Yesaya 37
37
Yerusale tola inso a ngkaeno i Saniheri
37:1-38
(2Mok. 19:1-37; 2Taw. 32:20-23)
1Umarino rumongeo mokole Hisikia mongkona atuu, iberio sangkano ka koroino isoumbuakono sawu po'inombo, ka i'amba mewinso a raha-Do i Ue. 2Ka i'amba tumenao i Eliaki, petewawa poparentaa, i Sebina, puu mpoburi a poparentaa, ka mia pinemota'u i olodo sando mpesomba, saru mpesoumbuako sawu po'inombo, ntepohaweakono nabi Yesaya anano i Amosi. 3Dompotae ndi onae, ”Kanandiomo pauno i Hisikia: Oleo andio oleo ma'isoa, oleo pohukua ka pompokongkodeia; hangano haweomo tempono ta me'ana, sine nahina rosono ta me'ana. 4Bara'ura Dorongeomo i Ue, Ue Alamu, pauno i rabi-sakehi atuu anu tinenano mokoledo to Asiuri, ueno, ka itata Ira Ue Ala anu tuwu, ranta Ondae i Ue, Ue Alamu Ira moweeakono pohuku hangano luwuno pau anu Dorongeomo. Moikoomo upekakaiako ira anu da mentuwu anu da ntebinta andio!” 5Tempono luwuno pegawaino mokole Hisikia hawe ndi Yesaya, 6motaeomo i Yesaya ndi ondae, ”Pauakonomo uemiu kanandio: Kanandiomo pau-Do i Ue: Siimo doitoakono pau anu rinongemu anu pinaudo atano mokoledo to Asiuri ka dompepaukia-Kune. 7Menteeano, Aku numaao asa penaa a ngkoroino, ranta ka iporonge lele nahi mentee ka ipekule i witano. Aku weweuo ka imate tebangkuako ponai i witano onaeno.”
8Tempono ipekule i rabi-sakehi atuu, ihaweo mokoledo to Asiuri metea umewaio Libina. Hangano, irongeo nine melungkaomo mokole inso i Lakisi. 9Kontongaano atuu mokole moronge lele mongkona i Tirihaka, mokoledo to Etiopia, kanandio, ”To'oriomo Ondae meluarako Iramo metea umewaiko.” Rumongeo mongkona atuu, itena ira mia melako ndi Hisikia saru pe'oliwi, 10”Kanandiomo asalakono imempauakono i Hisikia, mokoledo to Yehuda: Siimo Dopopandeiko Ue Alamu anu pinerorohimu atuu saru medandi: Yerusale nahi ta pineweengako a ngkaeno mokoledo to Asiuri. 11Menteeano, omue isa'a rumongeo mongkona anu wineweudo mokoledo to Asiuri a luwuno wita nine domeropu iramo. Kana'umpe pesalaano omue kopinotola? 12Tongku anu merinopudo uempu'uku, Gosani, Harani, Resepi, ka inuleno i Edeni anu i Telasari, nde hori irake pinesombaido mpotola ira? 13Mokoleno wita Hamati, mokoleno wita Aripadi, mokoleno kota Separawaimi, mokoleno wita Hena, ka mokoleno wita Iwa, isua ira?” 14I Hisikia tumarimao wunta atuu inso a ngkaedo mia tinena ka ibasao. Ka i'amba lumako a raha-Do i Ue ka iwileo wunta atuu i aro-Do i Ue. 15I Hisikia mekakai i aro-Do i Ue, kanandio, 16#Pel. 25:22”OoUeno luwuakoano, Ue Alado to Isaraeli anu mo'ia a wawo kerubi! Butu koa Omiu Ue Alano luwuno poparentaa i tolino. Omiumo anu mokogagio langi ka tolino. 17Ipo'aroomo biri-Miu, oo Ue, ka Irongeomo. Iwileomo mata-Miu, oo Ue, ka Ikitaomo. Irongeomo luwuno pinauno i Saniheri anu i'oliwiomo mokongkodei-Komiu Ue Ala anu tuwu. 18Oo Ue, lano luwuno mokoledo to Asiuri domeropu iramo luwuno tongku ka luwuno witado 19ka numaa ira pinesombaido a laro api, hangano ondae komba Ue Ala, butu wineweuno kaeno mia, butu keu ka watu, onaemo ka domempinokotampula. 20Onaemo pu'uno, oo Ue, Ue Alamami, Ikadudui kamimo inso a ngkaeno, kai to'orio luwuno poparentaa i tolino nine butu koa Omiu Ue.” 21Ka i'amba i Yesaya anano i Amosi montena mia tepohaweakono i Hisikia saru pe'oliwi, ”Kanandiomo pau-Do i Ue, Ue Alado to Isaraeli: hangano mekakaikomo ndi Ongkue mongkona i Saniheri, mokoledo to Asiuri, 22ndiomo pau anu Dopauomo i Ue mongkona onae:
Ana beine Sioni, ana beine atuu,
ipokongkodeikomo, ipasinggiriko.
