Yesaya 45
45
Ondae i Ue moboio i Koresi gagi pesalaa-Do
45:1-8
1Kanandiomo pau-Do i Ue,
”Ndiomo pau-Ku a mia anu Ku'urapio,
ndi Koresi anu kae ngkoanano Ku'inio
ka Kupokompetuundu ira tongku i arono
ka mokoko'ii ira mokole,
ka Ku'ungkahi ira pewowa i arono
ka luwuno pewowa langkai ka sikongko tetondo;
2Ongkue isa'a melempa i aromu
ka mokomerete ira torukuno;
Aku rumongka ira pewowa mala
ka pudu ira polanso labu.
3Aku moweeakomu arataa anu tetano
ka arataa pompoli anu tewuni,
ka uto'orio nine Ongkuemo Ue, Ue Alado to Isaraeli,
anu moboiakomu neemu.
4Hangano tetenaa-Ku i Yako
ka Isaraeli, bininiki-Ku,
onaemo ka Kupoboiakomu neemu,
ka moweeakomu potoro, maupo nahi uto'ori Aku.
5Ongkuemo Ue ka nahina anu susua;
sangkadio Ongkue nahina Ue Ala.
Kupoweeakomumo parewa mpetea,
maupo nahi uto'ori Aku,
6ka domento'orio mia inso i sabaano oleo
hawe a nsumooano, nine nahina anu susua sangkadio Ongkue.
Ongkuemo Ue ka nahina anu susua,
7anu mokogagio mewine ka mokogagio wongi-wongi,
anu mokogagio sintuwu manangai ka mokogagio masolaa;
Ongkuemo Ue anu weweuo luwuno andio.
8Hei langi, potiiomo moleoa inso i wawono,
ka moikoomo luwumo seru umuwuo!
Moikoomo tolino montarima
ka mentumbaako tekaduduia,
ka moikoomo ituwu moleoa!
Ongkuemo Ue anu mokogagio luwuno andio.”
Butu Ondae i Ue anu mompokogagi
45:9-19
9 #
Rom. 9:20
Masola ntu'u mia anu megagaako Ira anu Mokogagio;
onae butu sibano kuro inso a wita!
Kana'umpe wita pulu ta mepauakono anu weweuo,
”Hapa anu wineweumu?”
ke anu Doweweuomo atuu motae, ”Nahina pabawa-Miu a wineweu-Miu!”
10Masola ntu'u mia anu motaeakono amano,
”Hapake anu inulemiu?”
ka a ineno,
”Hapake anu pine'anaakomiu?”
11Kanandiomo pau-Do i Ue,
Anu Tedoa Mempori ka Anu Weweuo Isaraeli mongkona luwuno anu ta hawe,
”Kana'umpe ka usikeno Aku mongkona luwuno ana-Ku
ke parenta Aku mongkona wineweuno kae-Ku?
12Ongkuemo anu mokogagio tolino
ka anu mokogagi ira mia i wawono;
kae-Kumo anu wileo langi,
ka Ongkuemo anu parenta ira luwuno sorodaduno.
13Ongkuemo anu lumeluo i Koresi me'empehiako moleoa,
ka luwuno salano Aku mokomereteo.
Onaemo anu ta wanguo kota-Ku ka motola ira bawaa-Ku
anu mekongko a laro pontadia,
nahi inowahi ka nahina pompowee anu nahi pototono,”
pau-Do Ueno luwuakoano.
14Kanandiomo pau-Do i Ue,
”Hasilino wita Masiri ka luwuno ura inso i Etiopia
ka to Sieba, mia anu malanga koroido,
ira mpelimba ndi omue ka gagi miamu.
Ira merinante ka dompelempa i bungkumu;
ira mpesomba ndi omue ka mpo'ema, dompotae,
’Butu i olomiu hinao Ue Ala, ka nahina anu susua;
sangkadio Ondae nahina anu pinesombai susua!’
15Mentee ntu'u, Omiu Ue Ala anu wunio koroi-Miu,
Ue Alado to Isaraeli, Puu pongkadudui.
16Sine, anu mpoweweu lahumoa asalakono ira mpeliahako bukeako mokoko'iia,
ira memokoko'ii ka mpohawe mbo'u mokoko'iia.
17Sekono Isaraeli Dokaduduiakono i Ue
tekaduduia anu nahina tampulaano;
nahi komiu memokoko'ii ke mpohawe mokoko'iia
ranta nahina tampulaano.”
