Yesaya 10
10
1Memasola ira ntu'u anu metantuio luwuno pompakosi anu nahi moleo
ka meweweuo luwuno pomputusi anu lambaha,
2nahi dompoweeako ira moleoa a mia molema,
me'alao tiado mia marasai i olodo bawaa-Ku,
ka dome'alao anu ta tiado tuwua beine,
ka mpomuru ira nana'ote nahina amado!
3Hapake anu komiu meweweuo a oleo pohukua,
ka a oleo matea anu hawe inso a olaiano?
Ndi semake komiu mpelulu mpepetulungi,
ka isuake imebintao pompolimiu?
4Nahi komiu mpokompoweweu hapa-hapa, sangkadio mo'ia i olodo mia mentinawa,
ke mate i olodo mia mempinepate!
Maupo gagiomo luwuno andio, tekuda-Do i Ue napi morini,
ka kae-Do da tetaangako.
Pohuku a pompelangka-langkaino Asuri
10:5-19
5 #
Yes. 14:25; Nah. 3:5-7; Sep. 2:13 Masolaomo ntu'u Asiuri, ponsepino tekuda-Ku
anu kaeno uminio tuko tekuda-Ku!
6A tongku anu humapu Aku Kutenao,
a bawaa pontiiano tekuda-Ku Kuparentao
ka iporontu ka mompomuru,
ka ilolanda ira kana rege a nsala.
7Sine onaeno nahi pontoo kanatuu
ka tinoono aroano komba kanatuu,
hangano tinoono aroano onaemo moropu
ka mokotampulao komba tedei tongku.
8Ipotae,
”Kombake tadulako sorodaduku atuu luwuno mokole?
9Kombake Kalino rinawo-rawo kana Karakemisi,
Hamati kana Aripadi,
ke Samaria kana Damasi?
10Kana'umpe kusapoiako iramo kaeku poparentaa buke lahumoa,
anu hinao lalu hadio tinaha sekonopo Yerusale ka Samaria,
11kombake aku weweuo mbo'u i Yerusale ka a luwuno tinaha pelahumoaano,
kana anu kuweweuomo i Samaria ka a luwuno lahomoano?”
12Sine tempono Dopoko'umariomo i Ue luwuno anggaa-Do i torukuno Sioni ka i Yerusale, Ira humukuo laba mpauno mokole Asiuri anu nahi behe tenangi mpau ka peleluno mompelangka-langkai. 13Hangano motaeomo,
”Saru rosono kaeku kuweweuomo
ka saru pandeku mosongka, hangano ongkue molino pinewowoloku;
ku'oniniomo luwuno tida olono tongku,
ka momuruo arataa pepatindado,
saru roso kupotii iramo
mia anu mpentoro a ngkadera poparentaa.
14Kana mompete'umala senono manu-manu,
kupongko'alaakonomo kaeku
pompolino luwuno tongku,
ka kana mopumpu su'uluino anu binintano ineno,
kurakuomo asa wawontolino,
ka nahina maupo te'asa anu mowile panino,
mongangao tungkuno ke mompio-pio.”
15Ta gagike uase mompelangka-langkai a mia montuehi,
ke garagadi mompelangka-langkai a mia mogaragadi?
Kana-kana tarasulu lumeluo mia anu uminio,
ka kana-kana tuko tumandeo anu wawao anu komba keu.
16Onaemo pu'uno, Ondae i Ue, Ueno luwuakoano,
Ira weweuo sorodadudo anu moroso gagi morungku ntu'u hangano haki,
gagi euno marambano onae tinunu ka ipingko
kana hangano tensilano api.
17Mewineno Isaraeli ta gagi api,
ka Anu Tedoa Mempori, Ondae Ue Alano, gagi langano api.
Ira sumongko ka pingko ikaano ewo ka rui
meronga a oleo anu mengkena.
18Tekosino tobuno i Asuri ka lere wua ngkeuno
Ira mokopingkoo, inso a ngkeuno hawe a sampano,
ranta ka igagi kana mia anu mahaki anu tedoa marasai.
19Toreano keu a ntobuno
tamokoa tedei,
maupo asa nana'ote ipolio burio hadiono.
To Isaraeli anu da tuwu ta kinadudui
10:20-27a
20Sine i tempo atuu to Isaraeli anu da mentuwu
ka mia anu da mentuwu i olodo inuleno i Yako,
nahi ira mpoperorohi mbo'u a tongku anu numangi ira,
sine ira mpoperorohi ndi Ondae i Ue, Anu Tedoa Mempori, Ue Alado to Isaraeli, a laro petenunuado.
21Aasa anu datuwu ta mekule,
aasa anu datuwu inuleno i Yako, ndi Ondae Ue Ala anu moroso.
22 #
Rom. 9:27-28
Hangano maupo tongkumu, hei Isaraeli, kana one a ntahi hadiono,
sine butu anu da tuwu ta mekule.