Ana Beine Yerusale
bitu-bitu uluomo i bungkumu.
23Isemake anu pinokongkodeimu ka pinepaukiakomu?
Te'aro ndi semake upokomerokuo suaramu
ka mengkita saru mompelangka-langkai?
Te'aro ndi Ondae Anu Tedoa Mempori, Ue Alado to Isaraeli!
24Molalo luwuno tinenamu upokongkodei Iramo i Ue.
Upotae, ’Saru hadiono karetaku
ongkue mewuatako a luwuno po'ianga mantande a mentorukuno,
a mpo'ianga anu lalu olai i torukuno Libano;
kutuehi ira keu arasino anu me'ondau ka langkai,
keu sinobarino anu tebiniki;
hawe akumo a punsuno anu lalu mantande,
a ntobuno anu mokapa.
25Mongkeke akumo ka mo'inu
uwoi i witado mia susua
kupokomo'areakonomo pelengkaruku
luwuno korono i masiri!’
26Kombake urongeomo
nine Kutantuiomo mompu'u da olai tempono?
Kupewowoloomo inso a tempo se'eluno,
ka kanandio-andio Kupokogagiomo;
omue weweu ira kota pekorahakoa boni-boni,
gagi howuno anu terawo, 27ka palilino nahina rosodo
gagi ntededengke ka mokoko'ii.
Ondae megagi kana pinopaho a ntongampada
kana ewo molowulu,
kana ewo a wawo ato,
anu moleu hangano angi i sabaano oleo.
28Kuto'orio pentoromu ke pentademu,
peluarako ka pewinsomu,
pomemuno tekudamu ndi Ongkue.
29Hangano momemukomo ndi Ongkue,
ka pompelangka-langkaimu mewuatakoomo hawe a biri-Ku,
Aku mokonao kai-Ku a engemu
ka sama-Ku a ngangamu.
Aku mokuleko telalo a nsala
inso isua u'aiwa.
30Ndiomo anu ta gagi petondoni ndi omue, Hisikia: I larono ta'u andio mia mpongkaa hapa anu tuwu onaeno, ka i larono ta'u ko'orua, hapa anu tuwu inso a mpinopaho anu amba-ambano. Sine, i larono ta'u ko'otolu, imporawomo inii, imensowimo, impoweweumo lere anggoro, ka impongkaamo wuano. 31Mia anu mentola i olodo suku Yehuda, anu da ntebinta, ira mpehaka mbo'u i totono ka mehasiliako wua i wawono. 32Hangano, inso i Yerusale ira mpeluarako mia anu ntebinta ka inso a ntorukuno Sioni mia anu mentola; mahakino aroa-Do Ueno luwuakoano Ira weweuo mongkona andio.
33Onaemo pu'uno, kanandiomo pau-Do i Ue mongkona mokoledo to Asiuri. Onae nahi ta mewinso a ngkota andio ka nahi ta mompotola ana mpanano te'aro i ndi'ai. Onae mbo'u nahi ta aiwa saru kanta ka nahi ta mohowu wita gagi rere pongkadua. 34Onae ta mekule telalo a nsala tempono i'aiwa, sine a ngkota andio nahi ta mewinso, kanandiomo pau-Do i Ue. 35Aku walao kota andio ka itekadudui, hangano Ongkue ka hangano i Daudi, tetenaa-Ku.”
36Ka i'amba meluarakoomo Mala'eka-Do i Ue ka mepateo asa etu halo pulu ka olima nsowu mia a mpekemaado to Asiuri. Tisomono, tempono dompewangu mia mo'oru, tengkitaomo luwuno gagiomo wata ngkoroi! 37Onaemo ka ipelungka mekule i Saniheri, mokoledo to Asiuri ka mo'ia i Niniwe. 38Pohona tempono ipekakai a laro raha po'iangano Nisiriroki, pinesombaino, i Adarameleki ka i Sareseri anano, mepateakono ponai. Ka do'amba molai i wita Arara. Ka i'amba i Esaradoni, anano, gagi mokole umeuo.
