Yesaya 41
41
Asa mia pompotola inso ndi Ondae i Ue
41:1-7
1Penoro-noromo, ronge Akumo, hei luwuno togo;
po'ineeomo luwuno tongku mpohawe roso wo'ohu!
Po'ineeomo dome'aiwa mperangkuhako, ka do'amba mpepau;
moikoomo tomelako mperonga-ronga ka tompekara-kara!
2Isemake anu lumeluo onae inso i sabaano oleo,
lumeluo onae anu mohawe ponangia a sompo pelempano,
anu meweengako ira tongku i arono
ka mokompetuundu ira mokole?
Ponaino weweu ira kana pampawu,
panano weweu ira kana seami anu tepuuri.
3Onae lumulu ira ka telalo saru tekadudui,
onae montonda sala anu napi hori lumandao karuno.
4Isemake anu weweuo ka umanggao luwuno atuu
anu inso i ndi'ipua moboi ira inule?
Ongkue, Ue, anu tese'elu,
ka saru ondae anu ntelembui; Ongkuemo Ondae.
5Luwuno togo mengkitao ka gagi medoito,
tompano mbo'u tolino mpondidi-ndidi;
ondae mperangkuhako ka mehawe.
6Anu asa mia tumulungio anu susua
ka motaeakono walino, ”Pokorosoomo aroamu!”
7Puu mpolabu mokorosoo aroano puu mpo'angga wulaa,
mia anu mompokomedempe labu mompake palu
mokorosoo aroano mia anu mompalu a wawo tondoha;
mongkona hasilino pinotakono ipotae, ”moiko atuu,”
ka i'amba mokorosoakono paso ka si telelu.
Ondae i Ue tumulungio i Ule-ule Isaraeli
41:8-20
8 #
2Taw. 20:7; Yak. 2:23 Sine omue, hei Isaraeli, tetenaa-Ku,
hei Yako anu bininiki-Ku,
inuleno i Burahima anu pinehohawa-Ku;
9omue anu Ku'alakomo inso i tompano tolino
ka anu Kupoboikomo inso a luwuno siuno,
Kupauakomu, ”Omue tetenaa-Ku,
Kubinikikomo ka Kutarimako”;
10siimo doito, hangano Ongkue kumongkomiko,
siimo doito, hangano Ongkue andio Ue Alamu;
Aku mokorosoko, tendeano Aku tumulungiko;
Aku uminiakomu kae ngkoana-Ku anu mowawa ponangia.
11Menteeano, luwuno mia anu tekuda ndi omue
ta pinokoko'ii ka kona mongkoko'iia;
mia anu me'ewaio pinaumu
ira mengkana nahina ka ira memate;
12omue ko'umungke ira mia anu mpe'u'ua saru omue,
sine nahi kotepohaweako ira;
mia anu mpetea umewaiko
ta kana nahina ka mooa.
13Hangano Ongkue, Ue, Ue Alamu,
uminio kae ngkoanamu
ka mepau ndi omue, ”Siimo doito,
Ongkuemo anu tumulungiko.”
14Siimo doito, hei tolodo Yako,
hei ule-ule Isaraeli!
Ongkuemo anu tumulungiko, kanandiomo pau-Do i Ue,
ka anu tumolosiko onaemo Anu Tedoa Mempori, Ue Alado to Isaraeli.
15Menteeano, Kuweweuko gagi dopi ponsesaa
anu montaso ka wo'ohu, saru hadio ngisino.
Omue kosumesa ira torukuno ka puro-puro ira,
ka luwuno pongku mbo'u koweweu ira kana kulino pae.
16Omue kodumuku ira, ka i'amba angi ta panee ira,
ka angi mokora ta sumiarawo ira.
Sine omue ko kokora-kora ndi Ondae i Ue
ka telele ndi Ondae Anu Tedoa Mempori, Ue Alado to Isaraeli.
17Mia memarasai ka mia memongkokolaro
mpo'ungke uwoi, sine nahina,
elodo motu'i mokoranga;
sine Ongkue, Ue, Aku sumangki ira,
Ongkue, Ue Alado to Isaraeli, nahi Aku binta ira.
18Aku weweu ira korono mpepansari a wawo luwuno pongku anu londa,
ka mata uwoi mebula-bulaka a ntongano bangano;
Aku weweuo pada one gagi limbo
ka weweuo uwoi mombusi-mbusi inso a wita motu'i.
19Aku mompaho keu arasi i pada one,
keu akasia, keu muradi ka keu lana;
Aku motuwuo keu sanobari a mpada malua
ka keu beranga saru keu cemara i horino,
20ka domengkitao luwuno mia ka mpokonto'orio,
menootio ka tumo'orio,
nine kae-Do i Ue anu weweuo luwuno andio
ka Anu Tedoa Mempori, Ue Alado to Isaraeli, anu mokogagio.
