Yesaya 34
34
Pohuku a nto Edomi ka luwuno tongku
34:1-17
1Ime'umpedamo, hei luwuno tongku, rongeomo,
ka pekokoongakonomo, hei luwuno suku tongku!
Moikoomo irongeo tolino saru luwuno ihino,
wawontolino ka luwuno anu tuwu i wawono.
2Hangano Ondae i Ue tekuda a luwuno tongku,
ka tekuda Ira ntu'u a luwuno sorodadudo.
Dopesusua ira ka domerinopu
ka Dopeweengako ira ka domensinumbele.
3Miano anu memate pinepate ira mempinetadiako,
ka inso a wata ngkoroido ta meluarako woo mana moboo;
luwuno torukuno mowoako reado.
4 #
Meng. 6:13-14
Luwuno anano wula ta terawo-rawo,
ka langi ta pinalulu kana paluluno wunta,
luwuno sorodadudo ira merumonta
kana lewe anu moleu inso a ngkeu anggoro,
kana wua ngkeu ara anu mokari.
5 #
Yes. 63:1-6; Yer. 49:7-22; Yeh. 25:12-14; 35:1-15; Amo. 1:11-12; Oba. 1-14; Mal. 1:2-5 Hangano ponai-Ku anu i langi molanguakoomo rea,
kitao, onae metii bitarao Edomi, tongku anu Kupesusuao ka irinopu.
6Ondae i Ue hinao asa ponai-Do anu meremuako rea
ka tewaluleako taba:
reado ana bimba ka bembe lakino
saru tabano wua horido bimba lakino.
Hangano Ondae i Ue moweweu ponsumbelea pesomba i Bosora
ka ponsumbelea langkai i wita Edomi.
7Bante ira memate tebangku mperonga bimba ka bembe atuu,
ka luwuno sapi lakino anu mongura meronga sapi lakino anu mota'u,
luwuno wita ta molanguako rea,
ka witado tewaluleako taba.
8Hangano Ondae i Ue pakosio asa oleo pombaloa
ka ta'u pohukua umalaakono Sioni.
9Luwuno korono i Edomi ta bali gagi tere,
ka witano gagi walira;
witano ta gagi tere anu kolanga-langa.
10 #
Meng. 14:11; 19:3 Meene wongi wita atuu nahi ta mate apino,
ahuno membombo ranta nahina tampulaano.
Wita atuu ta gagi terawo-rawo hawe a luwuno inule,
nahi ta hori hina mia telaloio.
11Manu-manu undani ka landa anu ira mpo'iangario,
manu-manu koa ka manu-manu paa-paa anu ira mpo'ia i larono.
Ondae i Ue Ira mompadindiakono koloro posongka powawa marisua
ka watu pompokomobea ka imooa.
12Luwuno mia pinemota'uno ira mempaleleo, ”Nahina mokole i ra'ai!”
luwuno petewawano tampulaomo.
13Ewo rui ira mentuwu a luwuno benteno,
ewo ka rui a luwuno bente pekorahakoano,
ranta ka igagi po'iangado serigala,
ka tanalapado manu-manu unta.
14I ra'ai kondehora pada one ntepohawe saru dahu mo'ila,
ka bembe mesarungka tepohaweakono walino;
koa wongi hinao mbo'u i ra'ai
ka mohawe po'iangga penaa-naa.
15I ra'ai ule me'ipo mpeseno ka mpesu'ului,
mpo'opoti ranta mewotuo su'uluido;
manu-manu paa-paa mpepumpu mbo'u i ra'ai,
ka singge saru tarono.
16Ungkeomo a laro wunta-Do i Ue ka basaomo:
Nahina maupo te'asa inso a luwuno anu tuwu atuu linalo
ka nahina anu tai nahi tarono;
hangano kanatuumo parenta anu meluarako inso a nganga-Do Ue,
ka Penaa Ondae-Do pumpu iramo.
17Ondae isa'a montende Iramo undi
ka tumia-tiaakono koloro posongka wita atuu i olodo;
ira mpentorokio ranta nahina tampulaano
ka ira mpo'ia i tu'ai ranta mapa'api-api inule.