Currently Selected:
Yesaya 37: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Yesaya 37
37
Yerusale tola inso a ngkaeno i Saniheri
37:1-38
(2Mok. 19:1-37; 2Taw. 32:20-23)
1Umarino rumongeo mokole Hisikia mongkona atuu, iberio sangkano ka koroino isoumbuakono sawu po'inombo, ka i'amba mewinso a raha-Do i Ue. 2Ka i'amba tumenao i Eliaki, petewawa poparentaa, i Sebina, puu mpoburi a poparentaa, ka mia pinemota'u i olodo sando mpesomba, saru mpesoumbuako sawu po'inombo, ntepohaweakono nabi Yesaya anano i Amosi. 3Dompotae ndi onae, ”Kanandiomo pauno i Hisikia: Oleo andio oleo ma'isoa, oleo pohukua ka pompokongkodeia; hangano haweomo tempono ta me'ana, sine nahina rosono ta me'ana. 4Bara'ura Dorongeomo i Ue, Ue Alamu, pauno i rabi-sakehi atuu anu tinenano mokoledo to Asiuri, ueno, ka itata Ira Ue Ala anu tuwu, ranta Ondae i Ue, Ue Alamu Ira moweeakono pohuku hangano luwuno pau anu Dorongeomo. Moikoomo upekakaiako ira anu da mentuwu anu da ntebinta andio!” 5Tempono luwuno pegawaino mokole Hisikia hawe ndi Yesaya, 6motaeomo i Yesaya ndi ondae, ”Pauakonomo uemiu kanandio: Kanandiomo pau-Do i Ue: Siimo doitoakono pau anu rinongemu anu pinaudo atano mokoledo to Asiuri ka dompepaukia-Kune. 7Menteeano, Aku numaao asa penaa a ngkoroino, ranta ka iporonge lele nahi mentee ka ipekule i witano. Aku weweuo ka imate tebangkuako ponai i witano onaeno.”
8Tempono ipekule i rabi-sakehi atuu, ihaweo mokoledo to Asiuri metea umewaio Libina. Hangano, irongeo nine melungkaomo mokole inso i Lakisi. 9Kontongaano atuu mokole moronge lele mongkona i Tirihaka, mokoledo to Etiopia, kanandio, ”To'oriomo Ondae meluarako Iramo metea umewaiko.” Rumongeo mongkona atuu, itena ira mia melako ndi Hisikia saru pe'oliwi, 10”Kanandiomo asalakono imempauakono i Hisikia, mokoledo to Yehuda: Siimo Dopopandeiko Ue Alamu anu pinerorohimu atuu saru medandi: Yerusale nahi ta pineweengako a ngkaeno mokoledo to Asiuri. 11Menteeano, omue isa'a rumongeo mongkona anu wineweudo mokoledo to Asiuri a luwuno wita nine domeropu iramo. Kana'umpe pesalaano omue kopinotola? 12Tongku anu merinopudo uempu'uku, Gosani, Harani, Resepi, ka inuleno i Edeni anu i Telasari, nde hori irake pinesombaido mpotola ira? 13Mokoleno wita Hamati, mokoleno wita Aripadi, mokoleno kota Separawaimi, mokoleno wita Hena, ka mokoleno wita Iwa, isua ira?” 14I Hisikia tumarimao wunta atuu inso a ngkaedo mia tinena ka ibasao. Ka i'amba lumako a raha-Do i Ue ka iwileo wunta atuu i aro-Do i Ue. 15I Hisikia mekakai i aro-Do i Ue, kanandio, 16#Pel. 25:22”OoUeno luwuakoano, Ue Alado to Isaraeli anu mo'ia a wawo kerubi! Butu koa Omiu Ue Alano luwuno poparentaa i tolino. Omiumo anu mokogagio langi ka tolino. 17Ipo'aroomo biri-Miu, oo Ue, ka Irongeomo. Iwileomo mata-Miu, oo Ue, ka Ikitaomo. Irongeomo luwuno pinauno i Saniheri anu i'oliwiomo mokongkodei-Komiu Ue Ala anu tuwu. 18Oo Ue, lano luwuno mokoledo to Asiuri domeropu iramo luwuno tongku ka luwuno witado 19ka numaa ira pinesombaido a laro api, hangano ondae komba Ue Ala, butu wineweuno kaeno mia, butu keu ka watu, onaemo ka domempinokotampula. 20Onaemo pu'uno, oo Ue, Ue Alamami, Ikadudui kamimo inso a ngkaeno, kai to'orio luwuno poparentaa i tolino nine butu koa Omiu Ue.” 21Ka i'amba i Yesaya anano i Amosi montena mia tepohaweakono i Hisikia saru pe'oliwi, ”Kanandiomo pau-Do i Ue, Ue Alado to Isaraeli: hangano mekakaikomo ndi Ongkue mongkona i Saniheri, mokoledo to Asiuri, 22ndiomo pau anu Dopauomo i Ue mongkona onae:
Ana beine Sioni, ana beine atuu,
ipokongkodeikomo, ipasinggiriko.
