2 Tawarika 32
32
Yerusale ikaduo i Saniheri
32:1-19
(2Mok. 18:13-37; Yes. 36:1-22)
1Mansano luwuno peleluno i Hisikia anu metenunu atuu, haweomo i Sanaheri, mokole i Asuri sumapoio Yehuda. Ikaduo luwuno kota mebente ka montoo ta mongko'alao. 2Mansano tumo'orio i Hisikia, nine i Sanaheri aiwa ta meteaakono Yerusale, 3iputusio saru luwuno tadulako sorodadu ka puu mpetea ka inonso luwuno mata uwoi anu hinawe i bungkuno kota ka ondae atuu ntetinda mpokowalio. 4Ka i'amba tepumpuomo hadio mia. Dome'onsoo luwuno mata uwoi ka korono anu waa inso i tonga-tongano wita atuu. Dompotae, ”Tembio luwuno mokole i Asuri anu mehawe pino'inee ka dompohawe hadio uwoi?” 5Tompaano rosono i Hisikia wali wanguo luwuno rere watu anu rinongka. Ipontade ira menara i wawono ka rere watu susua i bungkuno. Ipokorosoo mbo'u Milo i kota Daudi saru moweweu hadio talombo ka kanta. 6Ipotoro ira tadulako sorodadu mpetea a mpalili. Ipumpu ira i arono a kintalano pewowa langkai kota, ka i'amba mepau mokorodoo aroado, 7”Pokorosoo ka pokorodoomo aroamiu! Siimo doito ka kodei aroa ndi mokole Asuri saru luwuno sorodadu anu perongano, hangano anu kumongkomi kita hadioopo sekono anu kumongkomio. 8Kaeno koa mia anu kumongkomio, sekono anu kumongkomi kita Ondae i Ue, Ue Alato anu mokowali kita ka meteaakita.” Palili wali merodo hangano pauno i Hisikia, mokole i Yehuda atuu.
9Umarino atuu i Sanaheri, mokoledo to Asuri, kumaduakono luwuno roso sorodaduno kota Lakisi. Itena ira ba'opia pegawaino melako i Yerusale ndi Hisikia, mokole i Yehuda, ka a luwuno to Yehuda anu kongko i Yerusale, saru pe'oliwi, 10”Kanandiomo pauno i Sanaheri, mokole i Asuri: Hapake pinerorohimiu ka impo'ia mpiha i Yerusale anu tekadu andio? 11Kombake i Hisikia mopo'o komiu, ka imemate mokoninggo ka mokoranga, saru mepau: Ondae i Ue, Ue Alato anu motola kita inso a ngkaeno mokole Asuri? 12Komba i Hisikia ke anu tumadio luwuno po'ianga pesombaa ka meda pontunua pesomba, ka ipotaeakono Yehuda ka Yerusale: Butu i arono asa meda pontunua pesomba asalakono impenggolontu mpesomba ka mpotunu pesomba i wawono? 13Nahi imento'orioke hapa anu wineweuku ka ondae uempu'uku weweuo a luwuno tongku i wita susua? Nde pinesombaido luwuno tongku a luwuno wita atuu horio mokompotolao witado inso a ngkaeku? 14Isema i olodo luwuno pinesombaido tongku anu doropu iramo uempu'uku atuu mokompotolao tongkuno inso a ngkaeku? Kana'umpe Ue Alamiu mokompotola komiu inso a ngkaeku? 15Kanandio-andio, si mpo'ineeo i Hisikia mopo'o komiu kanandio! Si mpe'ala-alao, hangano nahina pinesombaido tongku ke poparentaa isuamo koa anu mokompotolao tongkuno inso a ngkaeku ka inso a ngkaedo uempu'uku. Tamoako Ue Alamiu atuu nahi ta motola komiu inso a ngkaeku!” 16Da hadio mbo'u anu pinaudo pegawaino i Saniheri atuu ndi Ondae Ue Ala ka i Hisikia, tetenaa-Do atuu. 17Iburio mbo'u wunta anu montutundali ka tumetewehi Ira i Ue, Ue Alado to Isaraeli, unino, ”Kana'umpe luwuno pinesombaido tongku i wita susua nahi pokompotolao tongkuno inso a ngkaeku, kanandio koa mbo'u Ue Alano i Hisikia nahi Ira mokompotolao tongku-Do inso a ngkaeku.” 18Ondae mpebooliako pau Yehuda meroku a mpalili i Yerusale anu mekongko a wawo rere watu, pompokodoito ka mokompondende ira ka dompoko'alao kota atuu. 19Dompepaukiako Ira Ue Alano Yerusale kana koa mbo'u luwuno pinesombaido tongku i wawontolino, anu wineweuno kaeno mia.
