Yesaya 22
22
Pau-Do anu pabawa a nto Yerusale
22:1-14
1Pau-Do anu pabawa a ”Lembono Pongkitaa.”
Hinao hapa ndi omiu, ranta luwuno palilimu
mpewuatako a wawo atono raha,
2hei kota anu bukeako magaga ka marisua,
hei kota anu mengkokora-kora?
Miamu anu mate mempinepate komba mempinepateako ponai,
ka komba mbo'u memate a laro mpeteaa.
3Luwuno tadulako sorodadumu mempolai mperonga-ronga,
mentinawa ira maupo nahina ana mpana pinotola;
luwuno anu merinako tinawa mperonga-ronga,
maupo olaiomo dompolai.
4Onaemo pu'uno, ka kupotae,
”Limbaomo pengkitamu inso ndi ongkue,
po'inee akumo kupengese a laro marasai;
siimo pe'i'isei tumarero aku
hangano mateado ana beineno tongkuku.”
5Hangano oleo tewukaa, petuundua ka marisua
Dopotiio i Ue, Ueno luwuakoano,
i ”Lembono Pongkitaa” teronge tehoano rere watu
ka pebooli mepetulungi hawe a ntorukuno!
6Elami mompokonaomo kadu mpana,
me'ula a ngkareta saru sorodadu mpengara,
ka Kiri moluarako kanta.
7Luwuno lembono witamu anu lalu tekosi bukeako kareta ka sorodadu mpengara,
ondae mpebaresi mpe'aro a mpewowa langkai,
8ka tepotolaomo tekaduduiano Yehuda.
I tempo atuu omue mengkita
a mpepatindaa parewa mpetea a ”Raha Langkai Tobu.”
9Imengkitao hadio ntu'u
umete a rere watuno kota Daudi
ka komiu mepumpuo uwoino Limbo i Totono;
10luwuno raha i Yerusale imedoao,
ka raha atuudo impobangku ira ta mompokomoroso rere watu;
11popumpua uwoi imeweweuo i olono orua rere watu atuu
popumpua uwoi inso a limbo anu tehine;
sine omiu nahi mpengkita ndi Ondae anu weweuo,
ka nahi mpengkita ndi Ondae anu mokogagiomo mompu'u i ndi'ipua.
12I tempo atuu Ondae i Ue, Ueno luwuakoano
tumena ira mia mpengese ka mponsabangi,
mpekeru ulu ka mpebooako sawu po'inombo;
13 #
1Kor. 15:32
sine kitao, anu hina tendeano po'undea ka mawongkoa,
mia mpontida sapi ka mponsumbele bimba,
mpongkaa bau ka mpo'inu anggoro, saru mpebooli,
”Aiwamo ka tompongkaa ka mpo'inu,
hangano tisomo kita memate!”
14Sine Ondae Ueno luwuakoano mepokomengkaa Iramo a biriku,
”Mentee ntu'u, salamiu andio nahi ta inonini,
hawe ka imemate,”
pau-Do i Ue, Ueno luwuakoano.
Mongkona i Sebina ka i Eliakimi
22:15-25
15Kanandiomo pau-Do i Ue, Ueno luwuakoano,
”Lakomo a mpetewawano langkanae andio,
aropiomo i Sebina anu umorusuo langkanae,
16’Hapa orusuamu i ndi'ai? Isema uempu'umu i ndi'ai,
ka upongkeke kaburu tiamu i ndi'ai,
hei anu mongkeke kaburu a mantandeano,
anu mompa'o po'iangano a pongku watu?
17Menteeano, Ondae i Ue Ira metadiakomu te'olai, hei mia moroso!
Ira uminiko moroso
18ka kupaluluko moroso gagi asa mpalulu
ka lumundiko kana golu a wita anu tewile malua;
i tu'aimo komate, ka i tu'aimo po'iangado kareta pompelangkai ndi omue,
hei omue mokoko'iiado somborino uemu!
19Aku metadiakomu inso a potoromu,
ka inso a pentoroamu kodinontai.
20I tempo atuu
Aku moboio tetenaa-Ku, i Eliakimi anano i Hilikia;
21Lemba meloemu Aku mokonaakono,
peboo ntongamu Aku mebooakono ndi onae,
ka pabawamu Aku meweengakono a ngkaeno;
onae ta gagi ama
a mpalili Yerusale
ka suku Yehuda.
22 #
Meng. 3:7
Aku numaao kunsino rahano i Daudi a wawo oweano:
tewala i'ungkahio, nahina anu mokotondoo;
tewala itondoo, nahina anu moko'ungkahio.’
23Aku metandapakono kana pandora a rere watu anu moroso
ranta onae ta gagi kadera pompelangkaia a mpe'etuno.
24Ndi onae ta pinopotembiako
luwuno tembiado pe'etuno:
tuna ka tumba,
luwuno parewa anu kodei,
inso a sangkiri hawe a ngkuro.
25I tempo atuu, kanandiomo pau-Do Ueno luwuakoano,
pandora anu tinandapako moroso a rere watu anu moroso atuu nami ta moroso mbo'u,
ranta ka itepudu ka tedonta,
ka luwuno tembiano atuu terawo-rawo.
Mentee ntu'u, Dopauomo i Ue.”
