Yesaya 25
25
Pau po'unde hangano iwali tampulaomo
25:1-5
1Oo Ue, Omiumo Ue Alaku;
aku melangkai Komiu, umunde-undeo nee-Miu,
hangano Iweweuomo luwuno tinoo-Miu anu kinohali-haliako,
anu mompu'u i ndi'ipua pine'ala-ala ka moroso.
2Hangano Iweweuomo kota atuu gagi howuno watu,
ka kota anu mebente pekorahakoa atuu gagi howuno anu terawo;
ranta bentedo mia hawe atuu nahi pentade mbo'u gagi kota,
ka nahi winangu mbo'u ranta nahina tampulaano.
3Onaemo pu'uno, asa tongku anu moroso ta umunde-unde Komiu;
kotado tongku anu melambaha ntu'u ira medoito ndi Omiu.
4Hangano Omiu gagi polaiado mia molema,
polaiado mia mongkokolaro a laro masukaraado,
pepekaduduia a usa me'angi mokora,
pe'engoa a mokulano ntu'u oleo.
Menteeano, pepuurino tekudado mia melambaha ntu'u atuu
kana usa me'angi mokora i tempo morini,
5kana mokulano ntu'u oleo a motu'iano.
Sine, magagado mia mehawe atuu Komiu komino;
kana mokulano ntu'u oleo i'engoio seru,
kanatuumo penanido mia melambaha ntu'u atuu ta pinokompenaa-naa.
Pelimbuado tongku i Sioni
25:6-12
6Ondae Ueno luwuakoano Ira mompatinda
i torukuno andio tiado luwuno tongku,
asa pelimbua saru ninahu anu mentaba,
asa pelimbua saru uwoi anggoro motu'a,
ninahu anu mentaba ka me'unto wukulaa,
anggoro motu'a anu tinirisa upeno.
7A wawo ntorukuno andio Ondae i Ue Ira berio
sawu po'inombo anu sinoumbuako
a luwuno suku tongku
ka boru anu binorungiako
luwuno tongku.
8 #
1Kor. 15:54; Meng. 7:17; 21:4 Matea nahi Ira mokohinao mbo'u;
ka Ondae Ue Ala Ira pahihio uwoi mata
inso a luwuno rupa;
ka mokoko'iiado bawaa-Do Ira moko'olaio
inso i asa wawontolino,
hangano Dopauomo i Ue.
9I tempo atuu mia ira mpotae,
”menteeano, Ondaemo andio Ue Alato.
Tomensisikori Ira, ka Dokadudui kitamo.
Ondaemo andio Ue anu sinisikorito;
aiwamo tomengkokora-kora ka mpo'undeakono pontulungi-Do!”
10 #
Yes. 15:1–16:14; Yer. 48:1-47; Yeh. 25:8-11; Amo. 2:1-3; Sep. 2:8-11 Hangano kae-Do i Ue ta kumaduduio torukuno andio,
sine Moabi ta linolanda a mpo'iangano onaeno,
kana seami linolanda a laro kineke pontadia anu mokoburu.
11Maupo iwileo Moabi kaeno i larono
kana mia sumowe,
Ira puduo i Ue pompelangka-langkaido
maupo kana'umpe domperokuhi.
12Luwuno bente rere watumu anu mantande
Ira mobangkuo, Doweweuo merete saru wita,
hawe ka ipowoo pampawu.
Currently Selected:
Yesaya 25: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Yesaya 25
25
Pau po'unde hangano iwali tampulaomo
25:1-5
1Oo Ue, Omiumo Ue Alaku;
aku melangkai Komiu, umunde-undeo nee-Miu,
hangano Iweweuomo luwuno tinoo-Miu anu kinohali-haliako,
anu mompu'u i ndi'ipua pine'ala-ala ka moroso.
2Hangano Iweweuomo kota atuu gagi howuno watu,
ka kota anu mebente pekorahakoa atuu gagi howuno anu terawo;
ranta bentedo mia hawe atuu nahi pentade mbo'u gagi kota,
ka nahi winangu mbo'u ranta nahina tampulaano.
3Onaemo pu'uno, asa tongku anu moroso ta umunde-unde Komiu;
kotado tongku anu melambaha ntu'u ira medoito ndi Omiu.
4Hangano Omiu gagi polaiado mia molema,
polaiado mia mongkokolaro a laro masukaraado,
pepekaduduia a usa me'angi mokora,
pe'engoa a mokulano ntu'u oleo.
Menteeano, pepuurino tekudado mia melambaha ntu'u atuu
kana usa me'angi mokora i tempo morini,
5kana mokulano ntu'u oleo a motu'iano.
Sine, magagado mia mehawe atuu Komiu komino;
kana mokulano ntu'u oleo i'engoio seru,
kanatuumo penanido mia melambaha ntu'u atuu ta pinokompenaa-naa.
Pelimbuado tongku i Sioni
25:6-12
6Ondae Ueno luwuakoano Ira mompatinda
i torukuno andio tiado luwuno tongku,
asa pelimbua saru ninahu anu mentaba,
asa pelimbua saru uwoi anggoro motu'a,
ninahu anu mentaba ka me'unto wukulaa,
anggoro motu'a anu tinirisa upeno.
7A wawo ntorukuno andio Ondae i Ue Ira berio
sawu po'inombo anu sinoumbuako
a luwuno suku tongku
ka boru anu binorungiako
luwuno tongku.
8 #
1Kor. 15:54; Meng. 7:17; 21:4 Matea nahi Ira mokohinao mbo'u;
ka Ondae Ue Ala Ira pahihio uwoi mata
inso a luwuno rupa;
ka mokoko'iiado bawaa-Do Ira moko'olaio
inso i asa wawontolino,
hangano Dopauomo i Ue.
9I tempo atuu mia ira mpotae,
”menteeano, Ondaemo andio Ue Alato.
Tomensisikori Ira, ka Dokadudui kitamo.
Ondaemo andio Ue anu sinisikorito;
aiwamo tomengkokora-kora ka mpo'undeakono pontulungi-Do!”
10 #
Yes. 15:1–16:14; Yer. 48:1-47; Yeh. 25:8-11; Amo. 2:1-3; Sep. 2:8-11 Hangano kae-Do i Ue ta kumaduduio torukuno andio,
sine Moabi ta linolanda a mpo'iangano onaeno,
kana seami linolanda a laro kineke pontadia anu mokoburu.
11Maupo iwileo Moabi kaeno i larono
kana mia sumowe,
Ira puduo i Ue pompelangka-langkaido
maupo kana'umpe domperokuhi.
12Luwuno bente rere watumu anu mantande
Ira mobangkuo, Doweweuo merete saru wita,
hawe ka ipowoo pampawu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021