Esetere 1
1
Mokole beine Wasati tinadi
1:1-22
1 #
Esr. 4:6
I tempo poparentaano mokole Ahasiwero i pabawaio asa etu rua pulu ka opitu wita, mompu'u i India hawe i Etiopia. 2Tempo atuu i mokole Ahasiwero mentoro a ngkadera poparentaano i larono bente Susani, 3a nta'u anu ko otolu poparentaano, ondae mokole moweweu pelimbua luwudo anu langkai potorodo ka pegawaino. Sorodadu Peresia ka Media, ulea mokole ka anu langkai potorodo, mehawe i arodo mokole. 4A mpelimbua atuu ondae mokole mopokitao pompoli ka marambano poparentaado ka tekosino marambano anu mangkilo, tehine ntu'u hawe asa etu ka halu pulu oleo.
5Mansano sompoomo oleono atuu, ondae mokole moweweu mbo'u pelimbua luwuno palili anu mpo'ia i laro bente Susani opitu oleo tehineno, mompu'u a mia langkai hawe mia kodei, po'iangano a kintala anu kongko a langkanae poparentaa. 6I tu'ai mperupa-rupa pelingo inso a nsawu lena, mori alusu, ka sawu wungo motu'a anu tinanggoako koloro lena alusu ka wungo mongura, ndinoe a mpandu-pandu salaka a luwuno karuno langkanae poparentaa inso a maramere mopute. Sekono poturia wulaa ka salaka ninaa a wawo horo puala, maramere mopute, kerabu ka puala menggori. 7Inua pinatinda a piala wulaa mekaru anu mperupa-rupa sorano; ka anggorono onaemo anggoro inuado mokole anu hadio ntu'u kana pototodo mokole. 8Tempo atuu atora mo'inu, onaemo: nahi dinadai, hangano kanandiomo parentado ira mokole a luwuno ata laro raha, ka dompoweweu montonda po'ehedo sompo mia. 9I mokole beine Wasati mbo'u moweweu pelimbua luwudo beine i larono langkanaeno mokole Ahasiwero. 10A oleo anu ko'opitu, tempono mawongko aroado mokole hangano mo'inu anggoro, doparenta iramo mokole i Mehumani, i Bisita, i Harabona, i Bigita, i Abagita, i Setari ka i Karakasi, onaemo opitu ira sida-sida anu mpo'angga i arodo mokole Ahasiwero, 11ka domewawao i Wasati, mokole beine, mompake ramba-ramba poparentaa, tepohaweako ira mokole ta mopokitao tekosino a luwuno palili ka a luwuno anu langkai potorodo, hangano ondae mokole beine tedoa tekosi rupado. 12Sine mokole beine Wasati nahi behe lumako tepohaweako ira montonda parentado mokole anu pinohawedo sida-sida atuu, ranta ka dotedoa tekuda mokole ka tensilaomo tekudado. 13Onaemo ka dopesikeno mokole a luwuno mia anu pande mpompewowolo, luwuno mia anu mento'orio gau nse'elu, hangano kanatuumo biasano ba hinao anu nahi dopekonao mokole pinauako ira mia mpoto'ori gau ka songka. 14Mia anu umpedaako ira ntu'u mokole, onaemo: i Karisena, i Setari, i Adimata, i Tarisi, i Meresi, i Marasena ka i Memukana, opitu ira mia anu pinelangkai i Peresia ka Media, anu pototono kumitao rupado mokole ka anu hinao potorodo mantande a laro poparentaa, mesikeno ira mokole, 15”Asalakono ira mbinioke mokole beine Wasati montonda atora, hangano nahi tondao parentado mokole Ahasiwero anu pinohawedo sida-sida?” 16Onaemo ka ipotae i Memukana i arodo mokole ka luwuno anu langkai potorodo atuu, ”i Wasati, mokole beine, komba butu sala ndi ondae mokole, tendeano mbo'u a luwuno anu langkai potorodo, luwuno tongku anu i larono poparentaado mokole Ahasiwero. 17Hangano pinogauno mokole beine atuu, ira mansa mpogauo luwuno beine, ranta ka nahi domperioo tamado, ba domempopauo a mia: I mokole Ahasiwero meparenta kai winawa mokole beine Wasati tepohaweako ira, sine nahi behe. 18I oleo koa mbo'u andio kombiado luwuno mia langkai potorodo i Peresia ka i Media anu merongeo pinogauno mokole beine, ira mempauo anu gagi atuu a ntamado, ranta nahi hori menaa-naa pompokokodeia ka tekudaa. 19Tewala ipemoikoo mokole, asalakono kai linuarako asa parenta inso ndi omiu mokole ka binuri a laro atora Peresia ka Media, ranta nahi ta pinokobali mbo'u, nine i Wasati inonto tepohaweako ira mokole Ahasiwero, ka ondae mokole ira meweengakono potorono gagi mokole beine a mia susua anu moikoopo sekono onae. 20Tewala otumpau anu inalado mokole andio teronge a luwuno poparentaado anu tedoa langkai, manasa luwuno beine ira mpelangkaio tamado, inso a mia langkai hawe a mia kodei.” 21Pohaweno atuu dopemoikoo mokole saru luwuno mia langkai potorodo, gaagi doweweuomo mokole menunu saru pohaweno i Memukana atuu. 22Mokole mo'oliwi iramo wunta a luwuno wita poparentaa, sompo-sompo wita montonda poburino ka sompo-sompo tongku montonda paudo, unino, ”Sompo tama asalakono gagi petewawa a nsomborino ka ipepau montonda paudo tongkuno.”