Currently Selected:
Yesaya 22: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Yesaya 22
22
Pau-Do anu pabawa a nto Yerusale
22:1-14
1Pau-Do anu pabawa a ”Lembono Pongkitaa.”
Hinao hapa ndi omiu, ranta luwuno palilimu
mpewuatako a wawo atono raha,
2hei kota anu bukeako magaga ka marisua,
hei kota anu mengkokora-kora?
Miamu anu mate mempinepate komba mempinepateako ponai,
ka komba mbo'u memate a laro mpeteaa.
3Luwuno tadulako sorodadumu mempolai mperonga-ronga,
mentinawa ira maupo nahina ana mpana pinotola;
luwuno anu merinako tinawa mperonga-ronga,
maupo olaiomo dompolai.
4Onaemo pu'uno, ka kupotae,
”Limbaomo pengkitamu inso ndi ongkue,
po'inee akumo kupengese a laro marasai;
siimo pe'i'isei tumarero aku
hangano mateado ana beineno tongkuku.”
5Hangano oleo tewukaa, petuundua ka marisua
Dopotiio i Ue, Ueno luwuakoano,
i ”Lembono Pongkitaa” teronge tehoano rere watu
ka pebooli mepetulungi hawe a ntorukuno!
6Elami mompokonaomo kadu mpana,
me'ula a ngkareta saru sorodadu mpengara,
ka Kiri moluarako kanta.
7Luwuno lembono witamu anu lalu tekosi bukeako kareta ka sorodadu mpengara,
ondae mpebaresi mpe'aro a mpewowa langkai,
8ka tepotolaomo tekaduduiano Yehuda.
I tempo atuu omue mengkita
a mpepatindaa parewa mpetea a ”Raha Langkai Tobu.”
9Imengkitao hadio ntu'u
umete a rere watuno kota Daudi
ka komiu mepumpuo uwoino Limbo i Totono;
10luwuno raha i Yerusale imedoao,
ka raha atuudo impobangku ira ta mompokomoroso rere watu;
11popumpua uwoi imeweweuo i olono orua rere watu atuu
popumpua uwoi inso a limbo anu tehine;
sine omiu nahi mpengkita ndi Ondae anu weweuo,
ka nahi mpengkita ndi Ondae anu mokogagiomo mompu'u i ndi'ipua.
12I tempo atuu Ondae i Ue, Ueno luwuakoano
tumena ira mia mpengese ka mponsabangi,
mpekeru ulu ka mpebooako sawu po'inombo;
13 #
1Kor. 15:32
sine kitao, anu hina tendeano po'undea ka mawongkoa,
mia mpontida sapi ka mponsumbele bimba,
mpongkaa bau ka mpo'inu anggoro, saru mpebooli,
”Aiwamo ka tompongkaa ka mpo'inu,
hangano tisomo kita memate!”
14Sine Ondae Ueno luwuakoano mepokomengkaa Iramo a biriku,
”Mentee ntu'u, salamiu andio nahi ta inonini,
hawe ka imemate,”
pau-Do i Ue, Ueno luwuakoano.
Mongkona i Sebina ka i Eliakimi
22:15-25
15Kanandiomo pau-Do i Ue, Ueno luwuakoano,
”Lakomo a mpetewawano langkanae andio,
aropiomo i Sebina anu umorusuo langkanae,
16’Hapa orusuamu i ndi'ai? Isema uempu'umu i ndi'ai,
ka upongkeke kaburu tiamu i ndi'ai,
hei anu mongkeke kaburu a mantandeano,
anu mompa'o po'iangano a pongku watu?
17Menteeano, Ondae i Ue Ira metadiakomu te'olai, hei mia moroso!
Ira uminiko moroso
18ka kupaluluko moroso gagi asa mpalulu
ka lumundiko kana golu a wita anu tewile malua;
i tu'aimo komate, ka i tu'aimo po'iangado kareta pompelangkai ndi omue,
hei omue mokoko'iiado somborino uemu!
19Aku metadiakomu inso a potoromu,
ka inso a pentoroamu kodinontai.
20I tempo atuu
Aku moboio tetenaa-Ku, i Eliakimi anano i Hilikia;
21Lemba meloemu Aku mokonaakono,
peboo ntongamu Aku mebooakono ndi onae,
ka pabawamu Aku meweengakono a ngkaeno;
onae ta gagi ama
a mpalili Yerusale
ka suku Yehuda.
22 #
Meng. 3:7
Aku numaao kunsino rahano i Daudi a wawo oweano:
tewala i'ungkahio, nahina anu mokotondoo;
tewala itondoo, nahina anu moko'ungkahio.’
23Aku metandapakono kana pandora a rere watu anu moroso
ranta onae ta gagi kadera pompelangkaia a mpe'etuno.
24Ndi onae ta pinopotembiako
luwuno tembiado pe'etuno:
tuna ka tumba,
luwuno parewa anu kodei,
inso a sangkiri hawe a ngkuro.
25I tempo atuu, kanandiomo pau-Do Ueno luwuakoano,
pandora anu tinandapako moroso a rere watu anu moroso atuu nami ta moroso mbo'u,
ranta ka itepudu ka tedonta,
ka luwuno tembiano atuu terawo-rawo.
Mentee ntu'u, Dopauomo i Ue.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021