Matea pinakosiomo,
anu luluaako moleoa.
23Mentee ntu'u, matea anu umarimo Dopakosio i Ue, Ueno luwuakoano, manasa
ta pinokogagi i asa wawontolino.
24Onaemo pu'uno, kanandiomo pau-Do i Ue, Ueno luwuakoano, ”Hei bawaa-Ku anu mpo'ia i Sioni, siimo doitoakono i Asuri anu tumunduhiakomu tarasuluno puu mpopakambi ka anu uma'eakomu tukono kana anu wineweuno i Masiri i ndi'ipua. 25Hangano nahi ta tehine mbo'u tekuda-Ku ndi omue tamomenaa-naa, ka tekuda-Ku ta weweu ira nterawo-rawo. 26Ondae Ueno luwuakoano Ira monsepiako ponsepi ndi ondae, kana Dosepi ira to Midia i torukuno watu Orebi, ka tumandeo tuko-Do a wawo ntahi kana anu wineweu-Do i Masiri i ndi'ipua. 27aI tempo atuu tinembi anu domempinopotembiako a oweado ta tinadi, ka pasanga anu ninaa a banga we'udo ta pinudu.”
To Asuri mposapoi
10:27b-34
27bTo Asuri mpe'umbaako iramo inso i Rimoni
28ka sumapoio Ayati;
onae lumako telalo i Migironi,
ka mo'atora pepatinda i Mikimasi.
29Domelaloomo pesakia
ka mpewongi i Geba.
Palilino Rama mpondidi-ndidi,
anu mpo'ia i Gibea-Saulu mpolai.
30Imperaalimo temeroku, hei ana beineno Galimi!
Pekokoongakonomo, hei Laisia!
Sangkiomo, hei Anatoti!
31Anu mpo'ia i Madamena mpolai,
palilino Gebimi mpolai mpeliahako.
32Oleo andio i Asuri da menaa-naa i Nobi,
mopo'io-ioo kaeno
te'aro a ntorukuno ana beine Sioni,
pongku Yerusale.
33Kitao, Ondae i Ue, Ueno luwuakoano
Ira tumoto'iakono roso anu mongkokodoito luwuno sampano keu
anu tuwu ondau ta tinuehi,
ka anu telanso ta pinoko'owowa.
34Tobu mongura ta tinuehiako uase,
ka Libano saru luwuno keuno anu tedoa langkai ta tedonta.
Currently Selected:
Yesaya 10: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Yesaya 10
10
1Memasola ira ntu'u anu metantuio luwuno pompakosi anu nahi moleo
ka meweweuo luwuno pomputusi anu lambaha,
2nahi dompoweeako ira moleoa a mia molema,
me'alao tiado mia marasai i olodo bawaa-Ku,
ka dome'alao anu ta tiado tuwua beine,
ka mpomuru ira nana'ote nahina amado!
3Hapake anu komiu meweweuo a oleo pohukua,
ka a oleo matea anu hawe inso a olaiano?
Ndi semake komiu mpelulu mpepetulungi,
ka isuake imebintao pompolimiu?
4Nahi komiu mpokompoweweu hapa-hapa, sangkadio mo'ia i olodo mia mentinawa,
ke mate i olodo mia mempinepate!
Maupo gagiomo luwuno andio, tekuda-Do i Ue napi morini,
ka kae-Do da tetaangako.
Pohuku a pompelangka-langkaino Asuri
10:5-19
5 #
Yes. 14:25; Nah. 3:5-7; Sep. 2:13 Masolaomo ntu'u Asiuri, ponsepino tekuda-Ku
anu kaeno uminio tuko tekuda-Ku!
6A tongku anu humapu Aku Kutenao,
a bawaa pontiiano tekuda-Ku Kuparentao
ka iporontu ka mompomuru,
ka ilolanda ira kana rege a nsala.
7Sine onaeno nahi pontoo kanatuu
ka tinoono aroano komba kanatuu,
hangano tinoono aroano onaemo moropu
ka mokotampulao komba tedei tongku.
8Ipotae,
”Kombake tadulako sorodaduku atuu luwuno mokole?
9Kombake Kalino rinawo-rawo kana Karakemisi,
Hamati kana Aripadi,
ke Samaria kana Damasi?
10Kana'umpe kusapoiako iramo kaeku poparentaa buke lahumoa,
anu hinao lalu hadio tinaha sekonopo Yerusale ka Samaria,
11kombake aku weweuo mbo'u i Yerusale ka a luwuno tinaha pelahumoaano,
kana anu kuweweuomo i Samaria ka a luwuno lahomoano?”