18Kanandiomo pau-Do i Ue,
anu mokogagio langi;
Ondaemo Ue Ala
anu weweuo tolino,
anu mokogagio ka kumorahakono;
anu mokogagio komba ka imooa, tendeano weweuo ka ipino'iangari,
”Ongkuemo Ue ka nahina anu susua.
19Nahi Kuhori mepau rahasia
ke a wongi-wongiano i tolino.
Nahi Kuhori mepau a inuleno i Yako
’ime'ungke Aku a mpo'ianga anu mooa!’
Ongkue, Ue, wela mepau mentee,
wela mompau hapa anu moleo.”
Luwuno tongku mpesomba i aro-Do i Ue
45:20-25
20”Mpepumpumo ka aiwamo,
ime'aiwamo meronga-ronga,
hei luwumiu anu mentola i olodo tongku!
Nahina ponto'orido
mia anu mpowawa tinaha inso a ngkeu
kanantuu koa mbo'u ondae anu mpekakai a mpinesombai
anu nahi polio mongkadudui.
21Pauomo ka pohaweomo pe'empehimu,
oo, po'ineeomo donteriso mperonga-ronga:
Isemake anu paleleo mongkona andio inso a tempo se'eluno ntu'u,
ka pauakono mompu'u i ndi'ipua?
Kombake Ongkue, Ue?
Nahina anu susua, nahina pinesombai susua sangkadio Ongkue!
Ue Ala anu moleo ka Puu pongkadudui,
nahina anu susua sangkadio Ongkue!
22Impepokulemo ndi Ongkue ka imengkinadudui,
hei luwuno tompano tolino!
Hangano Ongkuemo Ue Ala ka nahina anu susua.
23 #
Rom. 14:11; Plp. 2:10-11 Anee-Ku Ongkue-Ku mesumpa Akumo,
inso a nganga-Ku meluarakoomo menteea,
asa pau anu nahi ta pinokompokule mbo'u,
’Luwuno ira mpenggolontu i aro-Ku,
ka luwuno elo mpesumpa mpetenunu anee-Ku,
24saru mpotae: Moleoa ka roso
butu hinao ndi Ondae i Ue.
Luwuno mia anu tekuda ndi Ondae
ta aiwa ndi Ondae ka mohawe mokoko'ii,
25sine luwuno inuleno i Isaraeli
ira mpohawe moleoa ka mpo'unde ndi Ondae i Ue.’ ”
Currently Selected:
Yesaya 45: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Yesaya 45
45
Ondae i Ue moboio i Koresi gagi pesalaa-Do
45:1-8
1Kanandiomo pau-Do i Ue,
”Ndiomo pau-Ku a mia anu Ku'urapio,
ndi Koresi anu kae ngkoanano Ku'inio
ka Kupokompetuundu ira tongku i arono
ka mokoko'ii ira mokole,
ka Ku'ungkahi ira pewowa i arono
ka luwuno pewowa langkai ka sikongko tetondo;
2Ongkue isa'a melempa i aromu
ka mokomerete ira torukuno;
Aku rumongka ira pewowa mala
ka pudu ira polanso labu.
3Aku moweeakomu arataa anu tetano
ka arataa pompoli anu tewuni,
ka uto'orio nine Ongkuemo Ue, Ue Alado to Isaraeli,
anu moboiakomu neemu.
4Hangano tetenaa-Ku i Yako
ka Isaraeli, bininiki-Ku,
onaemo ka Kupoboiakomu neemu,
ka moweeakomu potoro, maupo nahi uto'ori Aku.
5Ongkuemo Ue ka nahina anu susua;
sangkadio Ongkue nahina Ue Ala.
Kupoweeakomumo parewa mpetea,
maupo nahi uto'ori Aku,
6ka domento'orio mia inso i sabaano oleo
hawe a nsumooano, nine nahina anu susua sangkadio Ongkue.
Ongkuemo Ue ka nahina anu susua,
7anu mokogagio mewine ka mokogagio wongi-wongi,
anu mokogagio sintuwu manangai ka mokogagio masolaa;
Ongkuemo Ue anu weweuo luwuno andio.
8Hei langi, potiiomo moleoa inso i wawono,
ka moikoomo luwumo seru umuwuo!
Moikoomo tolino montarima
ka mentumbaako tekaduduia,
ka moikoomo ituwu moleoa!
Ongkuemo Ue anu mokogagio luwuno andio.”
Butu Ondae i Ue anu mompokogagi
45:9-19
9 #
Rom. 9:20
Masola ntu'u mia anu megagaako Ira anu Mokogagio;
onae butu sibano kuro inso a wita!
Kana'umpe wita pulu ta mepauakono anu weweuo,
”Hapa anu wineweumu?”
ke anu Doweweuomo atuu motae, ”Nahina pabawa-Miu a wineweu-Miu!”