Yerusale toola inso a ngkaeno i Saniheri
32:20-23
(2Mok. 19:1-37; Yes. 37:1-38)
20Mokole Hisikia ka nabi Yesaya anano i Amosi mekakai mongkona anu gagi atuu ka mebooli i suruga. 21Ka i'amba Ondae i Ue montena mala'eka anu rumopu ira luwu puu mpetea anu memoroso, mia memota'u ka tadulako sorodadu anu kongko a mpekemaano mokole i Asuri, ranta mo'o'anuno mekule i witano. Ka i'amba ana ngkoroino mepateakono ponai, tempono ipewinsokio rahano pinesombaino. 22Kanandiomo Dokaduduio i Ue i Hisikia ka palili i Yerusale inso a ngkaeno i Sanaheri, mokole Asuri, ka inso a ngkaedo luwuno iwalino. Dopoweeako ira rodoa ndi ondae a sompo siuno. 23Hadio mia mpowawa pesomba i Yerusale tia-Do i Ue ka luwuno sangka masuli tiano i Hisikia, mokole i Yehuda. Mompu'u i tu'ai dompelangkaio luwuno tongku.
Ta'u pokotompa peparentaano i Hisikia
32:24-33
(2Mok. 20:1-21; Yes. 38:1–39:8)
24Ia luwuno oleo atuu i Hisikia mahaki, ranta mingki mate. Onae mekakai ndi Ondae i Ue, ka Ondae i Ue mepau ndi onae saru moweeakono petondoni kinohali-haliako. 25Sine i Hisikia nahi pontarimakasi a moikoa anu tinisoako ndi onae, hangano onae gagi mompelangka-langkai. Onae ka Yehuda saru Yerusale i'alu ira pontekudaako. 26Sine lembuino ipokonto'orio pompelangka-langkaino atuu ka ipe'urumako meronga saru palilino Yerusale, ranta tekuda-Do i Ue nahi alu ira tempono i Hisikia. 27I Hisikia mohawe pompoli ka marambaa anu tedoa langkai. Iweweuo luwuno ponaapa arataa wulaa, salaka, watu paramata anu motungko, rampa-rampa, luwuno kanta ka luwuno sangka anu ntekokosi, 28ka ponaapa kaanga, onaemo wuano gandu, anggoro ka lana, ka luwuno kanda mperupa-rupa pinotuwu ka luwuno kanda bawaa bembe bimba. 29Iwangu ira kota, mohawe hadio bawaa bembe bimba ka sapi, hangano Ondae Ue Ala moweeakono arataa anu hadio ntu'u. 30I Hisikiamo anu buntoo waaano mata uwoi Gihoni i wawono, ka mowaao i nganga ngkorono, i sumooano oleo, i kota Daudi. I Hisikia mehasili a luwuno sinongkapino. 31Kanandio koa mbo'u teweweuno tempono luwuno tinenado mokole i Babeli aiwa ndi onae ka dompesikenoakono mongkona petondoni kinohali-haliako anu gagiomo i witano. Sine Ondae Ue Ala bintao i Hisikia Ira umarahakono, ka itino'ori luwuno ihino aroano.
32Anu susua inso a nteweweuno i Hisikia ka luwuno wineweuno anu metenunu, menteeano luwuno atuu teburi molalo pongkitano i nabi Yesaya anano i Amosi, a laro wunta tutuludo mokole i Yehuda ka Isaraeli. 33I Hisikia mate, ka kinaburu a mporakea lumako a mpekaburuado anano i Daudi. I tempo mateano, luwuno Yehuda ka palili i Yerusale mpompowee pompelangkai ndi onae. Ka i'amba i Manase, anano gagi mokole umeuo.
