Esetere 3
3
Tinoono i Hamani rumopu ira to Yahudi
3:1-15
1Umarino luwuno anu gagi andio, i Hamani anano i Hamedata, to Agagi, pinoweeako pompelangkai inso ndi ondae mokole Ahasiwero, ka pangkano winuatako saru potorono pinakosi i wawono luwuno mia anu langkai potorono anu mekongko i arodo mokole. 2Ka luwuno pegawaido mokole anu a mpewowa langkai langkanaedo mokole, mpenggolontu mpesomba ndi Hamani, hangano kanatuumo peparentado mokole mongkona onae, sine i Modekai ka penggolontuu ka mesomba. 3Onaemo ka dompotae luwuno pegawaido mokole anu a mpewowa langkai langkanaedo mokole ndi Modekai, ”Tembio kau ewaio parentado mokole?” 4Mansano mararuomo domengkuahakono nahi perorongeako ira koa mbo'u, onaemo ka domempauakono i Hamani mongkona atuu ka ikitao, ta kanatuu mpiha peleluno i Modekai, hangano itutuluako iramo, nine onae to Yahudi. 5Mansano kumitao i Hamani, nine i Modekai ka penggolontuu ka mesomba ndi onae, onaemo ka itedoa mokula aroano. 6Sine ipekodeio lahi koroino ba butu koa i Modekai ta pinepateno, hangano domempauakonomo mia tongkuno i Modekai atuu. Gagi i Hamani mo'ungke akala ta rumopu ira luwu to Yahudi, onaemo tongkuno i Modekai atuu, a luwuno poparentaano i Ahasiwero. 7I larono wula ko'asa, onaemo wula Nisani, i larono ta'u anu kohopulu ka orua tempo poparentaano mokole Ahasiwero, mia mpontende pur, onaemo undi i arono i Hamani, oleo me'eu oleo, wula me'eu wula hawe kai hawe a wula kohopulu ka orua, onaemo wula Adari.
8Onaemo ka ipepau i Hamani ndi ondae mokole Ahasiwero, ”Hinao aasa tongku anu tuwu ntetia-tia ka tensia i olodo luwuno tongku i larono luwuno wita poparentaamiu ueku, ka songkado nahi mpengkena saru songkado luwuno tongku ka songkamiu mokole nahi domentondao, onaemo pu'uno nahi penunu omiu mokole mo'inee ira mpoweweu po'ehedo. 9Tewala ipemoikoo mokole, ipoluarakomo wunta parenta ka domempinepate. Manasa atamiu ta mongkati salaka hopulu nsowu talenta ka meweengakono a kaedo luwuno mia anu hinao potorono, ka domewinsoo a mponaapa arataado mokole.” 10Onaemo ka dolohuo mokole sinsi pontondoni inso a ntonisodo, ka dopeweengakono ndi Hamani anano i Hamedata, to Agagi, iwalido to Yahudi atuu. 11Ka i'amba petenado mokole ndi Hamani, ”Salaka atuu weweuomo po'ehemu, ka tongku mbo'u atuu weweuomo kana anu pinemoikomu.” 12Onaemo a wula ko'asa, i oleo anu kohopulu ka otolu, mempinoboi iramo luwuno puu mpoburido mokole, ka i'amba menunu saru luwuno anu iparentaako ira i Hamani, binuriomo wunta a luwuno saru ngkoroido mokole, a sompo bupati anu pabawaio wita ka sompo mia anu langkai potorono a tongku, onaemo a sompo-sompo wita montonda poburido ka a sompo-sompo tongku montonda paudo. Wunta atuu binuri a needo mokole Ahasiwero ka tinondoniako sinsi pontondonido mokole. 13Luwuno wunta atuu inoliwi mesala a luwuno mia tinena anu magasi a luwuno wita poparentaa, ka domerinopu, pinepate luwu to Yahudi, inso anu mongura hawe anu mota'u, maupo nana'ote ka luwuno beine i larono asa oleo koa, a ntanggala hopulu ka otolu, wula kohopulu ka orua, onaemo wula Adari, ka irinontu arataado. 14Polimbano wunta atuu, asalakono gagi atora a sompo wita, ka i'amba pinalele a luwuno tongku, ka dompepatinda a oleo atuu. 15Onaemo ka dompodadu mpelungka luwuno mia tinena anu magasi atuu, a petenado mokole, ka atora atuu linuarako i larono bente Susani. Kontongaano atuu ondae mokole saru i Hamani mentoro ira mo'inu, sine kota Susani ntewuka iramo.
