2 Tawarika 36
36
Mokole Yoahasi
36:1-4
(2Mok. 23:31-35)
1Palili i wita atuu melako me'alao i Yoahasi anano i Yosia, ka dompotoroo gagi mokole i Yerusale umeuo amano. 2Tinuwuno i Yoahasi rua pulu ka otolu nta'u tempono igagi mokole ka otolu wula tehineno ipoparenta i Yerusale. 3Mokole i Masiri motiio inso a mpentoroano i Yerusale ka wita atuu dinenda asa etu talenta salaka ka asa talenta wulaa. 4#2Mok. 23:34Ka i'amba mokole i Masiri atuu motoroo i Eliakimi, pepaekompono i Yoahasi gagi mokole i Yehuda ka Yerusale, ka umeuo neeno gagi i Yoyakimi. Sekono i Yoahasi pepaekompono atuu, itawao i Neko, ka i'amba winawa i Masiri.
Mokole Yoyakimi
36:5-8
(2Mok. 23:36–24:7)
5 #
Yer. 22:18-19; 26:1-6; 35:1-19 Tinuwuno i Yoyakimi rua pulu ka olima nta'u tempono igagi mokole ka hopulu ka asa nta'u tehineno ipoparenta i Yerusale. Onae moweweu anu mosa'o a pongkita-Do i Ue, Ue Alano. 6#Yer. 25:1-38; Dan. 1:1-2I Nebukanesa mokoledo to Babeli, lumako sumapoio, ponguakono rante mala ka iwawao i Babeli. 7Ka ba'opia parewano Raha-Do i Ue iwawao i Nebukanesa i Babeli ka inaao a langkanaeno i Babeli. 8Anu susua inso a nteweweuno i Yoyakimi, luwuno wineweuno anu mosa'o ka anu kongko ndi onae, menteeano luwuno atuu teburi a wunta tutuludo mokole i Isaraeli ka i Yehuda. Ka i'amba i Yoyakini anano, gagi mokole umeuo.
Mokole Yoyaki
36:9-10
2Mok. 24:8-17
9Tinuwuno i Yoyaki hopulu ka oalu nta'u tempono igagi mokole ka otolu wula ka hopulu oleo tehineno ipoparenta i Yerusale. Onae moweweu anu mosa'o a pongkita-Do i Ue. 10#2Mok. 24:13; Yer. 29:1-2; 37:1; Yeh. 17:12-13A tempo pepo'euano ta'u i mokole Nebukanesa montena mia wawao i Babeli saru luwuno parewa anu masuli inso a Raha-Do i Ue. Ka i'amba i Sedekia, pepaekompono amano i Yoyaki gagi mokole i Yehuda ka i Yerusale.
Mokole Sedekia ka tekaleno poparentaa Yehuda
36:11-21
(2Mok. 24:18-20; 25:8-21; Yer. 39:8-10; 52:1-30)
11 #
Yer. 27:1–28:17
Tinuwuno i Sedekia rua pulu ka asa nta'u tempono igagi mokole ka hopulu ka asa nta'u tehineno ipoparenta i Yerusale. 12Onae moweweu anu mosa'o a pongkita-Do i Ue, Ue Alano, ka nahi pe'urumako i arono nabi Yeremia anu hawe mowawa pe'oliwi-Do i Ue. 13#Yeh. 17:15Onae mbo'u i'ewaio mokole Nebukanesa, anu umari tumenao ka ipesumpa ndi Ondae Ue Ala. Ipokomoteao uluno, mokomoteao aroano ka nahi behe mepokule ndi Ondae i Ue, Ue Alado to Isaraeli. 14Luwuno mbo'u petewawado sando mpesomba ka palili mararu dompelelu nahi dompetenunu saru mentondao luwuno wineweudo mosa'o tongku susua. Dompokomokoburuo Raha-Do i Ue anu Dopokomemporiomo i Yerusale. 15Sine Ondae i Ue, Ue Alano uempu'udo, mararu Dope'oliwi molalo luwuno tinena-Do, hangano Dopehohawa ira bawaa-Do ka po'ianga-Do. 16Sine dopasinggiri ira tinena-Do Ue Ala atuu, mokongkodeio luwuno pau-Do, ka mompopodeu-deu ira nabi-Do. Onaemo pu'uno tekuda-Do i Ue tesingka a bawaa-Do, ranta nami tepomule tekuda-Do. 17#Yer. 21:1-10; 34:1-5Ondae i Ue lumeluo mokoledo to Kasidimi umewai ira. Mokole atuu mepateako ira ponai ana ntama kontuwuado a laro raha memporido, ka nahi pinehohawa mangalitau ke ana beine, mia mota'u ke mia me'uwa. Luwuno Dopeweengakono i Ue a ngkaeno. 18Luwuno parewano Raha-Do Ue Ala, moiko anu langkai maupo kodei, saru arataa inso a Raha-Do i Ue, arataano mokole ka luwuno tadulakono, luwuno iwawao i Babeli. 19#1Mok. 9:8Domesongkoo Raha-Do Ue Ala, mpobangkuo rere watu i Yerusale ka luwuno langkanae i ra'ai domentunuakono api, ranta ropuomo luwuno parewa anu ntekokosi. 20Ondae anu da tebinta ka anu tola inso a mponai winawa i Babeli ka ondae megagi atano ka atado luwuno anano ranta Peresia uminio poparentaa. 21#Yer. 25:11; 29:10Bakanandio te'ihiiomo pau-Do i Ue anu pinauno i Yeremia, ranta wita atuu umariomo lumaloo luwuno ta'u Sabano. Wita atuu asalakono pino'inee londa i larono luwuno ta'u saba atuu, ranta sompoomo pitu pulu nta'u.