Ondae i Ue umewaio luwuno lahumoa
41:21-29
21Po'aroomo kara-karamu, pau-Do i Ue,
pauomo hapa pongkorahakomu, pau-Do Mokoleno i Yako.
22Po'ineeomo domelako ka domempauakami
hapa anu ta gagi!
Mongkona anu i ndi'ipua, pauomo hapa pengkonaano,
ka kimpekokoongakono,
ke mongkona anu ta hawe, paleleomo ndi omami,
ka kimento'orio poko'ariano!
23Pauakamimo mongkona anu ta hawe lembuino,
ka kimento'orio, nine omiu atuu pinesombai;
oo, anggaomo hapa anu moiko ke anu mosa'o,
ka kimperonga-ronga ntekokodoho mengkitao!
24Menteeano, omiu kana nahina
ka luwuno wineweumiu mooa;
mia anu biniki komiu mokoburu ntu'u.
25Kutenaomo asa mia inso i utara ka onae haweomo,
asa mia anu ta mebooliako nee-Ku, inso a nsabaano oleo.
Kana puu poweweu kuro mololanda wita pulu,
kanatuumo onae ta lumolanda ira anu mempabawa kana rege.
26Isemake anu pauakono inso a pompu'uano, ranta ka kimento'orio,
ka inso i ndi'ipua, onaemo ka kimpotae, ”Ondae mentee.”
Mentee ntu'u, nahina mia anu pauakono,
nahina mia anu paleleakono,
nahina mia anu rumongeo pinaumu.
27Ongkue anu amba-ambano mepau ndi Sioni, ”Kitaomo ondae me'aiwa,”
ka Ongkue moweeakono mia anu mowawa lele moiko a nto Yerusale.
28Ba tewala mengkita Aku limbu-limbu, nahina maupo te'asa mia,
ka nahina i olodo pinesombai atuu anu mokompoweweu tinoo,
ke anu mokosangkio tewala Kusikeno ira.
29Menteeano, luwudo kana nahina,
luwuno wineweudo mooa,
luwuno tinaha anu tinawado angi mooa.
Currently Selected:
Yesaya 41: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Yesaya 41
41
Asa mia pompotola inso ndi Ondae i Ue
41:1-7
1Penoro-noromo, ronge Akumo, hei luwuno togo;
po'ineeomo luwuno tongku mpohawe roso wo'ohu!
Po'ineeomo dome'aiwa mperangkuhako, ka do'amba mpepau;
moikoomo tomelako mperonga-ronga ka tompekara-kara!
2Isemake anu lumeluo onae inso i sabaano oleo,
lumeluo onae anu mohawe ponangia a sompo pelempano,
anu meweengako ira tongku i arono
ka mokompetuundu ira mokole?
Ponaino weweu ira kana pampawu,
panano weweu ira kana seami anu tepuuri.
3Onae lumulu ira ka telalo saru tekadudui,
onae montonda sala anu napi hori lumandao karuno.
4Isemake anu weweuo ka umanggao luwuno atuu
anu inso i ndi'ipua moboi ira inule?
Ongkue, Ue, anu tese'elu,
ka saru ondae anu ntelembui; Ongkuemo Ondae.
5Luwuno togo mengkitao ka gagi medoito,
tompano mbo'u tolino mpondidi-ndidi;
ondae mperangkuhako ka mehawe.
6Anu asa mia tumulungio anu susua
ka motaeakono walino, ”Pokorosoomo aroamu!”
7Puu mpolabu mokorosoo aroano puu mpo'angga wulaa,
mia anu mompokomedempe labu mompake palu
mokorosoo aroano mia anu mompalu a wawo tondoha;
mongkona hasilino pinotakono ipotae, ”moiko atuu,”
ka i'amba mokorosoakono paso ka si telelu.
Ondae i Ue tumulungio i Ule-ule Isaraeli
41:8-20
8 #
2Taw. 20:7; Yak. 2:23 Sine omue, hei Isaraeli, tetenaa-Ku,
hei Yako anu bininiki-Ku,
inuleno i Burahima anu pinehohawa-Ku;
9omue anu Ku'alakomo inso i tompano tolino
ka anu Kupoboikomo inso a luwuno siuno,
Kupauakomu, ”Omue tetenaa-Ku,
Kubinikikomo ka Kutarimako”;
10siimo doito, hangano Ongkue kumongkomiko,
siimo doito, hangano Ongkue andio Ue Alamu;
Aku mokorosoko, tendeano Aku tumulungiko;
Aku uminiakomu kae ngkoana-Ku anu mowawa ponangia.