Currently Selected:
Esetere 3: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Esetere 3
3
Tinoono i Hamani rumopu ira to Yahudi
3:1-15
1Umarino luwuno anu gagi andio, i Hamani anano i Hamedata, to Agagi, pinoweeako pompelangkai inso ndi ondae mokole Ahasiwero, ka pangkano winuatako saru potorono pinakosi i wawono luwuno mia anu langkai potorono anu mekongko i arodo mokole. 2Ka luwuno pegawaido mokole anu a mpewowa langkai langkanaedo mokole, mpenggolontu mpesomba ndi Hamani, hangano kanatuumo peparentado mokole mongkona onae, sine i Modekai ka penggolontuu ka mesomba. 3Onaemo ka dompotae luwuno pegawaido mokole anu a mpewowa langkai langkanaedo mokole ndi Modekai, ”Tembio kau ewaio parentado mokole?” 4Mansano mararuomo domengkuahakono nahi perorongeako ira koa mbo'u, onaemo ka domempauakono i Hamani mongkona atuu ka ikitao, ta kanatuu mpiha peleluno i Modekai, hangano itutuluako iramo, nine onae to Yahudi. 5Mansano kumitao i Hamani, nine i Modekai ka penggolontuu ka mesomba ndi onae, onaemo ka itedoa mokula aroano. 6Sine ipekodeio lahi koroino ba butu koa i Modekai ta pinepateno, hangano domempauakonomo mia tongkuno i Modekai atuu. Gagi i Hamani mo'ungke akala ta rumopu ira luwu to Yahudi, onaemo tongkuno i Modekai atuu, a luwuno poparentaano i Ahasiwero. 7I larono wula ko'asa, onaemo wula Nisani, i larono ta'u anu kohopulu ka orua tempo poparentaano mokole Ahasiwero, mia mpontende pur, onaemo undi i arono i Hamani, oleo me'eu oleo, wula me'eu wula hawe kai hawe a wula kohopulu ka orua, onaemo wula Adari.
8Onaemo ka ipepau i Hamani ndi ondae mokole Ahasiwero, ”Hinao aasa tongku anu tuwu ntetia-tia ka tensia i olodo luwuno tongku i larono luwuno wita poparentaamiu ueku, ka songkado nahi mpengkena saru songkado luwuno tongku ka songkamiu mokole nahi domentondao, onaemo pu'uno nahi penunu omiu mokole mo'inee ira mpoweweu po'ehedo. 9Tewala ipemoikoo mokole, ipoluarakomo wunta parenta ka domempinepate. Manasa atamiu ta mongkati salaka hopulu nsowu talenta ka meweengakono a kaedo luwuno mia anu hinao potorono, ka domewinsoo a mponaapa arataado mokole.” 10Onaemo ka dolohuo mokole sinsi pontondoni inso a ntonisodo, ka dopeweengakono ndi Hamani anano i Hamedata, to Agagi, iwalido to Yahudi atuu. 11Ka i'amba petenado mokole ndi Hamani, ”Salaka atuu weweuomo po'ehemu, ka tongku mbo'u atuu weweuomo kana anu pinemoikomu.” 12Onaemo a wula ko'asa, i oleo anu kohopulu ka otolu, mempinoboi iramo luwuno puu mpoburido mokole, ka i'amba menunu saru luwuno anu iparentaako ira i Hamani, binuriomo wunta a luwuno saru ngkoroido mokole, a sompo bupati anu pabawaio wita ka sompo mia anu langkai potorono a tongku, onaemo a sompo-sompo wita montonda poburido ka a sompo-sompo tongku montonda paudo. Wunta atuu binuri a needo mokole Ahasiwero ka tinondoniako sinsi pontondonido mokole. 13Luwuno wunta atuu inoliwi mesala a luwuno mia tinena anu magasi a luwuno wita poparentaa, ka domerinopu, pinepate luwu to Yahudi, inso anu mongura hawe anu mota'u, maupo nana'ote ka luwuno beine i larono asa oleo koa, a ntanggala hopulu ka otolu, wula kohopulu ka orua, onaemo wula Adari, ka irinontu arataado. 14Polimbano wunta atuu, asalakono gagi atora a sompo wita, ka i'amba pinalele a luwuno tongku, ka dompepatinda a oleo atuu. 15Onaemo ka dompodadu mpelungka luwuno mia tinena anu magasi atuu, a petenado mokole, ka atora atuu linuarako i larono bente Susani. Kontongaano atuu ondae mokole saru i Hamani mentoro ira mo'inu, sine kota Susani ntewuka iramo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021