Etiopia me'euo kulido
ke nggapu langkai meboti-boti balio lobano?
Nde kana'umpe komiu mempolio mpoweweu moiko,
hei mia anu meleleo mpoweweu mosa'o?
24Aku rumawo ira kana ota
anu pinaneeno angi i pada one.
25Onaemo tiamu anu Kusa'uakomu,
kanandiomo pau-Do i Ue,
hangano ukolupe Aku,
ka me'ala-alao pegaupi.
26Ongkue isa'a Aku tumandeo tompa hawumu hawe a rupamu,
ranta ka itengkita anumu.
27Ponsosabomu ka pekiilimu,
mokoburuno pebelesumu
i wawono pongku ka pada,
luwuno wineweumu anu mokoburu atuu Kukitaomo.
Masola komo ntu'u, hei Yerusale, hawe opiapo mbo'uke tempono
ka u'amba gagi morina?
Currently Selected:
Yeremia 13: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Yeremia 13
13
Peboo ntonga anu mowuru
13:1-11
1Kanandiomo pau-Do i Ue ndi ongkue, ”Lakomo po'oli peboo ntonga lena, pokonaomo atuu a ntongamu, sine si emoo a uwoi!” 2Ka ku'amba mo'oli peboo ntonga kana anu pinau-Do i Ue, ka metanggoakono a ntongaku. 3Umarino atuu haweomo pau-Do i Ue ndi ongkue anu kompenduano, kanandio, 4”Alaomo peboo ntonga anu inolimu ka pokonaomo a ntongamu atuu! Pontuturakomo lako a ngkoro Eparata ka uwunio i olo-olono pongku watu i ra'ai!” 5Ka ku'amba lumako wunio i wiwi ngkoro Eparata kana anu Doparentaakune i Ue. 6Ba opia tempo lembuino, mepau Iramo i Ue ndi ongkue, ”Pontuturakomo lako a ngkoro Eparata ka alaomo inso i ra'ai peboo ntonga anu Kuparentaakomu ka uwunio i ra'ai!” 7Lumako akumo a ngkoro Eparata, ka ku'amba kumekeo ka umalao peboo ntonga atuu inso a mpo'iangano kuwunio. Mengkaa, peboo ntonga atuu mowuruomo namihina ntu'u tuduno. 8Ka i'amba haweomo pau-Do i Ue ndi ongkue, 9”Kanandiomo pau-Do i Ue: Kanatuumo Aku mokotampulao pompelangka-langkaino Yehuda ka tedoa pompelangka-langkaino Yerusale. 10Tongku anu mosa'o wineweuno andio, anu nahi behe momperorongeako pau-Ku, anu tumondao moteano aroado ka tumonda ira pinesombai susua saru mesomba ka menggolontu mesomba ndi ondae, ira megagi kana peboo ntonga andio anu namihina ntu'u tuduno. 11Hangano mengkena kana peboo ntonga metako a ntongano asa mia, kanatuumo hieno luwuno suku Isaraeli ka suku Yehuda Kupotako ira ndi Ongkue, kanandiomo pau-Do i Ue, ka domegagi bawaa, gagi tenee, inunde-unde ka gagi pinelangkai ndi Ongkue. Sine nahi domebehe mpomperorongeako.”
Gambarano kusi anggoro
13:12-14
12”Pohaweako iramo pau andio: Kanandiomo pau-Do i Ue, Ue Alado to Isaraeli: Sompo kusi asalakono pinokobukeako anggoro! Tewala dompotaeakomu: Kombake kimento'oriomo nine sompo kusi asalakono pinokobukeako anggoro? 13asalakono pauako ira: Kanandiomo pau-Do i Ue: Menteeano, luwuno palilino wita andio Aku mokobukeako ira molangua, moiko luwuno mokole anu mpentoro a ngkadera poparentaano i Daudi, luwuno sando mpesomba, luwuno nabi, maupo luwuno palilino Yerusale. 14Aku weweu ira mambe ropu, ama saru anano, kanandiomo pau-Do i Ue. Aku mepate ira nahina pompehohawa, ka nahina ampu.”
Pohuku a bawaa anu mebungkui Ira i Ue
13:15-27
15Rongeomo, ta'oomo birimiu, si mpompelangka-langkai,
hangano Ondae i Ue mepau Iramo.
16Pelangkai Iramo i Ue, Ue Alamiu,
se'eluno napi Dopompotii wongi-wongia,
se'eluno napi tetidu karumu
a luwuno pongku anu itutuwio tekamburi;
kontongaamiu mposisikori mewine,
Ondae mokogagio oleo wongi mpusu
ka weweuo worikidi.
17Tewala nahi mebehe mperorongeakono,
aku mengese a ntewuniano
hangano pompelangka-langkaimiu.
Uwoi mataku ta melolonto, tendeano nte'i'iti,
hangano bawaano bimba-Do i Ue winawa mentinawa.
18Pauako iramo mokole ka inedo mokole,
”Ipentoromo a po'ianga anu tetotoako,
hangano songko mokole
metiiomo inso a ulumiu!”
19Luwuno kota i wita Nege tinondoomo,
ka nahina maupo te'asa mia umungkahio.
Luwuno to Yehuda mewinawa a pontadia,
luwuno mewinawa a pontadia.
20Pengkitamo ngkoraane ka kitaomo,
hinao mia me'aiwa inso i utara!
Isuaomoke bawaano pinotuwu anu uwineeako,
bawaano bembe bimba anu gagi marambamu?
21Hapa anu pinaumu, tewala mia anu upewali-waliako ira gagi sambe'e,
pinotoro gagi petewawamu?
Kombake mahakia ta sumapoiko
mengkena kana beine anu me'ana?
22Tewala omue mesikeno i laro aroamu,
”Tembio luwuno andio ka i'alu aku?”
Hangano hadiono halamu
onaemo ka isinungke untu hawumu kau dinadai!
23Poli irake to Etiopia me'euo kulido
ke nggapu langkai meboti-boti balio lobano?
Nde kana'umpe komiu mempolio mpoweweu moiko,
hei mia anu meleleo mpoweweu mosa'o?
24Aku rumawo ira kana ota
anu pinaneeno angi i pada one.
25Onaemo tiamu anu Kusa'uakomu,
kanandiomo pau-Do i Ue,
hangano ukolupe Aku,
ka me'ala-alao pegaupi.
26Ongkue isa'a Aku tumandeo tompa hawumu hawe a rupamu,
ranta ka itengkita anumu.
27Ponsosabomu ka pekiilimu,
mokoburuno pebelesumu
i wawono pongku ka pada,
luwuno wineweumu anu mokoburu atuu Kukitaomo.
Masola komo ntu'u, hei Yerusale, hawe opiapo mbo'uke tempono
ka u'amba gagi morina?
LAI 2021