Yesaya 32
32
Poparentaa anu moleo
32:1-8
1Menteeano, asa mokole ta moparenta montonda menteea,
ka luwuno petewawa ira mpetewawa montonda moleoa,
2ondae singge mia ta kana po'ianga mererei a angi
ka po'ianga mererei a angi mokora,
kana waaano uwoi a motu'iano,
kana po'engoino asa watu langkai a wita anu londa.
3Matano mia ta mongkita nahi ta tetutuwi mbo'u,
ka birino mia anu moronge ta menootio.
4Aroano mia anu madara ta monto'ori montimbanga
ka elono mia anu montala'u'u ta mokompepau moiko.
5Mia monge-monge nahi ta pinau mbo'u mia moiko peleluno,
ka anu mompopo'oo nahi ta pinau mbo'u mia pinelangkai.
6Hangano mia monge-monge mompau monge-mongeno,
ka aroano montoo anu mosa'o;
onae moweweu gau mosa'o
ka mompau anu mompokopansia mongkona Ondae i Ue,
mo'ineeo kompono mia mokoninggo mooa mpiha
ka mia mokoranga nahina inua.
7Pompopo'oodo anu mpopopo'oo mosa'o ntu'u,
luwuno tinoono mokoburu
ta sumolangiakono ira pau mpegaupi mia marasai,
maupo mia mongkokolaro tumeahakono tiano.
8Sine mia me'aroa moiko montoo anu moiko,
onae wela sumu'uo luwu anu moiko.
Pepopoto'ori ka pomuleano Yerusale
32:9-20
9Hei beine anu mentuwu rodo,
impewangumo, rongeomo suaraku,
hei nana'ote beine anu mentuwu nahina monsosanggoli,
pekokoongakonomo pinauku!
10I larono asa nta'u torea,
komiu mpondidi-ndidi, hei mia anu mentuwu nahina monsosanggoli,
hangano po'opua wua anggoro nahi gagi,
ka nahina po'opua anu susua mbo'u.
11Imedoitomo, hei ana beine anu mentuwu rodo,
impondidi-ndidimo, hei ana beine anu mentuwu nahina monsosanggoli,
lohuomo ka ime'euomo sangkamiu,
impokonaomo sawu po'inombo a ntongamiu!
12Topaomo radamiu, sabangiomo
leremiu anu tekosi,
ka keu anggoromiu anu membali wuano.
13Sabangiomo witano tongkuku
anu ituwuario ewo ka rui,
oo, luwuno rahamiu po'ianga pesana-sanaa
a ngkota anu mengkokora-kora.
14Hangano bentemiu ta bininta
ka kotamiu anu maroa ta gagi boni-boni.
Pongku ka menara
ta gagi wita merete ranta nahina tampulaano,
gagi po'ianga pesana-sanaado kalide ntobu
ka gagi po'iangano pinotuwu mongkaa ewo,
15hawe kai inuwu ndi ontae Penaa inso i wawono;
pada one ta gagi lere wua mpinopaho,
lere wua mpinopaho ta rineke tobu.
16Moleoa ta mo'ia i pada one,
menteea ta mo'ia mpiha a lere wua mpinopaho.
17Isua itineahako menteea, i ra'ai hinao rodoa,
ka wuano menteea onaemo rodoa
ka rodoa ranta nahina tampulaano.
18Tongkuku ta mo'ia a mpo'ianga anu sintuwu,
a mpo'ianga anu nahina monsosanggoli
a mpo'ianga penaa-naaa anu rodo.
19Tobu tehoa hangano usa watu
ka kota pinotii hawe i totono ntu'u.
20Me'ura komiumo anu moiko imporawo umpeda a waaano uwoi,
anu mokompopotola sapi ka kalide mpelempa mpongkaa ewo!
Currently Selected:
Yesaya 32: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Yesaya 32
32
Poparentaa anu moleo
32:1-8
1Menteeano, asa mokole ta moparenta montonda menteea,
ka luwuno petewawa ira mpetewawa montonda moleoa,
2ondae singge mia ta kana po'ianga mererei a angi
ka po'ianga mererei a angi mokora,
kana waaano uwoi a motu'iano,
kana po'engoino asa watu langkai a wita anu londa.
3Matano mia ta mongkita nahi ta tetutuwi mbo'u,
ka birino mia anu moronge ta menootio.
4Aroano mia anu madara ta monto'ori montimbanga
ka elono mia anu montala'u'u ta mokompepau moiko.
5Mia monge-monge nahi ta pinau mbo'u mia moiko peleluno,
ka anu mompopo'oo nahi ta pinau mbo'u mia pinelangkai.
6Hangano mia monge-monge mompau monge-mongeno,
ka aroano montoo anu mosa'o;
onae moweweu gau mosa'o
ka mompau anu mompokopansia mongkona Ondae i Ue,
mo'ineeo kompono mia mokoninggo mooa mpiha
ka mia mokoranga nahina inua.
7Pompopo'oodo anu mpopopo'oo mosa'o ntu'u,
luwuno tinoono mokoburu
ta sumolangiakono ira pau mpegaupi mia marasai,
maupo mia mongkokolaro tumeahakono tiano.
8Sine mia me'aroa moiko montoo anu moiko,
onae wela sumu'uo luwu anu moiko.
Pepopoto'ori ka pomuleano Yerusale
32:9-20
9Hei beine anu mentuwu rodo,
impewangumo, rongeomo suaraku,
hei nana'ote beine anu mentuwu nahina monsosanggoli,
pekokoongakonomo pinauku!
10I larono asa nta'u torea,
komiu mpondidi-ndidi, hei mia anu mentuwu nahina monsosanggoli,
hangano po'opua wua anggoro nahi gagi,
ka nahina po'opua anu susua mbo'u.
11Imedoitomo, hei ana beine anu mentuwu rodo,
impondidi-ndidimo, hei ana beine anu mentuwu nahina monsosanggoli,
lohuomo ka ime'euomo sangkamiu,
impokonaomo sawu po'inombo a ntongamiu!
12Topaomo radamiu, sabangiomo
leremiu anu tekosi,
ka keu anggoromiu anu membali wuano.
13Sabangiomo witano tongkuku
anu ituwuario ewo ka rui,
oo, luwuno rahamiu po'ianga pesana-sanaa
a ngkota anu mengkokora-kora.
14Hangano bentemiu ta bininta
ka kotamiu anu maroa ta gagi boni-boni.
Pongku ka menara
ta gagi wita merete ranta nahina tampulaano,
gagi po'ianga pesana-sanaado kalide ntobu
ka gagi po'iangano pinotuwu mongkaa ewo,
15hawe kai inuwu ndi ontae Penaa inso i wawono;
pada one ta gagi lere wua mpinopaho,
lere wua mpinopaho ta rineke tobu.
16Moleoa ta mo'ia i pada one,
menteea ta mo'ia mpiha a lere wua mpinopaho.
17Isua itineahako menteea, i ra'ai hinao rodoa,
ka wuano menteea onaemo rodoa
ka rodoa ranta nahina tampulaano.
18Tongkuku ta mo'ia a mpo'ianga anu sintuwu,
a mpo'ianga anu nahina monsosanggoli
a mpo'ianga penaa-naaa anu rodo.
19Tobu tehoa hangano usa watu
ka kota pinotii hawe i totono ntu'u.
20Me'ura komiumo anu moiko imporawo umpeda a waaano uwoi,
anu mokompopotola sapi ka kalide mpelempa mpongkaa ewo!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021