Currently Selected:
2 Tawarika 32: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
2 Tawarika 32
32
Yerusale ikaduo i Saniheri
32:1-19
(2Mok. 18:13-37; Yes. 36:1-22)
1Mansano luwuno peleluno i Hisikia anu metenunu atuu, haweomo i Sanaheri, mokole i Asuri sumapoio Yehuda. Ikaduo luwuno kota mebente ka montoo ta mongko'alao. 2Mansano tumo'orio i Hisikia, nine i Sanaheri aiwa ta meteaakono Yerusale, 3iputusio saru luwuno tadulako sorodadu ka puu mpetea ka inonso luwuno mata uwoi anu hinawe i bungkuno kota ka ondae atuu ntetinda mpokowalio. 4Ka i'amba tepumpuomo hadio mia. Dome'onsoo luwuno mata uwoi ka korono anu waa inso i tonga-tongano wita atuu. Dompotae, ”Tembio luwuno mokole i Asuri anu mehawe pino'inee ka dompohawe hadio uwoi?” 5Tompaano rosono i Hisikia wali wanguo luwuno rere watu anu rinongka. Ipontade ira menara i wawono ka rere watu susua i bungkuno. Ipokorosoo mbo'u Milo i kota Daudi saru moweweu hadio talombo ka kanta. 6Ipotoro ira tadulako sorodadu mpetea a mpalili. Ipumpu ira i arono a kintalano pewowa langkai kota, ka i'amba mepau mokorodoo aroado, 7”Pokorosoo ka pokorodoomo aroamiu! Siimo doito ka kodei aroa ndi mokole Asuri saru luwuno sorodadu anu perongano, hangano anu kumongkomi kita hadioopo sekono anu kumongkomio. 8Kaeno koa mia anu kumongkomio, sekono anu kumongkomi kita Ondae i Ue, Ue Alato anu mokowali kita ka meteaakita.” Palili wali merodo hangano pauno i Hisikia, mokole i Yehuda atuu.
9Umarino atuu i Sanaheri, mokoledo to Asuri, kumaduakono luwuno roso sorodaduno kota Lakisi. Itena ira ba'opia pegawaino melako i Yerusale ndi Hisikia, mokole i Yehuda, ka a luwuno to Yehuda anu kongko i Yerusale, saru pe'oliwi, 10”Kanandiomo pauno i Sanaheri, mokole i Asuri: Hapake pinerorohimiu ka impo'ia mpiha i Yerusale anu tekadu andio? 11Kombake i Hisikia mopo'o komiu, ka imemate mokoninggo ka mokoranga, saru mepau: Ondae i Ue, Ue Alato anu motola kita inso a ngkaeno mokole Asuri? 12Komba i Hisikia ke anu tumadio luwuno po'ianga pesombaa ka meda pontunua pesomba, ka ipotaeakono Yehuda ka Yerusale: Butu i arono asa meda pontunua pesomba asalakono impenggolontu mpesomba ka mpotunu pesomba i wawono? 13Nahi imento'orioke hapa anu wineweuku ka ondae uempu'uku weweuo a luwuno tongku i wita susua? Nde pinesombaido luwuno tongku a luwuno wita atuu horio mokompotolao witado inso a ngkaeku? 14Isema i olodo luwuno pinesombaido tongku anu doropu iramo uempu'uku atuu mokompotolao tongkuno inso a ngkaeku? Kana'umpe Ue Alamiu mokompotola komiu inso a ngkaeku? 15Kanandio-andio, si mpo'ineeo i Hisikia mopo'o komiu kanandio! Si mpe'ala-alao, hangano nahina pinesombaido tongku ke poparentaa isuamo koa anu mokompotolao tongkuno inso a ngkaeku ka inso a ngkaedo uempu'uku. Tamoako Ue Alamiu atuu nahi ta motola komiu inso a ngkaeku!” 16Da hadio mbo'u anu pinaudo pegawaino i Saniheri atuu ndi Ondae Ue Ala ka i Hisikia, tetenaa-Do atuu. 17Iburio mbo'u wunta anu montutundali ka tumetewehi Ira i Ue, Ue Alado to Isaraeli, unino, ”Kana'umpe luwuno pinesombaido tongku i wita susua nahi pokompotolao tongkuno inso a ngkaeku, kanandio koa mbo'u Ue Alano i Hisikia nahi Ira mokompotolao tongku-Do inso a ngkaeku.” 18Ondae mpebooliako pau Yehuda meroku a mpalili i Yerusale anu mekongko a wawo rere watu, pompokodoito ka mokompondende ira ka dompoko'alao kota atuu. 19Dompepaukiako Ira Ue Alano Yerusale kana koa mbo'u luwuno pinesombaido tongku i wawontolino, anu wineweuno kaeno mia.