I Koresi umeheako ira mia mentinadi mpekule i witano
36:22-23
(Esr. 1:1-4)
22A nta'u ko'asa poparentaano i Koresi mokole i Perisia, Ondae i Ue lumeluo aroano i Koresi mokole i Peresia atuu, kai inihii pau-Do i Ue anu pinauno i Yeremia. Ka i'amba pinalele pau ka teburi pepopoto'ori andio a luwuno poparentaano, kanandio, 23#Yes. 44:28”Kanandiomo parentano i Koresi, mokole Peresia: luwuno poparentaa i tolino Doweeakumo i Ue, Ue Alano luwuno langi. Dotena aku mowangu raha-Do i Yerusale, anu kongko i Yehuda. Isema i olomiu tewinso bawaa-Do, po'ineeomo Ondae i Ue, Ue Alano kumongkomio, ka mo'ineeo ipelungka mekule!”
Currently Selected:
2 Tawarika 36: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
2 Tawarika 36
36
Mokole Yoahasi
36:1-4
(2Mok. 23:31-35)
1Palili i wita atuu melako me'alao i Yoahasi anano i Yosia, ka dompotoroo gagi mokole i Yerusale umeuo amano. 2Tinuwuno i Yoahasi rua pulu ka otolu nta'u tempono igagi mokole ka otolu wula tehineno ipoparenta i Yerusale. 3Mokole i Masiri motiio inso a mpentoroano i Yerusale ka wita atuu dinenda asa etu talenta salaka ka asa talenta wulaa. 4#2Mok. 23:34Ka i'amba mokole i Masiri atuu motoroo i Eliakimi, pepaekompono i Yoahasi gagi mokole i Yehuda ka Yerusale, ka umeuo neeno gagi i Yoyakimi. Sekono i Yoahasi pepaekompono atuu, itawao i Neko, ka i'amba winawa i Masiri.
Mokole Yoyakimi
36:5-8
(2Mok. 23:36–24:7)
5 #
Yer. 22:18-19; 26:1-6; 35:1-19 Tinuwuno i Yoyakimi rua pulu ka olima nta'u tempono igagi mokole ka hopulu ka asa nta'u tehineno ipoparenta i Yerusale. Onae moweweu anu mosa'o a pongkita-Do i Ue, Ue Alano. 6#Yer. 25:1-38; Dan. 1:1-2I Nebukanesa mokoledo to Babeli, lumako sumapoio, ponguakono rante mala ka iwawao i Babeli. 7Ka ba'opia parewano Raha-Do i Ue iwawao i Nebukanesa i Babeli ka inaao a langkanaeno i Babeli. 8Anu susua inso a nteweweuno i Yoyakimi, luwuno wineweuno anu mosa'o ka anu kongko ndi onae, menteeano luwuno atuu teburi a wunta tutuludo mokole i Isaraeli ka i Yehuda. Ka i'amba i Yoyakini anano, gagi mokole umeuo.