Ana Beine Yerusale
bitu-bitu uluomo i bungkumu.
23Isemake anu pinokongkodeimu ka pinepaukiakomu?
Te'aro ndi semake upokomerokuo suaramu
ka mengkita saru mompelangka-langkai?
Te'aro ndi Ondae Anu Tedoa Mempori, Ue Alado to Isaraeli!
24Molalo luwuno tinenamu upokongkodei Iramo i Ue.
Upotae, ’Saru hadiono karetaku
ongkue mewuatako a luwuno po'ianga mantande a mentorukuno,
a mpo'ianga anu lalu olai i torukuno Libano;
kutuehi ira keu arasino anu me'ondau ka langkai,
keu sinobarino anu tebiniki;
hawe akumo a punsuno anu lalu mantande,
a ntobuno anu mokapa.
25Mongkeke akumo ka mo'inu
uwoi i witado mia susua
kupokomo'areakonomo pelengkaruku
luwuno korono i masiri!’
26Kombake urongeomo
nine Kutantuiomo mompu'u da olai tempono?
Kupewowoloomo inso a tempo se'eluno,
ka kanandio-andio Kupokogagiomo;
omue weweu ira kota pekorahakoa boni-boni,
gagi howuno anu terawo, 27ka palilino nahina rosodo
gagi ntededengke ka mokoko'ii.
Ondae megagi kana pinopaho a ntongampada
kana ewo molowulu,
kana ewo a wawo ato,
anu moleu hangano angi i sabaano oleo.
28Kuto'orio pentoromu ke pentademu,
peluarako ka pewinsomu,
pomemuno tekudamu ndi Ongkue.
29Hangano momemukomo ndi Ongkue,
ka pompelangka-langkaimu mewuatakoomo hawe a biri-Ku,
Aku mokonao kai-Ku a engemu
ka sama-Ku a ngangamu.
Aku mokuleko telalo a nsala
inso isua u'aiwa.
30Ndiomo anu ta gagi petondoni ndi omue, Hisikia: I larono ta'u andio mia mpongkaa hapa anu tuwu onaeno, ka i larono ta'u ko'orua, hapa anu tuwu inso a mpinopaho anu amba-ambano. Sine, i larono ta'u ko'otolu, imporawomo inii, imensowimo, impoweweumo lere anggoro, ka impongkaamo wuano. 31Mia anu mentola i olodo suku Yehuda, anu da ntebinta, ira mpehaka mbo'u i totono ka mehasiliako wua i wawono. 32Hangano, inso i Yerusale ira mpeluarako mia anu ntebinta ka inso a ntorukuno Sioni mia anu mentola; mahakino aroa-Do Ueno luwuakoano Ira weweuo mongkona andio.
33Onaemo pu'uno, kanandiomo pau-Do i Ue mongkona mokoledo to Asiuri. Onae nahi ta mewinso a ngkota andio ka nahi ta mompotola ana mpanano te'aro i ndi'ai. Onae mbo'u nahi ta aiwa saru kanta ka nahi ta mohowu wita gagi rere pongkadua. 34Onae ta mekule telalo a nsala tempono i'aiwa, sine a ngkota andio nahi ta mewinso, kanandiomo pau-Do i Ue. 35Aku walao kota andio ka itekadudui, hangano Ongkue ka hangano i Daudi, tetenaa-Ku.”
36Ka i'amba meluarakoomo Mala'eka-Do i Ue ka mepateo asa etu halo pulu ka olima nsowu mia a mpekemaado to Asiuri. Tisomono, tempono dompewangu mia mo'oru, tengkitaomo luwuno gagiomo wata ngkoroi! 37Onaemo ka ipelungka mekule i Saniheri, mokoledo to Asiuri ka mo'ia i Niniwe. 38Pohona tempono ipekakai a laro raha po'iangano Nisiriroki, pinesombaino, i Adarameleki ka i Sareseri anano, mepateakono ponai. Ka do'amba molai i wita Arara. Ka i'amba i Esaradoni, anano, gagi mokole umeuo.
LAI 2021