Yerusale toola inso a ngkaeno i Saniheri
32:20-23
(2Mok. 19:1-37; Yes. 37:1-38)
20Mokole Hisikia ka nabi Yesaya anano i Amosi mekakai mongkona anu gagi atuu ka mebooli i suruga. 21Ka i'amba Ondae i Ue montena mala'eka anu rumopu ira luwu puu mpetea anu memoroso, mia memota'u ka tadulako sorodadu anu kongko a mpekemaano mokole i Asuri, ranta mo'o'anuno mekule i witano. Ka i'amba ana ngkoroino mepateakono ponai, tempono ipewinsokio rahano pinesombaino. 22Kanandiomo Dokaduduio i Ue i Hisikia ka palili i Yerusale inso a ngkaeno i Sanaheri, mokole Asuri, ka inso a ngkaedo luwuno iwalino. Dopoweeako ira rodoa ndi ondae a sompo siuno. 23Hadio mia mpowawa pesomba i Yerusale tia-Do i Ue ka luwuno sangka masuli tiano i Hisikia, mokole i Yehuda. Mompu'u i tu'ai dompelangkaio luwuno tongku.
Ta'u pokotompa peparentaano i Hisikia
32:24-33
(2Mok. 20:1-21; Yes. 38:1–39:8)
24Ia luwuno oleo atuu i Hisikia mahaki, ranta mingki mate. Onae mekakai ndi Ondae i Ue, ka Ondae i Ue mepau ndi onae saru moweeakono petondoni kinohali-haliako. 25Sine i Hisikia nahi pontarimakasi a moikoa anu tinisoako ndi onae, hangano onae gagi mompelangka-langkai. Onae ka Yehuda saru Yerusale i'alu ira pontekudaako. 26Sine lembuino ipokonto'orio pompelangka-langkaino atuu ka ipe'urumako meronga saru palilino Yerusale, ranta tekuda-Do i Ue nahi alu ira tempono i Hisikia. 27I Hisikia mohawe pompoli ka marambaa anu tedoa langkai. Iweweuo luwuno ponaapa arataa wulaa, salaka, watu paramata anu motungko, rampa-rampa, luwuno kanta ka luwuno sangka anu ntekokosi, 28ka ponaapa kaanga, onaemo wuano gandu, anggoro ka lana, ka luwuno kanda mperupa-rupa pinotuwu ka luwuno kanda bawaa bembe bimba. 29Iwangu ira kota, mohawe hadio bawaa bembe bimba ka sapi, hangano Ondae Ue Ala moweeakono arataa anu hadio ntu'u. 30I Hisikiamo anu buntoo waaano mata uwoi Gihoni i wawono, ka mowaao i nganga ngkorono, i sumooano oleo, i kota Daudi. I Hisikia mehasili a luwuno sinongkapino. 31Kanandio koa mbo'u teweweuno tempono luwuno tinenado mokole i Babeli aiwa ndi onae ka dompesikenoakono mongkona petondoni kinohali-haliako anu gagiomo i witano. Sine Ondae Ue Ala bintao i Hisikia Ira umarahakono, ka itino'ori luwuno ihino aroano.
32Anu susua inso a nteweweuno i Hisikia ka luwuno wineweuno anu metenunu, menteeano luwuno atuu teburi molalo pongkitano i nabi Yesaya anano i Amosi, a laro wunta tutuludo mokole i Yehuda ka Isaraeli. 33I Hisikia mate, ka kinaburu a mporakea lumako a mpekaburuado anano i Daudi. I tempo mateano, luwuno Yehuda ka palili i Yerusale mpompowee pompelangkai ndi onae. Ka i'amba i Manase, anano gagi mokole umeuo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
LAI 2021