Currently Selected:
Yesaya 34: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Yesaya 34
34
Pohuku a nto Edomi ka luwuno tongku
34:1-17
1Ime'umpedamo, hei luwuno tongku, rongeomo,
ka pekokoongakonomo, hei luwuno suku tongku!
Moikoomo irongeo tolino saru luwuno ihino,
wawontolino ka luwuno anu tuwu i wawono.
2Hangano Ondae i Ue tekuda a luwuno tongku,
ka tekuda Ira ntu'u a luwuno sorodadudo.
Dopesusua ira ka domerinopu
ka Dopeweengako ira ka domensinumbele.
3Miano anu memate pinepate ira mempinetadiako,
ka inso a wata ngkoroido ta meluarako woo mana moboo;
luwuno torukuno mowoako reado.
4 #
Meng. 6:13-14
Luwuno anano wula ta terawo-rawo,
ka langi ta pinalulu kana paluluno wunta,
luwuno sorodadudo ira merumonta
kana lewe anu moleu inso a ngkeu anggoro,
kana wua ngkeu ara anu mokari.
5 #
Yes. 63:1-6; Yer. 49:7-22; Yeh. 25:12-14; 35:1-15; Amo. 1:11-12; Oba. 1-14; Mal. 1:2-5 Hangano ponai-Ku anu i langi molanguakoomo rea,
kitao, onae metii bitarao Edomi, tongku anu Kupesusuao ka irinopu.
6Ondae i Ue hinao asa ponai-Do anu meremuako rea
ka tewaluleako taba:
reado ana bimba ka bembe lakino
saru tabano wua horido bimba lakino.
Hangano Ondae i Ue moweweu ponsumbelea pesomba i Bosora
ka ponsumbelea langkai i wita Edomi.
7Bante ira memate tebangku mperonga bimba ka bembe atuu,
ka luwuno sapi lakino anu mongura meronga sapi lakino anu mota'u,
luwuno wita ta molanguako rea,
ka witado tewaluleako taba.
8Hangano Ondae i Ue pakosio asa oleo pombaloa
ka ta'u pohukua umalaakono Sioni.
9Luwuno korono i Edomi ta bali gagi tere,
ka witano gagi walira;
witano ta gagi tere anu kolanga-langa.
10 #
Meng. 14:11; 19:3 Meene wongi wita atuu nahi ta mate apino,
ahuno membombo ranta nahina tampulaano.
Wita atuu ta gagi terawo-rawo hawe a luwuno inule,
nahi ta hori hina mia telaloio.
11Manu-manu undani ka landa anu ira mpo'iangario,
manu-manu koa ka manu-manu paa-paa anu ira mpo'ia i larono.
Ondae i Ue Ira mompadindiakono koloro posongka powawa marisua
ka watu pompokomobea ka imooa.
12Luwuno mia pinemota'uno ira mempaleleo, ”Nahina mokole i ra'ai!”
luwuno petewawano tampulaomo.
13Ewo rui ira mentuwu a luwuno benteno,
ewo ka rui a luwuno bente pekorahakoano,
ranta ka igagi po'iangado serigala,
ka tanalapado manu-manu unta.
14I ra'ai kondehora pada one ntepohawe saru dahu mo'ila,
ka bembe mesarungka tepohaweakono walino;
koa wongi hinao mbo'u i ra'ai
ka mohawe po'iangga penaa-naa.
15I ra'ai ule me'ipo mpeseno ka mpesu'ului,
mpo'opoti ranta mewotuo su'uluido;
manu-manu paa-paa mpepumpu mbo'u i ra'ai,
ka singge saru tarono.
16Ungkeomo a laro wunta-Do i Ue ka basaomo:
Nahina maupo te'asa inso a luwuno anu tuwu atuu linalo
ka nahina anu tai nahi tarono;
hangano kanatuumo parenta anu meluarako inso a nganga-Do Ue,
ka Penaa Ondae-Do pumpu iramo.
17Ondae isa'a montende Iramo undi
ka tumia-tiaakono koloro posongka wita atuu i olodo;
ira mpentorokio ranta nahina tampulaano
ka ira mpo'ia i tu'ai ranta mapa'api-api inule.
LAI 2021