11Menteeano, luwuno mia anu tekuda ndi omue
ta pinokoko'ii ka kona mongkoko'iia;
mia anu me'ewaio pinaumu
ira mengkana nahina ka ira memate;
12omue ko'umungke ira mia anu mpe'u'ua saru omue,
sine nahi kotepohaweako ira;
mia anu mpetea umewaiko
ta kana nahina ka mooa.
13Hangano Ongkue, Ue, Ue Alamu,
uminio kae ngkoanamu
ka mepau ndi omue, ”Siimo doito,
Ongkuemo anu tumulungiko.”
14Siimo doito, hei tolodo Yako,
hei ule-ule Isaraeli!
Ongkuemo anu tumulungiko, kanandiomo pau-Do i Ue,
ka anu tumolosiko onaemo Anu Tedoa Mempori, Ue Alado to Isaraeli.
15Menteeano, Kuweweuko gagi dopi ponsesaa
anu montaso ka wo'ohu, saru hadio ngisino.
Omue kosumesa ira torukuno ka puro-puro ira,
ka luwuno pongku mbo'u koweweu ira kana kulino pae.
16Omue kodumuku ira, ka i'amba angi ta panee ira,
ka angi mokora ta sumiarawo ira.
Sine omue ko kokora-kora ndi Ondae i Ue
ka telele ndi Ondae Anu Tedoa Mempori, Ue Alado to Isaraeli.
17Mia memarasai ka mia memongkokolaro
mpo'ungke uwoi, sine nahina,
elodo motu'i mokoranga;
sine Ongkue, Ue, Aku sumangki ira,
Ongkue, Ue Alado to Isaraeli, nahi Aku binta ira.
18Aku weweu ira korono mpepansari a wawo luwuno pongku anu londa,
ka mata uwoi mebula-bulaka a ntongano bangano;
Aku weweuo pada one gagi limbo
ka weweuo uwoi mombusi-mbusi inso a wita motu'i.
19Aku mompaho keu arasi i pada one,
keu akasia, keu muradi ka keu lana;
Aku motuwuo keu sanobari a mpada malua
ka keu beranga saru keu cemara i horino,
20ka domengkitao luwuno mia ka mpokonto'orio,
menootio ka tumo'orio,
nine kae-Do i Ue anu weweuo luwuno andio
ka Anu Tedoa Mempori, Ue Alado to Isaraeli, anu mokogagio.
Ondae i Ue umewaio luwuno lahumoa
41:21-29
21Po'aroomo kara-karamu, pau-Do i Ue,
pauomo hapa pongkorahakomu, pau-Do Mokoleno i Yako.
22Po'ineeomo domelako ka domempauakami
hapa anu ta gagi!
Mongkona anu i ndi'ipua, pauomo hapa pengkonaano,
ka kimpekokoongakono,
ke mongkona anu ta hawe, paleleomo ndi omami,
ka kimento'orio poko'ariano!
23Pauakamimo mongkona anu ta hawe lembuino,
ka kimento'orio, nine omiu atuu pinesombai;
oo, anggaomo hapa anu moiko ke anu mosa'o,
ka kimperonga-ronga ntekokodoho mengkitao!
24Menteeano, omiu kana nahina
ka luwuno wineweumiu mooa;
mia anu biniki komiu mokoburu ntu'u.
25Kutenaomo asa mia inso i utara ka onae haweomo,
asa mia anu ta mebooliako nee-Ku, inso a nsabaano oleo.
Kana puu poweweu kuro mololanda wita pulu,
kanatuumo onae ta lumolanda ira anu mempabawa kana rege.
26Isemake anu pauakono inso a pompu'uano, ranta ka kimento'orio,
ka inso i ndi'ipua, onaemo ka kimpotae, ”Ondae mentee.”
Mentee ntu'u, nahina mia anu pauakono,
nahina mia anu paleleakono,
nahina mia anu rumongeo pinaumu.
27Ongkue anu amba-ambano mepau ndi Sioni, ”Kitaomo ondae me'aiwa,”
ka Ongkue moweeakono mia anu mowawa lele moiko a nto Yerusale.
28Ba tewala mengkita Aku limbu-limbu, nahina maupo te'asa mia,
ka nahina i olodo pinesombai atuu anu mokompoweweu tinoo,
ke anu mokosangkio tewala Kusikeno ira.
29Menteeano, luwudo kana nahina,
luwuno wineweudo mooa,
luwuno tinaha anu tinawado angi mooa.
LAI 2021