Mokole Yoyaki
36:9-10
2Mok. 24:8-17
9Tinuwuno i Yoyaki hopulu ka oalu nta'u tempono igagi mokole ka otolu wula ka hopulu oleo tehineno ipoparenta i Yerusale. Onae moweweu anu mosa'o a pongkita-Do i Ue. 10#2Mok. 24:13; Yer. 29:1-2; 37:1; Yeh. 17:12-13A tempo pepo'euano ta'u i mokole Nebukanesa montena mia wawao i Babeli saru luwuno parewa anu masuli inso a Raha-Do i Ue. Ka i'amba i Sedekia, pepaekompono amano i Yoyaki gagi mokole i Yehuda ka i Yerusale.
Mokole Sedekia ka tekaleno poparentaa Yehuda
36:11-21
(2Mok. 24:18-20; 25:8-21; Yer. 39:8-10; 52:1-30)
11 #
Yer. 27:1–28:17
Tinuwuno i Sedekia rua pulu ka asa nta'u tempono igagi mokole ka hopulu ka asa nta'u tehineno ipoparenta i Yerusale. 12Onae moweweu anu mosa'o a pongkita-Do i Ue, Ue Alano, ka nahi pe'urumako i arono nabi Yeremia anu hawe mowawa pe'oliwi-Do i Ue. 13#Yeh. 17:15Onae mbo'u i'ewaio mokole Nebukanesa, anu umari tumenao ka ipesumpa ndi Ondae Ue Ala. Ipokomoteao uluno, mokomoteao aroano ka nahi behe mepokule ndi Ondae i Ue, Ue Alado to Isaraeli. 14Luwuno mbo'u petewawado sando mpesomba ka palili mararu dompelelu nahi dompetenunu saru mentondao luwuno wineweudo mosa'o tongku susua. Dompokomokoburuo Raha-Do i Ue anu Dopokomemporiomo i Yerusale. 15Sine Ondae i Ue, Ue Alano uempu'udo, mararu Dope'oliwi molalo luwuno tinena-Do, hangano Dopehohawa ira bawaa-Do ka po'ianga-Do. 16Sine dopasinggiri ira tinena-Do Ue Ala atuu, mokongkodeio luwuno pau-Do, ka mompopodeu-deu ira nabi-Do. Onaemo pu'uno tekuda-Do i Ue tesingka a bawaa-Do, ranta nami tepomule tekuda-Do. 17#Yer. 21:1-10; 34:1-5Ondae i Ue lumeluo mokoledo to Kasidimi umewai ira. Mokole atuu mepateako ira ponai ana ntama kontuwuado a laro raha memporido, ka nahi pinehohawa mangalitau ke ana beine, mia mota'u ke mia me'uwa. Luwuno Dopeweengakono i Ue a ngkaeno. 18Luwuno parewano Raha-Do Ue Ala, moiko anu langkai maupo kodei, saru arataa inso a Raha-Do i Ue, arataano mokole ka luwuno tadulakono, luwuno iwawao i Babeli. 19#1Mok. 9:8Domesongkoo Raha-Do Ue Ala, mpobangkuo rere watu i Yerusale ka luwuno langkanae i ra'ai domentunuakono api, ranta ropuomo luwuno parewa anu ntekokosi. 20Ondae anu da tebinta ka anu tola inso a mponai winawa i Babeli ka ondae megagi atano ka atado luwuno anano ranta Peresia uminio poparentaa. 21#Yer. 25:11; 29:10Bakanandio te'ihiiomo pau-Do i Ue anu pinauno i Yeremia, ranta wita atuu umariomo lumaloo luwuno ta'u Sabano. Wita atuu asalakono pino'inee londa i larono luwuno ta'u saba atuu, ranta sompoomo pitu pulu nta'u.
I Koresi umeheako ira mia mentinadi mpekule i witano
36:22-23
(Esr. 1:1-4)
22A nta'u ko'asa poparentaano i Koresi mokole i Perisia, Ondae i Ue lumeluo aroano i Koresi mokole i Peresia atuu, kai inihii pau-Do i Ue anu pinauno i Yeremia. Ka i'amba pinalele pau ka teburi pepopoto'ori andio a luwuno poparentaano, kanandio, 23#Yes. 44:28”Kanandiomo parentano i Koresi, mokole Peresia: luwuno poparentaa i tolino Doweeakumo i Ue, Ue Alano luwuno langi. Dotena aku mowangu raha-Do i Yerusale, anu kongko i Yehuda. Isema i olomiu tewinso bawaa-Do, po'ineeomo Ondae i Ue, Ue Alano kumongkomio, ka mo'ineeo ipelungka mekule!”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021