12Sine tempono Dopoko'umariomo i Ue luwuno anggaa-Do i torukuno Sioni ka i Yerusale, Ira humukuo laba mpauno mokole Asiuri anu nahi behe tenangi mpau ka peleluno mompelangka-langkai. 13Hangano motaeomo,
”Saru rosono kaeku kuweweuomo
ka saru pandeku mosongka, hangano ongkue molino pinewowoloku;
ku'oniniomo luwuno tida olono tongku,
ka momuruo arataa pepatindado,
saru roso kupotii iramo
mia anu mpentoro a ngkadera poparentaa.
14Kana mompete'umala senono manu-manu,
kupongko'alaakonomo kaeku
pompolino luwuno tongku,
ka kana mopumpu su'uluino anu binintano ineno,
kurakuomo asa wawontolino,
ka nahina maupo te'asa anu mowile panino,
mongangao tungkuno ke mompio-pio.”
15Ta gagike uase mompelangka-langkai a mia montuehi,
ke garagadi mompelangka-langkai a mia mogaragadi?
Kana-kana tarasulu lumeluo mia anu uminio,
ka kana-kana tuko tumandeo anu wawao anu komba keu.
16Onaemo pu'uno, Ondae i Ue, Ueno luwuakoano,
Ira weweuo sorodadudo anu moroso gagi morungku ntu'u hangano haki,
gagi euno marambano onae tinunu ka ipingko
kana hangano tensilano api.
17Mewineno Isaraeli ta gagi api,
ka Anu Tedoa Mempori, Ondae Ue Alano, gagi langano api.
Ira sumongko ka pingko ikaano ewo ka rui
meronga a oleo anu mengkena.
18Tekosino tobuno i Asuri ka lere wua ngkeuno
Ira mokopingkoo, inso a ngkeuno hawe a sampano,
ranta ka igagi kana mia anu mahaki anu tedoa marasai.
19Toreano keu a ntobuno
tamokoa tedei,
maupo asa nana'ote ipolio burio hadiono.
To Isaraeli anu da tuwu ta kinadudui
10:20-27a
20Sine i tempo atuu to Isaraeli anu da mentuwu
ka mia anu da mentuwu i olodo inuleno i Yako,
nahi ira mpoperorohi mbo'u a tongku anu numangi ira,
sine ira mpoperorohi ndi Ondae i Ue, Anu Tedoa Mempori, Ue Alado to Isaraeli, a laro petenunuado.
21Aasa anu datuwu ta mekule,
aasa anu datuwu inuleno i Yako, ndi Ondae Ue Ala anu moroso.
22 #
Rom. 9:27-28
Hangano maupo tongkumu, hei Isaraeli, kana one a ntahi hadiono,
sine butu anu da tuwu ta mekule.
Matea pinakosiomo,
anu luluaako moleoa.
23Mentee ntu'u, matea anu umarimo Dopakosio i Ue, Ueno luwuakoano, manasa
ta pinokogagi i asa wawontolino.
24Onaemo pu'uno, kanandiomo pau-Do i Ue, Ueno luwuakoano, ”Hei bawaa-Ku anu mpo'ia i Sioni, siimo doitoakono i Asuri anu tumunduhiakomu tarasuluno puu mpopakambi ka anu uma'eakomu tukono kana anu wineweuno i Masiri i ndi'ipua. 25Hangano nahi ta tehine mbo'u tekuda-Ku ndi omue tamomenaa-naa, ka tekuda-Ku ta weweu ira nterawo-rawo. 26Ondae Ueno luwuakoano Ira monsepiako ponsepi ndi ondae, kana Dosepi ira to Midia i torukuno watu Orebi, ka tumandeo tuko-Do a wawo ntahi kana anu wineweu-Do i Masiri i ndi'ipua. 27aI tempo atuu tinembi anu domempinopotembiako a oweado ta tinadi, ka pasanga anu ninaa a banga we'udo ta pinudu.”
To Asuri mposapoi
10:27b-34
27bTo Asuri mpe'umbaako iramo inso i Rimoni
28ka sumapoio Ayati;
onae lumako telalo i Migironi,
ka mo'atora pepatinda i Mikimasi.
29Domelaloomo pesakia
ka mpewongi i Geba.
Palilino Rama mpondidi-ndidi,
anu mpo'ia i Gibea-Saulu mpolai.
30Imperaalimo temeroku, hei ana beineno Galimi!
Pekokoongakonomo, hei Laisia!
Sangkiomo, hei Anatoti!
31Anu mpo'ia i Madamena mpolai,
palilino Gebimi mpolai mpeliahako.
32Oleo andio i Asuri da menaa-naa i Nobi,
mopo'io-ioo kaeno
te'aro a ntorukuno ana beine Sioni,
pongku Yerusale.
33Kitao, Ondae i Ue, Ueno luwuakoano
Ira tumoto'iakono roso anu mongkokodoito luwuno sampano keu
anu tuwu ondau ta tinuehi,
ka anu telanso ta pinoko'owowa.
34Tobu mongura ta tinuehiako uase,
ka Libano saru luwuno keuno anu tedoa langkai ta tedonta.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021