Currently Selected:
Esetere 1: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
Esetere 1
1
Mokole beine Wasati tinadi
1:1-22
1 #
Esr. 4:6
I tempo poparentaano mokole Ahasiwero i pabawaio asa etu rua pulu ka opitu wita, mompu'u i India hawe i Etiopia. 2Tempo atuu i mokole Ahasiwero mentoro a ngkadera poparentaano i larono bente Susani, 3a nta'u anu ko otolu poparentaano, ondae mokole moweweu pelimbua luwudo anu langkai potorodo ka pegawaino. Sorodadu Peresia ka Media, ulea mokole ka anu langkai potorodo, mehawe i arodo mokole. 4A mpelimbua atuu ondae mokole mopokitao pompoli ka marambano poparentaado ka tekosino marambano anu mangkilo, tehine ntu'u hawe asa etu ka halu pulu oleo.
5Mansano sompoomo oleono atuu, ondae mokole moweweu mbo'u pelimbua luwuno palili anu mpo'ia i laro bente Susani opitu oleo tehineno, mompu'u a mia langkai hawe mia kodei, po'iangano a kintala anu kongko a langkanae poparentaa. 6I tu'ai mperupa-rupa pelingo inso a nsawu lena, mori alusu, ka sawu wungo motu'a anu tinanggoako koloro lena alusu ka wungo mongura, ndinoe a mpandu-pandu salaka a luwuno karuno langkanae poparentaa inso a maramere mopute. Sekono poturia wulaa ka salaka ninaa a wawo horo puala, maramere mopute, kerabu ka puala menggori. 7Inua pinatinda a piala wulaa mekaru anu mperupa-rupa sorano; ka anggorono onaemo anggoro inuado mokole anu hadio ntu'u kana pototodo mokole. 8Tempo atuu atora mo'inu, onaemo: nahi dinadai, hangano kanandiomo parentado ira mokole a luwuno ata laro raha, ka dompoweweu montonda po'ehedo sompo mia. 9I mokole beine Wasati mbo'u moweweu pelimbua luwudo beine i larono langkanaeno mokole Ahasiwero. 10A oleo anu ko'opitu, tempono mawongko aroado mokole hangano mo'inu anggoro, doparenta iramo mokole i Mehumani, i Bisita, i Harabona, i Bigita, i Abagita, i Setari ka i Karakasi, onaemo opitu ira sida-sida anu mpo'angga i arodo mokole Ahasiwero, 11ka domewawao i Wasati, mokole beine, mompake ramba-ramba poparentaa, tepohaweako ira mokole ta mopokitao tekosino a luwuno palili ka a luwuno anu langkai potorodo, hangano ondae mokole beine tedoa tekosi rupado. 12Sine mokole beine Wasati nahi behe lumako tepohaweako ira montonda parentado mokole anu pinohawedo sida-sida atuu, ranta ka dotedoa tekuda mokole ka tensilaomo tekudado. 13Onaemo ka dopesikeno mokole a luwuno mia anu pande mpompewowolo, luwuno mia anu mento'orio gau nse'elu, hangano kanatuumo biasano ba hinao anu nahi dopekonao mokole pinauako ira mia mpoto'ori gau ka songka. 14Mia anu umpedaako ira ntu'u mokole, onaemo: i Karisena, i Setari, i Adimata, i Tarisi, i Meresi, i Marasena ka i Memukana, opitu ira mia anu pinelangkai i Peresia ka Media, anu pototono kumitao rupado mokole ka anu hinao potorodo mantande a laro poparentaa, mesikeno ira mokole, 15”Asalakono ira mbinioke mokole beine Wasati montonda atora, hangano nahi tondao parentado mokole Ahasiwero anu pinohawedo sida-sida?” 16Onaemo ka ipotae i Memukana i arodo mokole ka luwuno anu langkai potorodo atuu, ”i Wasati, mokole beine, komba butu sala ndi ondae mokole, tendeano mbo'u a luwuno anu langkai potorodo, luwuno tongku anu i larono poparentaado mokole Ahasiwero. 17Hangano pinogauno mokole beine atuu, ira mansa mpogauo luwuno beine, ranta ka nahi domperioo tamado, ba domempopauo a mia: I mokole Ahasiwero meparenta kai winawa mokole beine Wasati tepohaweako ira, sine nahi behe. 18I oleo koa mbo'u andio kombiado luwuno mia langkai potorodo i Peresia ka i Media anu merongeo pinogauno mokole beine, ira mempauo anu gagi atuu a ntamado, ranta nahi hori menaa-naa pompokokodeia ka tekudaa. 19Tewala ipemoikoo mokole, asalakono kai linuarako asa parenta inso ndi omiu mokole ka binuri a laro atora Peresia ka Media, ranta nahi ta pinokobali mbo'u, nine i Wasati inonto tepohaweako ira mokole Ahasiwero, ka ondae mokole ira meweengakono potorono gagi mokole beine a mia susua anu moikoopo sekono onae. 20Tewala otumpau anu inalado mokole andio teronge a luwuno poparentaado anu tedoa langkai, manasa luwuno beine ira mpelangkaio tamado, inso a mia langkai hawe a mia kodei.” 21Pohaweno atuu dopemoikoo mokole saru luwuno mia langkai potorodo, gaagi doweweuomo mokole menunu saru pohaweno i Memukana atuu. 22Mokole mo'oliwi iramo wunta a luwuno wita poparentaa, sompo-sompo wita montonda poburino ka sompo-sompo tongku montonda paudo, unino, ”Sompo tama asalakono gagi petewawa a nsomborino ka ipepau montonda paudo tongkuno.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021