10Masola ntu'u mia anu motaeakono amano,
”Hapake anu inulemiu?”
ka a ineno,
”Hapake anu pine'anaakomiu?”
11Kanandiomo pau-Do i Ue,
Anu Tedoa Mempori ka Anu Weweuo Isaraeli mongkona luwuno anu ta hawe,
”Kana'umpe ka usikeno Aku mongkona luwuno ana-Ku
ke parenta Aku mongkona wineweuno kae-Ku?
12Ongkuemo anu mokogagio tolino
ka anu mokogagi ira mia i wawono;
kae-Kumo anu wileo langi,
ka Ongkuemo anu parenta ira luwuno sorodaduno.
13Ongkuemo anu lumeluo i Koresi me'empehiako moleoa,
ka luwuno salano Aku mokomereteo.
Onaemo anu ta wanguo kota-Ku ka motola ira bawaa-Ku
anu mekongko a laro pontadia,
nahi inowahi ka nahina pompowee anu nahi pototono,”
pau-Do Ueno luwuakoano.
14Kanandiomo pau-Do i Ue,
”Hasilino wita Masiri ka luwuno ura inso i Etiopia
ka to Sieba, mia anu malanga koroido,
ira mpelimba ndi omue ka gagi miamu.
Ira merinante ka dompelempa i bungkumu;
ira mpesomba ndi omue ka mpo'ema, dompotae,
’Butu i olomiu hinao Ue Ala, ka nahina anu susua;
sangkadio Ondae nahina anu pinesombai susua!’
15Mentee ntu'u, Omiu Ue Ala anu wunio koroi-Miu,
Ue Alado to Isaraeli, Puu pongkadudui.
16Sine, anu mpoweweu lahumoa asalakono ira mpeliahako bukeako mokoko'iia,
ira memokoko'ii ka mpohawe mbo'u mokoko'iia.
17Sekono Isaraeli Dokaduduiakono i Ue
tekaduduia anu nahina tampulaano;
nahi komiu memokoko'ii ke mpohawe mokoko'iia
ranta nahina tampulaano.”
18Kanandiomo pau-Do i Ue,
anu mokogagio langi;
Ondaemo Ue Ala
anu weweuo tolino,
anu mokogagio ka kumorahakono;
anu mokogagio komba ka imooa, tendeano weweuo ka ipino'iangari,
”Ongkuemo Ue ka nahina anu susua.
19Nahi Kuhori mepau rahasia
ke a wongi-wongiano i tolino.
Nahi Kuhori mepau a inuleno i Yako
’ime'ungke Aku a mpo'ianga anu mooa!’
Ongkue, Ue, wela mepau mentee,
wela mompau hapa anu moleo.”
Luwuno tongku mpesomba i aro-Do i Ue
45:20-25
20”Mpepumpumo ka aiwamo,
ime'aiwamo meronga-ronga,
hei luwumiu anu mentola i olodo tongku!
Nahina ponto'orido
mia anu mpowawa tinaha inso a ngkeu
kanantuu koa mbo'u ondae anu mpekakai a mpinesombai
anu nahi polio mongkadudui.
21Pauomo ka pohaweomo pe'empehimu,
oo, po'ineeomo donteriso mperonga-ronga:
Isemake anu paleleo mongkona andio inso a tempo se'eluno ntu'u,
ka pauakono mompu'u i ndi'ipua?
Kombake Ongkue, Ue?
Nahina anu susua, nahina pinesombai susua sangkadio Ongkue!
Ue Ala anu moleo ka Puu pongkadudui,
nahina anu susua sangkadio Ongkue!
22Impepokulemo ndi Ongkue ka imengkinadudui,
hei luwuno tompano tolino!
Hangano Ongkuemo Ue Ala ka nahina anu susua.
23 #
Rom. 14:11; Plp. 2:10-11 Anee-Ku Ongkue-Ku mesumpa Akumo,
inso a nganga-Ku meluarakoomo menteea,
asa pau anu nahi ta pinokompokule mbo'u,
’Luwuno ira mpenggolontu i aro-Ku,
ka luwuno elo mpesumpa mpetenunu anee-Ku,
24saru mpotae: Moleoa ka roso
butu hinao ndi Ondae i Ue.
Luwuno mia anu tekuda ndi Ondae
ta aiwa ndi Ondae ka mohawe mokoko'ii,
25sine luwuno inuleno i Isaraeli
ira mpohawe moleoa ka mpo'unde ndi Ondae i Ue.’ ”
LAI 2021